اللي يبي درب السلامه ( تساهيل ).. واللي يدوّر الشر يسرق مني ( صحن فول ) - نادي الهلال السعودي - شبكة الزعيم

Fahad Al Sudais · #1 22/10/2009, 06:23 PM

حيــــــــاكم

مزبَن

اذا كان خويّك سمين... لاتقول له ( يا دب )

خلك ( حن حن ) وقل ( مجموعة انسان )

انا جيـت

موقف صعب.. صعب جداً.. حزين.. كئيب.. يؤدّي الى الجلطة

اكثر من مره يصير لي هالموقف ومازلت على امل بحياة افضل

اكون بالبيت لحالي.. اهلي معزومين او رايحين منّا او منّاك

اطلع من الخيمه للشارع علشان اروح للبقالة على رجولي.. واترك الباب ( مطرّف )

ارجع والقى الباب مصكوك بسبب موجة هواء عاتيه

واحبرش بمخباتي وما القى المفاتيح

واتذكر اني حالتهن في قاع الخيمة جنب الجوال

وبهالحالة مافيه الا حل واحد

اني انط من فوق جدار السور واطب بالحوش

وهالعملية طبعاً محتاجة ( رشاقة وخفة وزن )

وانا ( بسم الله علي )

ما اعترف بالخرافات هذي... رشاقة وقوام ممشوق ومدري إيش

الأكل.. ثم الأكل.. ثم الأكل.. وهـ بصصص فدييييت الموائد العامرة

الموووهييييم

في مثل هالموقف الصعب

مالي الا عيال الجيران ( العصاقيل )

كل ابو دايم اطق عليهم واتلّ واحد منهم واخليه ينط ويفتح لي الباب

وهم بصراحة مايقصرون ابد... زاهبين تقل ( قرود ) للمطامر وتسلّق طبلون الكهرب

وانا يجين احباط اذا شفت احدهم يقوم بعملية القفز والتسلّق

أحس اني محروم من نعمة الرشاقة غصب عنّي

ياخي مو منطق ابد

إحزم خشّتك تصير رشيق... إفدغ وعب التانكي تصير دب

وبعدين افرضوا ان الجيران هذاك اليوم معزومين وانا توّي ماتورطت صح

وش الحل بهالحالة ؟؟

طيب مافيه حل وسط ؟؟

لايجي احد مسوي فاهم ويقول ( اقعد بخيمتك ولاتطلع واطلب من البقالة توصيل )

انا ابي اصير رشيق لكن بشرط.. ( الرز ) لايوووووووووووقف

صعبه شوي ... صح ؟؟

لكن اللي مهوّن علي انه مو انا الوحيد

ثلاث ارباع الشعب السعودي مايقدرون ينطّون السور بسبب ( الرز )

فورزا ( رز ).. فورزا ( بخاري ).. فورزا ( مثلوثة ).. فورزا ( مندي ومظبي )

.

.

مخيّمات ( كل مقص وله شارب )

قرب الشتاء... والمربعانيه بالطريق

وقرّبت ايام ( السمر ) و ( الارطى ) والفروات والزنجبيل

وطبعاً استعدادات اصحاب المخيمات على قدم وساق ( للنهب )

بعد طعس التحدي حق خزام... على طريق المجمعة القديم

مخيمات للايجار بأسعار فلكية... اسعار تجيب الجلطة والبلهارسيا في قلب الصحراء

أخيَس وأزفت مخيم تلقاه بـ خمسميّة ريال في اليوم

خيمتين ( وحده رجال ووحده حريم ) + خيمة مطبخ + خيمة صغيرة + حمّام تكرمون

يعني تخيّم انت واهلك ثلاث ايام ( اربعاء وخميس وجمعه ) بالف وخمسميّة

قسم بالله حرام... سرقة عيني عينك

والقهر لو بينقص عليك علبة ( كبريت ) ورحت للحارس قال ماعندي !!!

