السلام عليكم يا زعماء

اولا بالتوفيق اليوم للزعيم امام الاهلي وانشاء الله نطلع من المباراة في الثلاث نقاط

نجي لموضوعنا الاساسي

شباب ابي معهد حلو بالرياض طبعا معهد انجليزي

عددوا لي بعض الشباب بعض المعاهد لكن حبيت اشاوركم واكيد انتم اكثر خبره مني

تكفون ابيكم تعطوني اسم المعهد ورقم تلفونه و طريقة الدراسه فيه والاوقات وكل شي عنه واهم شي اسمه والتلفون و طريقه الدراسه هل هي على كمبيوتر او كيف بالضبط والمدرسين و جنسياتهم و و و و و و و و

طبعا اكثر معهدين مدحوها لي هذولي (( ELS )) و (( wall street )) وهذولي الاثنين تكفون عطوني كل شي عنهم هذولي اهم من كل الي فوق

تكفون يا شباب لا تقصرون معي لأني ابي اطور لغتي الانجليزيه من الحين ولازم هذا الاسبوع ادخله عشان ما يضيع علي الوقت تكفون لا تقصرون معي

شباب نسيت اسالكم

انا طبعا ادرس في جامعة الملك سعود وابدرس المعهد بالصيف الجاي

لكن الكلام الي فوق هذا لاخوي الصغير بالصف الثاني متوسط وابشوف المعهد الي يدخله وينجح فيه ابدخله انا

وسؤال اخير هل معهد wall street و ELS فيها اقسام للصغار ، لأن اخوي عمره 14 سنه او انه لجميع المراحل السنيه ؟ واذا ما فيه ، فيه معهد انجليزي في الرياض حلو مناسب لعمر اخوي هذا في حالة انه المعهدين الي فوق ما عندهم للصغار

ومشكورين مقدما وانا انتظر ردكم