|
الفوضى في القياده في الرياض الى متى؟؟؟؟؟ بسم الله الرحمن الرحيم الرياض تتطور ولكن يواكبها تدهور في الحركه المروريه السلام عليكم ورحمة الله وبركاته ..هذا الموضوع الذي يأرقني ليل نهار هذه الفوضى في القياده في شوارع الرياض الى متى (سرعه) (ووقوف خاطئ) (وأخطاء في اتباع ارشادات المرور كالوقوف الخاطئ عند الاشارات ،واستعمال المنبه في كل مكان وفي الليل،تجاوز من جهة اليمين) وكل هذه الفوضى أكثر مايتسبب بها شريحة الصغار في السن ممن لم يتجاوزوا ال28من العمر ....هل كل هذا عجز عن السيطره لكبر المدينه ام انه شح في اعداد رجال المرور القضيه ياجماعه ليست بسيطه فنحن نفقد يوميا ارواحا كثيره بسبب هذه الفوضى .....الرئاسه العامه لرعاية الشباب تضع الخطط لتطوير الرياضه وماالذي نجنيه بتطوير الرياضه مقارنة بالفوضى المروريه ..أليس من الاجدى تطويرالمرور وزيادة كوادره للقضاء على تهور هذه الوحوش البشريه الذين يقتلون يوميا عشرات الانفس وييتمون الاف الاطفال سنويا بسبب تهورهم والبلاده المروريه في هذه المدينه والامرورنا جيد باخراج الرخص للسيارات وللافراد وعرض اللوحات المميزه |
وعليكم السلام ورحمة الله وبركاته ممكن نلخص المشكلة في عبارة بسيطة وقديمة لكنها تجسد الواقع بكامل تفاصيله ( من أمن العقوبة أساء الأدب ) . وما أكثر الأدلة قطعاً إلا ( الطريق الدائري الشمالي )، بالإمكان تسميته أنه الأخطر في الرياض " سابقاً " . لكن ما إن تم تفعيل ما يسمى بـ ( المرور السري ) إلا وأصبح الدائري الشمالي أقل الطرق السريعة سرعةً . نحتاج فعلاً إلى تطبيق العقوبة، لأن الأمر تعدى عن كونه مخالفة مرورية من شخص أو عدة أشخاص إلى مبدأ ( لا تستطيع أن تقود بلا خرق للأنظمة ). شكراً جزيلاً لك، وأصلح الله أحوال رياضنا الحبيبة وجميع بلدان المسلمين . |
كلامك صحيح وياليت يجون يشوفون قدام المدارس الزحمات والتفحيط والتخين خاصة عند المدارس المتوسطة والثنوية |
والله اني اكره ماعلي اذا ركبت السياره ورايح اي مشوار من الفوضى والزحام بصراحه المشكله من النظام الغير موجود اصلا يعني مافي اهتمام بالبلد والبيئه ابد ابد اهم شيء رسوم الاستماره والرخصه والفحص والمخالفات (المروريه) ووووووو والبلد واهل البلد في حريقه اكثر الحوادث المروريه الباصات والتريلات والسيارات الثقيله في اي وقت معاك وفي كل مكان الان العمال يتقاطون بسياره وانواع الحوادث سيارات مستهلكه منتهيه الصلاحيه اصلا بس مافي مشكله اذا بيكون تجديد الاستماره والرخصه والفحص ماعندنا مشكله اهم شيء الفلوس والبلد واهله آخر الاهتمامات الله يعين بناتنا وهم رايحين للجامعه والمدرسات الله يعينهم اما سواقه المراه اشلون انا ماعرفت اسوق اشلون بتسوق هي اسمحولي لو شطحت بس اتكلم بالواقع |
