::

رساوي برساوي

ياللي تناقش وكنك ماتناقشني

حدد موقفك
اناقش وإلا لا
:d



رواتب اللاعبين
الضرائب النسبية اللي تزود بحسب كل صفقة وحسب الرواتب
والتأمينات على الاعبين
والفوائد البنكية لصالح البنوك
وعلى فكرة قريت خبر إن مالك تشلسي مسلف تشلسي
والأهم
قيمة صفقة كرستيانو رونالدو وكاكا وبن زيما والونسو وصفقة ابراهيموفيتش
هل تعتبر قروض بنكية في نظرك
إيش بالضبط تعتبرها

هذي اقتصاديا لاتعتبر ديون بنكية
إنما هي صفقات مستقلة بين ناديين وعليها ضمانات بنكية
لاوصلنا لهالنقطة

أشوف من حق الانتر يلف ويدور ويقول ماعلينا ديون للبنك
وتعتبر هذي الديون ديون ملزمة على النادي
لايتدخل فيها شخصيات مستقلة بل على الجهة الاعتبارية (النادي)

وليه قلت بيرلسكوني يدعم الانتر
خليها موراتي

وتكون كذا صح: موراتي يدعم ناديه الانتر في حال عجز النادي وحدوث فجوة بين الإيرادات والمصروفات بصفته رئيس وداعم
وهذا الشيء موجود بوجود موراتي ولا راح موراتي
وجدت الفجوة الاقتصادية في النادي وخرج اللاعبين وتراكمت الديون

وبكذا تنتهي الأزمة المفتعلة في هالموضوع

إذا مافهمت ودي أطري خويي راعي التعليم الخاص
بس بياخذ عليك رسوم
ويبيها كاش
:d

×

العسيماوي s45s
:D

هي صفقات بين ناديين أوكي ..
بخصوص صفقة ابراهيموفيتش وألونسو .. والله مدري

لكن بخصوص صفقة كاكا وكرستيانو وبنزيمه .. متأكد ان نادي ريال مدريد دفع قيمتهم من قروض بنكيه
وعلى ما اعتقد البنك اللي أعطى القرض لبيريز اسمه "كاخا مدريد" أو حول هالاسم

وهذي تعتبر ديون بنكيه .. حتى مع انها صفقة بين ناديين
لأن الممول للنادي المشتري .. هو قرض بنكي

وبيريز نفسه قال راح نسدد ديوننا اللي اشترينا فيها كاكا وكرستيانو .. من مبيعات القمصان ومدري ايش
الأكيد انها تعتبر قروض .. أو ديون

بكلامك هذا كأنك تقول ان بلاتيني غلطان بتصريحه :D
لأنه لو كان كلامك صحيح وانه مافيه قروض ولا ديون بنكيه
وان الممول هو موراتي ..
فان موراتي اللي بياكلها اذا دجوا الانتراويه :D موب النادي

لكن الحاصل ان الانتر عليه ديون :D

عموما اذا كنت فهمت كلامك غلط أو مافهمت زين :D
كلملي خويك حق التعليم الخاص :D بس تكفى قل له يسوي لي تخفيض :D
مالها داعي أروح أتسلف قيمة الدروس .. ثمن يطلع بلاتيني بكرا ويشذبني :D

::

بخصوص شراء أي لاعب
هل تظن أن البنك دفعها بدون ضمانات
وهل الضمانات البنكية على الرئيس أم النادي

أيا كان ثمن اللاعب تمويل بنكي (قرض) أو غيره
بيكون المسؤول أمام البنك النادي بلا أدنى شك
وهنا كلام بلاتيني

أما بقية اللاعبين
فمبالغهم مجزأة وبضمانات بنكية فقط
وليست قروض بنكية هذا غير شركات التأمين

عموما الأكيد إن موراتي لما يشتري لاعب مرتبه 9 مليون سنويا
يتعلق به ضرائب وتأمينات وغيرها
من يدفع هذا الراتب بعد خروج موراتي وغيره وبقاء اللاعب

هنا الكلام
بلاتيني خايف عليهم
:d

ترى مافيه تخفيض بفلوس المدرس الخصوصي
لو كاسرته خصم عمولتي
:s2:
×