موعد صدور الإسطورة Natal + سعر الجهاز - نادي الهلال السعودي - شبكة الزعيم

الموهوب الإنتراوي · #1 11/11/2009, 10:52 PM

السلام عليكم ورحمة الله وبركاته

ظهور اخبار قوية حول مشروع Natal

ذكر الصحفي باتريك انه حصل على معلومات قوية عن مشروع نآتال
حيث أكدت مصادره على أن مشروع نآتال سيتم الإفراج عنه في نوفمبر القآدم
وأن سعر القطعة بمفردها لن يتجاوز الـ 50 جنيه إسترليني كحد أقصى وأضاف قائلاً :
عام 2010 سيكون حافل بالنسبة للـ Xbox 360 حيث أن هناك14 لعبة ستصدر في العام المقبل وستتوافق مع تقنية ناتال
وفي بداية صدور جهاز ناتال سيتم بيع5 ملآيين قطعة

vg247

الجهاز بينزل بعد سنة من الآن بالضبط + قيمة الجهاز بالريال السعودي , 322 ريال

Chicharito.14 · #2 12/11/2009, 09:17 AM

هنيئاً لكم

إضافة قوية للـxbox

يعطيك العافيه

azooz-yasser · #3 12/11/2009, 10:12 AM

مشكووووووووووووور وماااااااا قصرت

&وافي الوعود& · #4 12/11/2009, 10:13 AM

والله من التعب والسماجه بناتال

ع العموم الله يهنيكم فيه

الموهوب الإنتراوي · #5 12/11/2009, 12:28 PM

حيآكم اعزائي

إقتباس

الرسالة الأصلية كتبت بواسطة &وافي الوعود&


	والله من التعب والسماجه بناتال ع العموم الله يهنيكم فيه

الي مايطول العنب حامض عنه يقول

مقطوع راسي · #6 12/11/2009, 12:36 PM

أماااااا عاااااد ..!!

ياخي من جدك تتكلم أنت ..؟!

<~ هذا المستخدم ما يعرف وشي تقنية نادال ..

طيب ياليت تشرح لنا وش تقنية ناتال يا آستاذ موهوب ..

علشان نعرف وش هي من لحية .. ونستطيع تحليل الخبر بشكل يوازي طبيعة الحال ولا يتعارض مع خطوط العرض ..

.. كل الشكر

naiF' · #7 12/11/2009, 04:31 PM

إقتباس

الرسالة الأصلية كتبت بواسطة مقطوع راسي


	أماااااا عاااااد ..!! ياخي من جدك تتكلم أنت ..؟! <~ هذا المستخدم ما يعرف وشي تقنية نادال .. طيب ياليت تشرح لنا وش تقنية ناتال يا آستاذ موهوب .. علشان نعرف وش هي من لحية .. ونستطيع تحليل الخبر بشكل يوازي طبيعة الحال ولا يتعارض مع خطوط العرض .. .. كل الشكر

جهاز تحرك نفسك يتحرك اللاعب

شوف المقطع اعلاه وبتفهم

مشكور يالموهوب بس ماتحس انه رخييص مررهـ ؟

U S A M O V I C · #8 12/11/2009, 10:59 AM

يا سلام

والله اضافة قويه فعلا

إقتباس


	قيمة الجهاز بالريال السعودي , 322 ريال

واو سعر مناسب ورائع جدا !

رجل من عالم آخر · #9 12/11/2009, 12:38 PM

وشو ذا اخوي . لاني متحمس علشان اعرفه

9 مشتاق للذيب سامي 9 · #10 12/11/2009, 12:59 PM

^^^^^^^

اللي يشوف هالفيديو بيعرف

اضغط هنا

..........

بعد سنة . . والله طويله !

يعطيك الف الف عافية حبيبي عبد الرحمن <صح ؟

دائما متواصل ..

اخوك / ابو حسن

مقطوع راسي · #11 12/11/2009, 06:30 PM

إقتباس

الرسالة الأصلية كتبت بواسطة 9 مشتاق للذيب سامي 9


	^^^^^^^ اللي يشوف هالفيديو بيعرف اضغط هنا .......... بعد سنة . . والله طويله ! يعطيك الف الف عافية حبيبي عبد الرحمن <صح ؟ دائما متواصل .. اخوك / ابو حسن

آآآآآآآآآآآآآآآآآآآآآآآآآآآآآآآآآآآآآآآع ..

.. <~ طب من السطح ..

اللحين هاللي بالمقطع .. صدق ..؟!!

بس ما أشوف يد وين رآحت ..؟!

لو كان صدز هاللي بالمقطع .. عز الله العالم حولت لـ Xpox بدون أدنى تفكير ..!

9 مشتاق للذيب سامي 9 · #12 12/11/2009, 06:40 PM

^^^^^

هههههههـ

ايه هذا حقيقي ..

لا حاجة لليد بمشروع ناتال ..

مقطوع راسي · #13 12/11/2009, 08:06 PM

إقتباس

الرسالة الأصلية كتبت بواسطة 9 مشتاق للذيب سامي 9


	^^^^^ هههههههـ ايه هذا حقيقي .. لا حاجة لليد بمشروع ناتال ..

واللي ما عنده Xtbn وش يسوي ..؟!

أصلاً التقنية هذي حقت بزآرين ..

لقد عُرف عن رجال الجزيرة على مر الأزمان .. الشجاعة والنخوة .. إضافة ً إلى الثقل ..

كيف تقعدون تناقزون وتنهبلون مثل كذا ..؟؟!

لا لا .. هذا لا ينبغي أبداً ..

صدق أنت يالرجل بكبرك بتسوي هالحركات ..؟!

.. يا من في قلبه ذرة خردل من ثقل .. يمدحون الـ PS3 ..

إقتباس


	اهلا حبايبي بالنسبة لمقطوع : ناتال بتكون رصاصة قاتلة للشركات المنافسة وحسب ماسمعت اللكاميرا لن تكون فقط على الأكس بوكس وإنما لكل منتج صنعته مايكروسوفت يعني تقدر تستفيد منها في اجهزة الكومبيوتر PC وغيرها

. يعني اللي بـ يشتغل عالفوتوشوب [ مثلاً ] بـ يقعد يناقز كذا ..؟!!

طيب إذا فيه دكتور بـ يقدم بحث لجامعته .. بيقعد يطامر بالـ Word كذا ..؟!

<~ تخيل شايب يقعد يطامر ويناقز ويقاتل .. ما تركب أبد ..

~> بالعكس يجلد خصومه بـ عصاه ..

.. يجيك واحد يدخل يشوف أبوه يناقز كذا

..
هااااااه وشبك يبه .. عسى ماشر ..؟!

لالا بس بغيت أشغل الجهاز ..

!.. " والله يا بـ يجيكم ذب غير طبيعي يا أكسبوكسيين " ..!

ღ Lover Barca ღ · #14 13/11/2009, 07:16 PM

إقتباس

الرسالة الأصلية كتبت بواسطة مقطوع راسي


	لو كان صدز هاللي بالمقطع .. عز الله العالم حولت لـ Xpox بدون أدنى تفكير ..!

أنا عندي الجهازين الـ PS3 + Xbox 360 .. وبكل صراحة بديت أسحب على البلايستيشن

!!
لأنه بصراحة الـ Xbox يتفوق على البلايستيشن بميزات رائعة .. وشبكة اللايف أحسن بـ مليون مرة من البلايستيشن نتوورك !
المهم نجي لـ ناتال / صراحة إضافة قوية للاكس بوكس .. يعني مثلا تلعب بتيكن وتقوم تضرب في الهواء وتناقز .. فلللله

..
والحمدلله سعرهـ مناسب جداً .. 320 ريال تقريباً وماظنيت بيجي للسعودية بهذا السعر راح يزود كم قرش وبيلعبون علينا هالبنغالية

!

شكراً أخوي الموهوب

الموهوب الإنتراوي · #15 12/11/2009, 01:16 PM

حياكم جميعاً ,,
المشكلة الوالد لاشافني اطامر زي كذا بيقول ذا انهبل