والله يالغالي شوي كلمة فوضى انا مايقهرني الا اذا طلعت على الدايري الصبح واشوف الشاحنات تقول قطار على اليمين هنا يرتفع ضغطي مليون والشي اللي يقهرني اكثر ويرفع ضغطي اذا فتحت الاشارة وتلاقي لك واحد من اقصى اليمين يروح يسار ويوقف الناس كلهم ويتأخرون عشانه طال عمره ولا العكس لكن عندي ملاحظة انت تقول تحت 28 سنة انا اقولك الشعب السعودي كامل بجميع اطيافة والتفحيط اللي تسبونة طلع بسبب ان كل الشعب متهور صح يختلف بدرجات لكن انت اطلع على الدايري وخذ انواع التشطيف ولما تطالع تلاقي معه عائلة وعمره متعدي الاربعين بالراحة وبعضهم تشوف في وجهه شيب ويشطفك وهو ماشي مليون وخل كذا عنك لما تسافر من منطقة الي منطقة ثانية ماتشوف الا انواع الجموس ويمشي 160-180 طبعا تقولي خط سريع اقول معك حق لكن مو معناه خط سريع انك تصفي طبلونك وتخاطر بتجاوزك وانت معك عائلة وانت المفروض تكون كبرت عن هذي الاشياء تحياتي لك |
يالغالي النظام يجي من الشعب والزحمه سبب كبير في الفوضى انا اتوقع ان افتتاح جامعات في مناطق المملكه راح تفك ازمه راح يقل عدد الطلاب اللذين يأتون من اجل الجامعات وايضا تتوفر الوظائف |
المشكله في المدرسه + الأسره + المجتمع ككل الحل يبداء الصحيح من هذه الثلاث ليس في فرض الغرامات ولا سحب الرخص ولاولاولاولا العقل حينما يتنور ويفقه ينتجد عن هذا أنسان سوي لكن المشكله حينما تجد عقول مقفله والمفاتيح مفقوده وأذا كسرت القفل ذهب العقل الذي هو في الأساس غير موجود قولوا ويش الحل في مثل هذا أمر ؟؟؟؟؟؟؟؟؟؟؟ |
وعليكم السلام ورحمة الله وبركاته اخوي مشكلة السواقة في الرياض اعتقد مالها حل :) المرور حاولوا .. المخالفات وصلوها 900 وحجز في الناصرية .. وما فاد قطع الاشارات استمر .. والسرعة زادت الحل هو منع الواسطة عند ايقاع العقوبة يعني اللي يقطع اشارة يخلونه ينطق في الحجز ماحد يطلعه بعد ساعتين او ثلاث وهكذا .. والتفحيط المفروض يشوفون له عقوبة مرعبة .. تخلي الواحد قبل ما يسحب جلنط او ينطل يفكر مليون مرة هل تسوى عليه ولا لا المثل يقول : من أمن العقوبة أساء الأدب لكن اذا بنرجع لأساس الأمور .. كل انسان سواقته تعكس ذوقه وتربيته موب لازم المرور يفرض عقوبة الجلد علشان نمشي ونسوق صح شكرا على الموضوع الجميل :) |
بصرآحـه انا اقـولك ما آرتآح الا اذا اخترقـت النظآم :d يعنـي صآرت الدعوه عآدي عنـدي اقطع اشاره , اوقـف غلـط , اسـدّ على وآحـد , اعـكس الشآرع , اسرع , اهدي بزيآده لو كآن في نظآم شديـد عندنـآ ما اتوقع انـي رآح اسوي كل هالاشيـآء ولعـلمك كل هاللي اسويـه اعتبره ولا شي عنـد بعض النآس وهذي الي يخلـيك تستمـر على هالـعآده والدعوه ترآ موب مرآهـقه ولا شي هي عآده فقـط :yes: يعطيـك العآفيـه :rose: |
إقتباس:
اش ذنب أمك اللي تحبك توجع قلبها؟؟ اش ذنب اللي بتوقيعك تبكيها :naughty: اش ذنب اللي يحبونك تتعبهم وتبكيهم ؟؟ والله ياباريو مو موضوع مافي نظام شديد يعني لازم أحد يقعد فوق رأسي يسوي لي زحمة ويقول يابطلة ذاكري ذاكري عندك اختبار أنا من حالي اذاكر وأعرف وين مصلحتي >>على هالموضوع أقيس موضوع الاخ عن القيادة الاهم من وجود النظام لازم يكون في ضبط للنفس شيء بذاتك يقولك غلط تسوي كذا s121s أما السواقة بالرياض والله الدنيا تقول عندكم تفحيط بشكل جنوني وزححححححححححححمة الله يعين وربي يحمي شبابنا وبناتنا .. |
و عليكـم السلآم و رحمـة الله و بركأتـه .. والله مؤلـم عدد الضحايا الي يروحون بالسيارآت و آسبآب الحوآدث .. حقيـقه أنني سمعت معلومـه ولأ اذكر مصدرهآ .. ان المملكـه العربيه السعوديه تحتل المركز الثاني في العالم بكثرة الوفيآت عن طريق حوآدث السيآرآت .. معلومـه إن كآنت صحيحـه مؤلمـه مبكيـه .. يآ آخي العزيز المشكلـه بوجـهة نظـري أن أغلب من يقودون السيآرآت عندنآ من الفئات العمريه الصغيره وقد تصل الى الكبيره عندهم عدم مبالاهـ بشكل غير طبيعي .. عدم مبالاهـ وبالعامي ( طززز ) إستهتآر .. يمشي 190 الى 200 ورافع رجله وماسك الدركسون ( الطاره ) بيد وحده و الثانيه يشرب قهوه ؟؟؟!!!! أسألك بالله ؟؟ هذا وش يقال عنـه ؟؟ واحد يتجآوز من أقصى اليمين بسرعه جنونيه ويدخل على اقصى اليسآر وش يسمى ؟؟ هذآ وغيره من المنظآر .. إستهتآر بالإحساس إنه رأكب بقطعة حديد مهما كأنت وسائل الامأن متوفره فيهآ ، إستهتآر بقيمـة حزآم الآمآن .. إستهتآر بإعطآء الإشآره لتغير المسآر .. تجاوزآت والله العظيم مخيفـه و مرعبـه .. عدم المبالاه قتلنتنآ .. الواسطـه اخرتنآ في ذيول الإمم و العالم .. شي مؤسف والله العظيم استهتار الشعب السعودي بالريآض خصوصآ بقيآدة السيآره .. ضيق صدري واحد راعي ليموزين وقفنآ عند اشاره وقطع واحد من جنبنآ يمكن يمشي مليون .. ضحك التكسي قالي هذا اشاره مافيه حق سعودي هذا عشان اي نفر مافيه سعودي لازم وقف ... غير كذا حتى الاجانب بدوأ يستهرترون بالقياده .. بخريص والله العظيم مصري مسكر الخط يمشي يمكن 100 على اليسار عطيته اشاره يفتح الخط صار يربط فرامل بوجهي ؟؟!! فتح الخط ومريت من جنبه لقيتهم شلة مصاريه يستهبلون ؟؟؟!! طبعا ما اتكلم عن مصري بنفسه وغيره من الاجانب وشاهد على ذالك التريلات السيارت الكبيره على الخط كيف يجاكرون بعض .. يعني انفلات موب طبيعي .. بوجة نظري الحـل الي اشوفهآ .. أول شي يجب تثقيف الشعب السعودي وتوعيته بشكل قوي بخطر السياره وخطر الحوادث .. كل ماقامت حمله حطوا لزقتين بالشارع وغيروها بعد اسبوع .. التشديد بتطبيق العقوبات .. حجز السيارات .. انتشار سيارات المرور بكل مكان .. تغطية الشوارع .. إيقاف كل من يظهر عليه استخفاف بالسياره .. والله نقدر نسيطر على الوضع ونقدر نوقف كل هالضجه .. وهم رجال الامن اعرف بالطرق .. الكاتب سعد الدوسري قال كلمـه رائـعه عن المحطين و الإستهتار بالقياده عموما .. أن من سيطر على الارهاب في البلد و لله الحمد يستطيع ان يسيطر على ما هو اقل منهآ من استهتار بالسيارت وتنظيم لحركة السير .. عموما اخوي الله يصلح الحال والاحوال .. لاهنت طرح رااائـع جدآ و عسى الله ينفع فيـه كل متهور .. |
