هل تسمي طفلتك باسم حبيبك / حبيبتك؟؟ - نادي الهلال السعودي - شبكة الزعيم

فنون700 · #1 16/11/2009, 11:41 PM

اذا كنت انت من الناس الذين حبوا وعشقوا

وكنت تتمنى ان يتكلل حبك بالزواج

ولكن لم يتحقق لك ماكنت تتمناه

وكتب الله ان تتزوج انت بأخرى

وانتِ تتزوجين بأخر

فهل سوف تسمون أطفالكم بأسماء حبيبك أو حبيبتك

اذا كانت الاجابه نعم لماذا؟

ــــــــــــــــــــــــــــــــــــــــــــــــ

واذا كانت الاجابه لا لماذا أيضا ؟

باسكن روبنز · #2 17/11/2009, 01:20 AM

هلا اختي وحياك الله بيننا

اذا زوجي سمى بنته بإسم حبيبته .. وربي لتوطى بطنه

ايش هالسخافة

الحين الزوجة تحمل وتتعب وتولد واحتمال تموت أثناء الولادة ويجي هذا

ويسميها باسم حبيبته

..
هذا أسمه أنانية وإنعدام الذووق ..

وبالمثل اذا مارضيت هذا لزوجي أكيد ماراح ارضاه لنفسي

شكرا لك

ابو طـــــلال · #3 17/11/2009, 01:26 AM

88888888

إقتباس


	ايش هالسخافة

وش جايك على هالكلمة هاليومين هع هع هع

سلامة الوالدة ... عسى الله يقومها بالسلامة ويجمع لها مابين الأجر والعافية

======

زي ماقالت باسكن .. سخافة .. وماأسمي لسبب .. أنه بعد الزواج ماعاد فيه حبيبه إلا الزوجة حبيبة الأمس والحاضر والمستقبل .. وتنقطع كل سبل الذكريات ووهم الإخلاص والتضحيات حقت ( الأفلام الهندية )

تزوجت ... خلك رجال مع زوجتك ..

والحرمة تزوجت خلاص .. خلتس رجالة مع زوجك ..

شكرا لك

متآبعه بصمت · #4 17/11/2009, 01:26 AM

خليه ردي الحظ يجرب بس

وقتها يشوووووف وش يحصل

ويتحمل العواقب الوخيمه

<<<< ما بعد جاء عشان تتهددين عليه

أصلا اللي يسوي هالحركه ما عنده لا ذوق ولا تربية ولا أصل ولا فصل ولا مستوى ولا تخصص ولا شهادة

وجــدان · #5 17/11/2009, 01:34 AM

.,

ايه ابسمي ومالكم دخل

-> قمة البجاحه

انا صراحه ماشوف فيها شيء من الناحيه الشرعيه !
عشان كذا عادي بيسميها يأسم حبيبته هو حر بس لازم الاسم يكون حلو والا مستحيل اسمح له

متآبعه بصمت · #6 17/11/2009, 01:37 AM

إقتباس

الرسالة الأصلية كتبت بواسطة وجــدان


	., ايه ابسمي ومالكم دخل -> قمة البجاحه انا صراحه ماشوف فيها شيء من الناحيه الشرعيه ! عشان كذا عادي بيسميها يأسم حبيبته هو حر بس لازم الاسم يكون حلو والا مستحيل اسمح له

ما فيه غيره !!!!!!!!
مو قصدي تغارين منها !
قصدي تغارين عليه من الهوى الطاير !!!

يا شيخه واللهِ لأرتكب جريمة وأرميه هو وحبيبته مع الجسر الجديد

فـيـلـسـوف زمـانـه · #7 17/11/2009, 01:38 AM

إقتباس

الرسالة الأصلية كتبت بواسطة متآبعه بصمت


	خليه ردي الحظ يجرب بس

ما أدري ليـه أحـس في إيجابتـكم تمنن على الرجـال

ردي الحظ <<< وانتي زوجـته خوش زوجـة

بدال ما تقولين بعد عمري

ولا حيـاتي

خرجنـا عن المـوضوع

أنا لا أؤيد ها الفكـرة
يسميها على اسم امـه أفضـل له

متآبعه بصمت · #8 17/11/2009, 01:43 AM

إقتباس

الرسالة الأصلية كتبت بواسطة فـيـلـسـوف زمـانـه


	ما أدري ليـه أحـس في إيجابتـكم تمنن على الرجـال ردي الحظ <<< وانتي زوجـته خوش زوجـة

لأنه لو بيسوي هالحركه بيكون ردي حظ من جد

باسكن روبنز · #9 17/11/2009, 01:50 AM

إقتباس


	يعني عادي يكون عنده حبيبه , بس مايسمي على أسمها !!

صاحبة الموضوع تقصد حبيبة قبل الزواج

انا علي منه بعد الزواج أما قبل الزواج بكيفه

لانه لو بعد الزواج وبيكون عنده حبيبه فهو

وجدان

يالدوبة

ترى وربي بذبحك

..صح من الناحية الشرعية مافيها شي

لكن من باب الذوق واحترام مشاعر هالزوجة الي تضحى عشانه

اذا كذا اوكي حتى هو يقبل ان زوجته تسمي طفلها بإسم حبيبها او ممثل تحبه

Mr.Scrub · #10 17/11/2009, 01:39 AM

ياااااااااااوك زوجتي تسمي على أسم حبيبها , راح أكون مبسوط جداً

إقتباس


	اذا زوجي سمى بنته بإسم حبيبته .. وربي لتوطى بطنه </B>

يعني عادي يكون عنده حبيبه , بس مايسمي على أسمها

!!
,

إقتباس


	والحرمة تزوجت خلاص .. خلتس رجالة مع زوجك ..

