إقتباس ما ألومك على ردودك لأنك جـاهل بـ خفايا ريال مدريد !! بس اتمنى المرات القادمة تحاول تتأكد من معلوماتك المغلوطة .. مو حلوة واحد يقرأ كم كلمه هنـا ويصير يقولها في كل موضوع وفي الأخير انت مصدر كلامه .

فلورنتينو .. اسمح لي ابدي اعجابي بمعلوماتك ومتابعتك لناديك
بس موب معناته ان اللي انت تناقشه جاهل أو مايفهم أو مايعرف القروض البنكيه أو غيرها من عبارات الاستخفاف اللي ذكرتها بردك
أنا صراحه أجهل كثير من الكلام اللي قلتوه انت والعضو المنعفط
لكن صراحه
لما قريت ردك حسيت انه صدق جاهل وجالس يولف علينا
بس بصراحه بعد ماقريت رده على ردك .. حسيت انه فاهم فاهم .. ومش أي فاهم
استمتعت بنقاشكم .. وسجلوني متابع ,,

........

إقتباس اخوي ALMn3F6 اشكرك على النقاش الجميل واقتبست الكلام اللي فوق عشان ارد عليه شي طبيعي انك ماتصدق الامور هذي والسبب ان الرياضه عندنا في السعوديه ماوصلت للمرحله هذي فأنت ماتقدر تتخيلها مثال بسيط عبد الله بن مساعد يوم تكلم وقال ان دخل الانديه السعوديه سنويا ممكن يتعدى 50 مليون والكلام هذا كان قاله من زمان من اللي صدق كلامه وخذه بعين الاعتبار للاسف ولا احد لكن الحين الهلال الدخل حقه اكثر من 60 مليون اذا كان الهلال يدخل 60 مليون سنويا كم تتوقع دخل الانديه العالميه الكبيرة ؟؟

أخوي هلالي شقراء
كلامك فيه شيء من الصحه

بس انت فهمت كلام العضو "ALMn3F6" انه يستنكر الـ 400 مليون عشان المبلغ كبير
لكن هو ماقال كذا

هو استنكرها بناء على الواقع ومعطيات النادي

يعني اذا النادي دخل من زيدان 400 مليون
ومن بيكام 500 مليون
بـ 5 سنوات فقط
غير رونالدو وفيجو وروبرتو كارلوس .. وغير باقي النجوم .. وغير مدخلات النادي من التذاكر والنقل ورعاية الشركات للأطقم وللملعب ووو ... الخ

يعني نقول ان النادي يدخل من بيكام وزيدان لحالهم .. 200 مليون سنويا

والنادي قبل كم سنه يصرف كل سنه أقل من 100 مليون أو 150 مليون على الانتقالات وغيرها

يعني على كذا راح يكون فيه فائض بميزانية الريال وليس مديونيه

ولاحظ اننا تكلمنا عن اللي قلتو ان النادي يدخله من بيكام وزيدان فقط
يعني على كلامكم زيدان وبيكام لحالهم يكفون لمصاريف النادي وزياده
وشلون لو تكلمنا عن بقية اللاعبين وبقية الموارد للنادي
كل هذا .. والسؤال اللي يتكرر ,, اذا كلامكم صحيح .. ليش فيه ديون على النادي ؟؟

إقتباس هو استنكرها بناء على الواقع ومعطيات النادي يعني اذا النادي دخل من زيدان 400 مليون ومن بيكام 500 مليون بـ 5 سنوات فقط غير رونالدو وفيجو وروبرتو كارلوس .. وغير باقي النجوم .. وغير مدخلات النادي من التذاكر والنقل ورعاية الشركات للأطقم وللملعب ووو ... الخ يعني نقول ان النادي يدخل من بيكام وزيدان لحالهم .. 200 مليون سنويا

اعتقد انك ماقريت ردي زين لكن مايمنع اني اعيد واوضح زياده

بيكهام وزيدان دخلوا المبالغ هذي بسبب شهرتهم في العالم يعني فريق يضم زيدان وبيكهام وكوكبة من النجوم تتوقع كم راح يكون قيمة الاعلان على قمصان اللاعبين ؟؟؟ وبرضوا اسألك فريق عادي لا يملك نجوم لكن يلعب في الدوري الاسباني كم تتوقع قيمة الاعلان ؟؟

لا تنسى ان عقود الاعلانات في البرنابيو راح تزيد برضوا وايضا عقد النقل التلفزيوني و .... الخ

كل الزيادات اللي حصلت كان سببها وجود لاعبين نجوم في الفريق وهذا ينطبق على بيكهام وزيدان

ان شاء الله وضحت الحين

تصدقون عاد والله هالفكرة كانت ببالي.. نسوي ملاهي للزعيم علشان الاطفال.. هههههههه

بيريز.. احسن اداري في العالم.. يدير احسن نادي في العالم..

مدريد عمك وحارق دمك يا
ALMn3F6 < type=/> vbmenu_register("postmenu_13149307", true);

^^^
خخخخخخخخخخخخخخخ
من جد وش يحسون بوه هذولا
...................
متابع لنقاشكم يالمنعفط

^ ^

إقتباس مدريد عمك وحارق دمك

ههههههههه خلاص آنت قوي مرررره

فكره حلوه

مشكور
.....

برد عليك حبة حبة عشان انفض الغبار على مخيلتك ونشوف منة اللي تفكيرة يحوم الكبد

حاول تقراء الرد بتمعن وتجرد عن كل ميول لتصل الى زبدة الحديث

إقتباس والله يا فيه ردود من جد تحوم الكبـد فيه رد واحد بأعلق عليه .. لأني اشوفه يناقض الحقيقة و الواقع ! قبل كل شي ما فيه نادي في العالم موب مديون .. هذا موب عيب عشان يتخبـى ولا ما كان صرح بيريز بقيمة ديون النـادي وميزانيته .. شي عادي يعني لاتسويه شي كبير وهو ما يستـاهل !! ..

الله عليك نقطة ممتازة مافي نادي مهب مديون تذكرني بمقولة مافي مجتمع كامل او مافي مجتمع بدون سلبيات

الفكرة اللي ابي اوصلها لك بدون اتشعب

انة في ديون عن ديون تفرق في نادي تلقاة قوي مثلاً مديون 10 % او 20 % مثل نادي برشلونة ويحاول يسدد الديون وفق جدولة معينة وفي اندية تلقاها تتبجح ليل ونهار بانة اغلى واغنى نادي وتلقاة ديون بـ30 % الى 40 % من راس مال النادي مثل الريال ومازال يسير بالنادي نحو الهاوية بسبب الزيادة في الديون ولا ننسى الفوائد المترتبة على الديون وفي اندية تعتبر قوية وغنية مادياً ومالياً وماعندها اي ديون بس المشكلة مانسمع عنها تطبيل زايد في المنتديات بغض النظر عن ادارة تلك النوادي رياضياً مثل البايرن ميونخ الوحش البافري

وعلى قولتهم اي شي يزيد عن حدة ينقلب ضدة خاصة في الديون والخساير وتهميش مرتكزات وتقاليد النادي من رئيس اتى لمنصبة للانتفاع خاصة ان الوضع الاقتصادي الحالي لا يحتمل مجزفات ومقامرات باسم ريال مدريد

فكر بمنطق وعقل

وهب ان رئيس الريال مات استرسل بخيالك ماهي الكارثة التي سوف تصيب النادي

واسترسل ايضاً بخيالك وهب ان رئيس برشلونة مات هل الكارثة التي سوف تصيب الريال هي نفسها سوف تصيب برشلونة .

خوان لابورتا موظف لة صلاحيات شؤون النادي وفق سياسة واستراتيجية معينة . تنتهي ولايتة يتغير وليس محكومين برئيس منقذ او بطل يتحمل ديون وسياسة متهورة يمكن ان تعصف بة وبالنادي وتفقدة اشياء كثيرة وترسل بة الى الحضيض.

إقتباس بالنسبة لـ قطعة الأرض .. ياليت تجيب مصدر لكلامك لأنه كذب وتلفيق .. قطعة الأرض الي تقول عليها مملوكة لـ النادي !! .. وانشأو عليها الفالديبيبـاس ان كان تعرفه طبعاً .. وبقية الأرض بينشـأ عليها ’ مدريد لانـد ‘ وهذا مشروع بيريز في فترته الأولى وما كمل لأنه أستقـال والآن ان شاء الله بيكمله .. المشـروع بيكون اضافة قوية لـ ريال مدريد على مر الأجيال وبيكلف مافيها شك لكن بيـدر أربـاح خياليه مو ممكن احد يتوقعها .. التوقعات ان 2 مليون زائر راح يـزور الحديقة خلال السنة الواحد .. يعني 2 مليون تكيت وعليك الحساب اذا كانت قيمت التذكرة 50 يورو هذا غير الألعـاب و المطاعم !! .. ما تنلامون فكرة جديدة ودايم احنـا يالشعب العربي نستنكر اي فكرة جديدة ..

انا مادري هل ملزوم كل كلمة اكتبها في المنتدى اجيب لك قرأن واحلف علية ياطويل العمر او انك تكذب الطرف الاخر من سبب او من دون سبب عشان تثبت انك الصح والمخالف على خطأ وتتهمة بالكذب من دون بينة .

اما النقطة الثاني اذا انت تريد التثبت ارجع الى موقع الريال الرسمي وانظر الى ميزانية الريال لموسم 2001 و2002 و2003 على توالي

وانظر على بند الاصول الثابتة في النادي وانظر الى بند الاستثمارات المتداولة وانظر الى بند مداخيل النادي بالتفصيل سوف تجد ان تم بيع جزء من استثمارات المتداولة وهي عبارة عن الارض المذكورة وتجد في القائمة انخفاض احد بنود الاصول الثابتة وتسجيل المبلغ البيع الاسثمارات بمداخيل النادي بالتفصيل.

اذن بيع واستنفاع من النادي وعدم التصرف الصحيح بأدارة الاموال والمداخيل وعودة الديون كالسابق وايهام الجمهور ان مداخيل الريال وصلة الي ماوصلة الية بسببة هو وهذا كذب محض وهو بسبب الشركات الكبيرة التي سوف تقدم على الاستثمار في النادي بغض الطرف على ان الرئيس هو بيريز او غيرة خاصة ان نادي مثل الريال لا ينقصة شخص منتفع مثل بيريز يرفع اسهم النادي اعلامياً وبعد هذا كلة يهرب من رئاسة النادي دون محاسبة على مافعة وهرب عند احلك الضروف والان يعود ليلعب على جروح الريال .

النقطة الثالثة اذا كنت تتوقع ان اندية مثل الريال وبرشلونة تمتلك قطعة ارض وحيدة فهي المصيبة بعينها فالريال يمتلك اكثر من ارض ولكن الذكي من يصبح رئيس النادي وينتفع بتلك الارضي بشكل ذكي خاصة ان نادي الريال فية ثغرات قانونية في أنظمة ولوائح النادي و الذكي الذي يدخل من هذا المدخل وليس ببعيد تلاعب سئ الذكر كالديرون الذي اتى بالتزوير واخذ كعكتة من الاموال بسبب حصتة ونسبتة من صفقات اللاعبين .

النقطة الرابعة والاخيرة اختلافي ليس لمجرد الاختلاف وهناك اندية اقامة مشاريع وهناك اندية وضعة الخطة لمشاريع لتحسين الدخل وانتفاع النادي وهذا النقطة لاغبار عليها

مثل مشروع نادي مانشستر في تسحين ملعب الاحلام بحيث يتسع الى 90 الف متفرج ووضع متحف للنادي بمواصفات خيالية ووضع سلسلة متاجر خاصة بالفريق اوللايجار او مشروع نادي برشلونة سلسلة المتاجر في امريكا بولاية ميامي الذي قارب على الانتهاء او مشروع المدينة الرياضية الذي اكتمل الان او مشروع منتجعات برشلونة سلسلة من الاسواق والفنادق ووالحدائق والالعاب او تحسين وترميم ملعب الكامب نو وتوسيع سعة الاستيعاب ليحوي 110 الف متفرج .

كل هذه المشاريع نحن معها قلباً وقالباً لتعزيز قوة الاندية مالياً واقتصادياً ولكن المعضلة من سيدير تلك المشاريع واين تذهب اموال تلك المشاريع وهل بعض مشاريع الاندية ضرورية في الوقت الراهن او ترف مادي يرهق خزينة اكبر الاندية لماذا هو فقط بيريز من يجعل
شركاتة تسنفع من الريال ولماذا مشروع ملعب البيرنبيو يريد تحسين واجهاتة بعقد مشروع مع شركتة الخاصة بملاين اليورهات وهو محسن خلقة ولايحتاج الى تحسين وترميم بعكس ملعب الكامب نو القديم الذي يتحتاج الي ترميم او ملعب الاحلام الذي يحتاج الى توسيع .

المشكلة احنا يالشعوب العربية نطير بالعجة وتذكرني بمشروع بريد واصل في السعودية اللي كلف 3 مليار نسمع عنة ولا شفناة الا بالجريدة بأنتقاد الصناديق البريد التي تعاني من الكسر.