وراح ( تاكل تبن ) وتطق مشوار لمحطة خزام علشان علبة كبريت او حبة بنادول

والدبابات عن يمينك ويسارك رايحة جاية وانت بالمخيّم.. واللي مايشتري يتفرج

واذا تبي دباب للصغار ادفع عشرين ريال حق ربع ساعة او اقل

يعني ثلاث ايام راح تكلف بالكامل مع الحطب والاكل والتجهيزات وآجار المخيم والدبابات حوالي ثلاث الاف ريال

هههههههههههههههههههههههههههه

ياللي ناوي تخيّم... خذها نصيحة من استشاري مفولجي

رح انت واهلك لجزيرة ( حوار ) الواقعة بين البحرين وقطر

واسكن بفندق خمس نجوم ومتّع اطفالك بالالعاب والدبابات وعش حلم جميل بحياتك

يومين من الاربعاء الى الجمعة ماراح تكلفك اكثر من 1800 ريال

.

.

الله لايشفحنا... الله لايشفحنا

هالموقف لكم... انتم علقوا عليه... انا ماعندي شي اقوله :

واحد من الزملاء اسمه ( عبدالله ) عنده كبينة مكالمات هاتفية

وطبعاً هالكباين خسرانة وماعليها سوق... الله يعز الجوالات

لكن هو متحسف يبيعها لأن موقعها حساس بوسط البطحاء

الموهيييم.. خلوني اعطيكم الموقف لايروح موضوعي لقسم الاتصالات مثل بعض الناس

هذاك اليوم كنت عنده.. ودخل واحد ( سعودي ) وكلم بالتليفون

يوم جاء يحاسب كانت الفاتورة تسعة ريال ونص

دفع عشرة... ووقف يحتري عبدالله يرجع له نص ريال !!

قال له عبدالله : ماعندي والله انصاص

قال الرجال : خير ان شاءالله.. وطلع

بعد اسبوع

اتصل بي عبدالله وهو في حالة ذهول

قلت له : وش جاك ؟؟

قال : تذكر الرجال اللي عطاني عشرة ووقف يحتري النص ريال حقه وقلت له مامعي ؟؟

قلت : وش فيه ؟؟

قال : جاني اليوم واستخدم التليفون..

وبعد ماخلص قلت له حسابك خمسة ريال ونص

عطاني خمسة وقال : معك نص ريال لي من هذاك اليوم

.

.

رومانسيات صخراويات

ليه احس اني وانا اشوفك حزين ؟؟

وقلبي الليله بهمي ممتلي

كانها الفرقا.. سألتك حاجتين :

7
7
7
صحن فول.. وصحن زيتون قبل تطسّين... ولاتنسين تصكين الباب وراتس

مدفن
ليس كل من ينظر اليك بتمعن يعتبر معجباً بك

...........قد يكون ( يتحمّد الله على العقل )

ذآيب · #2 22/10/2009, 06:46 PM

بـٌآك ,,

^
بـٌدرٍي ,,

آهنـٌن صـٌخ صـٌخ ,,

آقسـٌم بآللـٌه آنـٌي نسيـٌــــــــــــت آلمـٌوٍضوٍع ,,

آوٍل كـٌل شـٌيء .. مبـٌرٍوٍك آلخمـٌآسية يـٌآ حـٌلوٍين ,,

آطلدزٍ خمـٌآسية عـٌلى هـٌآزٍم آلآهـٌلي وٍآلآتفـٌآق وٍآلشبـٌآب ,,

ثـٌآني كـٌل شـٌيء

.. بـٌآبدآ آعـٌلق ع آلفقـٌرٍآت ,,

موقف صعب.. صعب جداً.. حزين.. كئيب.. يؤدّي الى الجلطة

إقتباس


	وهم بصراحة مايقصرون ابد... زاهبين تقل ( قرود ) للمطامر وتسلّق طبلون الكهرب

آلشـٌرٍهـٌة وٍآللـٌه عـٌلى آللـٌي يخـٌدمك يـٌآبوٍ صـٌآلح ,,

تبـٌي آلصـٌرٍآحة .. خـٌلك زٍيي وٍآكـٌل ليـٌـــــــن تقـٌوٍل بـٌس ,,

يـٌآخي وٍشوٍ لـٌه تمنـٌع نفسـٌك وٍحمـٌية وٍلآ تـٌآكل وٍمدرٍي آيـٌش ,,

آضـٌرٍب لآ جـٌآ آلصحـٌن قدآمك .. ليـٌــــــــن تتٌآرٍع لآ تلقـٌآئيآ ,,

إقتباس


	مخيّمات ( كل مقص وله شارب )

