29/09/2008, 06:08 AM
|
| زعيــم متواصــل | | تاريخ التسجيل: 30/05/2007
مشاركات: 50
| |
$ لايفوتكم: # معاناة مغترب # للشاعر (أبو اجود) $
بسم الله الرحمن الرحيم # معاناة مغترب # للشاعر: عبدالله بن محمد الجبيري (أبو اجود).  *مناسبة القصيدة: عندما كان أبي في شبابه حصل على فرصة للدراسة في أمريكا لمدة عام, وكان "حديث الزواج", وكان يدرس في أحد الجامعات السعودية منتسباً بعد أن حصل على الوظيفة, ولكن البريق والدعاية لأمريكا قد كان له دور في التأثير عليه, فترك الجامعة وترك الزوجة وذهب لأمريكا, ولكنه فوجئ بالواقع الأمريكي الفاسد الذي لم يتعود على مثله, ولم يستطع البقاء بدون زوجته, فأرسل إليها أبيات لحثها على سرعة اللحاق به. *يـقــول فــيـهـا: .اليوم أنا ياصاحبي صرت محتاس = كناس طباخ مغسلٍ مواعين.
.في شقةٍ إن شفتها قلت لاباس = لكن وحيد وشايفٍ وسطها البين.
.اليوم يمضي في دراسة بقرطاس = والليل يمضي في هواجيسٍ وونين.
.مالي ترى من غيركم طيب مجلاس = عجل تراني شاربٍ الأمرين.
.عزي لمن هو ساكنٍ وسط تكساس = ومضنون عينه في ديار المسلمين.
.في ديرةٍ ياصاحبي تقلب الراس = ديرة يهود وكل أهلها ملاعين.
.العيب مابه عيب ولا عندهم باس = والطيب اللي عندنا عندهم شين.
.اسكر واسهر وعلق في جيدك نحاس = وراقص تصير الشاطر من الشياطين.
.والبس من الضيق تجي خوش خنفاس = وأنفش شعر راسك ترى عندهم زين.
.والبس خواتم مع سلاسل بأجراس = ودلع بزاريرك عن الصدر ذا الشين.
.هاذي مطالبهم على كل الأجناس = وهاذي وصايفهم وأنا عنهم وين.
.متأخرٍ في رأيهم مابي إحساس = ديني منعني ما انزلق داخل الطين.
.من حبهم حبوه أولاد الأنجاس= والي يحبونه مشا كيف ماشين.
.واليوم أنا في شقتي معي هوجاس = وهوجاسي ارحم من امبارا المظلين.
.ضاق الصدر ياصاحبي هو والأنفاس = عجل ترى إن أبطيت جيناك ماشين.  تقبلو تحياتي محمد بن عبدالله بن محمد الجبيري
اخر تعديل كان بواسطة » %صقر الجبور% في يوم » 29/09/2008 عند الساعة » 09:24 AM |
الوضع العادي
