عاجل وحصريًا .. ART تفصل اشتراكات كأس العالم وتخصص لها أجهزة معينة - نادي الهلال السعودي - شبكة الزعيم

والله ذيب يا سامي · #1 31/10/2009, 03:24 PM

بسم الله الرحمن الرحيم

السلام عليكم ورحمة الله وبركاته ..

للتو قفلت مكالمتي مع أحد موظفات ART اللي قالتلي يبو حميد ترا اشتراكك بينتهي وصالح كامل يقولك جدد أحسن لك

طبعًا ART حاليًا لا تستحق أن الواحد يشترك فيها إلا للدوري السعودي واللي أغلبه منقول على الجزيرة الرياضية

وكأس العالم اللي راح نستمتع به هالسنة خاصة بعد خروج المنتخب السعودي

<< التناقض بعينه

المهم قالتلي عندنا عرضين :

الأول مدته 10 أشهر (مع شهرين مجانيين) بقيمة 1500 ريال شاملة قنوات الرياضة التسعة بدون كأس العالم

الثاني مدته 5 أشهر (مع شهر مجاني) بقيمة 825 ريال شاملة قنوات الرياضة التسعة بدون كأس العالم

طبعًا بدون كأس العالم ماكو تجديد

سألتها طيب أنا راكبة راسي إلا أبغى كأس العالم كم سعره ؟؟

قالت ما وصلتنا أي معلومات عن هالحكي

بس قالت إن الشركة ناوية تخلي الاشتراكات منفصلة عن الباقة الأساسية وبجهاز خاص << الظاهر إنه ريسيفر عشان قنوات الـ HD (قنوات الجودة العالية

)

عمومًا بالنسبة لي ما جددت وبأفكر بالموضوع

حبيت أنقلكم هالخبر الطازه من مصادرنا الموثوقة

طبعًا الرد المفروض يكون بموضوع الاستفسارات ، لكن لأهميته حطيته بموضوع خاص

لأني بصراحة من زمان ما نزلت موضوع فيذا

وتقبلوا تحيتي ..

ياسر القحطاني20 · #2 31/10/2009, 03:39 PM

الله يآخذ هآلبآكستاني هآلنصآب
قاهرني هالباكستاني والله بوآق لبوم امكم بطاقتهم بـ الف ريال بس دوري سعودي واردني ومدري وشو

الجزيره اسباني اوربي ايطالي وسعودي وكل هذا بس بـ 400

والله حرآم اللي يسونه العآرتي يخي في نآس روآتبهم دون الألف ويحبون كورة لآكن للأسف محرومين

والله ذيب يسآمي متعزم نسوي حمله مآنشوف كأس العآلم

ههههههههه اما عآد

لاهنت كآتب الموضوع

محب الذئب9 · #3 31/10/2009, 03:44 PM

^^
وش اربعميتة انت .. !
ناصبين عليك الى شريتها منهم .. ؟!

المهم ان شاء الله يسوي لها اجهزة جديدة اشتراكات منفصلة يسوي الى يسوي
ذيابة الشفرات والعلوم هذى ما يخلونة في حالة ان شاء الله ههههههههههههه

عوافي والله ذيب يا سامي ..

ومن جد من زمان عنك في ذا ..

خضيراء وميلان · #4 31/10/2009, 04:24 PM

شكرآآآآآآآآآآآ لك ماقصرت على النقل يااخي

المسَافِرْ · #5 31/10/2009, 04:31 PM

باقه بـ لحال و اجهزه معينه اللي هي هي ,,
شايفين كاس العالم شايفينه
على الجزيره الرياضيه بـ حول الله " كما يقال منذ مده "

,,

بس اللي مستغرب انا مسويين ذهينين الحين
يقولون اشترك بـ تسع قنوات لـ مدة 10 شهور
و نعطيك شهرين مجاني

من جد باكستانيين يقولون سنه و خلآص لا يكثر,,

سنآيدي · #6 31/10/2009, 05:14 PM

الدريم بوكسسس يكفي ويوفـي

تخيلو مآفي شي آسسمـة درريم بووكسس

كآن الآسسعآر صآآكـة آلـ 2000

على العموم كآس آلعآلم منقول على قنـاة الجزيرة الريآضية

للآن قبل آٍسسبوعين تقريبآ جآتني رسـآلة على الجوال من جوال الريآض وممكتوب فيهـآ آن كآس آلعآلم عـ 2010 ـآم و عـ 2016 ـآم منقول على الجزيرة الريآضيـة

آنا مآ فررقت معي للآن الدرريم بوكسس يشغلهـم كلـهم

ويعطيك آلعآفية يآخوي وذكرتني في موقف يوم مباراهـ ليفربول وميلآن
في نهآئي آبطآل آوروبآ فصلو علي الاشترآك بنفس اليوم يوم آتصل عليهم كلمتني موظفة تقول جدد ولا لاتشوف المباراهـ من بعد ذاك اليوم عاهدت نفسسي آني ما آشترك فيهآ آبدآ آبدآ

والله يخلي لنـا الدريم ومن هم على شآكلـتة

هلالـــي البجادية · #7 31/10/2009, 05:40 PM

مهبول انا اشترك في ارتي ..~

خلاص ودعناها , من بعد الجزيرة

سعر جيد , بدون استغلال الشعب

جميع الدوريات على الجزيرة .. [ باقي الانجليزي ]

ارتي ما عندهم الا الدوري السعودي واليمني

عبادل · #8 31/10/2009, 06:53 PM

اعلنو قبل مده في برنامج الجوله انهم متعاقدين مع شركه فرنسيه لمحاربه الشرنج
حتى لا يتمكن (ابتوع) الشرنج من فك الشفره والظاهر هذه الاجهزه الجديده لهذا الامر

الله لا يقوله بس ودنا بكاس العالم بدون اشتراك

هلآليه مايهزني مخلوق · #9 31/10/2009, 07:10 PM

إقتباس


	الأول مدته 10 أشهر (مع شهرين مجانيين) بقيمة 1500 ريال شاملة قنوات الرياضة التسعة بدون كأس العالم

ياساااتر 1500 وبدون كأس العالم

من زين دورياتهم الحين

احسن شي السعودي بعد موب ذاك الزين

إقتباس


	على الجزيره الرياضيه بـ حول الله " كما يقال منذ مده " ,,

ياليييييييييت والله

عشان نفتك من العارتي

إقتباس


	اعلنو قبل مده في برنامج الجوله انهم متعاقدين مع شركه فرنسيه لمحاربه الشرنج حتى لا يتمكن (ابتوع) الشرنج من فك الشفره والظاهر هذه الاجهزه الجديده لهذا الامر

هذا اللي خايفه منه

الله يستر من لعانتهم

يعطيك العآفيه

والله ذيب يا سامي · #10 31/10/2009, 07:54 PM

يعطيكم العافية شباب على ردودكم ومناقشتكم للموضوع وحقيقة ما خطرت ببالي أجهزة منع الشيرينج

مو غريبة على ART تسويها

بس مدري يعني برغم تمسك الـ ART بكأس العالم أحس خلاص ما صارت عندها القدرة إنها تدير حدث كبير مثل كأس العالم في الصيف القادم

ننتظر ماذا ستفعل الجزيرة

بس يا أخوان اشتراكي وش أسوي فيه

إقتباس

الرسالة الأصلية كتبت بواسطة سنآيدي


	للآن قبل آٍسسبوعين تقريبآ جآتني رسـآلة على الجوال من جوال الريآض وممكتوب فيهـآ آن كآس آلعآلم عـ 2010 ـآم و عـ 2016 ـآم منقول على الجزيرة الريآضيـة