وٍوٍشوٍ لـٌه آلمخيمـٌآت آصـٌلآ ,,

رٍح لـٌم حفيـٌرٍة نسـٌآح وٍمعـٌك خيمتـٌين .. آبنهـٌن بنفسـٌك وٍرٍيح عمـٌرٍك ..!!
وٍحـٌدة للرٍجـٌآل وٍآلثـٌآنية للحـٌرٍيم .. وٍآلحمـٌآم آقـٌرٍب قشعـٌة ,,

إقتباس


	الله لايشفحنا... الله لايشفحنا

مـٌآ آحـٌد قـٌآل له لآ يحـٌط آنصـٌآص ,,

إقتباس


	رومانسيات صخراويات

تتـٌذكرٍ حلقـٌة طـٌآش بآلرٍزٍ ,,؟

يوٍم يخـٌلوٍن آلرٍزٍ سـٌرٍ آلحيـٌآة ,,

لوٍ يسـٌوٍوٍن زٍيهـٌآ بـٌس عـٌن آلفـٌوٍل ,,

وٍتكـٌوٍن آلبطـٌوٍلة لـٌك ,,

إقتباس


	مزبَن مدفن

حـٌلوٍهـ ,,

يعـٌطيك آلعـٌآفية آبـٌوٍ صـٌآلح عآلمـٌوٍضوٍع آلرٍوٍعـٌة ,,

لآ هنـٌت وٍآللـٌه حبيـٌب قلبـٌي ,,

مـٌوٍدتيّ ,,

الهنوووف · #3 22/10/2009, 07:00 PM

هلا بك اخوي الصخره

البلى مو من اكل الرز البلى من التسدح والتطبح بعد الاكل

كل واشرب شاهي اخضر وامش لك شوي

واضمن لك تطامر كنك ولد بالطعشات

تذكرت زمان قمت بهالمهمه وهي التسلق على الباب حتى افتحه لاهلي
ناسين المفتاح

وابوي مو معنا

اشين شي بالحياه تنسى مفتاح او جوال او فلوسك تحس انك ضايع

\
وعلى طاري الفلوس وعدم النسيان
ماشاء الله فيه ناس خذ ارواحهم ولاتاخذ منهم ربع ريال

يذلونك خمسين سنه

\

/
عوافي يـ باشا

الهنوووف

كانت

هنا

ورحلت

Fahad Al Sudais · #4 22/10/2009, 09:05 PM

إقتباس

الرسالة الأصلية كتبت بواسطة الهنوووف


	هلا بك اخوي الصخره البلى مو من اكل الرز البلى من التسدح والتطبح بعد الاكل

وعليكم السلام ورحمة الله وبركاته

ومن قال لتس اني اتسدح واتبطح بعد الافتراس

وبعدين تعالي هنا

شكلكم فاهمين غلط.... تراي موب ( مجموعة انسان )

وزني تقريباً 89 بس

يعني اذا شفتيني من بعيد تتلخبطين بيني وبين محمد الشلهوب

هلالي من ارض اليمن · #5 23/10/2009, 01:12 AM

إقتباس


	انا جيـت

لدي سؤال صغنطوط

.. كيف تمكن ( الرز ) أن يفرض نفسه وجبة رئيسية في وجباتنا الغذائية ؟

انا لست من هواة الرز ( الحمدالله ) .. صلوا على النبي

تعرف يا ابو صالح

.. في المستقبل القريب ان شاء الله .. اذا رغبت في السفر فسوف استشيرك .. ما شاء الله عليك .. خبير في الرحلات والبرامج والمواقع .. الحين تريد تقنعني ان كل هذا من الفول

.. للعلم هنالك موقع تحدثت عنه في موضوع سابق لك في رحلتك الى مصر واسمه ( اكسبيديا ) .. بدأت تربطني به علاقة غرامية