والله قبل يومين الساعه ثنتين بالليل في جنوب غرب الرياض وانا مقبل على إشارة وهي خضرا واشوف واحد عندها موقف ووقت ولعت حمرا حرك ابوالشباب قلت شكله مكثر منه اليوم ,, الله يعينا على الزحماااات . |
إقتباس:
نريد تعاون بين الدوائر الحكوميه لمن يتطوع يكون مبلغ سري عن السيارات المخالفه بشرط ان يكون رجل كبير السن وتكون بياناته لدى المرور فاعتقد لوتطوع من كل وزاره 50شخص لاستطعنا ان نضبط الحركه ...المتطوع طبعا ليس كرجل المرور ولكن وهو في طريقه لعمله او عندما يذهب للتسوق ويرى مخالفه يبلغ بها عبر(رساله بالجوال) |
اممممم والله ياخوك انا افكر بالزحمه لي فتره ... وافكر عن حلول .. <FONT color=#172763><FONT face=Arial><U>بس صدقني والله ماجا ع بالي انزل موضوع :) <?xml:namespace prefix = o ns = "urn:schemas-microsoft-comhttp://vb.alhilal.com/ /><o:p></o:p>...al><FONT face=ردي بيكون عباره عن فضفضه :) ’،<o:p></o:p> اممممم<o:p></o:p> ابتكلم عااامي بعده نقاط (بدون ترتيب) لها علاقه مباشره بالفوضى الحاصله * الزحمه اساس "النرفزه" .... تذكرت مقال بالنسبه للزحمه .. قريت مقال اقترح اقتراحات في محلها ... مثلا يقول ليش مايكون فروع للدوائر حكوميه تحت سقف واحد تخدم مجموعه احياء فيها جميع الخدمات ..<o:p></o:p> مثلا : المرور ، الشرطه ، استخراج بطاقه الاحوال ، كتابه العدل ، شركات التأمين..الخ وبكذا راح نقضي على الزحمه ...<o:p></o:p> انا اللي اشوفه الان ... كنظام المرورفي الاحياء وغيره ناقصه الخدمات :<o:p></o:p> اعطيكم امثله <o:p></o:p> تبي لوحه طويله لازم تراجع اداره التموين اللي حول فندق الانتر ...<o:p></o:p> تبي استبدال لوحه بين سياراتين تراجع مرور المربع ... <o:p></o:p> عندك اعتراض على مخالفه تراجع مرور الناصريه ... وبالمناسبه احد الشباب<o:p></o:p> اعترض على مخالفه وبعده عده جلسات القاضي حكم لصالح صديقي ... وللان يراجع<o:p></o:p> بمعاملته في مرور الناصريه ...<o:p></o:p> استخراج بطاقه الاحوال مالك الا الاحوال المدنيه اللي عند شارع المعذر "نسيت اسم الحي" وبالمناسبه الوالد اخبره كان بيضيف اخوي بكرت العائله مارده الى الناصريه (( بس مو المرور :D )) ... اعرف واحد كان له رغبه بالزواج من الخارج ومن الشروط لازم موافقه من وزاره الداخليه <o:p></o:p> تصدق هو من سكان القصيم يراجع عندنا بالرياض ...