مباراة الاحد من اصعب المبارايات اللي بـ تمر على الفريق في ها الموسم ..
اقدر اسميها مفترق الطرق ..
الفريق يعيش تحت ضغط كبير ..
الفوز هو الحل الوحيد حتى نطلع من ها الازمه ..
ابرز نجومنا ذبحهم الارهاق ومع ذلك ما احنا قادرين نريحهم ..
لاننا للاسف ما نملك البديل اللي في مستوى الاساسي ..
افضل الموجودين على الدكه هم : جوناثان + تياجو ..
المشكله ان بيب عطاهم الفرصه في بداية الموسم واثبتوا انفسهم وبعدها اختفوا رغم حاجة الفريق لهم ..
اتمنى اشوف جوناثان اساسي بدال تشافي اللي انكرف كثير ..
ما نبي نندم على عدم اراحتهم مثل ما صار مع الفيس ..
* * *
نجي للتشكيله المتوقعه للمباراة ..
بعد ما تأكد غياب الفيس عن المباراة راح نشوف بويول في الظهير الايمن ..
وراح يكون بيكيه ومعه ( ماركيز - تشاغي ) في قلب الدفاع ..
وان كنت افضل تشاغي كاساسي .. هذا ان كان جاهز 100%
ماركيز للاسف من بعد الاصابه ومستواه في النازل ..
لازم نلطعه في الاحتياط حتى يتأدب ..
في الظهير الايسر لازم نشوف ماكسويل ..
محتاجين دورهـ الهجومي اللي يتفوق فيه على ابيدال ..
لان بويول ما راح يقدر يعطيني هجومياً مثل ما كان الفيس ..
في الهجوم اتوقع نفس اللي كانوا قدام كازان ( ميسي - ابرا - بيدرو ) ..
وان كنت ابي اشوف ( بويان -ابرا - بيدرو ) ..
ميسي ابيه يكون على الدكه وينزله بيب متى ما احتاجه الفريق وان شاء الله ما نحتاجه ..
* * *
الحسنه الوحيدهـ في اللي يمر فيه الفريق في ها الفترهـ اعتراف الكل بـ حاجتنا للاعبين ..
الاسماء المطروحه ممتازهـ .. بس السؤال انت محتاج مين اكثر ؟! ..
الاكيد المركز اللي احنا بحاجته اكثر من غيرهـ هو المحور ..
والسبب معروف عند الكل بطولة افريقيا .. وممكن ازيد عليه نزول مستوى توريه ..
يعني حتى لو ما كان فيه بطوله لـ افريقيا كنا راح نحتاج لـ محور ..
رغم ان عندنا لاعبين جيدين في ها المركز ( جوناثان + تياجو + بسكويز ) ..
بس احنا محتاجين لاعب قيادي يستند عليه الفريق في المباريات الكبيرهـ ..
المركز اللي يجي بعده في الاهميه هو الظهير الايمن ..
مو معقوله الفيس بيكون متواجد بشكل دايم .. راح يجي وقت راح يصاب مثل الحاصل الآن ..
وبرضو راح يجي وقت ينزل مستواه .. لازم يكون فيه بديل كفؤ ينافس الفيس على المركز ..
وها الشي راح يخلي الفيس دايم في الموعد مثل ما حصل مع ابيدال اللي تحسن مستواه عن الموسم اللي راح ..
آخر مركز الفريق يحتاج فيه لاعب هو الجناح ..
مع نزول مستوى هنري وعدم وجود لاعب يجيد مهام الجناح مع كامل الاحترام لـ بيدرو + بويان ..
نلقى انفسنا مضطرين نجيب لاعب في ها المركز ..
عموماً الكلام بدري عن مثل ها المواضيع .. بس كان لازم نتكلم فيه لانه صار الشغل الشاغل للصحافه ها اليومين ..
،، بأيِّ حالٍ سيعود الريال والبرشا إلى الليغا بعد خسارتين لم تكونا في الحسبان في التشامبيونز
،، لكن من حسن حظهما إنها إختبارات ليست بالصعبه حتى لا أقول سهله البرشا قادر على أن يتجاوز ثراقوثا لكن البرشا وضح عليه الإرهاق في آخر كم متش وكان شبه تايه في متش سوزان أتمنى أن لا يكون البرشا في يومه وأتمنى أن يحرج سرقسطه مضيفه
،، الريال وما أدراك مـ الريال سقط في الكلاسيكو مع ميلان بدفاع ورقي سهل الإختراق ومشكلة الهجوم بنزيما الغير مقنع إلى الآن إن شاء الله تكون مباراة كاكا وبيسجل هو وراؤول وطفل الكاستيا الجديد
يعطيكم الف عافيه انس وحسين ومشكورين على التقديم ،،،
بداية مع مباراة برشلونه وسرقسطة :
مباراة الاحد لن تكون سهلة بالنسبة لبرشلونه لسببين اولها ان الفريق مطالب بتحقيق الفوز بعد تعثرين بتعادل وخسارة وخاصة الاخيرة المفاجأة للجميع ، والتاكيد على ان الفريق لا يمر بأزمة في الوقت الحالي ... والثاني ان المباراة ستكون بهدف استعادة الصدارة في ظل الفوز المتوقع للريال على خيخون يوم السبت ... اللاعبون مطالبون بالتركيز منذ بداية المباراة ومحاولة تسجيل هدف مبكر في الشوط الاول لتخفيف الضغط عليهم ، لانه كلما تاخر الوقت زادت عملية التسرع والاستعجال امام المرمى وقد يكون هناك اندفاع مبالغ فيه يعطي الفرصة للاعبي سرقسطة في تحقيق هجمات معاكسة خطيرة على برشلونه .