إقتباس عموماً ..قصة القروض معروفه .. بيريز اخذ قروض من البنوك و الضمـان هو شخصياً وليس ريال مدريد لأنه شخص معروف ومن أكبر تجـار اسبانيا و رئيس مجلس أدارة أكبر شركة مقاولات في أسبانيا و ثالث شركة في العالم وثروته فـي الأصول وصلت لـ مليـار و 800 مليون .. هذي أصول ترا موب حساب بنكـي يعني الرجال يعرف وش يسوي ومو محتـاج نصايح بطله من الأعضاء الي يفكرون هنـا بطريقة مرررررة حلوة .. بعدين اذا اخذ القروض على ضمانته المالية الضرر الأول بيكـون عليه ! الا اذا انت ما تعرف في اصول التعاملات البنكية وجـاي تتفلسف علينا هنا وكأنك رئيس مجلس أدارة بنك .. اذا اخذ قرض وضمنه بفلوسه ما راح يسددها الا فلوسه طبعاً اذا وصل وقت الدفع وكان النـادي عاجز عن تغطية الديون وهذا شي مستبعد !

المشكلة انك تتهمني بعدم المعرفة في التعاملات المالية مع العالم انة ليس من الضروري ان تكذبني او تتهمني بالجهل او عدم المعرفة لكي تثبت وجهة نظرك وجهة نظرك اذا كانت صحيحة وحجتك قوية سوف تصل الرسالة للقراء دون التكذيب و الاتهام بعدم المعرفة

النقطة اللي ابي اعرج عليها لو تلاحظ ان بيريز وضمان القروض الممنوحة للنادي شخصياً هل لحبة للريال او بغرض الاحتراق على شعار الفريق

ليس لهذا او ذاك وانما ماسوف يجنية من ارباح واستنفاع لة شخصياً
و بزنس يجر بزنس بس المغامرة في الوقت الرهن اكبر مقامرة في ظل ازمة الكساد العالمي في رد سابق ذكرة و فرقة بين الاندية ذات الملكية الخاصة مثل الميلان وتشلسي و الانتر وبين الاندية ذات الكيانات المؤوسساتية مثل برشلونة والريال وتعرف ان لافضل على بيريز او خوان لابورتا على الريال او برشلونة بعكس موراتي و ابراهمفتش على الانتر وتشلسي .

بالنسبة للاضرار المترتبة على القروض المستفيد الاول هو بيريز والمتضرر الاكبر هو الريال بستطاعة بيريز ان يتمصل بطريقة او اخرى وابسط طريقة رهن احد قطع ارض الريال للبنك او يلتزم بدفع مبلغ القروض من مداخيل الريال او اذا اراد الهجة وبكل بساطة الاستقالة بكل بساطة ورمي النادي في وجهة المدفع . وشاهدنا كيف كالديرون المزور اخذ عمولات من صفقات اللاعبين ومكافئات ادارية وسفرات وهدايا عينية ومع هذا الريال يطالب بسترداد حقوقة ولا حياتي لمن تنادي الفكرة اللي ابي اوصلها لك بستطاعة بيريز الهروب بدون محاسبة مثل المرة الاولى التي هرب بها دون محسبة لة ولكالديرون.

إقتباس شوف يا بطل .. تفكير بيريز في التعاقد مع النجوم السوبر ستارز له مصلحتين جيدة لـ النادي .. أولها تقوية لـ الصفوف وتعزيز فريق بيكون منافس على البطـولات في أسبانيا و أوروبا مسألة التعاقدات مع اللاعبين مسالة حسب احتياجات النادي لكن الاهم والمهم احضار مدرب قوي معروف ومشهور ذو شخصية قوية وخبرة طويلة يصبح هو المدير الفني للفريق ويحضر اللاعبين حسب رغبتة وحسب روئيتة الفنية وعلى المستطيل الاخضر وليس اسماء وتشكلية تنفرض علية من اعلى رأس الهرم بسبب سياسة التسويق للنادي او سياسة رفع معدل بيع القمصان او سياسة تكثير الجماهير او سياسة جمع النجوم في فريق واحد دون نتائج مرضية على ارض الواقع . وهدم اشياء كثيرة في النادي . .. الهدف الثاني هو رفع مدخولات النادي الى 500 مليـون يورو .. وهذا التارجت المجنون الي حاطه بيريز من ورآ هـ التعاقدات لأن فيـه شركات رعاية بترفع العروض بلا شك او يتم فصخ التعـاقد معها و أولهـا اديداس والي تعطي النادي الآن 30 مليون يورو وطلب بيريز رفع المبلغ الى 60 مليـون يورو .. بعد فيه ميديا برو الي رآح يتفاوضون معها على رفع المبالغ رغم ان العقد الي معهم على مدار سبع سنوات وبـ قيمة مليـار و 200 مليون .. فيه الشركات الراعية الأخرى مثل Biwn والي الآن بصدد رفع مبلغهم المالي لـ يصبح أغلى اعلان على قميص نادي في أوروبا .. ما ألومك على ردودك لأنك جـاهل بـ خفايا ريال مدريد !! بس اتمنى المرات القادمة تحاول تتأكد من معلوماتك المغلوطة .. مو حلوة واحد يقرأ كم كلمه هنـا ويصير يقولها في كل موضوع وفي الأخير انت مصدر كلامه . شكراً صاحب الموضوع وأعـانك الله على الردود المُقرفة !

هذه النغمة او الشنشنة التي نسمعها من اخزم دون تفصيل

الجاهل لست انا الجاهل هو الذي يرهف بما لا يعرف .

- مدخل -
ميزانية برشلونة 400 مليون يورو وميزانية الريال 422 مليون يورو لعام 2010
اين الاختلاف او الفرق الفرق في 22 مليون يورو .
مع العلم ان برشلونة هو النادي الوحيد الذي لايعلن على قمصان النادي بسبب تقاليد النادي الكتلوني واما اعلان اليونسيف فهو ليس اعلان تجاري وانما علان توعوي او بالاحرى خدمي برشلون يدفع من مداخيلة نسبة معينة لليونسيف .في بداية عام 2007 طرح النادي فكرة الاعلان على قمصان نادي برشلونة للجمهور والشركات طبعاً تم التصويت بالرفض من قبل الجمهور واتت بعض العروض من الشركات وكان احد العروض شركة اتصالات عالمية واتوقع فودفون على ما اعتقد وكان العرض 100 مليون دولار او يورو لمدة 4 سنوات متتالية اي القيمة 25 مليون يورو في السنة ومع مكافئة في حال تحقيق النادي بطولة الدوري 2 مليون والابطال 3 مليون واي بطولة اخرى مليون يورو . اي لو ان النادي وافق على العرض الاعلاني لكان برشلونة يتفوق على الريال ومانشستر بالنسبة للمداخيل .
وارجع واعيد واكرر ليس لخوان لابورتا المحامي الداج اقتصادياً الفضل على برشلونة انما هو موظف لدية صلاحيات اتا ليخدم النادي ويدير الدفة يجب ان ينجح لان النادي تم توفير لة كل شي ليحقق النجاح دون المساس بقيم النادي الرياضية والاجتماعية والاقتصادية وطمس الهوية وقس على ذلك صاحبكم طيب الذكر عندكم الداهية الاقتصادية الذي طمس اشياء كثيرة بالريال .


اجل تارجت مجنون 500 مليون او فصخ التعاقدات بين ليلة وضحاها من شركات كبرى مثل اديداس او شركات المرهنات والمقامرات Biwn وشركة ميديا برو صاحب النقل التلفزيوني اضحكتني يا هذا فصخ التعاقدات كذا على طول وما كأن هناك عقود ممتدة لسنوات وماكأن ان اللي يخل بالشروط سواء من الطرفين في عقود جزائية وغرامات مالية وليس هناك محاكم رياضية تنظر في العقود وحتى بعد هذا وذاك يمكن تكون هناك عقوبات رياضية قد تصل بة بنزول النادي الى الدرجة الاخرى من الدوري او عدم المشاركة والحرمان من البطولات الاوربية .

مادري احس بيريز يفاوض مطعم يا تفصخون العقد ولا بيجيب شركة ثانية تدفعلي دبل او تحسسني ان الريال احد اندية السعودية كل يوم موقع عقد مع شركة الله بالخير .

وبالاخير لم توافق اي شركة على فصخ العقد وبما انة اتتة صفعة قوية ومداوية اتنى بيريز المسطول بافكار بهلاونية جديدة وهو ان تقام مباريات الدوري و الريال خاصة في وقت الظهر والعصر لكي يستمتع بمشاهدتها سكان شرق اسيا .

ما نقولكم الرجال مزنوق وداخل على طمع جاي يستنفع ويسترزق من النادي ويمشي احد يلعب مباراة الظهر عشان تزيد مداخيلك طيب سوا دراسة للاعبين هل وقت الظهر مناسب للاعبين و الجمهور لحظور الملعب هل هوو مناسب للجهاز التدربيبي هل يؤثر على مردود اللاعبين في الملعب هل الجو اسبانيا ينفع في لعب في هذه الاوقات .

