|
التغني والتأسي بالتايب...!!!!!! نيفيز أفضل...يجب أن نعي ذلك ..... السلام عليكم ورحمة الله وبركاتة ,, صباح الخير أيها الشعب الهلالي الكبير..؛مساء الخير أيها الشعب الهلالي العظيم {مشجعين الزعيم منتشرين على أنحاء العالم بكل الأوقات } أستغرب التأسي على رحيل طارق التايب ..!!! طيب التايب هل يقدم مستوى في المباريات الكبيرة...؟ التايب يا جماعة لا يقدم أداء أمام الفرق الكبيرة ما ذا ينفع الفرق الكباري يعني ولا حركاتة لو سمحتم جاوبوني يالي من يتأسون عليه هل قدم بطولة لزعيم هل يقدم حلول أمام الفرق الكبيرة أم كباري وقام البعض يتغني عليه نيفيز الذي للم يقدم 10 % من مستواه صنع هدفين ...!!!!! أنا صراحة لا يعجبني التايب الذي ضيعنا قدام أم صلال التايب كباري وبس وش تنفع الكباري بالله نيفيز أفضل..!! الشلهوب أفضل...!!! الهلال علته في الهجوم وو وقدمت نصائح وتوجيهات في هذا الموضوع :- http://vb.alhilal.com/t820494.html ----------------------------------------------------------------------------------------- إن كنت مخطأ فالتايب رحل ..!! إن كنت مخطأ فالتايب تجاوز عمره 32 ومرتبط بعقد الأن قد أكون مخطأ أو صائب فأنا لدي قناعات ويمكن النقاش والتصارح أم الكباري الغير نافعة فليس لها مكان في التاريخ وكرة االقدم نقطة أخيرة : نيفيز أستدعي لمنتخب البرازيلي الأولمبي وإمكانية دخوله إلى المنتخب الأول متوقعة وقريبة والتايب أستبعد من المنتخب الليبي . تحياتي النقطة الأخيرة |
كلامكـ صحيح ولكـن برضـهـ لا ننكـر الجميـل |
نعم لم أنكر جميلة ولكنة أذكر قد قال لن ألعب لغير الزعيم في السعودية والأن مع الشباب تحيتي إقتباس:
|
انت وضعت موضوع اعتقد انه قد اغلق |
التايب رااااااااااااااااااااح خلاص فكووووووووووووووووووونا |
مع احترامي لك التايب افضل من نيفيز بمراحل التايب اول مبارة مع النصر همه اللعب وتسجيل القول ونيفيز .. .. .. .. .. الفاول والكباري شفت الفرق وبنشوف نهاية الموسم صدقني ان نندم على تعاقدنا مع نيفيز |
بناء على المعطيات والواقع والحق يقال طارق بن ابراهيم بن تايب أفضل من نيفيز وشكرا لك........ |
يـآلبيه بس يـآطآرق .! قـآل أيش كـبـآري ومـآ ينفـعنآ ..! الحين صـآر مـآ ينفع وحق كـبآري .. رح شفـه مع الشبـآب وش مسسوي الله يصلحك بس .! والأيـآم بيننـآ وبتشوف نيفيز اللي تـدآفع عـنه |
ههههههه ماعليك من جمهور طارق نيفيز افضل مليون مره وياشباب اللي متحسر على التايب يروح يشجع الشباب تراهم يبغون جمهور وحنا جمهور الزعيم مانشجع الا كل لاعب يلعب للزعيم يعطيك العافيه |
يا حليلك والله انا كنت برد عليك كلام طوييييييييييييييييل عن طارق وشو اللي سواه طارق للهلال بس يوم قريت نقطه اخيره عن استدعاء نيفيز للبرازيل واستبعاد طارق من ليبيا قعدت اضحك عليك والله خخخ |
مو من عوائد الزعي أنه ينكر المعروف ~ لآتعلييييييييييق ~ |
