رغم وجود ضربتين جزاء مثل الشمس لكن ماهذا المستوى للشباب الهلال!! - نادي الهلال السعودي - شبكة الزعيم

بحرالعيون · #1 08/10/2009, 07:17 PM

شاهدت مباراة الهلال والفقر اليوم العصر بصراحة رغم وجود ضربتين جزاء صد باليد لكن القانون بس على الهلال

لكن بصراحة مستوى الفئات السنية بالهلال مررة يخوف

شوف بس الهدف الثالث وتعرف ان الهلا ينقصه الشئ الكثير

بعكس النصر نجوم صغار بكل الخطوط

وين ايام الهلال ناشئين وشباب وأول مستوى واحد وفي القمة

ونعرف ان نادي الشباب رغم ان ليس لديه دعم في السابق ولا اعضاء شرف

لكن بالفئات السنية بناء فريق بطولات لايقهر

وينك يالزعيم · #2 08/10/2009, 07:23 PM

اخوي تراهم ناقصين اكثر من 6لاعبين
المنتخب
موقوفين

ممـيـز · #3 08/10/2009, 07:31 PM

على طاريها كم النتيجة ؟؟؟؟؟؟؟؟؟؟؟؟؟؟

11ابراهيم 11 · #4 08/10/2009, 07:38 PM

يبي لنا شباب احسن من كذا..................

كريزي · #5 08/10/2009, 07:39 PM

الله يعين النتيجه كـم .؟

هلاليه محترفه · #6 08/10/2009, 07:45 PM

بغض النظر عن اذا كان في بلنتي او لا الهلال مايستحق االفوز اليوم
ويستحق الخساره بـ 3 اذا مو أكثر
اعتقد في مشكله ويجب النظر في الفئات السنيه
الأنانيه وحب الذات مسيطر على أغلب الاعبين وهذي من زمان موجوده مو بس اليوم من سنوات عده
وكأن الاعب الي يطق كعب ولايسحب هو موهوب !!
مشكله في عقليتهم الصغيره .. الي يحتاج لـ إداري ينبهم
-----------------------------------
على فكره من مواسم ماضيه والناشئين وشباب يعانون من اللعب العشوائي والانانيه !! واللعب الجماعي مفقود من زمااان !!

الفريق المفروض يلعب لعب جماعي
اليوم الفريق أفتقد لجميع مقومات كرة القدم
لامهاره
لاجمل تكتيكيه
صراحه اشوف كأس العالم لشباب واشوف الفروقات بينهم وبين الاعبين المنظمين !! أستغرب !!
وهنا يجي دور المدرب
لتطوير الاعب
الاعب يصعد للفريق الأول من سنتين او أكثر اما يعار او ينسق .. وماستفدنا من مدرسة الهلال اي لاعب غير الدوسري والفريدي في الوقت الحالي .. لأنهم موهوبين في الفطره

الفريق اليوم
خطوط الفريق متباعده
وسط ودفاع سيء جداً
90 دقيقه مافي ولاهجمه منظمه للهلال
تمريرات مقطوعه
وسط ودفاع سيء على الرغم من إستقطاب الدعيرم على محاور ولاعبين وسط الا اننا ماشفنا منهم ولاشي !!
الموهوب موهوب في الفطره بس
مين الي يقدر ينظم فريق مميز ويساهم في تطوير الاعبين من جميع النواحي
سواء في تسديد الإنتشار التغطيه الدفاعيه كل هذا يعود للمدرب .. هو من يساهم في تطوير الاعبين !!