<o:p></o:p> * الجامعات عندنا متركزه بشمال الرياض .. ايش يمنع <o:p></o:p> يكون جامعه بشرق وغرب وجنوب الرياض ... <o:p></o:p> انا ساكن بشرق الرياض تصدق لابغيت اروح للجامعه اطلع من عند وكاله الجميح <o:p></o:p> على طريق خريص وجهي شرق ... على شارع البعارين :D على الدائري الشمالي للجامعه الشارع هناك فاااضي تمشي بالك مرتاح .. <o:p></o:p> <o:p></o:p> * امممم مداخل ومخارج الطرق بحاجه لتعديل ... واعاده هيكلتها ...<o:p></o:p> ماقصروا عدلو مخارج بس للان نطمح بالمزيد <o:p></o:p> * انا كشاب اول ما استلمت السياره ... ماعندي الا الشوارع ادور فيها ... <o:p></o:p> ماعندي بديل طفشان رح دور في الشوارع ... حقيقه كنت اتفنن واطلع مواهبي بالطرق ... جد والله الشباب وين يروحون <o:p></o:p> كل شي عوائل ... حتى اغلب الاماكن الترفيهيه يقالهم كسبو فينا خير حاطين الصباح لنا... ياعوووومري والله مالت عليكم واللي جمعكم...<o:p></o:p> حتى زوجاتنا يا اهل نجد للرجال تقل عزا ياخي ودي اتفلت واستانس وسعو صدورنا اخبر رحت لعرس احد الشباب في الاحساء .... ماشاالله انا اشهد انه عرس اخبر جايبين فرقه طهبله وفله حجاج ... ولا يوم راحو الشيبان على الساعه 12 قلبوها سامررري لـ2 رغم اتفاقهم مع الفرقه لـ1 بس نفس الفرقه استانسوا ... بيني وبينك اول مره اقعد في زواج كذا .. بالعاده يادوب نسلم على الشيبان ونطلع وعلى 10 نرجع عشان العشاء :) ... اخبر رحت لمقهى (الام الحنون / القلب الكبير سمها مثل مابغيت ) انا وشباب قالولنا انتم صغار على ذكريات الثانويه .. <o:p></o:p> الحمدلله حالي الان احسن من غيري اخذنا استراحه انا والشباب .. // تصدق مره من المراريت كان فيه تفحيط حول البيت وادق على المرور واعطيهم الوصف وماكأن شي صار .. رغم انهم اسبوعيا هات تفحيط وانا كل اسبوع اكلم بالاخير ... فكرت قلت وراه ما اطلع <o:p></o:p> واتفرج بنفسي واشوف وشي الوناسه اللي يشوفونها .. <o:p></o:p> صرت احيانا لاطلعت من الاستراحه ومافيني نوم ولقيتهم اروح معاهم في الموكب الا مايجيني النوم ... *بالمناسبه امس طالع انا والشباب ومبسوطين ومالنا من الشيطان طاري:d شفنا قدام برج المملكه بزارين المهم واقفين عند جمس وموقفين الشارع..حنا اخذنا يو تيرن وكلمت احد رجال لمرور انه فيه شباب موقفين جمس ..قالنا ماعلينا دق على الهيئه ! قلنا له انت مو رجل المرور ؟ قال الا بس هذي شغله الهيئه مو اختصاصنا المشكله انه الجمس قدامه يعني بس يقطع الشارع ’، موضوعك متشعب وشطحنا شطحات مالله بها عليم:s2: ابو عسل<o:p></o:p> |
باختصار الموضوع لاتوجد قوانين صارمة بحقهم في امريكا الخطوط السريعه لاتقل السرعه عن 140 ولكن لايوجد ولا حدث الا ماندر وللاسف يستغربون اذا وقع حادث ويتم نشره بالاذاعه والتلفاز ونحن نستغرب اذا لم يحدث حادث نسال الله السلامه وان يهدي الشباب والكبار ايضا لان يوجد عدد من الشياب عقليتهم للان يضنون انهم على بعارين خخخخ |
| الوقت المعتمد في المنتدى بتوقيت جرينتش +3.
الوقت الان » 05:24 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd