صراحة يا شباب انا مشتاق مرة للفوز الهلالي اللي له طعم ... ترا المباراة اللي راحت تعادل مع الرياض واللي قبلها هزيمة من الاهلي ..

اشتقت لايام الفوز باربعة صفر ... ثلاثة واحد ... اشتقت اشوف هداف هلالي ... اشتقت اشوف كل الجرايد تمدح في الهلال ..
ماتدرون قد ايش انغبنت لما قريت واحدة من الجرايد تمدح في الاهلي وتمدح في داين فاييه ... وتمدح في الاتحاد وسيرجيو ..

صراحة انا مليت من التعادل او الفوز الخايس ... لين متى؟؟؟

ردوا علي يا اعضاء الشرف ويا ادارة الهلال ؟؟؟؟؟؟؟؟؟؟؟


--------الموهوب اللهلوب ........

السلام عليكم وبعد:-

والا والله مشتاقين بالحيل.... لكن.... في ظل وجود الكاتو... والخطة العقيمة ... وعدم وجود المهاجم الكفؤ..... ماراح نشوف الفوز الكبير.....

والله انك صادق...من زماااااان ماشفنا هداف للفريق... ولا حتى هداف هلالي للمسابقة
...... بس والله الهلال معذور ... اللاعبين في اغلب الموسم مع المنتخب.... او وجود اصابات او ايقافات... مثل ما وقفوا الجعان وغيره...بدون اسباب واضحة....

لكن انشاء الله لازم نتفاءل بخير... فالهلال في استراحة محارب عقب الثلاث بطولات الي جابها............

ومشاء الله عليك يا( الشلهوب) موضوع ورا موضوع... عيني عليك باردة .... هاهاها......بس الله يخليك عطني موضوع..لانه خلصت مواضيعي.....

تقبل خالص تحياتي.. اخوك عاشق الموج الازرق: الريان

حبيبي ريان ... تكفى لا تذكرني بالكاتو ولا غيره .. انا ابي اغمض عيوني .. واشغل اغنية هادية .. واروق ... واتخيل الهلال .. الهلال الصدقي مو ذا الهلال اللي صراحة بديت قبل كل مباراة اتنرزف واتطاق مع كل اللي حولي .. خلني انسى ذا الهلال واتذكر ايام سامي .. وايام الشلهوب .. ما ابي ابعد مرة .. ابي اوصل اخر شيء لايام البطولة العربية اللي جابها الهلال قدام الترجي التونسي .. يوووه .. تذكرون .. ابي اتذكر ايام اوسكار .. ويوردانيسكو .. ابي اذكر ايام السوبر الاسيوي .. وايام بندر بن محمد

اقول يا شباب ورا ما تجوون تذكروني .. وتوسعون صدري شوي ..

رجاءا اذا جاء احد يحط رد الله لا يهينكم شوي شوي عشان ما ارتاع ..

------------ الموهوب اللهلوب ...