مهوب انا انتم ووجيهكم ...

هذا اللي تحت

~~~~~~~~~~~~~

هلا بالحلوين والغالين ... هالمرة بأمحط لكم بقصة غريبة .... وعلى من يريد طرح حل مناسب ... ينقلع احسن له

~~~~~~~~~~~~~

واليكم القصة كاملة :-

فيه اثنين أخوان ... واحد منهم عنده ولد صايع + ضايع + سربوت + داشر + كل انواع الكلمات الغير لائقة ( تصب في بطنة ) ...
والثاني ... عندة بنت بكامل الأدب والخلق + تفوقها المستمر في الدراسة وطاعتها الكاملة لوالديها .

المهم ما أدري من لعب بمخ الأخ ابوالورع الضايع وقال له ورى ماتزوج ولدك يمكن يعقل ويتغير بالكامل .

ماصدق الرجال خبر وقال ماعندي الا بنت أخوي ... أخطبها لولدي الأقشر ( مأخذ بولدة مقلب هو وخشتة ) .

وجاك مدحدر هو ووجهه مع ولده المتشرد يخطب بنت أخوة ... العاقلة .

وقال بخاطرة :- هذي بنت أخوي وماراح يردنا أخوي خايبين أبد .

دخل بكل قوة وجهه لأخوة وقال :- ابي بنتك لولدي ... وزي ما أنت عارف البنت ماراح يصونها ويراعيها الا ولد عمها ... هاه متى الملكة والدخلة ... ترانا جاهزين ... أخلص.

أحتار ابوالبنت وطارت بوهته وشلون يرد على أخو ة ( وهو يعرف ولد أخوة زين ) .

أن قال ... لا ... زعل اخوة .

وان قال ... ايه ... ظلم بنتة حبيبتة قلبة .

من عنده الحل .... ورونا شطارتكم .




عندي أقتراح :-

إقتباس من يجمع ألأعضاء على ان حلة هو الحل السليم والصحيح ... ينورنا بموضوع أخر ( يريد حلآ ... غصب من ورى خشيمة )

.


ولكم أعذب تحية ياشيـــنـــيــــن ... علشان تكون واضحة

وخير ياطير لو كان ولد أخوه

لو صدق حبيبة قلبه لايعطيها ولد اخوه

وصاجنا واخرتها اريد حلا
اريد حلا هذا مهوب مسلسل بدوى بطوله سوزان خير انشاء الله
لايكون انت اللى متوهق مع اخوك ولا يكون العكس وحد ناشب فى حلقك بيزوج بنته لولدك ;)
طيب يالحبيب ولدى عبود ماله نصيب
اسمع يقول المرحوم اللى مدرى وش اسمه المهم الله يرحمه ويبشبش البلكه اللى تحت جبهته
البنت مالها الا هيفاء اقصد مالها الا ولد عمها حتى لو توه طالع من السجن يالشين

واذا كانه مستحى من اخوه يقول له عطنى كم يوم اشاور البنت ثم يقوم الله يسلمك بعد كم يوم ويأخذ
سياره الولد كانه بيروح مشور ويحط 50 كيلو هروين ويرجع السياره للولد وينقز لاقرب مركز شرطه ويبلغ وبكذا بيفتك من خشته العمر كله لكن فيه احتمال بسيط ممكن الولد يروح يغسل سيارته ويلقا العامل هالكيس ومن العجله بلعه يحسبه سكر يعنى خطتك طلعت فشوش
واحسن حل لك انك تذبح البنت علشان ماياخذه او تخطفها وتطلب فديه كم مليون وتروح للولد وتقوله تبى بنت عمك اذا قال ايه قل له ياالله الله لايهينك دبر كم مليون علشان نفكها
وطبعا هو ماراح يوافق وبكذا بتفتك منه بس فيه احتمال بسيط انه يلقا احد يسلفه
فمالك الا انك تذب البنت من السطح وتفتك

اقول الله يرج شيطانك أنت وولدك..

طيب إذا صار ولدك وعارفه مالقيت إلا أخوك تبلاه..

وركز زين في حل أبو الذهب أعتقد بعد لو انه يذبح الابو وولده ومعهم البنت والزوجة ولا يبقى إلا أبو البنت وبعدها ياخذونه للسجن.. وبكذا اراح واستراح..

ترى كل كلامي ذا عشان ما يصير أحسن حل وابلش بكم..