اعان الله الجهلة في استساغة ردودي والفهم منها .


في النهاية الم يشدك خبر عن النادي الكتلوني بانة تم اكتشاف جواسيس تم التجسس على المرشحين الجدد للنادي عن ميولهم وشركاتهم وهل هم اتو للنادي بسبب مصلحة شخصية او لا وهذا التجسس اتى بامر النادي .

هذا يثبت ان ادارة النادي لا تريد تسلم النادي الا لشخص يكون اهلن للمسؤولية دون ان يقامر باسم ومرتكزات وقيم النادي الكتلوني العريق .

لي عودة لبعض الردود .

بيريـز آحيـآنـآ آشكـ آنهـ بشـر

عليهـ مـخ تجـآري ولآبـآحلامـ

يـعرف كـيف يدر على النـآدي آموآل

إقتباس الرسالة الأصلية كتبت بواسطة BARCELONISTA ALMn3F6 ،، FLORINTINO آول شيء وش رايكم في الرحكة اللي فوق ؟! المهم آنا ما آهتميت صراحة بـ الموضوع لكن لفت نظري نقاشك و اللي قريته كلمة كلمة و على قولتهم تمعنت فيه ! نقاش قوي صراحة و بدون حشو و كلام فاضي ! كله كلام يدل على عقليتكم الكبيرة صراحة ! ما شاء الله عليكم عقول فاهمة صح ! آستمرو تكفون منكم ترى نستفيد ! بس ما تحسون آنكم شطحتو كثير ؟! لآ هنتم

النقاش لأجل النقاش والعناد والمكابرة هذا ليس منه فائدة

وانما النقاش لأيصال رسالة تيفيد القراء وتشبع رغبة المتابعين هذا هو المطلوب حتى نصل الى مرحلة الى وعي وعدم تقديس الاشخاص على هرم اندية رياضية وضعوا ليكونو اهلاً للمسؤولية .

بس الفكرة التي اريدها ان تصل بشكل سريع ومضمون

ان اندية مثل الريال وبرشلونة ومانشستريونايتد وغيرها

لم تتربع على المركز 3 الاولى بين الاعلى مداخيل في العالم لعدة سنوات ليس هناك فرق كبير يذكر في مداخيلهم وهذا ليس

بسبب بيريز الداهية الاقتصادية
او بسبب خوان لابورتا المحامي
او بسبب ملاك المانشستر يونايتد عائلة جلايزر الامريكية

وصلو الى ماوصولو الية
بسبب ان تلك الاندية ذات شعبية كبيرة ولهم سطوتهم على البطولات سواء المحلية اوالعالمية

وايضاً الشركات الكبرى لو لم تجد ان تلك الاندية مناخ خصب للاستثمار لماجازفت بالملايين بسبب او بدون سبب هي اتت لتفيد وتستفيد .

اما فكرة تصوير بيريز وغيرهم بأفلام اكشن وابطال ومنقذين وتقديس الاشخاص ووضعهم بمصاف الخارقين للعادة واستتقاص ممجوج للكيانات الرياضية على حساب الاشخاص فهذه العقلية هي نفسها العقلية المريضة التي تنخر في الاتحادات العربية وعلى رئسها الاتحاد السعودي والمشرف علية صاحب الخطط المهروسة مع العلم انة تم رفع توصيات للأتحاد السعودي عام 2005م ولكن توصيتنا ضلة حبيسة الادارج في مكاتب اللجان تلو اللجان وبأمكانك الذهاب الى مكتب الاتحاد السعودي وتطلب التوصيات المقدمة من المتطوعين لتطوير الرياضة السعودية ولكن نأمل من الله ان يصبح ابن همام هو اداة الضغط على هذا الاتحاد البائس الذي لولا الله ثم ابن همام لما تقدمنا خطوة واحدة .

الحديث عن الخصخصة في السعودية ذو شجون .

لو كانت مداخيل الريال مليار يورو ومداخيل منشستر وبرشلونة 300 مليون يورو او 400 مليون اي ان الريال دبلهم بالمداخيل وهناك فرق شاسع وواسع لقلة وانا برشلوني وبكامل قوي العقلية ان بيريز رجل داهية وبحق وحقيقة ولكن اجد الداهية بمصاف المحامي الذي لا يفقة شي في الامور الاقتصادية خوان لابورتا .

لي عودة لرد على FLORINTINO بالتفصيل الممل .