الا تنصحني ببطاقة الخصم التي يعرضونها ؟

حزنت على استشاريتنا ( شـذى ) .. وهي تتسائل : كيف نستمع معشر الأبضايات برحلاتنا في البرد الصاقع ؟

وصدق من قال : من لا يعرف البر والمزيون .. لا يعرف البدو والأوطان

إقتباس


	ياما نصحتك مانفع&&& يكفي فول يكفي دلع البطن على كذا انوجع &&&والكرشة شوي وتنفقع

انا اشهد ان أمرؤ القيس بعث من قبره مجددا .. وهو يهتف : الحقوا على الشعر من ابو محمد يا خلق الله

ابو محمد

صخوره

.. صخ صخ

.. حن حن

سأثبت في التاريخ لك سابقة لم يسبقك احد بها من العالمين

أنك أول من دلع ( الصخر )

يعطيك الف عافية ،،،

قرقاص · #6 22/10/2009, 07:00 PM

هلا وغلا بصخرة الزعيم

أنا وأعوذ بالله من كلمة أنا من أشد المعجبين بكتاباتك والمتابعين لها وخصوصا بعد ماعرفت اسمك الحقيقي من الرابط اللي انت حاط حق جريدة الرياض بخصوص خالد عزيز >>> مدري وش العلاقة

إقتباس


	اكون بالبيت لحالي.. اهلي معزومين او رايحين منّا او منّاك اطلع من الخيمه للشارع علشان اروح للبقالة على رجولي.. واترك الباب ( مطرّف ) ارجع والقى الباب مصكوك بسبب موجة هواء عاتيه واحبرش بمخباتي وما القى المفاتيح واتذكر اني حالتهن في قاع الخيمة جنب الجوال

الموقف هذا عانيت منه 3 مرات في حياتي مرة قبل الزواج ومرتين عقب >>> وش يفرق

وحدة منهن كانت المدام والدة وجالسه في بيت أهلها وكنت عزوبي وطلعت للمسجد ونسيت المفايح والجوال داخل البيت ومن ضمنهن مفتاح السيارة

المشكلة اني ماني انسان واحد ولانيب مجموعة انسان >>> ماابي اقول دب

لكن الجسم مافيه مرونه ابد من كنت صغير وانا عاقل عمري ماطلعت جدران من المدرسة للبيت ومن البيت للمدرسة

وكبرت ودجيت وصار عندي فوبيا من الأماكن المرتفعة

فقمت ورحت للبقالة وقلت ممكن تليفون سديق قال مافي مشكل واكلم على اهل المره ويجي اخوها اللي كأنه من عيال جيرانك وعلى العداد ودقيقه ولا هو فاتح الباب

المرة الثانية قبل 6 شهور نسيت المفتاح في البيت والأهل كانوا معزومين ورحت للمسجد وفي نفسي اني اقفل الباب الداخلي حق البيت واخلي الخارجي مفتوح لأن المفتاح حق الخارجي ضايع وسط السيارة ولاانا لاقيه المشكلة اني طلعت كالعادة واسكر الباب الداخلي بالقفل واصك الخارجي بقوة ولحظتها تذكرت ان مامعي مفتاح

واروح اصلي ولما رجعت اناظر في الجدران والقاها عالية وصعبة وممكن تمر دوورية وتحسبنب حرامي ويلقطوني خاصة ان المحفظة اللي فيها اثباتي داخل البيت

ويجي جاري >> بس ماعنده عيال كبار كلهم ابو5 سنين وتحت

ويقول خل اجيب لك سلم واطلع من فوق الجدار وانزل على بيتك

انواع الأحراج وش اقول له !! اقول اخاف من المرتفعات !! قلت لا صعبة وممكن تجي دورية ولا شيوفنا احد ويبلغ

اخر شي تفتق ذهني اني ارفع باب الكراج الالكتروني وادخل من تحته واقوم انادي جاي يرفعه وادخل من تحته طبعا دخلت رغم صغر الفتحه لأني زحفت على بطني والنتيجة اني مسحت الغبار اللي بالأرض كله وثوبي صار محتاج لنظافة تايد