تحياتي لكم ،،،

البارق

بكل بساطه اخوي جاج الحل عندي وانا ابو هندي

يقول ابو البنت بنتي حاطه لغز للي يبي يتزوجها ان عرفت الغز تزوج بنتي وان ماعرفته اقضب الباب

شفتوا المسلسل البدوي اللي به نفس الطلب هذا

ومادام انه سربوت اعتقد والله انه ماراح يعرف الغز

السربوت للسربوته .. وبس :

اذا هو سربوت يدور له سربوته

هههههههههههههههههههههههههههههههههههههههههههه

غير هالكلام ماعندي ..

جتني فكره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يقوله شف ياخوي اقلب الباب انت وولدك الدشر الي مثلك.

ولا يقوله بزوجه بنتي عشان يعقل ولد اخوي

أنا اقول الحل واضح ومنطقي صدقني طع شوري يا دجاج .. !!
شف المفروض أبو الولد الداشر يطلق أمه ويرتاح لأنها هي السبب في المشكله .. !!

ملاحظه : إذا صار الي قلت مر علي أكمللك الباقي زين ..!!

يوووووفق على الخطبه بس ؛؛؛؛؛؛؛؛؛؛؛؛؛؛



وبعد الخطبه يطلقه؛؛؛؛؛؛؛؛؛؛؛؛


وش رايكم لازعل اخوه ولا ضيع بنته ؛؛؛؛؛؛؛؛؛



ماسووووي فيهاااااااااا ذكي...................................!!!!!!!!!!!

افا مبعد صرفت هالمعرس الى الحين
اسمع لقيت لك احسن حل تعرف وش تقول له





















































اسمع قله البنت داخله دوره عسكريه

والله انكم مشكلة من جد

السربوت يدور له ابوه وحده مثله

والعاقله أنا اخطبها

لأني عاقل


ولا وش رايك

جاج كانك تعرفه الحل عندي وانا ابو سليمان

قله يزوجن البنت ويزهله وارسله لي وانا برسله لبو الذهب يوديهم رحله لالي خابر شمال المعنى
ههههههههههههههه

لاحول الله مبعد تصرف هالنشبه
اسمع شكله لزقه هو وابوه
واحسن حل قل لهم الله يحيكم القهوه عندى بيجون يمشون مليون يحسبون البنت موفقه
ولا تنسا تحط فى الشاهى والقهوه سم فيران وخلهم يشربون واذا قالو لك تقهو قلهم انا صايم
وبكذا بتفتك من ولد اخوك واخوك والعائله كلها

الهلاليه وللابد :- أيه هذا الكلام السنع .

ابا النحاس :- خطف ...؟ شكلك أرهابي خطــــــــير ياولا .

البارق2000 :- أكيد عاجبك حل اباالنحاس;)

ســـــ SMN2002 ـليمان :- هههههه من أي مضارب الأخ .

Abu saad 66 :- يا مصحصح شكلك تبي تتورط بأتحافنا بواحدة من ( أريد حلآ )

النورس عاشق الزعيم :- يا واد يا أبضــــــــاي أنت .

saz...bat :-

إقتباس صدقني طع شوري يادجاج

... مظبي والا منـــــــدي

قلبي الزعيم :- حلك ممكن بس ينفع ( يطلقها بعد الخطبة ) اخاف يرفض ... السمرمدي

yazeed_9 :- طيب اثبت لنا أنك عاقل

ابوسليمان :- هههههههه ... أجل بترسله لأبا النحاس ... أكيد بيعقل الولد ههههههههه .

الفيروسه الزرقاء :-

إقتباس حراااام أنك تظلم البنت وتزوجونها ولد عمها اللي مايستأهل

... وشايفتني أنا ابوها ... وش قالو لك انا شايب بسم الله علي توني صغنن

ابا النحاس :-

إقتباس اسمع قله البنت داخله دوره عسكريه

مادام أنك لزقة وراد مرتين ... عليك الدور وشف لنا قصة ثانية ( أريد حلآ ) ... خلاص كلهم وافقو عليك انت

~~~~~~~~~~~~~~~~~~~~~~~~


ياجماعة الخير ابشركم ابوالبنت رفض طلب أخوة وردهم خايبين .

وزعل عليه أخوه سنين طويلة مايكلم أخوة ولايزورة حتى بألأعياد والمناسبات .

لكن تصدقون الولد الصايع ... هداه الله وأصبح ألأن امام مسجد ومن خيرة الناس وبر بوالديه ولم يفارقهم أبد ...وزار عمه أبو البنت عدة مرات وجاهد للصلح بين أبوه وعمه حتى وفقه الله وأعاد المياه الى مجاريها ... وعاد ألأخوان أحبة كما كانو .

قصة حقيقية لازال صاحبها على قيد الحياة .

~~~~~~~~~~~~~~~~~~~~~~~

أبا النحاس ورنا علومك الطيبة ( مع اني اشك في ذلك )