صباح \ مساء الخير

السلام عليكم يا اخواني الزعماء مبروك لكم يا زعماء على نادي القرن <<< بدري

ودي اوضح لكم نقطة بالنسبة لنا كهلاليين هي مقر نادي القرن ليش مايكون يومين في الاسبوع دخول للجماهير
للنادي والالتقاء بلاعبينا ومشاهدة انجازات النادي ليه ما يكون مثل نادي الشباب ابي اقولكم قصتي انا حضرت مع عيال عمي مباراة الهلال وهجر جيت للبوابة بعد المباراة قلنا للسكيرتي لو سمحت نبي ندخل قال آسف قلنا طيب عشر دقايق وطالعين حنا جايين من سفر قال ادفع 300 ريال عشان العضوية لكل شخص والله حرام 300 ريال عشان عشر دقايق معقول ياناس؟؟؟

قلنا مالنا الا نادي الشباب رحنا قال تفضلوا قلنا عشر دقايق بس قال الوقت للي تبغونه

يعني حرام والله ياسمو الأمير حنا جمهور نبي نلتقي باللاعبين ونشوف انجازات النادي



أخوكم خالد السليمان

300 ريال .. ع الشخص لمدة سنه تدخل وتطلع متى مابغيت حتى لو كنت مو من سكان الرياض
يكفي أنها تدعم خزينة النادي ..

لاتقارن نادي الشباب بـ الهلال الكل له طريقته وإدارتهـ
وجماهيرهم ماتقارن بجماهيرية نادي الهلاال
فتخيل الكم الهائل الي بيدخل النادي لو كان أقل من هذا السعر او مجاني مثل الشباب !!

وهذي وسيله وطريقه لدعم ناديك
بدل الإقتراحات وفتح حساب لتبرع !!

إقتباس الرسالة الأصلية كتبت بواسطة هلاليه محترفه 300 ريال .. ع الشخص لمدة سنه تدخل وتطلع متى مابغيت حتى لو كنت مو من سكان الرياض يكفي أنها تدعم خزينة النادي .. لاتقارن نادي الشباب بـ الهلال الكل له طريقته وإدارتهـ وجماهيرهم ماتقارن بجماهيرية نادي الهلاال فتخيل الكم الهائل الي بيدخل النادي لو كان أقل من هذا السعر او مجاني مثل الشباب !! وهذي وسيله وطريقه لدعم ناديك بدل الإقتراحات وفتح حساب لتبرع !!