في البدايه الف تحيه لكل هلالي اما بعد....
انا من سكان الدمام وناوي اروح اليوم لفندق الشيرتون علشان اقابل لعيبه المنتخب لعيبة الهلال بالاحري بس ما ادري من ابدا معه مدري من لعيبة الهلال شعبي وممكن يعطيني من وقته ما ابغى اروح واحرجهم يمكن مرتبطين ولا شي وانا هاذي عاده من يوم ما كنت صغير اذا جا المنتخب او الهلال اروح اسلم عليهم واذكر في معسكر المنتخب لكاس اسيا 88 في قطر كلمت الفندق وكان عندهم معسكر مغلق ورد على شخص من لعيبه المنتخب اعتقد انه من الاحتياطيين توه منظم للمنتخب بس ما اذكر منهو المهم قلت له ممكن اجي قال صراحه حنا عندنا معسكر مغلق وصعبه نطلع او نقابل احد واشياء زي كذا تقول منتخب البرازيل معسكر وبكره مبارتهم مع فرنسا على كاس العالم عطا نفسه اهميه كبيره بزود انا ما ابغى اذكر تفاصيل المكالمه. المهم كنت صغير في السن وزي ما تقولون تحطمت من هذا الرد قال الوالد كلم ثاني مره واطلب غرفه ثانيه المهم بعد الحاح كلمت رد على شخص وقلت له نفس الكلام انا ودي اجي واسلم عليكم بس الظاهر معسكركم المغلق يحرمنا الفرصه قال لي لا بالعكس حياك الله قلت له من باب الاحترام في اي وقت اجي قال في اي وقت يريحك اهلا وسهلا فيك وان صار لك اي مشكله كلمني وانا انزلك وجيتك ذي تشرفنا انا قلت في بالي هذا من العيبه الجدد المنظمين بس غير الي رد علي اول مره ومن نادي مش جماهيري وانبسط ان فيه احد كلم من الجماهير المعجبه في الاخير سألته من معي تدرون منهو
(((صــــالح النعيمه)))
صحيح امبراطور

(القصه هاذي واقعيه صارت لي ولا زدت فيها ولا حرف)


الرد لكم......

ماهي غريبه على صالح لا وبعض الناس قالوا انه ما يستحق لاعب القرن واقول لهم انه يستاهل لاعب القرن لعب واخلاق

لكل الهلاليين الأحبه
هذا الموضوع كتب بواسطة الزميل النشط والمحب للزعــيم فالح، لكنني تفاجأت مثلكم بارتباطه بإسمي وربما كان خللا بالجهاز الذي استخدمه..عموما اعتذر للأخ فالح ولجميع قراء ومن اطلعوا على الموضوع ..وكل بطوله والزعيم فارســا لها...والسلام