مقـلبـتـني ومقـلـبتها .. وبالنهآيه وجــدآن أخـتي ..! ض1 - نادي الهلال السعودي - شبكة الزعيم

رنـــــد · #1 07/10/2009, 07:42 AM

.

.

ببدا معكم من بداية القصه ..

25 / 8 / 2008 م

في هالتاريخ الساعه كانت 5 العصر سوت لي وجدآن مقلب هي وعمتي طبعاً ذآك اليوم أكلتها وزعلت لأنه مو أي مقلب عادي يفشل

عاد من ذآك اليوم وانا افكر اني اسويلها شي ماتنساه بحياتها هي وعمتي المصونه

بتاريخ 8 / 9 / 2008 م

كنا جالسين نسولف انا واختي وجدآن قالت لي شكلي رآح اسجل بمنتدى الزعيم طبعاً انا وهي كنا متابعين للمجلس العام بس ماجاء في بالنا نسجل عاد وقتها قلت بردها لها

سجلت بنفس اليوم من دون ماقولها من بكره هي سجلت عاد من حظها تفعلت قبلي بشهرين تقريباً

جاء يوم كان فيه مسابقه ناسيه كم التاريخ جلست عندها وقعدت اتابع معاها طبعاً انا مسجله دخولي ومخليه الاب توب بغرفتي وطلعت عندها عاد قلت لها

وجدآن حرآم شوفي هذي دايم اشوفها مسجله دخول قولي لهم يفعلونها

بالبدايه رفضت رفضاًَ قطعياً بس مع كثر الزن وافقت

بتاريخ 10 / 12 / 2008 م تم تفعيلي وبديت خطتي

حاولت اتلزق فيها قد ماقدر اشياء كثيره قلتها مو صحيحه وتقمصت شخصيه موب شخصيتي عشآن ماتشك فيني لأن المقلب اللي اكلته مو شويه

وماخفيكم اني كنت اكره منتداكم وماحبه واغصب نفسي عشان ارد على المواضيع والعب العبه صح

مع الوقت حسيت اني تعلقت في هالمنتدى وبديت ارد من قلبي ونسيت اللعبه

اذكر بديتها صح من البلياردو لعبت اكثر من قيم معاها كنت اقولها وش جايبكم للرياض ماعندكم جامعه بحايل

وقتها كنت متقطعه ضحك على ردها

بس بتآريخ 24 / 4 / 2009 م

نزلت موضوع عن جدي الله يرحمه وقتها حسيت انها شكت لأن هي اكثر وحده تعرف علاقتي مع جدي وريف

عقب هالموضوع بدت تحجر لي واذا قلت لها شي قالت اييه رند اجل

اقولها وش رنده من رند

تقول انتي ادرى حاولت اتفلت منها بأي طريقه بس مافيه مجال عليها تحجير موب صاحي

بمسابقه كنت بغرفتها وفاتحه كتاب رواية ثمانون عام بحثاً عن مخرج وهي بالمسابقه وانا كنت حاطه جوالي
داخل الكتاب ومشغله النت وقاعده ارد بالمسابقه وكانت تلتفت لي وانا ممثله دور اللي منسجم مع الروايه

عاد من عقب هالموقف ماجابت لي طاري رند

طلبت منها الأيميل لأني ناوية لها نييه

قالت ماعندي ايميل خصوصي اذا طلعت اعطيك

بعدها تعبت وانا امثل دور اللي هايمه بالرياض واني حياتي كلها هونيك وان اصلي وجذوري من الرياض

اشتقت اني امدح حايل واحط تواقعي عنها موب عن الرياض

<- انا واختي بس نذب على الرياض ترى الغربه شينه

نجي لعمتي اللي تم مقلبتها

عمتي مملكه يوم جاء خطيبها قلت لها جدي يبيك بالمجلس قالت عنده احد قلت نهائي

عاد خطيبها طالب يشوفها بس اهي رافضه لأنه شافها اكثر من مره
المهم وقتها كان خطيبها جالس يتصفح الجريده لحاله بالمجلس اول مادخلت هي سكرت الباب من وراها ومسكته وخليتها تاكلها داخل

