طــــيـــــب وحــــــنــــا..!! - نادي الهلال السعودي - شبكة الزعيم

حفيد الذيب · #1 05/10/2009, 02:38 AM

بسم الله الرحمن الرحيم

مدري والله كيف أبدأ , صراحه انا رجال مغبووون بشكل غير طبيعي .

المهم , اغلبنا سمع عن الاجازه اللي قالوا الى تاريخ 1/1 , صحيح اني سمعت الخبر وطنشت شوي

لاني متعود كل يوم احد يقولون بيعطونا اجازه وبكره مجلس الشورى بيلعن لان اجتماعهم الاثنين .

المهم هالمرة قررت اصدق شوي بس , ومع شدة تفائلي جاني واحد وقال مش خشتك

, قلت له وش دعوى يعني موب صحيح هالخبر , قال حتى لو كان صحيح انت بالذات مش خشتك ؟؟؟

صراحة وقعت في حيرة من امري <<< ترى متعوب عليها

فكرت وقلت ليه ؟ لايصير فيني مرض الخنازير الله يكافيناه , وقعدت اقلب في يسار يمين , عجزت اعرف ليه ؟!

وبعد تفكييير عميق , ( طبعاً كالعاده تفكير بدون فايده

) مادريت الا وعلبة المنديل يخبط جبهتي

, الا الرجال يقول لي انت ثور يخوي لان الاجازه خاصه بالمدارس فقط!!

يعني معقوله ؟ طيب وحنا ياطلاب الجامعه مانمرض يعني ؟ مدري فيه احد لاعب عليهم قايل لهم في الجامعه ضبان اللي يدرسون ؟

صراحة انا الغلطان اللي ادرس فيذا << تكفى

والله غبنه ياجماعة الخير نفسي اعرف ليه بس ؟ عاد حاولت افكر ليه بس قلت اخاف يجيني شي طاير ويخبطني ثانيه

قلت استرح يارجال , وفك عمرك الجبهه مورمه

.

المهم ياليت احد يفكر بدالي تكفون , ويعطيني سبب واحد بس مقنع !

سلملم

.

المثابر 20 % · #2 05/10/2009, 02:55 AM

حتى لو صدس

للابتدائي فقط

يعني متوسط وثنوي وجامعي ما يمرضون ذذ

ميشيل بن مناحي · #3 05/10/2009, 03:03 AM

افاااا عليك مناعتنا قوية يا طلاب الجامعات
هذا غير ان الفايروس قبل لا يجيك يسألك انت طالب جامعة والا متوسط ؟
اذا درى انك جامعي قال كش عليك ما احبك

بندر الهلباني · #4 05/10/2009, 03:57 AM

انا يمكن انقهرت شووي بالبدايه

بس بعدين قلت يارجال وربي الدراسه ابرك من هالقعده

على الاقل الواحد يتسلى شوي مع اصحابه

إقتباس


	افاااا عليك مناعتنا قوية يا طلاب الجامعات هذا غير ان الفايروس قبل لا يجيك يسألك انت طالب جامعة والا متوسط ؟ اذا درى انك جامعي قال كش عليك ما احبك

ههههههه , شكله تلقاه بكرا واقف عن باب الكليه

ومنقطع سوقه , لين الابتدائي يبدوا بالدراسه

إقتباس


	مادريت الا وعلبة المنديل يخبط جبهتي

خلها على الله , انا يبيلي كريك تخبطني فيه عشان استوعب

>> بسم الله علي

برب نوووم , بكرا عندي كليه

::

:

::

:

الجمهره · #5 05/10/2009, 04:23 AM

احمد ربك غيرك يتمنى الدراسة وانت مغبون منها...

الغبن على أصوله بتعرفه إذا تخرجت من الجامعة ولالقيت وظيفة

إستمتع بدراستك.....

♥ N E V E S ♥ · #6 05/10/2009, 04:28 AM

من هالناحيه مادري وش هم شايفينا بصراحه...!

لكن يابن الحلال والله ندرس ابرك لنا من طفش هالعطله...!!

~SaKaB · #7 05/10/2009, 05:16 AM

يا حبّكم لـ الإجازات يا السعوديّين

بـ الله إلين متى بـ تأجّزون

؟؟!
ما كفّتكم 4 شهور ؟!

صدق إنّكم شعب كسلانين

لا والله ما نبي إجازة , نبي نخلّص هـ الترم بدري

وخلّ الابتدائي بـ رمضان يدرسون

سموّ الحرفّ 2006 · #8 05/10/2009, 01:16 PM

إقتباس

الرسالة الأصلية كتبت بواسطة سكب


	يا حبّكم لـ الإجازات يا السعوديّين بـ الله إلين متى بـ تأجّزون ؟؟! ما كفّتكم 4 شهور ؟! صدق إنّكم شعب كسلانين لا والله ما نبي إجازة , نبي نخلّص هـ الترم بدري وخلّ الابتدائي بـ رمضان يدرسون

8

هو صآدز

مآنبي إجآزه ... بنخلص بدري ..

مـوت ومـيـلآد ! · #9 05/10/2009, 02:09 PM

بقووووووووووووووووه قهر..

ليش يااحقين الجاامعاات والكلياات لا وحقين المداارس ايه..

افرضوا جاانا هالمرض..هاه وش نسووي بنقول لللمرض لو سمحت لا تدخل فيني انا جاامعيه ..

بالنسبه لي مااراح اداااوم الا لما ينتهوون على ااااخر خنزير..<< اجل على الدرااسه السلااام اسكتي بس..

بس والله تعب ندرس ترم وهم لا..

يالله ماانقوول الا الحكومه اصلا تدور على رااحتنااا..

ويجزااهم خير انهم مددوا الاجاازه..

تسلم خيوووووووووووو..