انفلونزا الخنازير vs الطلاب - نادي الهلال السعودي - شبكة الزعيم

احبك يا رسول الله · #1 12/10/2009, 08:34 AM

السلام عليكم ورحمة الله وبركاته

اهليـــــــــــــــن باحلا اعضاء والله حي الله اي والله<<النمش

وووووش اخباركم مع الدنيا الي لو تسوى عند الله جناح ذبابه ما شرب الكافر فيها ماء

قبل ادش(ادخل بالموضوع) بقولكم سالفه...

امس دق علي واحد من الربع.. الرجال ابدوي ..المهم

قالي شفت فيلم المتركبون..قلت لا وشو.....قالي:

ابك ابك ابك انت معطيني اياهــ...

قلت:

يا ادمي ما عطيتك شي اخلص اشرحه لي عشان اتذكره...

قالي:يا اخوي يجيك موتر ينقلب رجال

...قلت:انا عرفت قصده المتحولون:Transformers)

قلت عجبك هاااااااا

.......قال : ياخي امنيتي الشاص ينقلب رجال

*********** مالكم بالطويله************

المهم بكلمكم عن مدرسه قريبه منا في اليوم الاول طالبين اصابتهم انفلونزا الخنزير

اخواني وش نسووي نتظر الين يموتون اخواننا الصغار واخواتنا لا في حل

تكفون خلوننا نناقش هذا الامر...ترى الشغله فيها موت مو مرض

يوجد ناس سحبوا ملفات اخواته واخوانه وابنائه من المدارس..الين يذهب المرض

هل هناك حل ام لا

ارجوا انني ما اطلت عليكم

fabri_4 · #2 12/10/2009, 09:31 AM

إقتباس

الرسالة الأصلية كتبت بواسطة احبك يا رسول الله


	اخواني وش نسووي نتظر الين يموتون اخواننا الصغار واخواتنا لا في حل تكفون خلوننا نناقش هذا الامر...ترى الشغله فيها موت مو مرض يوجد ناس سحبوا ملفات اخواته واخوانه وابنائه من المدارس..الين يذهب المرض هل هناك حل ام لا ارجوا انني ما اطلت عليكم

والله محد درا عنك ..

بس مافي امل ياجلون الدراسة ..

لين يغيبو كل الطلاب المدارس بعدين يفكرو ياجلو او لا ..!

ملك الثواني9 · #3 12/10/2009, 10:25 AM

ياخي لو نتناقش ويتثبت الموضوع مافي أمل للتأجيل مثل مافي أمل لشاص خويك إنه يتحول لرجال ههههههههااااااااااااااا
أتمنى لك التوفيق
تحيتي قبل مودتي

الـعـ كـاكـا ـرب · #4 12/10/2009, 01:58 PM

و ازييدك من الموضووع كم سطـر .. هع

اليوم و انا طالع من المدرسة رحت لم البقالة و قريت في الجرايد و فيه عنوان مكتوب

اشتباه في اصابة 17 طالب بـ انفلونزا الخنازير في احد مدارس شرق الرياض << يقولون انها من عمال النظافة

و قبل شوي خوويي يقوولي ان فيه 3 حالات في احد مدارس السويدي

الله يحفظنـا من كل شر ..

مـوت ومـيـلآد ! · #5 12/10/2009, 03:40 PM

إقتباس

الرسالة الأصلية كتبت بواسطة الـعـ كـاكـا ـرب


	و ازييدك من الموضووع كم سطـر .. هع اليوم و انا طالع من المدرسة رحت لم البقالة و قريت في الجرايد و فيه عنوان مكتوب اشتباه في اصابة 17 طالب بـ انفلونزا الخنازير في احد مدارس شرق الرياض << يقولون انها من عمال النظافة و قبل شوي خوويي يقوولي ان فيه 3 حالات في احد مدارس السويدي الله يحفظنـا من كل شر ..

شرق الرياااااض..

لا لا ان شااءالله الله لا يقووله يااربي..

وبعدين...

الشتاا جايكم وبينتشر اكثر واكثر..

والله يستر كم وااحد بيرووح

.

!!زعيم الكل!! · #6 12/10/2009, 02:17 PM

إقتباس


	هل هناك حل ام لا

تأجيل الدراسة ..
خلاص وش ينتظرون
يقولون لين يغيب مادري كم بالميه نأجل الدراسة ..

يعني يحترون الطلاب لين يموتون يأجلونها

المفروض تتأجل الدراسة الى ما بعد الشتاء

أحمد الهلال 20 · #7 12/10/2009, 03:28 PM

عندنا الفصل ما حضر الثالث الأيام الأولى سوى 13 طلاب

رغم أنه السنه الأخيره و المهمه و هي التوجيهي

و في فصل ثاني ما حضر سوى ثلاث طلاب

و كمان نسبة الغياب عندنا في الطائف 90%

فض فاض · #8 12/10/2009, 03:41 PM

اقوول محد درا عنك ياصاحب ومااتوقع بتتأجل لو يغيبون 90%
الله يعين

GOLDEN BOoOy · #9 12/10/2009, 04:45 PM

اوما شرق الرياض !!

تكفون اعقلوا اشاعات غديها

وشسمهـ

انا اذا طلعت اشاعه مرض طالب بمدرستنا
بنقل ع طووول وش يقعدني والله الدعوى ياعيال والله مهيب سهله ..

بعدين فيه مدارس بشرق الرياض الفصل فيه بالستينات يعني مايحتاج اي عطسه وصلت الجميع :p

والله يعين بس ..

ṯђế Ҝịŋģ · #10 12/10/2009, 04:48 PM

لاحول ولا قوة الا بالله انا سمعت خبر انه اذا اكتشفو ان نسبة الغياب بالسعوديه زادت عن 70% بياجلونها ومدري كانها صدق ولالا

naiF' · #11 12/10/2009, 05:39 PM

^

في اول يوم

ارسلو لي جريدة الرياض ان الحضور 90%

كله كلام فاضي

السمسار الهلالــي · #12 12/10/2009, 06:53 PM

3 من عيال عمي فيهم " أنفلونزا الخنازير

"

دعواتكم ياجماعة الخير

.. وهم الآن يعالجون وباذن الله مشافين معافين

/

هلالي معالي · #13 12/10/2009, 08:00 PM

إقتباس

الرسالة الأصلية كتبت بواسطة السمسار الهلالــي


	3 من عيال عمي فيهم " أنفلونزا الخنازير " دعواتكم ياجماعة الخير .. وهم الآن يعالجون وباذن الله مشافين معافين /

لا حول ولا قوة الا بالله

الله يشافيهم ان شاء الله بإذن الله معافين

انتشر المرض بصورة غير طبيعيه و في الشتا يتكاثر اكثر و اكثر و الله يستر علينا ان شاء الله

ابي اعرف ليه ما يأجلون و يريحون البال الكويت مأجله سنه كآمله و حناا على 3 شهور ما قدرو

cheva · #14 13/10/2009, 07:46 PM

يتحول شاص خويك لرجال ولا يأجلون الدراسة

لكن الله يعين

أحمد الهلال 20 · #15 12/10/2009, 07:14 PM

إقتباس


	اقوول محد درا عنك ياصاحب ومااتوقع بتتأجل لو يغيبون 90% الله يعين

آسف يا شباب أقصد نسبة الحضور 90%

و نسبة الغياب 10 %