عذراً أيهــآ الزعيم ..! فموبايلي لاتريدنا أن ندعمكـ .. (وداعاً موبايلي)
السلام عليكم
مسهم وصبحهم بالخير كلن بوقته ..
نعم نعم .. موبايلي لا تريد منا الدعم ..
هذي سالفتي باختصار وعليك الحكم يا هـــــلآل :
أول مانضمت موبايلي لنادي القرن نادي الهلال في عهد الرئيس محمد بن فيصل وقبل أن يتم انشاء باقة الموج الأزرق ..!
طبعاً أنا كنت من عملاء شركة الاتصالات وحولت على طول موبايلي لباقة (خطي بلس) ..! لان رقمي مميز ومحتفظ فيه من فترة كبيرة .. يعني كل الناس يعرفوني على هاالرقم ..
لما انشئت باقة الموج الأزرق (مكافآت مكالمات فيديو) عطونا خبر وأكدوا لنا موبايلي بأنهم لن يكافؤا الا المشتركين الجدد في الباقة أما المشتركين المحولين من باقات أخرى فلن يتم مكافئتهم ..!
رضينا وحنا مارضينا .. <<< شخصياً استمرين بباقة خطي بلس
حتى الآن على عيني وعلى راسي يا موبايلي ..
تم تغير نظام المكافآت لدى موبايلي الى ( نقاط في برنامج نقاطي)
وجتني رسالة على جوالي اشترك الان بباقة الموج الأزرق وتكسب نقاط بعد كل مباراة ..
وحطوا اعلان في صحيفة الرياضية وطرق الاشتراك
والتحويل من الباقات الأخرى ..
كلمت أحد الموظفين وأكد لي أني لو حولت الى الباقة سيتم مكافائتي بالنقاط ..
رحت لأقرب مركز خدمه وفعلا حولوني ..
مباراة الهلال والقادسية <<<< تم اضافة 100 نقطه لرصيدك ..
الهلال ونجران <<< تم اضافة 100 نقطه لرصيدك ..
بعدها انقطعت النقاط نهائيا ....!
استفسرت وقالوا لي انك محول من باقة اخرى .. قلتهم بس أنا متأكد قبل وانتم كافئتوني بأول مبارتين ..
ضحك الموظف وبعظمة لسانه قالي : من حظك وش تبي أكثر من كذا ..!
أنا ماهمتني لا نقطه ولا 1000 نقطه بس الاستغفال والتلاعب على جماهير الزعيم أرفضها شخصياً .. ورفض نهائياً
حقيقة :
خلال هذه الفترة التي قضيتها مع موبايلي عوملت أفضل معامله خاصة من الموظفين ولم تحصل لي أي مشاكل سواء اشياء بسيطة لا تذكر ..!
لكن بعد هذا الاستغفال والاستذهان .. وكلامي هذا مو تحدي لان موبايلي مو واقفه علي ..
لكني بحول جوالي ان شاء الله لو أخليه ثابت ..!
ولا يستغفلني أحد بالطريقة هذي ..
أتمنى إيفادتي هل فيه حل .. وإلا أتوكل على الله وأحول رقمي لا ني بصراحه ما اقدر أستغني عن الرقم مثل ما قلت لكم له معي سنين وسنين ومستحيل أغيره ..
مع العلم بأني مشترك مع موبايلي وداعمهم بأشياء كثيره : مثل البرودباند ومثل الكونكت أو ماطلعت يوم يلعبون علينا بـ 1200 ..
غير الأرقام المسبقة الدفع والتي أعتقد بأنها تتجاوز 6 أرقام ..
ودايم مشترك في باقة الانترنت ..
لكن موبا يلي ماقدرت العميل وحاولت تستغفل الجمهور الهلالي ..
ملاحظه : لا أنسى مجهودات موبايلي للزعيم ومجهوداتها كشركة تعد الأفضل بوجهة نظري في الشرق الأوسط ..
لكن الأستغفال بهذه الطريقه لا يروقني ويستحيل أن أستمر بالأسلوب هذا ..
..
أتمنى إيفادتي
وشكرا لكم ..