كالشيو 13 .. مباريات سهلة للكبار .. وديربي الجنوب .. - صفحة رقم 2 - نادي الهلال السعودي - شبكة الزعيم

أبوحمد _ Mi · #1 19/11/2009, 08:50 PM

فورزا كالشيو

.. وهـ بس

.. اشتقنا ..

!

إخواني أخواتي .. سيداتي سادتي .. أعزائي عزيزاتي .. ليديز
اند جنتل مان .. هاهي دفة الكالشيو تعود من جديد .. لتعود
لنا الاثارة والمتعة الحقيقية في كرة القدم !!

اللي ما يعرف الدفة هذي الخشبة اللي بالسفينة ورا وتكون
بمثابة الكفرات لا جيت تلف بالموتر .. يقول الشاعر : يا
مركب الهند يبو دقلين .. ياريتني كنت ربانه .. لاكتب على
دفتك شطرين .. اسمو حبيبي وعنوانه

..

واضح من ماكتب أعلاه إني إنسان فاضي اليوم

..
واني ناوي أعطب أمها بالكتابة

فـ تحملونا الله لا يهينكم ..

.. خصوصاً إن الشباب قايلين لي ان التقديم عليك من
اسبوعين

وانا ساحب عليه .. بس زين محمد ذكرنا
الله يذكره الشهادة

..

على فكرة .. التقديم فيه انواع التعصب

.. يعني بدون
زعل

واللي بيهايط يهايط

أيوه وش كنا نقول

.. ايه الكالشيو يعود من جديد ..
وقبل ما نبدأ بالتقديم راح ناخذ فرة سريعة على أحداث
الجولة الماضية :

روما وانتر ميلان حبايب .. يالله لك الحمد

.. طبعاً
هالشي من صالح الجميع الا روما وانتر .. وتذكرون
هالمباراة واللي صار فيها .. انه حقين روما يقولون ان
لاعبي الانتر قلوبها حلبة مصارعة .. وقاموا يرافسون
ويمزعون ويبقسون على غير سنع لدرجة انه يوم طلع
يقولون انه طق يد يقول له كفك جا دورك

<< لا
عمرك تذب

.. من غير تدخل واضح من الحكم اللي
كان رخو خصوصا مع علي مونتاري اللي قال للحكم علي
الملازيم ما تطلع الاحمر

.. وابو الشباب قال جاك
يالذيب ويصفقه بهاك الاصفر اللي يحبه قلبك .. ويقولون
انه المفروض انهم مصقعين الانتر

.. والانتراوية
يقولون انه كبوة جواد من المعلم موري

.. وانه ماعاد
تكرر ان شالله .. ويقولون للاعبي روما العبو زي الرياجيل
ولا لا تلعبون

.. فنياً المباراة رائعة بصراحة .. استمتعنا
فيها كثيراً .. وكان بالامكان انها تنتهي بنتيجة اكبر من
هذي لانه فيه كم هجمة ضايعة على الفريقين ..المهم مالكم
بالطويلة هالمباراة قلصت الفارق اللي بين الانتر واليوفي
الى خمس نقاط بس .. واسألوا بندر

..

اليوفي << والله واحشني زمانك

..يصقع اتلانتا بخماسية .. واليوفاوية يقولون رجعنا خلاص
للانتصارات ومباراة نابولي زلة .. وهالفوز زي ماقلت
قبل انه خلا الفرق +5 مع المتصدر .. يعني يمديهم
ياخذون الانتر رايح جاي ويجيبون الكالشيو

.. مع
ملاحظة انه اليوفي الى الحين ماقابل احد من اندية ميلانو

..
يعني مضبطين لهم الجدول زي سلام عليكم

.. علشان
لا جا وقت المباريات الكبيرة يكونون جمعوا نقاط كثيرة
تريحهم .. فنياً .. اليوفي متأرجح .. يظهر في مباراة قوي
بدرجة خيالية وفي مباراة اخرى نشوف عدم تجانس وبعد
في الخطوط .. ولا زلت عند رايي ان اليوفي هجوميا جيد
لكنه دفاعيا سيء جداً والبركة بـ بوفون

..

ميلان << هلا بالطيب الغالي .. عزيز وشوفتك منوة

..

كالعادة ميلان يفوز على لاتسيو في الاولومبيكو ..
ويصنع الفارق لابناء ميلانو على ابناء العاصمة في
الجولة اللي راحت .. بهدفين ولا اروع مقابل هدف يتيم
للنسور .. ومن الشفاحة كل الاهداف سجلوها ميلانية

..
في مباراة كادت تشهد ما شهده لقاء نابولي قبلها بجولتين
يوم جابو التعادل باخر شي .. فنياً المباراة شهدت سيطرة
نسبية للميلان .. تواكب التطور اللي يشهده حال الفريق
في الاونة الاخيرة .. واحلى شي ان باتو

دخل قائمة
الهدافين ..

السامب يثبتون بخسارتهم امام كالياري انهم مجرد
نفيخة

.. انتفخت وفقعها اليوفي .. واللي اكلها الانتر

!

بولونيا يستغل شيبان اليوفي

ويفوز على باليرمو بثلاثة
اهداف زالايتا هدفين ودي فايو هدف .. وباليرمو لهم
هدف سجله كاير

<< والله يا انا خاقن مع هاللاعب ..
وهـ بس لو يجي للميلان بدال البرطم

..

نابولي

<< من كل ضد وضد تلقون فيه

..

عجزت افهمه الصراحة هالفريق .. بس المؤسف فيه
حالة كوالياريلا اللي مأمل على كاس العالم مع ليبي خربها
اخر مباراة وتفلت على المدرب

والله يستر لا تصير
نهايته .. عموما هم تعادلوا صفرين مع كاتانيا في مباراة
تحمل كل معاني السماجة .. والفرص المهدرة ..

ترتيب الجولة من موضوع الغالي ابراهيم

...

][][ مباريات الجولة ][][

هالجولة فيها كم مباراة حلوة وخصوصا ديربي الجنوب

..
ياخي اقدرهم هالصلب مدري ليش .. مجانين وديربيهم
دايم مجنون

..

مباريات السبت

الساعة 8 على +1

ممممم مباراة للانتر خارج الديار .. ما اتوقع انها تعوق
معهم هالمباراة الا اذا كان لزاليتا ودي فايو كلام ثاني

..
هذا يحدده مدى انتماءهم لليوفي هل هم لعبوا معه من قلب
ولا حقدوا يوم طلعوا

.. بس اتوقع ان الانتر يبي يعاني
في هالمباراة ويبي يفوز بالاخير ..

الساعة 11 الا ربع على +1

مباراة لاثبات الذات للفيولا .. وانهم منافسين جادين لأحد
المراكز المؤهلة للشامبيونز .. من وجهة نظري ان
الفيولا الاقرب لتحقيق الفوز .. وخصوصا انها في
فلورنسا .. بالتوفيق لبالوسكي

..

مباريات الاحد

الساعة 5 على +1

في السانسيرو .. أتوقعها ميلانية

.. وإن شاء الله نشوف
هدف ولا هدفين للكتكوت باتو .. اغديه ينافس على
الهداف هالسنة << والله عندي امل كبير بهالولد

..

الساعة 5 على + 7

روما بعد الاداء الجيد باخر مبارياته المحلية والخارجية
اتوقع انه يبدع قدام كراتين الماجي

.. بالرغم من الغيابات
اللي بيسدحهن الهلالي وصل

في كل جولة .. توتي
ودي روسي ومدري مين .. الا انه بيفوز بهدف يتيم من
ركنية ويسجله ميكسس

..

الساعة 5 ومب منقولة

فرصة لسامبدويستا للعودة للمنافسة على مقعد اوروبي ..
بعد كم مباراة تحوم التسبد من دل نيري

<< وهذا
اللي قلته من زمان .. دل نيري يبدع خمس مباريات همن
يحوق امها خمس ثانية .. واسالوا حقين روما

.. على
طاري سامبدويستا من يعرف جوليانو لاعبهم

؟؟ ومن
كان منافسه في الديربي ؟؟ << سؤال ما اتوقع يحله الا
شخص شايب

..

