|
الله يعينك ياياسر على بعض الجماهير الهلاليه ... السلام عليكم بدخل بالموضوع مباشر لاني مو فاضي لتقديمات :d المهم الف مبرووك الفوز اما الحزم ونرجو التصويت لافضل فريق بالجولة الزعيم لانه بصرآآحة يستااهل وكل اللعيبه ابدعو صوتو لاي واحد ومن رأي انا اقول نصوت للشلهوب لانه مبدع راح نصوت له ويستاهل اكثر من كذا , ثانيا (بعض) الجماهير الهلاليه او قلة منهم ينطبق عليهم هالمثال يعني الكل يذكر ياسر القحطاني قبل فترة (في كل مباراة يسجل هدف ويسحب ويجرجر:d واخذ افضل لاعب اسيوي وقاد المنتخب المهم بعض الجماهير عنده لو ما سجل ياسر بمباراة يقول مستواه نزل؟! ترا مافي ولا لاعب بالعالم يسجل كل المبارايات لازم تمر به ظروف ياسر كان ماشي صح بس ضغوطات الجماهير اثرت عليه بشكل قوي لا تلومون ياسر اذا ما سجل ولعلمكم ياسر صنع هدفين للمنتخب على البحرين والكل ناسي فضله بعد الله للاسف الجهور السعودي عنده الي يسجل هدف خلاص هو نجم وانه قائد اما الصانع الهدف والمتعب نفسه ماله اي قيمة عندنا اما بالدول المتطورة بالكورة غـيـر ولعلمكم ايضا ياسر مستواه عادي واعجبني امام الاهلي الاماراتي كان قوي بس الجمهور النصراوي الي ما يستاهل ( تناديه) بأسمه هو الي اثار على ياسر وبراحة تامة -الجمهور الاتحاد - الجمهور النصراوي هم اكيد اكثر الحاقدين على الهلال وتكلمو على ياسر بعد مرور شهر كرر هتافات عنصرية الجمهور النصراوي الحقـيـر انا كتبت الموضوع للدفاع عن احد لعيبتنا وعلشان اخبر بعض الجماهير والي ما يهمه براآحته يعني ياسر مو لازم كل مباراة يسجل كل مباراتين فيها الخير والبركة ويصنع كل مباراة حـلــو ((وفي شي مهم انا شفت احد الاعضاء بأحد المواضيع يقول ياسر اناني بأخر الهجمات!!خخخخخخخـ الحين تقولو يوم ياسر يصنع لازم يسجل ويومه صار يسجل قلتو اناني؟؟للاسف بعض الجماهير غير واعي وقله منهم لان الجمهور الهلالي جمهور واعي والله ))الا الي عنده احد نصراوي اكبر منه ويهايط عليه ويكذب عليه :d اكيد الهلالي تطلع منه بعض الحركات على ناديه س لازم يكون قوي الشخصيه - وانا عندي ملاحظة على هالمنتدى او اعضائه : الحين اذا احد كتب موضوع يطلع واحد ولا اثنين ويقول الموضوع ما يستاهل ؟!! والبعض يتكلم على صاحب الموضوع فأرى ان احنا جمهور هلالي جمهور نادي واحد اتمنى ماحد يتكلم كلامخارج عن النص )) اتمنى ما طولت عليكم والسلام~ |
كلامك سليم 100 % بس مين اللي يفهم؟؟!! المشكلة ان صغار السن هم اللي قاعدين ينتقدون ومايفهمون بالكوره شي وش نسوي غير نصبر عليهم لين يكبرون ويفهمون.. يعطيك العافيه.. |
موضوع مميــز . للآسف آخوي ، فيه بعض الجمهور العاطفيــه . إذا ابدع الإعــب رفعـوه ووصلوه لـ السماء ، واذا هبـط شوي من مستوآه ، خلوه لآعب مآينفع و مكآنه الدكـه ..!!!؟ آهنيك على الطـــرح .. شـكــ وبارك الله فيك ـــرا لك ... |
شكراً لصاحب الموضوع ... ليس كل من يختلف معك يكون رأيه خطأ ... وليس كل الجمهور الهلالي يفكر بأن من يسجل يكون بقمة مستواه ومن لم يسجل يكون مستواه هابط .. نحن نريد من ياسر ان يمرر صح يتحرك صح تكون عنده روح واصرار ومو لازم يسجل او يسحب عشان نقول انه مبدع .. وانا اشوف انه تغير للأفضل مع جريتس وإن شاءالله القادم أفضل ... ولكل من ينتقد ياسر او غيره فهو يقصد بها مصلحة الكيان ... محد مهما كان فوق النقد فقط لأجل هلالنا .. نحب نجومنا ونوقف معهم لكن اذا شفنا شيء لازم ننتقده بأسلوب حضاري وهذا من حق الكيان علينا .. اتمنى من جمهورنا ان يقف مع جميع اللعيبه بدون تخصيص لأن شبيه الريح قال انتهى زمن النجوميه بالهلال ... اوقفوا مع المحياني مثل ماوقفتوا مع ياسر والشلهوب .. وجهة نظري واتمنى انك تتقبلها ... والف شكر مرة ثانيه لصاحب الموضوع .. |
ربي يعين ياسر علينا جمهور بس من حبه نبي نشوفه فووووووووق وبأذن الله يكون في احسن المستويات في قادم الأياااام |
إقتباس:
تقل مروري |
إقتباس:
كلام يثلج الصدر اتفق معك 100% |
والله موضوعك مميز100% مميز انتمنى من الكلام الي قلته يستفهمون الجماهير الغير هلاليه :mad:حقا الله يعطيك العافيه على الموضوع المميز اخوي:ba::ba1::ba::ba1: |
اول شي يعطيك العافيه على الموضوع وثاني شي ليه تزعل من العالم اللي تبي مصلحة ياسر ؟؟ ترى كل العالم اللي تنتقد مستوى ياسر تبي مصلحة فريقها ومصلحة ياسر انت بتكون مع ياسر ويجيك عضو ثاني يكوون مع نامي والثالث مع العنبر وبكذا ما نخلص المفروض نهتم لفريقنا مهما كان اللاعب او الاداري ياسر ورب البيت افضل لاعب سعودي وآسيوي بس مستواه نازل وبعدين 8 مباريات ومسجل فيها 4 اهداف هذي ماهي احصائية مهاجم تقيس فيها عيال الغلبا ادري موضوعك هذا ما كتبته الا حبك في الهلال ولاعب من لاعبين الهلال بس خلي حبك للهلال اكثر ولا يهمك الا اللاعب اللي يعطيك s13s إقتباس:
او نقول تمريرة نيفيز لياسر واخذ الكورة وعلى يمينه ولي ونيفيز وكان يبي يعدي من مدافعين وانقطعت ؟؟؟ واذا تكرمت ابيك تفهمني بس وش مركز ياسر وكيف تمركزة في المنطقه ؟؟ لو استغليناها كان طلعنا بسبعه اهداف واحنا بدوري نقاط تفرق معاي حتى الاهداف في الصداره s13s آسف على الاطاله وتقبل مروري كلنا هلال s13s |
إقتباس:
وانا معك انا ياسر جته ثلاث كو مو كورتين وحاول يعدي لكن والله هذا على عشان ياخي الاعب يبي يرضيكم يحاول ان يسجل لكن مو قصده انه يكون مغرور او اناني ومايبي احد يجل غير فياسر معروف عنه عدم الغرور وحتى لو سجل هدف تلقى ياسر بعد المباراه يقول الهدف اتى من تمريره من فلان او فلان كان يقدر يقول الحمدلله استطعت اسجل وتوفيق من الله ويسكت لكن ياسر يريد ان يفهم الجميع الي صنع اهم من الي يسجل |
يا اخوي مجنونك الكورة 11 لاعب ولا ابي ادخل في ذمة ياسر واقول هو ما يبي احد يسجل غيره لانه ما يعلم بالنيات الا رب العباد انت قلت ثلاث كور لم تستغل ؟؟ وانه ياسر يبي يفهمنا انه اللي صنع اهم من اللي يسجل الكورة تعرف فوز وخساره ما عندي مشكله اذا ياسر كان اناني قدام الباب بس يجيبها هدف ولا يصعبها على نفسه رضا الجمهور مو باضاعة الفرص السهله يا مجنونك المفروض كان يستثمرها باهداف |
إقتباس:
هذا التحليل الصح كلامك بمحله والله الف شكر لصاحب الموضوع |
اولا طبيعي ان جميع اللاعبين يكون مستواهم في صعود ونزول تماما مثل الرسم البياني وياسر لاعب كيبر ومهاجم خطير ولا زال المهاجم الافضل في المملكة حتى وان قل عطاءه في فترة من الفترات ما اريد قوله حقيقة هو ان هناك جماهير ما يعجبهم العجب خذ مثلا عيسى المحياني اخطر مهاجمي المملكة وافضل الهدافين في السنوات الاخيرة ولكن لم يعجب الجمهور بل والبعض طالب بمهاجم اخر غير عيسى رغم انه لم يعطى الفرصة حتى الان !! وفي الاخير يبقى ياسر مهاجم خطير وانتقاد البعض له اعتبره انتقاد غير منطقي خصوصا في الوقت الحالي الذي يشهد عودة قوية للاعب وعوده قوية للهجوم الهلالي ككل !! |
مشكوووووووووووووووور على موضوعك والله يوفق ياسر |
مشكله بعض جماهير الهلال جماهير وقتيه مع الحدث اذا تاْلق اللاعب في المباراه رفعوه فوق واذا كان العكس قاموا عليه الدنيا |
| الوقت المعتمد في المنتدى بتوقيت جرينتش +3.
الوقت الان » 03:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd