السلام عليكم ورحمة من الله وبركاتة
هذا .. لا مب هذااا ..
عيل هذاا .. لا لونه اشوي غير عن هذااا ..
شوفي فوق في الكبت ...
عيل أكيد هذااا .. لاا مب هذااا
تعال دور معايه ما حصلته ..
موجوود بس انتي ما تعرفين اي واحد هو ..
انزين خلاص .. تعال دور اروحك .. لاني ما اعرف اي واحد تقصد ..
>>>> نقصد ( الطربوشة )
::
عطيني كندورتي ..
أي وحده بالضبط ..
اللي معلقه .. وااايد معلقات ..
البيضه ..؟؟ لااا ..
اللي لونها بيج .. الختم .. اهاااا قول الخيمة
::
أي غترة تبى ..البيضة ؟؟ لااا .. الحمره اللي مكتوب عليها البسام ..
المخططه .. هي .. هاذي هي .. >> واخيرا عرفت
>> دومنيه اتفشل .. لكن هالمرة انتصرت
^
^
^
تعرفون عن شو اتكلم ..؟؟
شوفو الصورة وبتعرفون ..
\
\
>> والله ذبحونا الرياييل ما عرفنا شو من الكنادير يبون .. او النعله وانتو بكرامه ..
كندورة ريلي جنها خيمه ..
على قولت واحد سعودي .. من يفصخها اتم واقفة مكانها .. كانه حد لابسنها ..
بس مع ذلك الكندورة اتخلي الواحد يكون شخصية ..
يعجبني الثوب السعودي .. خفيف .. ومخصر ع الجسم
انتو السعوديين احسكم مخنوقين من الكندورة مالتكم ..
خاصة المشاغب ما اعرف ليش يمكن من اسمه
مرات اشوف التيلفزون .. ابا ادخل ايدي وافتح الازرار ماليلكم خخخخ
مره من المرات يوم ييتكم .. في الرياض .. وكنا في احد الفنادق ..
فجأة دخل عليا واحد في الحجرة .. متلثم .. بالشماغ ..
جان اخاااف ..
ابا انادي اي حد عشان ينقذني ..
تعرفون منو طلع...
طلع ريلي ..
الاخ لابس له الثوب السعودي المخصر ع الجسم ..
ما ادري اصلااا كيف دخلت كندورتكم فيه ..
بس اتخيلو معايه ..
يوم رحنا السوق عندكم .. دخلت انا قبله للمركز عشان هو يوقف السيارة في الباركن ..
وقفاه السكيوريتي .. وقاله ممنوع ..
جان يرد عليه ممنوع تدخل .. عوايل بس .. قاله حرمتي دخلت قبلي .. وانا وقفت السيارة وتوني ابا ادخل
اتصل فيني .. قالي تعالي عند الباب .. قلتله اوكيه ..
قاله ما اصدق .. انها حرمتك ..
شو الدليل ..؟؟
>> يعني تبانا نييب عقد الزواج وله كيف
قاله ياخي انا اماراتي والله بس لابس سعودي ..
ضحك
و خلاه يدخل
المهم ..
حتى الرياييل عندهم القطع الوان واشكال ..
لاا والمشكله عندهم انواع ..
قبل يا حليلهم ..
كندورة بيضة ويا غترة واي نعال .. وخلاااص
اما الحين لااا .. حتى هم عندهم ماركات ..
الساعه ماركة ..
النعاله ( تكرمون ) ماركة ..
الشماغ ماركة ..
ناقص انهم يحطون للكندورة ماركة بعد
.. يوم العيد نتبهدل وياهم .. صارو ياخذون وقت عشان يكشخون ..
::
في رايكم :
- شو أكشخ كندورة \ ثوب عندكم ..؟؟ ( طبعا من دول الخليج بس ) لحد يقولي الشال الموريتاني
- ايهم تفضل .. لبش الغترة والعقال .. وله السفرة .. وله انك اتحطها ع راسك بدون شي ..؟؟
>>>>>>> وصلت المعلومة ؟
سبحان الله لكل دولة ناسهاا شكل .. يعني اتشوف واحد من بعيد تعرف اذا كان اماراتي وله قطري وله سعودي ..
كل دولة ولها هيئة .. شكل ..
ترتيب المراكز للكنادير اللي تعجبني .. :
1- السعودي
2- القطري
3- الاماراتي
4- البحريني
5- الكويتي
وبس ..
\
\
في النهايه الموضوع ما ادري شو يبي منكم ..
كان في خاطرية ونزلته لكم ..
وانا عاد ما احب احط شي في خاطريه ..
\
ملاحظة :
كل الصور من تصويري .. الا صورة الولد الكبير .. يقولون هذا ملك جمال السعوديه ما ادري الامارات
سلامتكم ..
والسموحه .. منكم ..
اختكم :
دلوووعة الامارات