خلاااص يا ذيااابه يا زعماااء التاايب رااح والله يوفقه مع فريقه .. خلونا في فريقنا ولاعبينا ونهتم اكثرر فكوناا من التايب صح ما انكر جميله طروق والله ما قصصر بس الشكوي لله وبعدين ناادي كبير مثل نا دي الهـلال ما يوقف ع لاعب واااحد .. مشكور اخوي .. |
اولا التايب ما استبعد من المنتخب الليبي هو اللي اعتزل دوليا لعيون الزعيم ثانيا ماننكر الجميل ثالثا الاعب راح والله يوفقه مع فريقه والله يوووفق زعيمنا رابعاااا التايب يكفي يخلي المهاجمين يواجهووون المرمى وانت وضميرك بس الشرهة موب عليه الشرهة على المهاجمين خامسا اذا كان التايب همه كباري فنيفيز فاولات لو يشووت الشلهوب اصرف ومع ذالك نصير عليه وان شاء الله بيتسنع سادسا ماا اقول الى ان شاء الله نبفيز يعوضنااا عن فراق التايب وبس سابعا فكونا من ذا السالفة تراكم صجيتوووووناااا ثامنااا مدري وش بقووول تاسعااا خلاص احس مسكت غلط عاشرااا الله يوفق نادي القرن بس:ba::smilie47: |
شوف رغم عندي قناااعة واحتفظ فيها لنفسي .... لكن ابقول شي بما ان تيفيز هلاااالي فيجب علينا ان ندعمه اكثر لان الكلام فيه يضر ومدح التايب ما يفيد الا الشباب ويزيدنا حسرة واحباط |
وعليكم السلام ورحمة الله وبركاته .. كلامك صحيح أخوي وياليت الكل يفكر بالعقل وليس بالعاطفه ..@ مشكوور |
حبيب البي طارق التايب لاعب فنان من طراز نادر صانع العاب تقليدي اي كباري انت تتكلم عنها شوف كم هدف صنع وكم هدف سجل رغم وجود ياسر وغيره شوف التريرات القاتله وشوف التحرك بالكره وغير الكره وانت تقولي نفيز الله يرحم والديك نفيز مستواه متدني ولا يصلح مع الهلال انا اقولك الحق شوف كماتشو مع الهلال سابقا وشوفه الحين مع الفريق الثاني والغلطه الثانيه مع طارق شوفه مع الهلال وشوفه مع فريق ثاني وانت تقولي نفيز |
موضوع التايب أمر وأنتهى والمفروض طي هذه الصفحة نهائياً .. يا ما تباكينا على رحيل تفاريس وأتى من أنسانا تفاريس وأتوقع نفس الحال سينطبق على التايب .. شكراً |
كلامك عين العقل يالغالي التايب لاعب كبير وخدم الهلال والان رحل ولكن الشلهوب ونيفيز بالتاكيد هم افضل لدي\ شاكر لك اخي الفاضل النقطة الاخيره على طرحك الموضوع تحياتي لك |
صدقني التايب لاعب كبير وحنا جمهور ماننكر ان التايب لاعب كبير حتا لو راح من الهلال بس الهلال قبل التايب كان مكوش على البطولات كلها يعني الهلال اذا كان يلعب لعب جماعي يكون اقوى وصدقني اغلب اللي يكتبون عن التايب امى ان يكونون مندسين ويبي يشتتون الجمهور ويقنعون الجمهور ان نفيز فاشل وهذا الغالب وصدقني اغلبهم مندسين او الباقي منهم وهم قله جمهور لاعب وراح يقتنعون بكرى بنيفز ويهجدون وأتمنى من الجمهور عدم الرد على هذي المواضيع ومشكور اخوي على الموضوع الأكثر من رائع |
إقتباس:
شوف ياقلبي طاارق ماله جميل علينا حنا الي لنا جميل عليه هذا الزعيم صاانع الاعبين والمدربين بسألك بالله انت تعرف طارق قبل يجي الهلال انت شفت العروض الي انهالت عليه بعد عقد الهلال والهلال لا يوقف على لاعب بعدين طاااارق يلعب بعقد ومبلغ وقدره ما لعب ببلااااااش !! طارق قال لن وحط تحتها خطين لن العب لغير الهلال والحين مع الشباب رزقه ادري بس الي مو قد الهياط لا يهاايط ويستغل طيبت هالجمهور الي رفعه فوووق السحااب ووصله لشهره يحلم فيها كل عمره وبنسبه لموضوع المقارنات بين طارق ونيفيز كل لاعب وله طريقة لعب واسلوب معين طارق فيه غرور ولاعب استعراضي ولا ينفع امام المحاور القويه كالاتحاد والفرق القوية واذا كان الفريق مداافع يعني انتها مفعول طااارق والدليل ام اصلاال طارق يخلي الفريق يعتمد عليه كل كوره تمر عليه ما فيه لعب جماعي نيفيز صح حتى الان ما ظهر بمستواه الحقيقي بس الي يبي يعرف نيفيز يتابع مبارياته مع فريقه الساابق البرازيلي ويعرف نيفيز بس اصبروا وانتظروا جلاد الهلال القاادم نيفيز بس انتظروا والدليل ولي انتظرنا وصبرنا ومنكم ناس طالبت الاداره بإلغاء العقد واحظار لاعب اخر بس شفوا ولي الان !! انتظروا واصبروا والحمد لله الزعيم يملك لاعبين صناع لعب راائعين وعليهم الكلااااام بالتوفيق للزعيم ولطارق ولي نيفيز |
قال ايش .. قال نيفيز احسن من التايب وقال ايش .. قال التايب ما يظهر في المباريات الكبيرة الظاهر ما شفت مباراة النصر والشباب .. ولا هالمباراة مو من المباريات الكبيرة !!! يا حبيبي للاسف الهلال سيئ جداً في التعاقد مع الأجانب صارله أكثر من أربع سنوات .. ليلو ، الفان ، برونو ، رودريقو الخ الخ والحين طايحين بموضة جديدة .. نجيب أجانب بخانات باردة جداً .. عندنا الغنام وعزيز ورايحين يتعاقدون مع رادوي .. اما من ناحية الظهير هذا أغرب تعاقد شفته بحياتي .. حنا لنا أربع سنين مشكلتنا بالهجوم .. والجماعة اشوف شغلهم كله على الدفاع .. محور وظهير .. رغم ان دفاع الهلال هو أقوى دفاع في الموسم .. في الوقت الذي نحتاج فيه لترميم الهجوم الضعيف لدينا .. نشاهد الإدارة ترمم الخطوط الدفاعية .. وبدلاً من التعاقد مع مهاجم أجنبي هداف .. تم التعاقد مع مهاجم محلي تائه ألا وهو المحياني . البطولات القوية يا شباب مثل بطولة آسيا والدوري .. لا تستطيع تحقيقها بدفاع قوي وهجوم لا يعرف طريق المرمى .. كفانا الإتكال على ياسر .. وعلينا الاعتراف بأن لدينا مشكلة في الهجوم .. أما من ناحية ان الشلهوب بعد أحسن من التايب ... من جد لا تعليق |
موضوعك غلط اخوووووي اولا لاتفتح مواضيع زي هذي وتقول فكووووووووووونا ثانيا نيفيز مانقدر نحكم عليه حتى لو انه وشو يمكن مايبدع مع الزعيم ثالثا التايب مراح تلقى مثله ولمساته للمهاجمين انت وضميرك غير الاستعراض اللي موعاجبك البرازيل افضل منتخب بالعالم استعراضيين وهذا مايسمى استعراض هذا يسمى امتاع وفن في كرة القدم ما اظنك بتلقااااااه بعد التيب انا ماك ممكن نيفيز احسن لاكن الااااان لا اسمحلي لما نشوووووووووف نيفيز وش يسوي |
التايب راح واحنا بوقت نيفيز نتمنى تقديمه الافضل |
فوكنا عاد من التايب والله حاله التايب فاااشل لاعب حق فنيات حق اعتزالان |
الصراحـه راحه .. التايب افضل من نيفيز وبالعكس اخوي اخالفك الرأي بالنقطه الأخيره التايب هو اللي اعتزل اللعب دولياً مو استبعد من المنتخب زي ما قلت |