عاد مايحتاج اقولكم وش جاني وقتها

وجدآن حاولت اني اجيب ايميلها بس فشلت عاد يوم مرت سنه على لعبتي حسيت اني طولتها واني لازم انتقم وادور خطه غير خطتي الفاشله

تم مقلبتها بس موب قايله كيف لأن يكفي اللي جالها مايحتاج تاكلها بالحقيقه وبالمنتدى ارسلت لها رساله قلت لها

(( تذكرين المقلب ال... الحين رديتها لتس وقتها كنتي تقولين لي ليش تزعلين خلي روحتس رياضيه علمي نفستس عاد بما ان الزعله بتكون وحده تريني انا رند اللي بالمنتدى هع هع

اذا بتسوين لي شي ترى مايمديتس لأني طالعه مع البنات بيباي خيتو حبيبتي احبتس

))

اول مارجعنا انا وبنات عمي من مشوارنا طلعنا لبيتهم من التعب نمت عندهم اول ماقمت لقيت 12 اتصال من وجدآن
عاد رجعت لبيتنا اول مارجعت لقيت خيتو قدآمي طبعاً تمت المصالحه بطريقه وديه بعيده عن اسلوب التجريح

عاد ياله طسو مثلت دور المؤدبه بما فيه الكفايه

وجدآن عادي ياحيي تقبلي هي الدنيا بنعيشها مره وحده بس

الموضوع كتبته سريع سريع بروح اشوف جدولي بالجامعه

بيباي

الهنوووف · #2 07/10/2009, 08:04 AM

اقول يـ اختي وبنات عمي وبنات اقاربي العزيزات

كان احد لاعب علي يعترف بـ سامحه

نجي لـ رنــد
هلا بك

يامجرمه
حتى انا مادريت انك اختها -----> احلفي بالله

مدري وش اقول

الا الله يخليكم لبعض

وماشاء الله عليكم كلكم وشحليلكم تصلحون خوات

وخواطرجيات

معذبكم الحب يابنات حائل

عاد انا اكره المقالب بس مره سويت مقلب لـ اختي وبنات عمي
كرهوني عقبها

لـ يومك يتذكرونه وفيهم قهر

لانهم ارتاعوا

طبعا المقلب من بطولتي (وكنت شاب اسمه فيصل

)

\

/
الله لايفرقكم

وجدان

اذا بغيتي تنتقمين ترا نعين ونعاون

الهنووف

كانت

هنا

ورحلت

مـوت ومـيـلآد ! · #3 07/10/2009, 08:06 AM

آآآآآآآآآآآآآآآآآآآآآآآهـ بس يآآآلخووآآآآآآآآآآآآآت.يآآآزين اللي عنده اخت..

وربي فله ووسعة صدر..مو مثلي..مالت علي حتى بالاخت حظي مايخااويني..

عآآآد تبين الصدق.

وربي مقلبك ذكي وحلوووو..

قااعده اتخيل شكلتس انتي وهي..هههههههههههههههههههههههههه..

احس ودها تقووم تتوطى في بطنتس

بس تعجبيني مقلبك بوجدان وعمتك رهييييييييييييييييييب..

ربي يخليكم لبعض..

وكثري لنا من هالموااقف الحلووووه..

وبعدين مسكيييييييييييينه اليووم مداااووومه خليك مثلي واسحبي على اول اسبووع..هع..

مشكووووووووووووووووووووووووره رنوووده..

..

ana hlaali · #4 07/10/2009, 09:26 AM

ياشباب لحد يرد ع الموضوع كله بناتي

أقرب مخرج

شكرا أختي ع المقلب وأنا أكره المقالب الي تصير لي شخصيا

ذآيب · #5 07/10/2009, 12:10 PM

مـٌآ آشـٌوٍف شـٌي يستحـٌق آنـٌك تكتبـٌين آلمـٌوٍضوٍع عشـٌآنه ,,

مغـٌيرٍ تحـٌكين قصـٌة مقـٌآلبك آلفـٌآشلة ,,

لآ عـٌلمتينآ كيـٌف مقلبتـٌي بهآ وٍلآ شـٌي ,,

لوٍ آنـٌي منـٌك حطيـٌت بتـٌوٍقيعي مقلـٌبت آختـٌي .. مـٌآله دآعـٌي مـٌوٍضوٍع جـٌديد ,,