إذا هي مباراة صعبة لن يسهلها سوى تسجيل هدف مبكر وبالتوفيق للبلوجرانا .
خيخون - ريال مدريد :
مباراة من المتوقع تكون سهلة للريال وممكن نشاهد مهرجان اهداف في المباراة ، الا اذا حدثت مفاجأة من خيخون اكيد اتمناها ولكنها مستبعدة بشكل كبير .
اتلتيكو مدريد - مايوركا :
الاتلتي رغم الخسارة القاسية من تشيلسي وتواصل المستويات السيئة الا ان تغيير المدرب قد يكون له حافز ايجابي على اداء اللاعبين ، لكنه سيقابل فريق متطور هذا الموسم يقدم مستويات جيدة وتبقى مباراة صعبة على الفريقين واعتقد مايوركا هو الاقرب للفوز الا اذا كانت هناك انتفاضة قوية من لاعبي اتلتيكو مدريد .
اشبيليه - اسبانيول :
اشبيليه بعد خسارة الديبور في الاسبوع الماضي يريد التعويض على ملعبه وبين جماهيره والفوز الاوروبي اكيد له تأثير ايجابي إضافي على اللاعبين ... مباراة قوية ولكن اكيد ابناء الاندلس هم الاقرب للفوز .
مباراة سهلة متى ما بغاها ابو ضاري تكون سهلة .. واللي للحين بصراحة [ يستهبل ]
وواضح جدا ان ابوضاري كان معتمد على رونالدو يحل كل شي ومهمش كاكا والبقية .
اتمنى في هالمباراة يترك الاستهبال الزايد ونشوف محمدو في الملعب اساسي
اربيلوا مهم .. منها انه يرجع يلمس الكورة ، ومنها نعتمد عليه ، لأن راموس صاير سامج و علة .
غاراي بعد .. ان ما عطاه الفرصة متى بيعطيه .. اهم شي نشوف الونسو متقدم على المحور الدفاعي ، الرجل مو متأقلم انه يكون اخر واحد في النص ابد ! .
كنا نتمنى يكون القوي هيجوايين موجود لكن الاصابة ما رحته بعد هو ، والمباراة ندخلها بمهاجم واحد فقط وهو راؤول ، وهذي فرصة نشوف كاكا متفرغ من كل الادوار الدفاعية ! .
تعبت
مباراة تقول تعالوا تابعوني انا مباراة قوية
مباراة اتوقع انها تكون مثيييرة للغاية ، لكن اللي بيقلل اثارتها انها في البيزخوان لأن اشبيلية بينهيها بدري لكن اتمنى ان اسبانيول يستلعن بالتوفيق لفرعنا في الاقليم الانفصالي
كني اشوف النتيجة 4 عندي احساس ان زعل برشلونة من مباراة الابطال بيطلع كله.. او بينزنق الفريق يعني 1 او 2 او حتى 3 ما اتوقعها ، يا نتيجة قوية او مخيبة .. بالتوفيق لثرقوذا
والله انه مامن سهالات بهالمباراة .. سرقسطة نادي موب هين وان استقعد استقعد .. لكن نتمنى تكون النتيجة مدوية وتكون رجعة أداء اللاعبين بعد المستويات الهزيله نوعا ما في آخر مباراتين .. وتكون الرجعة اللي عليها الكلام من ميسي ..
بعض اللي انكتب في دهاليز رابطتنا من الاخبار ... متعوب على هالكلام
تشكيلة الاس المتقوقعه
وهنا تقرير عن اكونا اللي استدعاه بيلغريني لأول مرة
الفرصة الكبيرة لـ ( أكونا ) غداً ضد خيخون ..!
,’
مانويل بيلجريني ضم البارغواني صاحب الـ 21 عاماً [ خافيير أكونا ] لاعب الكاستيا لمباراة الغد ضد خيخون , ويعتبر أكونا اللعب لريال مدريد الأول بمثابة [ الحلم الكبير ] له وقد إنضم إلى النادي في فترة الأنتقالات الشتوية الماضية , وقد لعب 21 مباراة سجل خلالها سبعة أهداف , وسوف يكون غداً الـ 24 من أكتوبر هو أول يوم يظهر بهِ مع الفريق الأول .
خافير أكونا يمتد عقده مع ريال مدريد حتى 2013 , من مواليد 23 يونيو 1988 في مدينة أسونسيون في البارغواي , كان أول هدف رسمي له مع ريال مدريد ضد مورسيا وآخر هدف له في المباراة الأخيرة ضد فويرتيفنتورا وهو صاحب الهدف الوحيد في هذهِ المباراة ,