في كلية الطب : يوجد اختلاط بين الجنسين......ولكن يفصل بينهما تقريبا 6 كراسي.
وهناك ايضا يقوم الدكتور بشرح الدروس لبنت ( اعتقد انها كانت تحضر لدراسات عليا) لوحدها في غرفه واحده_ بدون حواجز_ والباب مغلق.
سؤالي : لماذا هاذا الاختلاط؟ وهل ترضى على اختك مثل هاذا؟ علما ان هناك شباب ( على قولة الشباب ينقال عليهم ....قطعة من جمالهم.... ) ولا تقولون من تخاف من ربها وتحافظ على دينها .....انشالله ما يجيها شي. لانها لو كانت تحافط على دينها ....ما رضيت بالاختلاط من البدايه.



في جامعة الملك سعود ( البنات) .....يشرح الدكتور للبنات بوجود حاجز و مايك. نقول هاذا ممكن نمشيه.....لانه هذا الظاهر لنا......اذا حبيت تعرف المخفي.....اسأل اختك أو أي وحده بالجامعه.
ستعرف بعض النماذج لدكاتره لا يخافون الله ويستغلون الطالبات بسبب الدرجات:
الحاله : الدكتور سهيل ( يدرس 103 عرب) اردني....يقول للطالبات : أي وحده عندها سؤال تتصل على الساعه 2 بعد منتصف الليل. ومن تتصل من البنات .....تاخذ عنده أ+.
هذا غير الكلام اللي يحدث في القاعه......من كلام غزل الى حب وغرام.( وانا في اعتقادي ان بعض البنات تقول في نفسها....ليه ما اتصل عليه....وكلها مكالمه وحده ماراح تأثر)
ملاحظه : من نتكلم عنهم هم بعض من كل ولا أعمم.
من الدكاتره الملتزمين جدا : الدكتور محمد السعيدي( وفقك الله.....بس اسئلتك صعبه شوي).

سؤال....هل ترضى ان تستخدم اختك النت للدخول الى المنتديات او الشات؟ ارجو الاجابه على هاذا السؤال.

الله يستر على بنات المسلمين
والله انك جيت على جرح ي 5 جروح
فعلا المفروض البنت العاقله ماتسير الى هذي الامور
واعتقد ان كثير من البنات اللي في الطب
لايدرسون لكي يكون الطب مصدر رزقهم الاول
لاعتقادي بان كثير منهم يتمتعو بدخل جيد او فوق الجيد
والتحصيل العلمي بالنسبة لهم شيء من الهاجس لاثبات انها تتمتع بارقى المكانه بين مجتمعها لا اقل
وخليني اسال كل بنت من هؤلاء
ما الفرق لو انك تخرجتي من كلية الطب او كلية الحياء والامومه ؟؟
دعوني اجاوب لكم من وجهة نظري
المتخرجه من الطب ترى في نفسها الكثير والكثير وانها لاتزال في حاجة للاستزاده وان الذي عندها دايما قليل وان التطور في الرئويه العالمية والعقول الاجنبيه ((للاسف نظره فيها شي كثير من الصحه))
حتى هذا نفس ما اقوله لنفسي تعرفون لماذا ؟
لاننا مجتمع عالم ثالث ""يعني تبعي للاسف ""
ناتى الى المتخرجه من كليه الحياة قسم الامومه
هي اعلى تفكير في عقلها انها كيف تجعل ولدها بصحه جيده وكيف تلبسه ومتى يقوم الى المدرسه وتلك الاشياء التى نعرفها مع والدينا القدامى
هل رايتم كلا التفكيرين مختلفين وكلهما صحيح
الحديث يطول عن هذا ,,لكن ساكتفي بما قيل
لكن هناك سؤال مهم
ال من هذين الكليتين اقرب الى عقل وطبيعه المراة عندنا
؟؟؟
سؤال انتظر اجابته من اخواتي واخواني الذين قرئو ردي



اما بالنسبة الى سؤالك الاخر
فلا تعليق ..لاني فعلا في حيره من الاجابه
شكرا 5 جروح

اقولكم شي ؟؟؟

ليه ندرس !!! نقعد في البيت احسن لنا بعد قولو كذا !!

احسن شي يحبسوننا في البيت ويقفلون الباب علينا شرايك

واي مجال تدخله البنت ماله دخل في المدخول هذا مستقبلها وهذا القسم اللي ترغب فيه اهي ...

وعلى الاختلاط ومدري ايش والدكتور يدخل عليهم عادي لانه بيعطيهم المحاضره اللي عليهم وبيطلع وش بيسوي بعد ,,,

ووالله قالبيها كله على البنات كأنه مافي خلق غير الله الا البنات كانكم انتو يالشباب مو موجودين بريئين ماتسوون شي اسم الله عليكم ..والمشاكل اللي تجي كله بسببكم ..


هل ترضى ان تستخدم اختك النت للدخول الى المنتديات او الشات؟

اصلا اللي بيمنع اخته انها تستعمل النت هذا واحد يسوي البلاوي وخايف ان اخته تصير مثله ,,

كلن يرى الناس بعين طبعه ..

والله انك ياهالملكه خبلا من جد
والله يعجبني البنات اللي زيها ..جريئه ماشاء الله عيني عليها بارده

((ودي اناقشك بصفتك بنت ))
ملكه
امني فهمتي من كلامنا ان البنت ما تتعلم
لا طبعا مو قصدنا ان البنت ما تتعلم
احنا قصدنا في ان البنت تتعلم متى ما تهيئة لها الظروف المناسبه
بمعني كلية الطب مثلا
المحاضر رجل ويدرس بنات اوكي
طيب تخيلي لو كان الدكتور بنت وتدرس عيال
وش راح تقولي
اكيد حتقولي هذولا ماعندهم رجوله مخلين هالحرمه تدرسهم ما يستحون رجال طول بعرض تدرسه حرمه((صح ولا لا لا ))
نفس الكلام ينطبق على اللي احنا نتناقش فيه او اللي كنا نقصده

اما بخصوص السؤال الثاني
فالرجال قصد عرض وجهات النضر لا اقل ولا اكثر
وانتي جيتي مندفعه شوي
يعني لو احد قال ان البنت تدخل نت شنو المشكله
فالشخص هذا له وجهه نظره وهو مقتنع فيها
ولو قال لا فايضا له وجهة نظره المقتنع فيها

رساله خاصه للملكه
روحي لهذا الموضوع وابغى اقرى ردك عليه
لان ما فيه احد منكم يالبنات تجرا ورد هناك
http://alzaeem.com/vb/showthread.php...5&pagenumber=2

مشكور شموخ ........... فاهمني لأبعد الحدود
يا جماعه الاختلاط اللي اقصده:
شباب مع بنات ......... فاهمين....يعني لو طلع الدكتور لمدة 5 دقايق ......شنو توقعون بيصير....الضحك والفرفشه والنكت............الخ
كل واحد يبي يخلي البنت تعجب فيه.
ومثل ما قال شموخ على السؤال الثاني ......مجرد وجهة نظر؟
وانا واحد من الناس اللي يمنع اهله من استخدام النت ...... الا في حاله وحده ..... اذا انا كنت معاهم ( وهذا الشي يتم في حالات نادره .....بحث ... دراسه.....الخ ) و اعتقد ان اغلب من في المنتدى على هاذه الشاكله.........واذا تبين تتأكدين يالملكه ....... أسأليهم سؤال مباشر.....قوليلهم..تخلي اختك تستخدم النت والا لا وشوفي الرد......اسألي سليمان ...حنتلمان...المشرفين كلهم. الاعضاء الباقين.
وبعدين _ وين_ نسوي بلاوي:
مية ابو الف موقع مسكر....... وين البلاوي اللي تقولين عليها.
شموخ.......الف شكر.

انا لله هل بنات مشكله يقعدون يقولون كلام وفي الاخر يا لتني ما سويت ولا فعلت لا حول

هلا والله ..

اقوول شموخ والاخ الكريم 5 جروح خلكم واقعيين اوكي ..

والحين الحمد لله مافي اختلاط بين العيال والبنات ..ماغير ان الدكتور يشرح المحاضرات للبنات وهذا عادي ..مافيها شي ..

طيب تخيلي لو كان الدكتور بنت وتدرس عيال
وش راح تقولي؟؟؟؟

لا مايصير حراام خخخخخ ..غير اذا كان الرجل يدرس البنات ,,,عن ان البنت اهي اللي تدرس الرجال ..

ايه بقول كذا ..بس واقعنا كذا ولاتحط في بالك اشياء خياليه ...

وانا اكرر واقول لك كل وحده وميولها الى المجال اللي تبيه ..لاني رح اكون طبيبه انشالله خخخخخخخ ..ورح اجي لك واعالجك لاني احس انك مريض عقلانيا ههههه ..

وانا واحد من الناس اللي يمنع اهله من استخدام النت ؟؟؟

طيب انت ليه تستخدم النت ؟؟ المفروض بعد اهلك يخافون عليك مثل ماانت تخاف على خواتك المفروض ابوك يجلس معاك يشوف المواقع اللي انت تدخل عليها خخخخخ ..

لها الدرجه يعني ماتثق في اهلك ؟؟
((( سوري على هالكلمه )))

المهم مثل مااقلتو كلن له وجهة نظره ,,,

اختي الملكه طالبين وجهة نظرك.......بس مو من حقج انج تجرحين اي واحد فينا.
وبعدين حبيبة قلبي: اذا كنت امنعهم من الشات والمنتديات......... ويعني بشكل مباشر تكلم شباب....
هاذا مو معناته عدم ثقه......بالعكس انا افتخر اني اسوي هالشي.......
على فكره ممكن اكلم واحد من اخوانك ؟ ابي اشوف طريقة تفكيره اتجاه هذا الشي.
وبعدين حنا ماخذين السالفه جد.............ماله داعي هالضحكات ( خخخخخخ). تدل على استهزائك ..وبالتالي.....سوري على هالكلمه: نعتبر ردك تمضية وقت لا اكثر ولا اقل ( يعني تحصيل حاصل - يعني بالعربي مو مهم ).
ما قلتيلي سألت الشباب والا لا........يمكن كلهم عندهم ثقه في أهلهم.
ممكن تقوليلي شنو الفرق بين مكالمة التلفون و الشات؟؟؟؟؟؟؟؟

وبعدين من قلة الدكتورات ........ يخلون الدكاتره تدرس.

هل تعتقدين ان تفكير البنت زي تفكير الشاب ( ناقصات عقل ودين) نادرا ما تخلي عقلها هو المسيطر.
دائما العاطفه تغلب على تفكيرها.

و تبين تصيرين طبيبه
يعني توك ما تخرجتي.....
شنو الفرق بين تفكير طالبه بالثانوي..... مع بنت في اخر سنه بالجامعه.

بعدين فيه كتاب اسمه اداب الحوار ........ يا ريت تشترينه
وتقرينه

إقتباس إقتباس من مشاركة 5 جروح بعدين فيه كتاب اسمه اداب الحوار ........ يا ريت تشترينه وتقرينه

هلا ياجماعه
5 جروح
لاتاخذ على البنيه(الملكة)تراها خبلا مخلصه وتتكلم دايم كذا حتى عند اهلها يقولولها يبنت اركدي وش فيك هدي انتى بنت خليك عاقله
بس والله انها رهيبه يعجبني جرائتها
لايهمك هالشتايم اللي تقولها ترى من ورى قلبها ..بس تسوي في نفسها انها حشريه وقشرا وباين عليها انها اكبر اخوانها ومايردو وكلمتها ماتنزل الارض
وترى هذي وجهات نظر لاتاخذ على خاطرك منها بسبب وجهة نظر ولا والله ان يجيك الضغط والسكر من الردود

وانتي يالملكه
انتى تبغى تصيري دكتوره
الله د.ملكه حلو كشخه الاسم
بس لاتنسي هالشي يبغاله اجتهاد ومثابرة مو بالتمني

وبعدين تعالي قولتك
لها الدرجه يعني ماتثق في اهلك ؟؟
((( سوري على هالكلمه )))
لو الثقه لوحدها كافيه بدون حفاظ واشتراط كان الدنيا بخير ولا صار مصايب ولا مشاكل

وياجماعه تر كل المساله ااخذ وعطا يعني هدو اللعب

تمون يا شموخ والا تبيه يصير و يتنفذ