لمن يعرف عن سيارة بليزر.. يدخل وينصحني
 

السلام عليكم
كيف حال الجميع عسام بخير

بسالكم عن سيارة بليز سوا ال اس او ال تي زد

وش رايكم وهل هي صبورة وتتحمل... وكيف رساوتها على الخط

طبعا للمديلات 2005 الى 2008

لاني سالت وناس قالو لي انها تمام وناس قالو لي انها مشاكلها كثيرة


افيدوووووووووني تكفون

والله في 2 من خوياي عندهم بليـزر
وفي واحد ثالث يبي يشتريها ذا الشهر ..
أنا سألتهم وقالوا لي ان مريحة جدا بالخط لأن في واحد منهم
كل اسبوعين يجي من جدة الى الرياض فيها ويمدحها على الخط
ولا عمرها اشتكت من شئ ما شاء الله..
وأنا جربت مره وسافرت معه فيها .. مشاء الله مريحة جدا وراسية ع الخط..

بالنسبة للناس اللي ما تمدح أنا اقولها لك نصيحة رضا الناس غاية لا تدرك وخصوصا بالسيارات..
يجيك واحد لاعن السيارة وكارفها ولا يهتم فيها وبالاخير تخرب عليه ويجي ويقول والله
السيارة ما تصلح..
والعكس صحيح اذا اهتميت بالسيارة وتغيير الزيوت والقطع الاستهلاكية صدقني بتجلس معك 10 سنين قدام..

نصيحتي لك اذا هي عاجبتك توكل على الله وخذها واذا تبي تاخذ مستعمل تأكد من نظافتها
وسو لها فحص وان شاء الله بتعجبـك وأفضل لون اشوفه عليها هو اللون الأسود..

بالتوفيق

يعطيك الف عافية على المرور وعلى الكلام الجميل

ياغالي بنصحك بسياره من نفس فئة البليزر وهي الاكسبلور من شركة فورد سياره رائعه وقويه ومشاكلها قليله وفيه سياره رائعه من شركة فورد اكبر فئه من البيلزر وهي الاكسبديشن سياره رائعه بحق وبما ان شركة شفروليه وشركة فورد كلهم شركات امريكيه لو سوينا بينهم مقارنه ياغالي شركة فورد تتفوق بسمعتها الطيبه واهتمامها بسيارتها وقوة مكائنها وانت شاور ياغالي ولا تستعجل وابحث بالنت وخاصه المنتديات الي تهتم بسيارات الامريكيه وشوف تجارب الي استخدموها وقارن بينها بالموصفات وش الانسب لك.
الله يسر امرك وتاخذ الموتر الي يناسبك ياغالي.

الاكسبلورر اخوي افضل بس اغلى

البليزر حلو بالخطوط بس فيه عيب صوت الهواء مزعج