شعاركم يبو

الساعة 5 مب منقولة

احس هالمباراة يحتكون باليوفي والانتر

.. على الطاري
ليه مافيه فريق يشبه ميلان في ايطاليا

؟؟ << تهقون
لاننا مميزين في كل شي ؟؟ فيس يناظر مشهور وهو
جايبن لي مقطع فيديو عن نادي بالدرجة اللمدري كم
ويشبه ميلان

.. الزبدة المباراة سامجة وازين لكم لحد
يناظره

الساعة 5 على +4

مباراة قوية بصراحة .. خصوصاً ان لاتسيو ما بعد كرش
مدربه الى الحين .. واتوقع هالمباراة تبي تكون قاصمة
الظهر اذا مافاز .. مع ان الفوز صعب جدا خصوصا اذا
كان نابولي في يومه .. ولا اذا انطرد من لاتسيو لاعب
بالدقيقة 88

.. أتوقعها 3-2 لنابولي بطريقة دراماتيكية ..

الساعة 5 ومب منقولة

فرصة لجنوى انهم يتجاوزون كم فريق ويحتلون مركز
متقدم اذا فازوا .. وفرصة لك عزيز المتابع انك يمكن
ولاحظ قلت يمكن

.. تشوف فريق ليفورنو يهاجم
ويتخلى عن خطة 11-0-0 اللي تعودوا عليها من قبل
الهبوط

.. في هالمباراة ايميليا يبي يقابل فريقه
السابق .. تهقون اذا جاب هدف بيفرح ؟؟

الساعة 5 وما بعد طلعوا القناة اللي بتنقله

باليرمو × كاتانيا
هلا بييييييك

.. هذي المباراة ولا بلاش .. اللي وده
يستمتع ويشوف مباراة حريقه من جد لا يفوته هالديربي

..
بصراحة من كم سنة وانا اتابعه قمة المتعة

.. حتى يوم
كانت 0-0 كانت مجنونة .. اخر مباراة اذكر انها انتهت
4-0 لكاتانيا جاب فيها ماسكارا هدف مجنون من نص
الملعب على طريقة اكيلا

..

الساعة 11 الا ربع على +1

مباراة السهرة يوم الاحد .. على التورينو بيستضيف اليوفي
عيال عمهم الاودوني .. ويتوعدونهم بخمسة مثل اللي
قبلهم .. عاد ياكونتا مب فرحن الا بالهدف الخامس

<< ترا
من راسي لا تصدقون .. اتوقعها يوفاوية بثلاثية ..

والان مع هل تعلم يقدمها لكم الطالب ابو حمد ام اي

:

# هل تعلم عزيزي القارئ أن نادي باري هو اطلق فريق
دفاعيا حيث لم يدخل مرماه سوى 7 اهداف حتى الان !!
بينما جنوى اضعف خط دفاع بـ 22 هدف !

# ايضاً هل تعلم انت ووجهك أن الانتر اقوى فريق
هجومياً بـ 29 هدف .. بينما ان الصلب ليفورنو ماجابو
الا اربعة اهداف بس << والله من زين الخطة بعد ..

# هل تعلم انه سجل حتى الان 302 هدفاً في الدوري في
120 مباراة .. اي بمعدل هدفين ونصف في كل مباراة ..
<< نسبة حليوة .

# هل تعلم أن الهداف حتى الان هو انتونيو دي ناتالي بـ
10 أهداف يليه كل من هامسيك وميليتو وباتزيني بسبعة
أهداف .. ثم توتي وايتو وتريزيغية بـ ستة أهداف .. باتو

وميكولي بـ خمسة وخميسة بوجه العدو ..

# هل تعلم عزيزي ان الفرق بين التاهل للشامبيونز
والهبوط للسيريا ب 11 نقطة !

# هل تعلم أنت وخشمك ان لاتسيو وسيينا مافازوا من
عشر جولات !!

الان مع الفقرة الرومنسية :

والله وطلع لك ريش يالزين وصرت تطير

هالملوح ذا دخل قائمة اللاعبين اللي انا خاقن معهم

..
مدافع خونفشاري .. وعمره صغير .. وهدفه بالجولة اللي
راحت توحي بأن له مستقبل تهديفي ..

وأبل ما افل .. اشتأت لك

..

هالمجنون هذا يقولون انه احتمال كبير اساسي بهالجولة

..

الحب كله لو جمع عشر ذرة .. واللي بقلبي لك ملايين ذرات !!