|
رابطه الهلال بجميع المناطق فيهم الكفو وفيهم الــ ؟؟ ومشااكل كبيره بالرابطه ويــا قلــب لاتحزن ,,,,
--------------------------------------------------------------------------------
السلام عليكم والرحمه
كيفكم يازعماء ,,
اولا عندنا مشكله بجمهور الهلال في اغلب المناطق ,,,
جمهور الرياض جمهور باااارد ,,
بقياده العبيد , غندر , البطاطي ,, مانشوف رابطه ناريه مثل السنوات الماضية اهازيج قديمه وكلها من تأليف
حقوي والعبيد , وجمهور الهلال بالرياض جمهور بارد وياهوه اللي قدام اجلس ؟؟
وين التفاعل وين الرابطه اللي تهز الملعب ,, ولا انتوا جمهور مزاجي متى مامسكت معاكم تشجيع شجعتوا .؟؟؟
جهور الهلال بالقصيم متفاعل وممتاز لكن عليه بعض الملاحظات مع ((احترامي)) ؟؟
حضرت مباراه الهلال والرائد الاخيره بالقصيم وكان الجمهور ممتاز جدا جدا جدا تفاعل والمدرج مليان
بالازرق والابيض خلال90 دقيقه تشجيع جماعي ومسانده مع الرابطه مسانده في قمه الروعه
لكن شفنا حركات غير مسؤوله من البعض بالمدرجات ,, رمي القوارير على محمد العبيد والبطاطي بعد هدف المرشدي الثاني ليش ؟؟
وكذلك على رجال الأمن ,,, شكلها يبون المباراه الجايه بالرس ؟. ولا وش يقصدون بالحركه ,,
كحلوها بتفاعلهم واعموها ببعض الحركات الغير مسؤوله,,
جمهور الهلال بجده ,,
لاطيل بهم ,, جمهور وفي والله اشكرهم على التواجد والتفاعل ودووم انشاء الله ,,
جهور الهلال بالاحساء ,,
بوكا جونيورز ولا جمهور الهلال والله امنيه هذا الجمهور انه بالرياض ولا هو بالاحساء متفاعل بقوه
وقمه الاخلاق واذا قال رئيس الرابطه شي قالوا سمه وطاعه ,, هذا الجمهور ولا بلاش ...
جمهور الهلال بابها وتبوك والرس ..
جمعتهم سويا لأنهم في نفس المستوى اشبهم بمستوى اللاعب اسامه هوساوي مستوى ثاابت
وان شاء الله في ازدياد ,,
جهمور الدمام والراكه ,,
دائما في القمه بحضوركم الفعال والمتميز وياليت غيركم يتعلم منكم .
......
نرجع لقياده الرابطه ,,
البطاطي : الحين الجمهور قليل في الملعب ويقول يالله ياجمهور نبي الموج يالله ؟؟؟
طيب المدرج مامتلاء ولا فيه الا قليل وشوله الموج ؟ الحين ابدأ في الاهازيج اللي تحمس الجمهور
وخل الموج عنك ,, وكل هذا لكن مانهضم حقه فعال واشوف اغلبيه الجمهور يتحمسون معاه ,,
غندر : هو الوحيد اللي يكوي الفريق المنافس باهازيجه الممتعه والخرافيه لكــن يجب ان بيثبت نفسه ؟؟
محمد العبيد : مجهتد لكن كل ماقابله بالنادي يقول احمد الخميس وموبايلي ؟؟ وكثير مايشتكي من جمهور الهلال بالرياض
جمهوووووووور ناااااااااااااايم الى متى ؟؟؟؟
هذا رائي بشكل عام واتمنى نقاش بدون عصبيه ,,تحياتي لكم
اخر تعديل كان بواسطة » هلالي توب في يوم » 01/11/2009 عند الساعة » 01:12 AM | 
الوضع الشجري
