03/10/2009, 06:56 AM
|
| الكاتب الساخر | | تاريخ التسجيل: 19/06/2006 المكان: Najd
مشاركات: 1,022
| |
قالوا لـ حسينوه أحلف .. قال جاك الفرج !! وهذي كلمتي لك يا كحيلان !!
يقول المثل : ( وين عاقلكم ؟! قالوا هالمربط ) !! والمعنى : إذا صار هذا أعقلهم و رابطينه !! فلا تسأل عن الباقين اللي رايحين بخرايطها !! جالسن لحالي اليوم .. و كل ما دخلت موضوع بمنتدى لقيتهم مستضيفين واحد .. و لا قهرني كثر القناة الرياضية هابيّن بعبدالعزيز الدغيثر وخالد قاضي !! قلت يا ولد وأنا وش زودي .. فحبيت أستضيفني بهالموضوع .. لنصحبكم سويا في رحلة غير هادفة !! وأي واحد يلقى سطر له معنى فتراه غير مقصود و العذر والسموحة تسان به شي مفيد !! - ممكن تكلمنا عن نفسك ؟! * مغاط .. مشجع هلالي .. أؤمن إن ما فيه شي صعب !! مثلي الأعلى في الحياة .. بدر الفرهود .. شف وشلون وصل !! و أحب أحجــّر للعالم و أقفطهم واحد واحد مثله !! يومني صغير كانوا يعيروني ( القفــّيط ) .. بس مع الوقت نسوها وصاروا يناظرون ( الدليل القاطع) ولهوا عنــّي !! - وش قصدك ؟! * قصدي إن الركادة زينة !! وفيه فرق بين (الطفاقة و الإثارة) !! - صدز ضاق صدرك يوم ألغوا عقد قناة ( أبو ظبي ) ؟! * شرهتك على اللي طاقن لهم خبر !! لكن إلى متى وحنا نتخذ قراراتنا على أساس ( محسوبيات ومسائل شخصية ) !! يعني إلى متى وحنا نعمل بمبدأ : ( أنا والطوفان من بعدي !! ) !! يعني إذا سلمت أنا غيري بقريح ؟! تعبنا وحنا نحذر من أهدافهم ومن غوغائيتهم ومن ضربهم للشارع الرياضي المحلي ببعضه من أجل أهداف دعائية وانتشارية !! بأسلوب صبياني قديم و مكشوف .. استطاعوا بفضل تبريكات الغير لهم ودعم القيادة الرياضية السعودية لهم أن يصلوا إلى ما وصلوا إليه !! - طيب هذاهم ألغوا عقدهم وش تبي بعد ؟! * ومن قال لك إني أبيهم يلغونه وإلا يخلونه ؟! اللي يضايقني في الموضوع إن ما عندنا حلول وسط نهائيا .. ولا فيه أي نظرة (تفحصية) في اتخاذ القرار !! يعني بأي وقت لازم تتوقع الكارثة !! وشلون تجي ومن السبب ما ندري .. فمصالح ناس تلغى !! وعقود تهان !! والسبب ( مسائل شخصية ) !! - وش قصدك ؟! * أقول بما إن الإعلام لهالدرجة مؤثر وحساس !! ليه ما تتخذ القيادة الرياضية منهجية جديدة في التعامل معه والسيطرة عليه .. بدون ( تعسف رقابي ) أو ( انفلات مرّوع ) كما نرى الآن !! ويوم جاء الضرر (الروس الكبيرة) انتبهوا !! طيب انتبهوا (لجرايدكم) اللي هنا قبل لا تجي كوارث ألعن من اللي نعيشها !! - تحلف بالله إن ( حسينووه الشرّي ) تلفظ على ( أحمد الفريدي ) ؟! * وأنا وش دخــّل أمي بالسالفة !! لكن للأسف إن سيرة حسين عبدالغني .. ملطخة بالقضايا الجنائية !! وبتكرار الجلسات أمام القضاة !! أبسألك سؤال من أكثر لاعب انفرش في ملاعبنا ؟! وانوطى على غاربه ؟! - اللي ما يدري وشو الغارب .. يروح لحسين عبدالغني ويسأله !! - تركيبة حسين عبدالغني واللي يعرفونه عن قرب يدرون من هو هالإنسان صح !! واللي عاشروه في تمارين الأهلي لو جلستوا معهم راح تسمعون العجب العجاب !! - يعني ما انتب كفو تحلف ؟! * أشوف موضوع الحلف صايرن من أتفه الأمور .. وكل من هب ودب طايحن به !! ترا المسألة مهيب لعب بزور !! وغير كذا لو عندنا ( لجنة قانونية ) هل ظنك بتلقى هالانفلات !! وفيه عرف قانوني و هي تكملة لحديث شريف (( ........ البينة على المدعي واليمين على من أنكر )) !! لذلك بما إن حسين عبدالغني منكر ؟! فهل يقدر يحلف إنه ما تلفظ ويبطل دعوى الفريدي لو رفعها ؟! - طيب أنت وش محرق رزك ؟! * الحين أنا اللي قايلن أحلف وإلا أنتم !! لكن ظاهرة قذرة مثل ذي ما ودك تنتشر بملاعبنا !! و لابد لها من نهاية !! وللأسف شخصية حسين عبدالغني واسمه ارتبط بالتساهل بهالألفاظ النتنة !! والله أتمنى تصّعد القضية .. لأن أمور كثيرة برياضتنا راح تتغير !! - وش سالفة الديون المتراكمة على نادي الهلال ؟! * أي شركة أي مؤسسة .. أي مجموعة أشخاص بارزين في مجتمعنا راح تلقى عليهم ( ديون ) !! لكن الذكاء والفطنة كيف ألقى طريقة بتفتيف هالكتلة المالية !! رجال الهلال أكبر من إنها ترهقهم هالعقبات !! و مثل هالأحداث والعقبات .. المفروض تخلي نظرتنا للمستقبل مختلفة !! وهي أن الاعتماد على ( أسماء معينة وداعمة بشكل فرد ): هو مورد مآله ونهايته للجفاف !! ولابد من البدء الفعلي لفتح أكثر من قناة استشمارية ومالية ليحصل عن طريقها التدفق الذي تطمح له أي منشآة تفكر بمستقبلها جيدا !! وأن نحجــّم من هذه الحادثة ونتخطاها بعقلانية !! - وش قصدك ؟! * أن تبقى الأولويات كما هي !! فاللاعبون يجب أن يعوا أدوارهم جيدا ومسؤولياتهم دون إشراكهم في أمور كهذه !! أن تسند هذه المهمة لمسؤول وشخصية هلالية ليكوّن فريقه من أعضاء الشرف .. ليغوصوا في حيثيات هذه القضية ومناقشتها وفحص أبعادها بعيدا عن النتن الإعلامي الذي امتلأ بالـ(متذيهنين) !! و إشراك فريق استثماري من إحدى الشركات المعروفة لمحاولة الاستفادة من هذه القضية من جهات أخرى !! ونحن كهلاليين مررنا بمصائب ومنغصات .. وتجاوزناها بكل ثبات !! - أحلى أخذتوا ( نادي القرن الآسيوي ) وش تحب تقول للأخوة المغتربين ؟! * يا زين أسئلة الفرهود زيناه !! بالله وش دخل المغتربين بالقرن جعله ينطح جبهك !! - يوووه أنا حاس إنك تبي تقلب علينا بأي لحظة ؟! * مهيب مسألة قلبة .. بس اضبط أسئلتك مهوب تصير مثل هاللي مالين البرامج الحوارية !! لا إعداد ولا تعب على البرنامج !! ويدورون الإثارة بذنب التسلب !! وياليتها على سنع !! لا .. ما غير استخفاف بالمشاهد !! وتغييب للحقائق !! - طيب وش كلمتك بمناسبة تحقيق الهلال للنادي القرن ؟! * أيوه انضبط !! الصراحة الاعتراف بهاللقب بشكله الرسمي .. هو تحصيل حاصل لسنوات البذل !! وهو السيف القاطع والمخرس لكل متطاول على هذا الكيان الأزرق !! ومثل هالإنجازات ميزتها .. إنها تعطي كل ذي حق حقه !! لكن فيها جانب ثاني مهم ما ينتبه له الأغلبية !! وهو ( ظهور فئة تعاني من قهر نفسي ) !! ولا يحتاج العاقل لدهاء وذكاء لمعرفتهم !! - طيب وش تقول للي هنـّؤوا الهلال بهالإنجاز .. واللي مسبطين وساكتين ؟! * ههههههههه هماي أقول لكم ما يبي لها ذكاء عشان تعرفهم !! في مثل هالمواقف يبان من هو ( الإنسان السوي ) ومن اللي في نفسه شي !! مابه أحد منكر للحقائق والأرقام إلا ( راعين القرق الفاضي وقرعقة الفناجيل بدون قهوة ) فالأرقام تقض مضاجعهم وتكوي ظهورهم وألسنتهم !! - ودي أسألك سؤال وأخاف تشره علي وتقول وش هالسؤال الغبي ؟! * من زين عاد اسئلتك اللي فوق .. أها وش عندك ؟! - وش قصدك بالمثل اللي بأول الموضوع ؟! * لا أحسن قل لي وشّو له ملونه ببرتقالي بعد ؟! - كلمتك لـ : - سمو الأمير سلطان بن فهد و نواف بن فيصل : * شكرا لكم لأنكم ( خططتوا ) ولكن كلنا وأنتم تأكدنا الآن أنها لم تأت بثمارها !! هل جربتم أن (تغيرّوا من تلك الوجوه المنفذة ) .. وتبعدوا المتزلفين !! فلم ولن يقودوكم لفلاح !! - لشيخ الرياضيين عبدالرحمن بن سعيد : * أدام الله عليك ثوب العافية .. وأمدّك بالعمر الوفير .. والصحة السابغة .. وها أنت تسبقهم وشيخهم لـ مائة عام ٍ قادمة !! - سمو الأمير عبدالرحمن بن مساعد : * كم وددت لو أن هناك سابر ٌ للواقع يقوم بتدوين تصاريحك !! فيطرحها كردود ٍ مسكتة !! وتطبع على نفقة النادي وتوزع مجانا ولا تباع !! فـ ( كثر ٌ) وليس (كثيرون) !! (من) يتعلموا من (حرفك) !! - سمو الأمير فيصل بن تركي : * الحمد لله إني مانيب نصراوي !! |
فاللقب أصابهم بالقهر و الإحباط و الغيره حتى قاموا يشككون في اللقب حتى رضخوا للأمر الوقع و قاموا يباركون لنا 
الوضع المتطور
