مقـلبـتـني ومقـلـبتها .. وبالنهآيه وجــدآن أخـتي ..! ض1
 

:ba1::naughty::smilie47:.

.

ببدا معكم من بداية القصه ..

25 / 8 / 2008 م

في هالتاريخ الساعه كانت 5 العصر سوت لي وجدآن مقلب هي وعمتي طبعاً ذآك اليوم أكلتها وزعلت لأنه مو أي مقلب عادي يفشل

عاد من ذآك اليوم وانا افكر اني اسويلها شي ماتنساه بحياتها هي وعمتي المصونه s121s

بتاريخ 8 / 9 / 2008 م

كنا جالسين نسولف انا واختي وجدآن قالت لي شكلي رآح اسجل بمنتدى الزعيم طبعاً انا وهي كنا متابعين للمجلس العام بس ماجاء في بالنا نسجل عاد وقتها قلت بردها لها :naughty:s121s

سجلت بنفس اليوم من دون ماقولها من بكره هي سجلت عاد من حظها تفعلت قبلي بشهرين تقريباً :cry:

جاء يوم كان فيه مسابقه ناسيه كم التاريخ جلست عندها وقعدت اتابع معاها طبعاً انا مسجله دخولي ومخليه الاب توب بغرفتي وطلعت عندها عاد قلت لها

وجدآن حرآم شوفي هذي دايم اشوفها مسجله دخول قولي لهم يفعلونها :s2:

بالبدايه رفضت رفضاًَ قطعياً بس مع كثر الزن وافقت :ap:

بتاريخ 10 / 12 / 2008 م تم تفعيلي وبديت خطتي s121s

حاولت اتلزق فيها قد ماقدر اشياء كثيره قلتها مو صحيحه وتقمصت شخصيه موب شخصيتي عشآن ماتشك فيني لأن المقلب اللي اكلته مو شويه :mad:

وماخفيكم اني كنت اكره منتداكم وماحبه واغصب نفسي عشان ارد على المواضيع والعب العبه صح :tw:

مع الوقت حسيت اني تعلقت في هالمنتدى وبديت ارد من قلبي ونسيت اللعبه :s5s:

اذكر بديتها صح من البلياردو لعبت اكثر من قيم معاها كنت اقولها وش جايبكم للرياض ماعندكم جامعه بحايل :s2:
وقتها كنت متقطعه ضحك على ردها :cc:

بس بتآريخ 24 / 4 / 2009 م

نزلت موضوع عن جدي الله يرحمه وقتها حسيت انها شكت لأن هي اكثر وحده تعرف علاقتي مع جدي وريف:smilie47:

عقب هالموضوع بدت تحجر لي واذا قلت لها شي قالت اييه رند اجل :s3s:

اقولها وش رنده من رند :razz:

تقول انتي ادرى حاولت اتفلت منها بأي طريقه بس مافيه مجال عليها تحجير موب صاحي :s3s::s2:

بمسابقه كنت بغرفتها وفاتحه كتاب رواية ثمانون عام بحثاً عن مخرج وهي بالمسابقه وانا كنت حاطه جوالي
داخل الكتاب ومشغله النت وقاعده ارد بالمسابقه وكانت تلتفت لي وانا ممثله دور اللي منسجم مع الروايه :s2::smilie47:

عاد من عقب هالموقف ماجابت لي طاري رند :naughty:

طلبت منها الأيميل لأني ناوية لها نييه s121s قالت ماعندي ايميل خصوصي اذا طلعت اعطيك

بعدها تعبت وانا امثل دور اللي هايمه بالرياض واني حياتي كلها هونيك وان اصلي وجذوري من الرياض:s3s::razz:

اشتقت اني امدح حايل واحط تواقعي عنها موب عن الرياض:s3s: <- انا واختي بس نذب على الرياض ترى الغربه شينه :s2:


نجي لعمتي اللي تم مقلبتها s121s

عمتي مملكه يوم جاء خطيبها قلت لها جدي يبيك بالمجلس قالت عنده احد قلت نهائي :razz: عاد خطيبها طالب يشوفها بس اهي رافضه لأنه شافها اكثر من مره
المهم وقتها كان خطيبها جالس يتصفح الجريده لحاله بالمجلس اول مادخلت هي سكرت الباب من وراها ومسكته وخليتها تاكلها داخل :naughty::s2:

عاد مايحتاج اقولكم وش جاني وقتها s76s

وجدآن حاولت اني اجيب ايميلها بس فشلت عاد يوم مرت سنه على لعبتي حسيت اني طولتها واني لازم انتقم وادور خطه غير خطتي الفاشله s76s
تم مقلبتها بس موب قايله كيف لأن يكفي اللي جالها مايحتاج تاكلها بالحقيقه وبالمنتدى ارسلت لها رساله قلت لها

(( تذكرين المقلب ال... الحين رديتها لتس وقتها كنتي تقولين لي ليش تزعلين خلي روحتس رياضيه علمي نفستس عاد بما ان الزعله بتكون وحده تريني انا رند اللي بالمنتدى هع هع :razz: اذا بتسوين لي شي ترى مايمديتس لأني طالعه مع البنات بيباي خيتو حبيبتي احبتس :s2:))

اول مارجعنا انا وبنات عمي من مشوارنا طلعنا لبيتهم من التعب نمت عندهم اول ماقمت لقيت 12 اتصال من وجدآن
عاد رجعت لبيتنا اول مارجعت لقيت خيتو قدآمي طبعاً تمت المصالحه بطريقه وديه بعيده عن اسلوب التجريح :razz::wub:

عاد ياله طسو مثلت دور المؤدبه بما فيه الكفايه :wub:

وجدآن عادي ياحيي تقبلي هي الدنيا بنعيشها مره وحده بس :razz:


الموضوع كتبته سريع سريع بروح اشوف جدولي بالجامعه :tw:
بيباي :ba1:

اقول يـ اختي وبنات عمي وبنات اقاربي العزيزات :d
كان احد لاعب علي يعترف بـ سامحه :mo::ab:

نجي لـ رنــد
هلا بك :s5s: يامجرمه
حتى انا مادريت انك اختها -----> احلفي بالله :d:rh:

مدري وش اقول :d الا الله يخليكم لبعض:smilie47:
وماشاء الله عليكم كلكم وشحليلكم تصلحون خوات :s2: :wub::smilie47::smilie47:
وخواطرجيات :s4s: معذبكم الحب يابنات حائل :s3s:

عاد انا اكره المقالب بس مره سويت مقلب لـ اختي وبنات عمي
كرهوني عقبها :s5s::s4s: لـ يومك يتذكرونه وفيهم قهر s121s لانهم ارتاعوا :wub:
طبعا المقلب من بطولتي (وكنت شاب اسمه فيصل:d )

\
:smilie47:
/
الله لايفرقكم :smilie47:

وجدان:smilie47:
اذا بغيتي تنتقمين ترا نعين ونعاون:wink2:s9s:2guns:

ياشباب لحد يرد ع الموضوع كله بناتي:s2:

أقرب مخرج:s2:

شكرا أختي ع المقلب وأنا أكره المقالب الي تصير لي شخصيا:d

:smilie47::rose:

مـٌآ آشـٌوٍف شـٌي يستحـٌق آنـٌك تكتبـٌين آلمـٌوٍضوٍع عشـٌآنه ,,:d

مغـٌيرٍ تحـٌكين قصـٌة مقـٌآلبك آلفـٌآشلة ,,:d
لآ عـٌلمتينآ كيـٌف مقلبتـٌي بهآ وٍلآ شـٌي ,,:d
لوٍ آنـٌي منـٌك حطيـٌت بتـٌوٍقيعي مقلـٌبت آختـٌي .. مـٌآله دآعـٌي مـٌوٍضوٍع جـٌديد ,,:d

آلآخـٌت فقـٌرٍآوٍية ,,؟:s3s:


آللـٌه يخـٌليكم لبـٌعض ,,:rose::d






مـٌوٍدتيّ ,,:smilie47::rose:

موضوع بااااااايخ ( يبي تسطير :s4s:)

ما علمتينا كيف مقلبتيها ولاشي بس سوت وحطت وطلعت ورحت ونمت ...:to:


لو تزيدين شوي وتعلمينا المقلب ويش ولا كان ما سويتي موضوع يابنت حايل :ba1:


سوري على الرد الي ما ادري وش يبي بس هذا الي طلع مني :smilie47:


لصاحب الموضوع .:rose:.

