تصريح الأستاذ سامي الجابر حول غياب اللاعب خالد عزيز - نادي الهلال السعودي - شبكة الزعيم

إدارة الأخبار · #1 10/10/2009, 08:09 PM

الرياض : مركز الأمير فهد بن سلمان الإعلامي في نادي الهلال

أكد مدير عام الفريق الكروي الأول الأستاذ سامي الجابر أن الكابتن خالد عزيز واصل غيابه لليوم الثاني على التوالي، واكتفى عزيز ببعث رسالة نصية عبر هاتفه النقال لمنسق الفريق الأستاذ هشام اللحيدان تفيد بوجود ظروف عائلية. وأشار الجابر بأنه سيتم الاجتماع باللاعب حال عودته للتدريبات .

الرايق.. · #2 10/10/2009, 08:11 PM

يســـلم راسك يا سامي

ها اللي حنا نبيه

نبي الصدق والصراحه
مانبيكم تلفون وتدورون

خالد عزيز اصلاً ماعاد يحتاجه الهلال
يا ناس والله ما حنا محتاجينه
محور ..
يتعوض بسهوله

البرقان ورادوي والغنام وغيرهم كثير

فكه من عزيز المشكوك في ذمته

انا من شفته يضرب هزازي في النهائي وانا غاسل يدي منه

صراحه لاعب المفروض ما يمثل نادي القرن

اخلاقه زفت ووجهه يجيب الهم

فكونا منه ومن نكباته
وخلوه يتفرج في المدرجات
ياليت تحولونه هاوي
مرده بيعرف انه غلطان وبيندم في يوم ماينفع الندم
خلوه يسأل الدوخي والعويران
يبكون يبون يرجعون للزعيم وببلاش بعد
بس من عافنا عفناه
وفريقنا كل لاعبي الأنديه السعوديه والخليجيه يتمنونه
يكفي فخر انه نادي القرن في أكبر قارات العالم

بالتوفيق لزعيم القرن باللاعبين الأوفياء

وألف شكر لك سامي وللمركز الأعلامي

حربي والهلال حبي · #3 10/10/2009, 08:11 PM

ياجماعه لا تستعجلون بأطلاق الاحكام على عزيز
للبيوت اسرار واكيد هناك ظروف عائليه صعبه اجبرته على الغياب لليوم الثاني على التوالي
يجب ان نلتمس له العذر حتى يجتمع مع ادارة النادي ليوضح اسباب غيابه بشكل ادق

كل ما نقوله عسى المانع خير من غيابه

كل التوفيق للهلال

ابو فايز · #4 10/10/2009, 08:12 PM

السلام عليكم

بالله عليكم حولوه هاوي

ابو فايز

أحمد الزلفاوي · #5 10/10/2009, 08:13 PM

شين وقوي عين...

مشكورين على الخبر...

فهد من الرس · #6 10/10/2009, 08:14 PM

الغايب عذره معه ولاتكبرون المسأله

حتى تشوفون وش مشكلته

وخاصه ان خالد عزيز معروف انه خجول

حزين 9 · #7 10/10/2009, 08:14 PM

لاحول ولاقوة الا بالله

بالتوفيق للزعيم بكرة ان شاء الله

استثنائي · #8 10/10/2009, 08:15 PM

والله خالــد عزيز مشكلــة ..!!

دائم قبل ديربي أو مباراة نهائي يغيب , موب معقولة ذا الظروف ماتجي إلا في الأوقات الحساسة ..!!

والله يقولون الغايب عذره معه , وننتظر منه توضيح لأنه بأمانة يعني مسخـهــا زيادة .
إذا كان فعلا سبب منطقي بعذره .
أما إذا كان خنبقة لاعبين حواري الله لايهينه يعتزل ولا يشوف له نادي ثاني .

نادي القرن الآسيــوي ما يستقبــل لاعبين حواري مع إحترامي لشخص خالد عزيز .

+( المحــارب دائم نساعــدك وندعمــك أتمنى أنك تقدر وقفتنا معك )+