الله الله , كلام كبير

ذكرتني بواحد يقول كل يوم بطلع مع زوجتي للبر .. نقول له .. ليه !!
يقول علشان تتعلم علوم المرجله

< يسمع بهآ

فنون700
شكراً لك

™® عــذب الســـجايا ®™ · #11 17/11/2009, 09:35 AM

إقتباس

الرسالة الأصلية كتبت بواسطة متآبعه بصمت


	خليه ردي الحظ يجرب بس وقتها يشوووووف وش يحصل ويتحمل العواقب الوخيمه <<<< ما بعد جاء عشان تتهددين عليه أصلا اللي يسوي هالحركه ما عنده لا ذوق ولا تربية ولا أصل ولا فصل ولا مستوى ولا تخصص ولا شهادة

وأنتي على بالك انه بيعلمك انها ع اسم حبيبته هههههههه بس مؤيدك بكلامك

بالنسبه للموضوع

اعتقد زوجتك او زوجك هو حبيبك اولا واخيرا

واذا غير كذا لاتتزوج ولاتتزوجين عنسي احسن

لانه اذا تعلقتي بغير زوجك او زوجتك ماراح تحسين لحياتك طعم وراح

يكون مصيركم الانفصال

تحيااااتي

الســفيرة · #12 17/11/2009, 01:46 AM

لاطبعا ماراح اسمي ولا بسمحله يسمي

احنا دخلنا حياه جديده ماراح اخلي شي يذكره بالماضي

abo_nasser · #13 17/11/2009, 02:04 AM

خخخخخخخخخخخخخخخخخخخخخخخخخخخخـ فيه ردود نكته..

الحين لو فرضا مسكة معي اني باسمي باسم حبيبتي..

يا ناس بلا اسمي وبلا مبزره..

هل فيه عاقل بيروح يقول لزوجته عندي حبيبه قبلك..؟؟

او يقولها باسمي بنتي ع اسم حبيبتي..؟؟

العاقل اللي مثلي وشرواي ما بيقول...الا بياكل تبن عشان لا تلعن خامسه ويسمي من دون ما تدري..

فلذا انا راح اسمي

..بس من دون ما تدري المدام انو فيه حبيبه وزحمه..

فنون..

تشكرااااااااات

سلاااااااااااااااااااااااااااااااااااااام

^ العنود ^ · #14 17/11/2009, 02:11 AM

إقتباس

الرسالة الأصلية كتبت بواسطة abo_nasser


	خخخخخخخخخخخخخخخخخخخخخخخخخخخخـ فيه ردود نكته.. الحين لو فرضا مسكة معي اني باسمي باسم حبيبتي.. يا ناس بلا اسمي وبلا مبزره.. هل فيه عاقل بيروح يقول لزوجته عندي حبيبه قبلك..؟؟ او يقولها باسمي بنتي ع اسم حبيبتي..؟؟ العاقل اللي مثلي وشرواي ما بيقول...الا بياكل تبن عشان لا تلعن خامسه ويسمي من دون ما تدري.. فلذا انا راح اسمي..بس من دون ما تدري المدام انو فيه حبيبه وزحمه.. فنون.. تشكرااااااااات سلاااااااااااااااااااااااااااااااااااااام

صادق ابو ناصر ,,

يعني هو وش عرفه ان هذا اسم حبيبي ,, مااتوقع مجتمعنا فري بهالموضوع ,,

ثاني شي بالعقل يعني انا تزوجت وخلاص نسيت حبيبي ’’

اجي اسمي ولدي على اسمه خييير مابي انسى انا

الـمـشـاغـب · #15 17/11/2009, 04:09 AM

إقتباس

الرسالة الأصلية كتبت بواسطة abo_nasser


	هل فيه عاقل بيروح يقول لزوجته عندي حبيبه قبلك..؟؟ او يقولها باسمي بنتي ع اسم حبيبتي..؟؟

يا لبى قلبك يا معفن وربي كنت أقول مثلك وش هالعضوات المخفات اللي فوق

وحدة تقول بأذبحه .. والثانية تقول يا ويله بروح بيت أهلي .. والثالثة مدري ايش

يا شيخ عضوات هالمنتدى يبي لهن جلد كل إثنين وخميس عشان ربنا يرضى علينا ويجينا مطر خخخ

بالله يا عضوات يا كريمات يا فاضلات .. الحين لو يبي يسميها باسم حبيبته ( شعفة مثلاً )

وش بيدرّي أهلك أن هالاسم اسم حبيبته؟

على العموم اللهم لا تؤاخذنا بما فعل السفهاء منا ..

نجي لجواب السؤال الحين : اللي أنا أشوفه ( بكل موضوعية ) أن ما فيها شي يسمي باسم حبيبته بشرط عدم ظلم الزوجة في المعاملة ..
أما عن حبه وقلبه فهو مو ملكه ولا يقدر يتصرّف فيه .. ولا نقدر حنا نواخذه في هالجانب ..!
طبعاً جاوبت بموضوعية .. وما يعني هذا أبداً أني لي حبيبة ( أو حبيبات ) عشان أسمّي عليهن

ونرجع نقول .. يبي للي فوق جلد إن كانكم تبون المطر