المهم اني دخلت وفتحت الباب

اما المخيمات فحدث ولا حرج

ياخوك في النمسا في منطقة اسمها الكابرون قرب زيل ام سي الشهيرة تاخذ لك كوخ كامل مدة شهر ب 5000-7000 ريال

Fahad Al Sudais · #7 22/10/2009, 08:59 PM

ذآيب ببيالة شاهي... بارجع لك اذا رديت

إقتباس

الرسالة الأصلية كتبت بواسطة قرقاص


	أنا وأعوذ بالله من كلمة أنا من أشد المعجبين بكتاباتك والمتابعين لها وخصوصا بعد ماعرفت اسمك الحقيقي من الرابط اللي انت حاط حق جريدة الرياض بخصوص خالد عزيز >>> مدري وش العلاقة

حياك الله يالقرقاص

ومن قال لك ان الاسم اللي بالجريدة هو اسمي الحقيقي

ههههههههه امزح

فهد العلي ؟؟ ترى ( العلي ) مو اسم العائلة... هذا اسم جدّي الله يرحمه

يعني اسمي فهد بن صالح بن علي..... اندر ستاند يا مان

طن كيو

Z ! Z OO · #8 22/10/2009, 07:09 PM

-----
بآك ..|

هلا والله فهد
كانت في الصفحة الرئيسية ,, وشفته الأول على المجلس
ومن العنوان عرفت أنه أنت

سالفة إنك بتحاول تصير رشيق مع الرز
هذي أنسها مره

وخاصة لو كنت كل يوم
خلك على زيتونك الأخضر .. وصحن الفول
كل يوم أفضل لك من الرز

أما حق النص ,, فهذا حقه ويمكنه مامعه إلا الخمسة
ولا إنه واحد ماينسى أبداً

يعطيك العافية أبو صآلح
ياخي أنا كني شايفك مره عند حلاق تركي ,, على شارع عنيزه

وفي العيد ولا ..|

|

Fahad Al Sudais · #9 22/10/2009, 09:15 PM

إقتباس

الرسالة الأصلية كتبت بواسطة Z ! Z OO


	ياخي أنا كني شايفك مره عند حلاق تركي ,, على شارع عنيزه وفي العيد ولا ..\|\|

انا

بحلاق تركي

وبشارع عنيزة

احلف لك ان آخر مرة دخلت فيها حلاق تركي كانت قبل 12 سنة ( ايام التنعيم والفسوق)

وغير كذا.. انتمائي العائلي مقسوم نصين بين البدايع وبريدة... وتبين اروح لشارع عنيزة

اخاف انك شايف ابراهيم RDH وتحسبه انا... بحكم الشبه الشديد بيننا

هلالي من ارض اليمن · #10 23/10/2009, 06:11 AM

ما احد يسند ظهره عليكم يا شباب المجلس

من انكر قول الصخرة .. فنحن نشك في حسن قرائته

ابو صالح

.. نقل لكم الحادثة نقلا عن صديقه الذي ( اتصل ) به .. وطالما الأصل في المسلم الصدق .. فلا يعيب الصخرة ان نقل الحادثة على لسان صديقه .. وبالتالي تبطل دعواكم في حق موكلي ( الصخرة ) جملة وتفصيلا

من جانب آخر .. ضاق بكم الموضوع ولم تجدوا ما تتحدثوا عنه سوى ( النصف ) ريال

فاتورة الأتعاب

صحن فول قلابة .. الله لا يهينك يا ابو صالح

يعطيكم جميعا الف عافية

marsal · #11 30/10/2009, 11:51 AM

إقتباس

الرسالة الأصلية كتبت بواسطة سكب


	^^^^^^^ أمّ التحجير يا شيخ هلا فهد , كيفك يا الحنووون الحمد لله في حياتي العامرة كلها , ما حصلّ لي موقف إنّي أنسى مفتاح وأقفل صحيح إنّي إنسان نسّاي , لكنّ إلا المفاتيح أحرص عليه من حرصي على نفسي الحين بـ السكن الجامعي , يا شيخ لو بروح دورة المياه - الله يكرمكم- آخذ مفاتيحي معي .. كنت آخذ جوالي , الين ما طاح عليّ في الحمام يعطيك العافية يـ الحنوون

