اللي وده يقول آ آ آ آ ه يدخل



آآآه....من ابسط حقوق الانسان في حياته(حرّية التعبير)


آآآه....من القنوات الاباحيّه جرفت الجيل الواعد من جرف لدحديره(وهم ناقصين!!)


آآآه....من قنوات اوربت لو تغيّر الافلام الابيض واسود وتجيب ملوّنه(حتى شيباننا قامو يسهرون معنا)


آآآه...من ميشيل إلـك لو يستغلّ حركات يدينه بتنظيم السير والمرور ماكان فيه حوادث


آآآه....من ما إلك الا هيفا لو كان فيه قنوات فضائيه قبل 30 سنه وجت هيفا معها تسان عجزنا وشيباننا الحين انشط منّنا


آآآه....منك ياجورج قرداحي كم واحد نام بسببك مليونير وصحى مطفّر من فواتير التلفون


آآآه....منّتس يالكوره خلّيتي الشعوب تنك (معاهم معاهم عليهم عليهم)


آآآه....منك يا الاتجاه المعاكس تسنّك طارح فكرة حرش بين عيال حواري برمضان


آآآه....منّك ياكابتن ماجد خليت عيالنا يطامرون واللي يطب من فوق السطح بزعمه يسوّي حركه مزدوجه(واخرتها تزدوج ضلوعه)


آآآه....منكم يالبوكيمونات صارو بزاريننا يحبونكم اكثر من اهلهم(بدال مايقول باباماما يقول بيكاتشووو قادمممم)


آآآه....منكم ياليهود دخلتونا كتاب جينيس من كثر مانشجب ومانستنكر


آآآه....على منظمّة حقوق الانسان تفوّقت عليها منظمّة حقوق الحيوان


آآآه....بنات هالجيل يركضن ورى الموديلات ويشترن الاستشرتش يحسبونه موضه(وهو اقتصاد بالقماش من شركات اجنبيّه)


آآآه....على شبابنا كل شي تفصيل حتى العقال يفصّلونه


آآآه....من الاقلام المدبلجه عيّشت العالم برومنسيّه زوجه وعشيقه(وحبّ خطّافي يالله الكافي)


آآآه....على الوظايف ماربح الا راع البقاله من بيع الملفات والمكتبه من تصوير الشهادات والاستديو من تصويرالوجيه
(عاد من زين الوجيه)
(انصحكم تفتحون مكتبه او استديو وانا اضمن لكم الربح)






آ آ آ آ آ آ آ ه ......... ياليل ياعين أووووووف أوووووووووووووف.......... وسلامتكم