إقتباس


	وماخفيكم اني كنت اكره منتداكم وماحبه واغصب نفسي عشان ارد على المواضيع والعب العبه صح

آلآخـٌت فقـٌرٍآوٍية ,,؟

آللـٌه يخـٌليكم لبـٌعض ,,

مـٌوٍدتيّ ,,

فَيْلَـسُــ زَمَانَهُ ـــوفْ · #6 07/10/2009, 12:59 PM

موضوع بااااااايخ ( يبي تسطير

)

ما علمتينا كيف مقلبتيها ولاشي بس سوت وحطت وطلعت ورحت ونمت ...

لو تزيدين شوي وتعلمينا المقلب ويش ولا كان ما سويتي موضوع يابنت حايل

سوري على الرد الي ما ادري وش يبي بس هذا الي طلع مني

لصاحب الموضوع .

.

Blue Sun · #7 07/10/2009, 01:05 PM

هلا والله رند ..

يلعن ابليسكم خوات وتمقلبون ببعض ..

اجل وش خليتوا للاغراب ..

بس والله ياطول بالك .. اجل تنتظرين اكثر من سنة حتى تسوين مقلب ..

انا اذا بغيت شئ وما صار خلال يومين انساه لو انه ايش ..

اجل كيف لو مقلب ..

بس المفروض نعرف وش المقلب حتى نشوف هو يستاهل هالانتظار ولالا ..

واشك ان المصالحة تمت بطريقة ودية ..

يعطيك الف عافية ,,

Sami Cena · #8 07/10/2009, 01:46 PM

من غير زعل

سمااااااااااجة

لادرينا وش السالفه ولا شي .. بس تحكيلنا قصه حياتك ويوم نوصل للزبده تطنشين

لو كان بيزعلها كان من اول ماكتبتي الموضوع

للحرق

صفحه الماضي · #9 07/10/2009, 02:27 PM

بصراحه والله مافهمت شي !!!

الســفيرة · #10 07/10/2009, 03:56 PM

لووووووووول اما خوات

تبين الجد عاد فيكم شبه من بعض .>> قولي قسم

بس في شي محيرني

شلون صبرتي سنه كاملة ؟؟

لو اني مكانتس ماعرفت اسكت

وجدان تعيشي وتاكلي غيرها يا أوشطه

z3eem ksa · #11 07/10/2009, 03:59 PM

إقتباس

الرسالة الأصلية كتبت بواسطة رنـــــد


	. الموضوع كتبته سريع سريع بروح اشوف جدولي بالجامعه بيباي

مالي دخل بكل الموضوع بس

ابي اعرف وين عايشة فيه الاخت الجدول نازل من اسبوع

ولا انتوا البنات غير ولا وش سالفتك ؟؟

تراك قاهرتني وانا مسكين اداوم يوميا وفالاخير الاخت توها تاخذ الجدول ..!!

‏Mr.RęLǻҗ · #12 07/10/2009, 04:54 PM

,,

إقتباس


	مـٌآ آشـٌوٍف شـٌي يستحـٌق آنـٌك تكتبـٌين آلمـٌوٍضوٍع عشـٌآنه ,,

إقتباس


	مغـٌيرٍ تحـٌكين قصـٌة مقـٌآلبك آلفـٌآشلة ,,

إقتباس


	لآ عـٌلمتينآ كيـٌف مقلبتـٌي بهآ وٍلآ شـٌي ,, لوٍ آنـٌي منـٌك حطيـٌت بتـٌوٍقيعي مقلـٌبت آختـٌي .. مـٌآله دآعـٌي مـٌوٍضوٍع جـٌديد ,,

/ ,

إقتباس


	موضوع بااااااايخ ( يبي تسطير )

إقتباس


	من غير زعل ما علمتينا كيف مقلبتيها ولاشي بس سوت وحطت وطلعت ورحت ونمت ... لو تزيدين شوي وتعلمينا المقلب ويش ولا كان ما سويتي موضوع يابنت حايل سوري على الرد الي ما ادري وش يبي بس هذا الي طلع مني

