02/11/2009, 06:26 AM
|
| زعيــم مميــز | | تاريخ التسجيل: 24/10/2008
مشاركات: 1,742
| |
|
أقــوى من كذا موقــف مــآقد صــآر لأحد>>خــش وآضحــكـ
السلام عليكم ورحمة الله وبركاته
اسعد الله أيااامكم بمسرة وسروور.,.,!
كيما يقولون>>مسوي تونسي
مثل مايقولون لنا من كل نكبة نصيب
موقف حصلي طريف بالدوام وحاب اعرضه عليكم..,,!
احم احم: طبعا اخووكم وبكل فخر موظف بشركة الكهرباء بالجبيل
وكان عندنا صيانة على احد الخطوط بأرامكو
المهم لما وصلنا لبوابة ارامكو وخبرنا الموظف ان عندنا صيانة وكذا وكذا
قال مافي اشكال بس العلة اني بطل بعد ساعه ولافيه احد هنا واذا قفلت البوابة خلآآآص ماتطلعون الا اليوم الثاني
يعني مالها الا واحد يقعد عند البوابة
وبما اني أسبك القوم وأصغرهم قالوا خلوا ذا الزلابة عند البوابة>>اللي هو انا.
المهم واقعد عند البوابة في كشك خشبي حسيت بمعنى الرجوولة لما يقولوان انك سوكرتي
كلآني الطفــش عند البوابة شمس وقلة حياء والساعه10 صباح الله
واشغل اغاني الجوال وخبيتيات وتنكــآآس >>تراني دوسري
اخووكم طااااير في التكــآس ومن قوة الحماس والله اني مــآسك صف لحالي والعب>>لعنبوا الخبال ياناس
همــآني>>عشان تعرفون اني دووسري
قحنت في ذا الماء وشربت اليــن خلآص ادوور حمام
طبعا بر ماحولك احد (اخلع واقض حاجتك) ههههه
وذا اللي صار والله وانتوا بكرآمه
واعود للكشك الخشبي الله يعله
وايضا لنا في التنكاس رجعه>>اغنية عادة السواق مايترك خويه
يوم اني قاعد واهزع يمين ويسار وشوووي
اقعد فجأة في مكاني وامسك رآآسي
يالله لاتفضحنا,,,...,,,يالله اني في وجهك
وش السالفة وش الهرجة.,؟
كـــل الاحدآآآث اللي صارت :مواويل وصياح وتنكاس وانا اقضي حاجتي
كــل ابو ذي صــآآرت وكــآميرا مراقبة آرامكو في وجهي
العن ام الاحبااااط اللي جاااني
التنكاس صار نكســة على وجهي.
حرآآآآم بالله اني قعدت مبلم ولاكلمة الين جاوا اخوياي وطلعنا وانا سآآآآآكت.
قلت بيجي يوم واشوف نفسي في اليوتيوب ولا بلوتوث الله يكفي الشر.
عاد انا,,,اقصد
هماني اتــخ ــيل شكلي و الموظفين داخل يتفرجون علي من كاميراتهم>>ههههه وآآخزياااه بس,.,!!
أتمنـــى انــي مــآطولت عليــكم وكلــن يــآخذ حذره لاتحمــس مع مسجل ولاشي منا ولا منا.
والله يوفقنا وياكم لكل خير ^^سبحانك اللهم وبحمدك اشهد ان لا إله الا انت استغفرك واتوووب اليك^^
مــح ــبكم:صديق ويلي-الدووسري |
الوضع المتطور