الواكد سوا الي عليه ماقصر
والكعبي مانقدر نحكم عليه وماجته كور
اما الوسط والدفاع مصيبه
على الرغم ان اغلب الإستقطابات الدعيرم وغيرهم لاعبين وسط إما محاور أو صانع لعب
واليوم ولاشفنا ولا واحد

--------------------------
والي يقول ان الهلال غايب عنه 4 لاعبين مع المنتخب والمدرب حرمهم من المشاركه لأنهم تأخرو في التدريب
و2 مصابين
و3 مع الأولمبي

مو عذران الهلال ينهزم ب3 ويظهر بمستوى مهزوز وسيء جداً
وين الإحتياط ؟ ليش مايكون في لاعب مميز في الأحتياط مثل الأساسي

ومو معقوله بـ خلي 3 لاعبين من الأولمبي يشاركون مع الشباب في كل مباره !!
الوضع يحتاج لأعادة النظر فيه
والأمير بندر عليه متابعة الوضع في الفئات السنيه مراقبة اعمال الإدارين واعمال المدربين في الفئات السنيه !!
ومايترك الحابل بـ النابل

انا مايهمني الفوز بالبطوله او الفوز على النصر
ان يهمني ان يكون في جيل مميز قادر على تمثيل الهلاال في المستقبل
يخسرون في أي مباره عادي مايهمني بس على الأقل يخسرون بشرف ويقدمون مستوى مميز
الهلال في لاعبين موهوبين في الفطره
بس مين الي يقدر يصنع فريق مميز !! يمتلك جميع مقومات فريق كرة القدم
مو يصعد لاعب او لاعبين وهم في الأصل موهوبين !!

şα3β αηšαķ · #7 08/10/2009, 07:52 PM

الي يسال عن النتيجه
صباح الليل يابوو
فاز النصر 3 صفر

والله تذكرت اول اتطاق مع اخوي عشان الهلال ويغني لي
امس العصرفاز النصر على الهلال واحد صفر
صارت صدق

مباراة تقهر اول مره اتابعهم وشكلها خر مره

مايعرفون يلعبون ومااستفادو لا من الركنيات ولا ن الاخطاء الثابته

كراتهم كلها مقطوعه فرق كييييييييييييييييييييييييييييير عن النصر

والي يقول ناقصين لاعبين

هذا مو بسبب المنتخب كله من المدرب

يقول تاخرو عن التمارين واستبعدهم

يسمعون بالعقاب مدربين الهلال !!!!!

صحيح النادي مايتوقف على لاعب

لكن اللاعبين الغايين مهمين ولهم تاثيرهم

الله يعين بكرا

شكلها 5

ويوم الاحد درزن

الله يستر بس

قلب الزعيم النابض9 · #8 08/10/2009, 07:53 PM

حضرت اليوم وياليتني ماحضرت؟؟؟؟

şα3β αηšαķ · #9 08/10/2009, 07:55 PM

نقطه اخيره

احسن لاعب هلالي بالمباره { الواكد } الحارس

لولا الله ثم هو والا كان درررررررررررررررررزن مو بس 3

الله يعطيه العافيه

حكيم بنوهلال · #10 08/10/2009, 07:56 PM

وين بندر بن محمد؟! مايشوف لهم حل

تايبي جدا · #11 08/10/2009, 08:11 PM

مدري متى العالم ترتقي الحين وش خسران لو قلت فريق النصر بدال الفقر يعني منتداهم مليان بهالالفاظ نجي حنا نقلدهم..

طبعا هالكلام مو عليك فقط ولكن الكثير يستخدومون العبارات اللتي ارى انها ترجع بالسلبيه على اصحابها ومن ثم علينا كجمهور هلالي

لابد ان نكون واعيين ونحترم مفرداتنا لاحترامنا لانفسنا

مدري لمتى نستخدم الفقر والزعيق والنثر وهالخربطة اللي تحسسك اللي كاتبها ميت قهر

عزام911 · #12 08/10/2009, 08:15 PM

فعلا شي مخجل لنا كفريق زعيم

لكن انا لما تابعتها شفت النصر كالعادة صاكين دفاع ويلعبون على الهجمات المرتدة

لكن هذا مايعني ان الهلال قدم مستوى بكل صراحة جدا جدا سيئ

لكن ان شاءالله يعوضون في المباريات القادمة وخاصة غدا الجمعة والاحد

بالتوفيق يارب للزعيم