|
أريد مشورتكم اللي عنده خبره في تحويل التاشيرات...؟؟؟ السلام عليكم روحمة الله وبركاته أريد مشورتكم ياأهل الخبره عن التأشيرات وطريقة تحويلها؟؟ عندي تأشيرتين خادمة منزليه من الجنسيه ((الأندونيسيه)) وراح أرسلها معا خادمتي اللي تشتغل عندي لأنها طيبه وبنت حلال ثلاث سنوات ماشفت منها شي؟؟؟وراح تجيب خادمتين على نظرها ومن جماعتها؟؟؟ لكن المشكله أن المكاتب في أندونيسيا أستغلاليين لأبعد الحدود ؟؟ لأنهم يستنزفون أموالنا بأسعار خياليه ومبالغ فيها وفوق هذا ياخذون ثلاث رواتب من الخادمه إذا جات السعوديه؟؟شوف الظلم؟؟ المكتب اللي في أندونيسيا طلب مني علشان يقوم بتخليص أوراق الخادمتين اللي راح أجيبهم مع تذاكر السفر مبلغ وقدره ((1500))دولار =5625 ريال سعودي وحاولت اني أعطيهم أقل من السعر هذا الا انهم ارفضو؟! وفوق هذا عطوني عرقوب؟؟يعني قالولي ظف وجهك لانهم درو ان فلوسي قليله؟؟ ألحين طرت علي فكره اني أحول التاشيره من اندونيسيه الى فلبينيه ؟؟ ولا أدري كيف التحويل؟؟؟ أرجو منكم الافاده؟؟؟ واللي عنده حل في طريقة الاستقدام بأقل تكلفه يدلني عليها؟؟؟؟؟ الله يوفق الجميع تحياتي لكم أتمنى أشوف الردود والتفاعل منكم |
طيب أقولك شيء !؟ ورى ما تمر مكتب الاستقدام تبع وزارة العمل وتسألهم !!؟ أنا أضن انه لازم تدفع من جديد قيمة فيزة جديده أو أنه تعطيهم الف ريال بصراحه ماني متأكد بس بتأكد لك عن واحد من العيال شغلته هالفيز ,, دقيت عليه مايرد شكله نايم ,, بعدين وش عندك ع الفلبين :) :) ؟ ونصيحه لك وللزمن لا تعطي الفيزة لشغالتكم القديمه لأنها راح تزرفك وانا واثق من هالشيء لأن اذكر عندنا عامل زراعي كنا معتبرينه واحد مننا وهو نيبالي تشوفه تقول ياربي مسكين تحل عليه الصدقه سوينا له خروج وعوده واعطيناه تذكرة العودة وفيزة خادمه وهدايا وبلاوي ,, وآخرتها شفتك ولا شفته :) فا أنا أقول لا تثق بأحد ماهو سعودي وتكتب عليه أوراق لأن السعودي بتحصله هنا لكن هالاغراب وين بتحصلهم باندونيسيا والا الفلبين . دمت في رعاية الله ولو صدت خبر برجع برد ثاني اخبرك ,, لكـ مودتي |
الله يعطيك العافيه وأنا بانتظارك؟؟؟ أما مايتعلق بالخادمه ولا أعطيها التاشيرات خوف منها لا تروح على وجهها؟؟والله انه معاك حق ؟؟وانت الحين خليتني اعيد احساباتي في هالشغله؟؟ تدري أخوي جاب خادمه فلبينيه بــ3000 ريال فقط؟؟؟ تدري شلون؟؟؟ أنا أعلمك؟؟ أخوي يعرفله واحد فيه خير ورجال خير بمعنا الكلمه فلبيني ؟؟ عطاه التاشيره وجابله خادمه خلال شهر؟؟ والظاهر راح أسوي مثله؟؟ والله أن مكاتب الاستقدام أكلتنا أكل ناس ماترحم؟؟؟ الله يعين عليهم؟؟؟ تحياتي لك |
أخوي سألت لك وقالوا فقط يبدأ بتقديم الطلب وكل الاوراق اللي يبونها من جديد ويمر على مكتب الاستقدام ويقول لهم ابغى اعدل الجنسية فقط ولا يطلبون منك فلوس ,, أتمنى اني أفدتك لكـ مودتي ,, |
| الوقت المعتمد في المنتدى بتوقيت جرينتش +3.
الوقت الان » 09:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd