موقف مر علي (الظاهر انه يبيلي شغل واجد عشان اتعدل )مامرعليك مثل هالموقف وقلت كذا اكيد مر عليك - نادي الهلال السعودي - شبكة الزعيم

وسن الهلالية · #1 20/11/2009, 04:52 AM

السلام عليكم

مساء الخير لاي واحد يقرأ موضوعي الصباح
وصباح الخير لاي واحد يقرأموضوعي المساء

إبحث عن الخطأ في هذه الجملتين واربح 1000 دولار نقدا

كل ماعليك هو إرسال كلمة (ولد جيرانا) او (walad gerana)

على الأرقام التالية

اخباركم
ياشباب ويابنات

المهم هذا طال عمركم عندي سالفه قاعدة في دميجتي اقولب بها
لي اكثر من 3 ايام

السالفه هي عبارة عن حادثة صارت لي قبل 3 ايام
هذا طال عمركم كنت انا واختي طالعين

هذي اختي وهذي انا

الموهيم كنا رايحين للخياط يوم وصلنا وقمت افهم الخياطة وش مطلوب يخيط لنا
طبعا محل الخياط عبارة عن محل قدامه درج
الموهيم ومالكم بالطويل لما خلصت من كلامي مع الهندي راح هو داخل محله عشان يجهز لي الفاتورة
وانا وقفت انا واختي ننتظر في هالوقت
جا 3 حريم بنتين في مثل عمري وحرمه كبيرة
وحده من البنات طلعت على الدرج عشان تاخذ خياطها من عند الهندي
لما قربت البنت مني انا لاإراديا نزلت من على الدرجة ووقفت تحت
البنت طلعت اخذت من عند الخياط القماش حقها
المهم البنت راحت واختي لما كانت كذا

صارت كذا

زعلت وعصبت وقعدت تهاوشني انه ليه نزلت وخليت البنت تاخذ مكاني وونحن لسى ماخلصنا
وانه المفروض انها توقف ورانا إلى مانخلص

يعني تلتزم بالطابور

وطول الطريق ونحن راجعين واختي شوي كذا

وشوي كذا

انا إلى هذاك الوقت ماني فاهمه اختي ليه معصبه
لما وصلنا للبيت تكلمنا وفهمت منها

انه تصرفي هذا كان عبارة عن ضعف مني انه
لازم ما اتخلى عن مكاني بما اني جيت قبل الحرمه وبناتها
لما فهمت وجهت نظرها صراحه
زعلت وعصبت وقلت
معاها حق ليه اترك مكاني وانا جايه مكانها
وقلت(آخ بس لو اني انتبهت هذيك اللحظة كان وقفت مكاني ولا تحركت)

المهم في هذيك اللحظة قعدت افكر بيني وبين نفسي
انه في مواقف كثير تكررت مني هذي الجملة إللي بين قوسين

لما تصير لي مواقف تكون محتاجه مني إلى اني احط حد لشي معين
او اني ارد رد قوي لإهانه احد لي
او ارد رد يسكت إلي يضايقني
المواقف هذي تكررت كثييييييييير
في المدرسة
في جلساتنا العائلية
في جمعاتنا مع اقاربنا
مع الصديقات
في الحوارات مع كبار السن في العائلة

مع اشخاص كثيرين وقحين قابلتهم

كانوا يحتاجون مني رد يسكتهم
او رد يلجمهم
او رد يرد اعتباري قدامهم

يعني بختصار دائما لما اتعرض لموقف
بعد ماينتهي اقول
(آخ بس لو اني قلت له كذا خله يسويها مرة ثانية معي والله لا اقوله كذا)
أو (آخ بس لو اني رديت عليه وسكته وقلت له كذا وكذا والله انه فقع مرارتي بس لو اشوفه)
أو( آخ بس لو انه يوم سوى لي كذا كان المفروض اني اسويله واقوله كذا وكذا والله انه قهرني)

سؤالي الذي يسدح نفسه مامر عليك

موقف تحسفت بعده انك مارديت فيه بشكل يرضيك
او تصرفت فيه بحزم او بطريقة ترد لك اعتبارك
او فيه مرة احد اهانك اوضايقك ولما راح انقهرت انك ما رديت عليه رد يسكته

سؤال آخر مسدوح من أول

عدم ردك الرد المناسب في الوقت المناسب
هل هو بسبب ارتباكك او انه ماكان في وقت عشان تفكر في رد خلال اقل من دقيقة
أو انك وقتها فكرت انه مافيه داعي انك ترد عليه رد مسكت
لكنك بعدها انقهرت انك مارديت عليه؟

أختكم:وسن الهلالية