إقتباس

الرسالة الأصلية كتبت بواسطة alhilali15


	مرسال على رسلك لقد حجرت وزبدت وكنت اريد ذلك ولكنني اكتفيت ببيت الشعر مرسال رد بلميووون رد حجر ياحبيبي حجر

إقتباس

الرسالة الأصلية كتبت بواسطة هلالي من ارض اليمن


	ما احد يسند ظهره عليكم يا شباب المجلس من انكر قول الصخرة .. فنحن نشك في حسن قرائته ابو صالح .. نقل لكم الحادثة نقلا عن صديقه الذي ( اتصل ) به .. وطالما الأصل في المسلم الصدق .. فلا يعيب الصخرة ان نقل الحادثة على لسان صديقه .. وبالتالي تبطل دعواكم في حق موكلي ( الصخرة ) جملة وتفصيلا من جانب آخر .. ضاق بكم الموضوع ولم تجدوا ما تتحدثوا عنه سوى ( النصف ) ريال فاتورة الأتعاب صحن فول قلابة .. الله لا يهينك يا ابو صالح يعطيكم جميعا الف عافية

لم أقصد تحجير لكن زيادة علم

و لو كانت القصة غير دقيقة

و بها امر اخر فأكيد انها أتي بها لغرض اخر و يمكن هناك فائدة مغموسه في بطن الشاعر

هلالي معالي · #12 22/10/2009, 07:16 PM

يا هلا و غلا بأبو صآلح

جزء المفتاح و البقاله بصراحه ما قد صارلي هالموقف و ان شاء الله ما يصير مقدماً

لكن انت عندك حل مميز بصراحه "عيال الجيران"

فورزا رز فورزا مثلوثة و مظبي و مندي

و ستين فورزا يا شيخ

ابو صآلح تراني مشتهي الفول صار لي مده عنه حول الخمس ايام ما ذقته

شكلي ناوي على شر انت وش تنصحني؟

لبى قلبك يا بطل استمررر بالمواضيع الخفيفه الظريقه الي مثلك يا حليلك

<<فهم الموضوع من دون باور هورس و ولا حاقه

Fahad Al Sudais · #13 23/10/2009, 08:31 AM

إقتباس

الرسالة الأصلية كتبت بواسطة هلالي معالي


	ابو صآلح تراني مشتهي الفول صار لي مده عنه حول الخمس ايام ما ذقته شكلي ناوي على شر انت وش تنصحني؟

هلالي معالي زايد

نصيحتي الذهبية >>> ابوظافر وبس

بطلة · #14 22/10/2009, 07:17 PM

هههههههههههههههههههههههههههههههههههههههههههههههههه
هههههههههههههههههههههههههههههههه وربي ضحكت ضحك على أبو نص ريال
يذكرني بأصحاب السوبر ماركت غصب عنك تشتري علك أو مافي نص ريال

خل صاحبك يبيع علك ماله إلا كذا

بس لايكون (عبدالله ) مواصل من عام

؟؟ ههههههههههههههههه

_________________________________________

* ومن ناحية الأكل مو كل من أكل رز صار مجموعة إنسان

في ناس سبحان الله على طول يزيد وزنهم ماشاء الله من الزر وغيره
وفي ناس مافي أمل يزيد وزنهم بسهولة

وبصراحة الرز ارحم من الوجبات السريعة

________________________________________

* طيب الدب وعرفنا اش نسميه مجموعة إنسان والنحيفة اش نسميها اسم حلو بدل عصقولة ؟؟

مشكور عالموضوع الله يسعدك ضحكتني بعد ماكانت قاااااااااااااافلة معي

Fahad Al Sudais · #15 23/10/2009, 08:34 AM

إقتباس

الرسالة الأصلية كتبت بواسطة بطلة


	بس لايكون (عبدالله ) مواصل من عام ؟؟ ههههههههههههههههه

هههههههههههههههه لا ويييييين هناك فرق شديد يا اخت العرب