راح أفصح لكم عن حقيقه مستشفى الجن ( مستشفى عرقة المهجور [ مستشفى الأمل ] ) .
كان ولدعمتي ساكن أمام المستشفى و قبل كم من سنة يقول لي عن هالمستشفى و أمنيتي أدخله أحب الرعب وفي نفس الوقت خواآآآأإف لكن ماكان يجيب طاري الجن فيه , لأن أصلاً مافيه جن واللي يقول لكم مظلم ولا فيه أي إضاءة كذآآب ,, 8 أدوار كلها منورهـ لكن فيه أجزاء مظلمة وبعضها مقفلة , والحمدلله حقق الله لي هالأمنية بعد سنوات عديدة ومديدة <<< متعوب عليها هالجملة ! .
المهم هذي كانت مقدمه بسيطة , ومع العلم إن دخلونا كان استكشاف لبعض أجزاء المستشفى متوقعين إننا راح نلقى اللي سمعنا وقرأنا عنه , المستشفى كبيييير بشكل ماتتصورونه وسكن المستشفى أيضا كبيييير وفخم والله من زمان وأنا أشوفه وأحسب إنه مستشفى الأمل إلى ألحين وآخر شيء طلع المستشفى المهجور اللي أزعجونا فيه , وسبب ظني إنه مهوب مهجور عشانه منور وفخم والشكل الخارجي نظيف .
والصراحة مادخلنا كل جزء فيه ,, حنا دخلنا المرافق اللي تحت في المستشفى ودخلنا الثلاث الأدوار الأولى , لأن كلها تشبه بعض ومنوره , مافيه داعي نكمل !
المهم بدت رحلتنا من بعد أذان العشاء , وصلنا هناك الساعه 7:30 وطلعنا منه الساعه 8:30 , دخلنا من عند سكن المستشفى أنا كنت خايف امشي واتلفت ولدعمتي واخوي يرمون حصى ويخوفوني ومتفقين إنهم ينحاشون عني لكن أنا ذيب كعفشتهم , بدينا من عند ثلاجة استلام الموتى <<< كيف القدحات <<< تراها صدفة ولدعمتي دخل بدون كشاف واخوي معه الكشاف وانا أراقب لهم المكان <<< خايف على نفسي مهوب عليهم هههههههههههه .
وحنا في مكان إستلام الجثث لقينا أوراق حقت الحراسة ومكتوب عليها التاريخ في عام 1415 هـ وهالورقة خطاب لرئيس قسم الحراسات في المستشفى , المهم قلت لهم امشوا خلونا ندخل في العميق رحنا وندخلنا من الدور الثاني لأن الأول مقفلينه , وبعدين خذنا كم لفة فيه وطلعنا للدور الثالث اللي فيه غرف الولادة والأشعة .
أخوي يقول أمنيتي أمسك الإضاءة اللي في غرفة العمليات , لقينا مكان أمنيته ودخلنا ولدعمتي قاعد يفتش في الأغراض ويتفرجون وأنا قاعد أضغط في أجهزة الكهرب ابي أولع الإضاءة <<< بثرررر ضغطت زر وطلع صوت مزعج كلنا ركضنا خوفاً من حراس الأمن .
المهم نزلنا ورحنا للمبنى الرئيسي ودخلنا الدور الثاني وقعدنا نحوس وندوس فيه الصراحة روعه <<< وش رايكم بالدعاية كلكم بتروحون له لا أنصحكم ماتروحون لأن مايستاهل التعب الصراحة تحطمت كنت متوقع بشوف جن وسعة صدر <<< ههههههههههه سم والله
المهم في نهاية الموضوع أحب أنبهكم وأقول إن كل اللي ينقال عن هالمستشفى نصب في نصب ولا تزورون مثل هالأماكن , لأن مكروه زيارتها , بتقولون لي ليه رحت أنت ؟ أنا رايح عشان أشوف من الصدق ومن الكذب وألحين علمتكم , معليش كاتب الموضوع وأنا امشي مليون , لأني منقهر من هالنصب اللي أسمعه واللي أقراهـ .
وعليكم السلام ورحمة الله وبركاته
افا بس افا يا هلالي معالي .. أثرك تهـك علينا وحنا فاغرين مصدقين ..
حقيقة كلامك يا كبتن مالك خطـــير :| .. قريت عن هالمستشفى كثـــييير وكثبر اللي تكلموا كلام يخلي الأقدام تتهرقل ..
يمكـــن صادف اليوم اللي رحت فيه اوف لبني الجن ؟؟ .. كلش جايز ..
يعطيــك العافية ..
أهلاً وسهلاً , بالغالي كان هنآ ,, شف الرجال ما أظلمه ولا أقول إنه كذاب , بس يمكن كان فيه مبالغة وأنا الصراحة دخلت في الليل مهوب في النهار وشفت بعيني , والصراحة الأماكن المهجورة سكن للجن لكن اذا كان الناس يزورونها دايم مثل ما زرتها أنا أكيد بيروحون .
شكرا لزيارتك المميزة
إقتباس
الرسالة الأصلية كتبت بواسطة عسيريه
.
.
ياجرأتكم
الحين لو طلع لكم شي من جد وش بتسوون ؟
أهم شي الحمدلله ع السلامه ,
الموضوع اشوف انه يستحق ان يُنشر بالإيميلات
لـ إبطال مثل هالخرافات , مع ذكر حقوق الكاتب طبعاً
الله يعطيك العافيه مالك
أهلاً وسهلاً , بعسيريه ,, والله لو طلع لي شيء أنا بنحاش وبطلق رجليني للعنان أنا امشي وافتح الأبواب واذا تسكرت أرتاع بس والله متعة المغامرة لكن ما أسوي دعاية لهالأماكن ولا أرضى بأن أحد يروح لها أنا رحت لأن أدري إن كلام الناس مبالغ فيه .
شكرا لك ولزيارتك الذهبية , ولي الشرف بنشر مثل هالأمور لإبطال الإشاعات
إقتباس
الرسالة الأصلية كتبت بواسطة الحلو المتكبر
استاذي العزيز
موضوعك ممكن يكون صحيح
بس انا اعرف ناس راحوا هناك وشافوا اللي انت ماشفته
ناس دخلوا الساعة 2 او 3 الليل
سمعوا اصوات وشافوا خيالات
وناس لقوا جرايد مالها الا 3 اشهر
والمستشفى مهجور من 18 سنة تقريبا
خاتمة :
لا يوجد دخان من غير نار
أهلاً وسهلاً , بالحلو المتكبر ,, يالغالي هذي مجرد خرافات , ويمكن صارت مرهـ وحدهـ وكبروا السالفة , لكن مثل ماقلت سابقاً إن هالأماكن المهجورة تكون مسكن للجن وإذا دخلوها الناس والزوار بيروحون مكان مايجي فيه أحد فهمت ياحلو , أنا سمعت أصوات غريبه ونروح نمشي مع هالأصوات نلقاها أجهزة إنذار حريق ولا أجهزة طبيه وعلى هذا السياق بس الوساوس تسوي اللي ماينتسوى << إفهموها .
شكرا لزيارتك حبيبي
إقتباس
الرسالة الأصلية كتبت بواسطة leader ksa
ياخي وينه هالمستشفى ؟
ازعجونا فيه البشرية ابي اروح اشوفه من برى واعلمكم ان كان فيه شي ولالا
ان كان شكله مثل البيوت القديمة اللي بديرتنا اجل تلاقي لهم فرع فالرياض
ولا مافيه شي حسب كلامك
بس جد ترى يمكن انهم ماطلعوا لكم بس السبب الله العالم
هلا وسهلا بالغالي ,, ماودي أعلمك بكرهـ تلزقها فيني يمسكونك الحراس ولا الحكومة وتقول مالك معلمني وين مكانه .
أكذوبة مستشفى الجن ~ هذه حقيقة زيارتي له ليلاً ! 
لكن ماكان يجيب طاري الجن فيه , لأن أصلاً مافيه جن
واللي يقول لكم مظلم ولا فيه أي إضاءة كذآآب ,, 8 أدوار كلها منورهـ لكن فيه أجزاء مظلمة وبعضها مقفلة , والحمدلله حقق الله لي هالأمنية بعد سنوات عديدة ومديدة <<< متعوب عليها هالجملة ! 
ولدعمتي واخوي يرمون حصى ويخوفوني ومتفقين إنهم ينحاشون عني 
لكن أنا ذيب كعفشتهم , بدينا من عند ثلاجة استلام الموتى <<< كيف القدحات <<< تراها صدفة 
ولدعمتي دخل بدون كشاف واخوي معه الكشاف وانا أراقب لهم المكان <<< خايف على نفسي مهوب عليهم هههههههههههه .
المهم .. معد صارت تسكن في الأماكن المهجورة ..
الوضع العادي