هلا والله رند .. :rose:

يلعن ابليسكم خوات وتمقلبون ببعض ..:s5s: اجل وش خليتوا للاغراب .. :mad:
بس والله ياطول بالك .. اجل تنتظرين اكثر من سنة حتى تسوين مقلب .. :to:
انا اذا بغيت شئ وما صار خلال يومين انساه لو انه ايش .. :d
اجل كيف لو مقلب .. :s4s:
بس المفروض نعرف وش المقلب حتى نشوف هو يستاهل هالانتظار ولالا .. :razz:
واشك ان المصالحة تمت بطريقة ودية .. :ap:

يعطيك الف عافية ,, :rose:

من غير زعل

سمااااااااااجة

لادرينا وش السالفه ولا شي .. بس تحكيلنا قصه حياتك ويوم نوصل للزبده تطنشين

لو كان بيزعلها كان من اول ماكتبتي الموضوع


للحرق :d

بصراحه والله مافهمت شي !!!

لووووووووول اما خوات :laugh::laugh:

تبين الجد عاد فيكم شبه من بعض .>> قولي قسم :s2:

بس في شي محيرني :s5s:

شلون صبرتي سنه كاملة ؟؟:s5s: لو اني مكانتس ماعرفت اسكت :ap:



وجدان تعيشي وتاكلي غيرها يا أوشطه :s4s:

...................................................................................................

المخرج عااااااوز كده...المقلب أيش....؟؟؟

..................................................................................................

بس الوسوسه حلوووووووووووووووه....:s4s::s4s:

حناااااا وشوشه...:d:d

ههههههههههههه

صراحة ......

الموضوع ما يستاهل

على قولة ذايب

حطيها بالتوقيع وخلاص انتهى كل شي

أوما اللي يقول وشوله ( ليش ) تردون

علشان نوضح ان مو كل ما طن براسك تحط موضوع بس ظغت على أيقونه موضوع جديد


سي يو

.

.

ههههههههههههههههههههههههههههههههههههه ميته ضحك
ياللي تقولون الموضوع مااعجبكم , وين الموضوع أصلاً ؟ ض1
انا مااشوف مواضيع ابد كل اللي كتبته خبر وترى على فكره مو لك انت ولا انت ولا انت
الموضوع للي يهمه الخبر او هو مجرد فضفضه كانت بقلبي تقرقع سنه كامله وقلتها وين المشكله طيب ؟
على قولة ريلاكس مسوين أقوياء ؟ طيب دريت أي اوامر ثانيه ؟
ماعليش بس والله مو شيء انك تفرد عضلاتك انت واياه وتنتقدون بهالشكل المزعج
ترى حتى ولو فيه شيء اسمه اسلوب للإنتقاد وفيه احترام متبادل وياليت ماحد يتعدى حدوده
بالنهايه احد منكم تضرر لأني منزله الخبر ؟ دام الكل سليمين رجاءً لاتسوون ميانه معي !!
ماارضى أي احد ينتقد سالفتي بهالشكل حتى ولو انه يمزح .. والا المزح بس معنا حنّا ومع الكبار مافيه الا قوة احترام
لو سمحتوا الخبر للي يهمه الخبر واللي مايهمه ارحم نفسك ولاتسجل دخول علشان كلمتين انا مستغنيه عنها
انا من دخلت هالمنتدى مالي عداوات مع أحد ولا عمري انتقدت احد ولاقلت الموضوع سخيف وفاشل
لأنه بالنهايه مجرد رأي اذا كان كويس قلته واذا مااعجبني الموضوع اتركه بخيره وشره ماني ملزومه ارد عليه
فياليت باللي راح تقرى هالكلام عقب اذا براسك شيء بيزعجني او انتقاد من غير اسلوب وفّر على نفسك !!

لي عوده لبعض الردود فقط
وانا ماراح اقول مقلب وجدان ان بغت هي تقول براحتها بس لاتنتظرون مني أقوله
ودام الزبده كلها بهالمقلب ابشركم من قالكم اني ناويه اعطيك فائده من ورى خرابيطي اللي كتبتها ؟
مجرد فشة خلق من زمان ودي اقولها ومااظن بتمنعوني منها

سلامو