/ ,

إقتباس


	سمااااااااااجة لادرينا وش السالفه ولا شي .. بس تحكيلنا قصه حياتك ويوم نوصل للزبده تطنشين لو كان بيزعلها كان من اول ماكتبتي الموضوع

حلوه ذي وراكم تردون طيب أوب عاجبكم لاحد يرد

, ولا خلاص صرتو أقويا يوم قلتو الموضوع ماهوب عاجبكم

؛ )

رند = (

اول ماقريت الموضوع بالبدايه قبل لاتجيبين طاري موضوع جدك " الله يرحمه " كنت بسألك والموضوع الي كتبتيه عن جدك ماشكت فيك

بسس مدري ماهظمتها وشلون مر موضوع جدك بهالسهوله وخصوصاً أنك كاتبه أسم " ريف " بعد فهو ياشغله من ثنتين يا أن أختك مفهيه

, يا أنك عرفتي تظحكين عليها

أما مقلب عمتك

, أبد قرب الدور عليك عقبال ماتسوي هي فيك المقلب

.

؛ )

ألف شكر لك خيتو = (

وأحسسسن موضوع قريته بالشبكه

.

تقبلي مروري

^(^

,,

المشاكس الهلالي911 · #13 07/10/2009, 05:11 PM

...................................................................................................

المخرج عااااااوز كده...المقلب أيش....؟؟؟

..................................................................................................

بس الوسوسه حلوووووووووووووووه....

حناااااا وشوشه...

ههههههههههههه

مستر حمص · #14 07/10/2009, 05:35 PM

صراحة ......

الموضوع ما يستاهل

على قولة ذايب

حطيها بالتوقيع وخلاص انتهى كل شي

أوما اللي يقول وشوله ( ليش ) تردون

علشان نوضح ان مو كل ما طن براسك تحط موضوع بس ظغت على أيقونه موضوع جديد

سي يو

رنـــــد · #15 07/10/2009, 06:06 PM

.

.

ههههههههههههههههههههههههههههههههههههه ميته ضحك
ياللي تقولون الموضوع مااعجبكم , وين الموضوع أصلاً ؟ ض1
انا مااشوف مواضيع ابد كل اللي كتبته خبر وترى على فكره مو لك انت ولا انت ولا انت
الموضوع للي يهمه الخبر او هو مجرد فضفضه كانت بقلبي تقرقع سنه كامله وقلتها وين المشكله طيب ؟
على قولة ريلاكس مسوين أقوياء ؟ طيب دريت أي اوامر ثانيه ؟
ماعليش بس والله مو شيء انك تفرد عضلاتك انت واياه وتنتقدون بهالشكل المزعج
ترى حتى ولو فيه شيء اسمه اسلوب للإنتقاد وفيه احترام متبادل وياليت ماحد يتعدى حدوده
بالنهايه احد منكم تضرر لأني منزله الخبر ؟ دام الكل سليمين رجاءً لاتسوون ميانه معي !!
ماارضى أي احد ينتقد سالفتي بهالشكل حتى ولو انه يمزح .. والا المزح بس معنا حنّا ومع الكبار مافيه الا قوة احترام
لو سمحتوا الخبر للي يهمه الخبر واللي مايهمه ارحم نفسك ولاتسجل دخول علشان كلمتين انا مستغنيه عنها
انا من دخلت هالمنتدى مالي عداوات مع أحد ولا عمري انتقدت احد ولاقلت الموضوع سخيف وفاشل
لأنه بالنهايه مجرد رأي اذا كان كويس قلته واذا مااعجبني الموضوع اتركه بخيره وشره ماني ملزومه ارد عليه
فياليت باللي راح تقرى هالكلام عقب اذا براسك شيء بيزعجني او انتقاد من غير اسلوب وفّر على نفسك !!

لي عوده لبعض الردود فقط
وانا ماراح اقول مقلب وجدان ان بغت هي تقول براحتها بس لاتنتظرون مني أقوله
ودام الزبده كلها بهالمقلب ابشركم من قالكم اني ناويه اعطيك فائده من ورى خرابيطي اللي كتبتها ؟
مجرد فشة خلق من زمان ودي اقولها ومااظن بتمنعوني منها

سلامو