اولا هل شفت موضوع يتكلم وقال ان التايب افضل من نيفيز او انت جاي وودك تثير مواضيع لك اهداف اخرى من وراها. قرأت اكثر الردد وما حصلت الا القليل منها اللي تحدث عن موضوعك اللي ما ادري وش مناسبتة او فايدته. رحل بخيرة وشرة التايب والتاريخ والارقام تنصف اي لاعب . لا تقحم التايب في موضوع لك اهداف من وراه وخلنا في الزعيم ولاعبيه، لان التايب لاعب لنادي اخر بغض النظر عما قدم وفعل ، لو بقول وش قدم لما تركت هجمة ولا هدف للهلال من اضمامه للهلال الا وله فضل الا في بعض المباريات . نحن معشر الزعماء لا يهمنا الا الزعيم بغض النظر عن حامل القميص اما نيفيز فأنت مخطأ بالحكم علية من الان انتظر لحد ما يقال لك ان نفيز رحل شوف وش قدم ووش سوى وانا بنظري انة لاعب كبير ومأثر هي كلها وقت ويتأقلم لا اكثر تقبل مروري |
صحيح أن التايب قدم الشي الكثير للهلال بس مستواه من موسم لموسم ينقص بإنتظار أبداعات أبن السليساو |
إقتباس:
لا نصير زي جمهور الفقر اذا راح لاعب من ناديهم نسفو ما سوا وصار بيوم وليله اسوء لاعب التايب قدم مع الهلال شاء من شاء وابى من ابى والعام اذا لم يقدم فالفريق ككل لم يقدم الزبده الهلال لا يقف على التايب وايضا ليس من عادات الهلال نكران من قدم للكيان شي . يعني اذا ابدع التايب مع الشباب لازم نقول مايعرف يلعب عشان مانصير جماهير لاعبين يالله لك الحمد |
نيفيز لاعب كبييييييير شوفو وش كان مسوي في فلومنسي والحين وين قلومنسي بس يبي له وقت |
التايب نحنو من تركه التايب مخلص |
التايب رااااااااااااااااااااح خلاص فكووووووووووووووووووونا |
كلامك صحيح التايب كوباري وبس نيفيز اصبروا عليه |
انا وجهة نظري ما ينقص الفريق الا ان يرجع نيفيز وياسر وعيسى لمستواهم ولكن للاسف جدولة الدوري ما تساعد اللاعبين على الانسجام واللعب مبارتين ويتوقف الدوري بعدين مبارتين ويتوقف الدوري اما من ناحية مقارنة نيفيز كلاعب مع بقية لاعبي الدوري فهذا ظلم لنيفيز لانه لاعب لعب مع نجوم السامبا ومو اي لاعب برازيلي يقدر يلعب مع نجوم السامبا !! |
اخوي التايب اقدم افضل المستويات وكلنى تغنينى فية وطريقة كوزمن تعتمد على ياسر والتايب هجوم والباقي دفاع والتايب صنع المستحيل ياحبيبي للاسف الي زيك ناكر للجميل ... وداعا يتايب الله يعطيك العافية الله يوفقك في ناديك الجديد |
إقتباس:
|
والله ان طال العمر ان اذكرك وش بيسوي التايب في مبارتنا مع الشباب والفرق واضح للي يفهم الكورة |
أنا أراهن على نيفيز بس عطوه فرصة يتأقلم ويقدم مستواه المعروف التايب ما قصر مع الهلال والله يوفقه مع ناديه الجديد بس خلوا عنكم العاطفه والحكم المستعجل على اللاعب على فكرة فريق نيفيز السابق كان يبيه ينتقل انتقال كامل له او يمدد له سنه زيادة بس الهلال ما وافق وان دل على شي يدل على ان اللاعب كبير ويكفي انه برازيلي.... |
ياخي خلو عنكم الكلام الفاضي , ما راح يجي لاعب زي طارق التايب :( :) |
| الوقت المعتمد في المنتدى بتوقيت جرينتش +3.
الوقت الان » 11:20 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd