|
إقتباس:
بس موب معناته ان اللي انت تناقشه جاهل أو مايفهم أو مايعرف القروض البنكيه أو غيرها من عبارات الاستخفاف اللي ذكرتها بردك :) أنا صراحه أجهل كثير من الكلام اللي قلتوه انت والعضو المنعفط لكن صراحه لما قريت ردك حسيت انه صدق جاهل وجالس يولف علينا :D بس بصراحه بعد ماقريت رده على ردك .. حسيت انه فاهم فاهم .. ومش أي فاهم :) استمتعت بنقاشكم .. وسجلوني متابع ,, ........ إقتباس:
كلامك فيه شيء من الصحه بس انت فهمت كلام العضو "ALMn3F6" انه يستنكر الـ 400 مليون عشان المبلغ كبير لكن هو ماقال كذا هو استنكرها بناء على الواقع ومعطيات النادي يعني اذا النادي دخل من زيدان 400 مليون ومن بيكام 500 مليون بـ 5 سنوات فقط غير رونالدو وفيجو وروبرتو كارلوس .. وغير باقي النجوم .. وغير مدخلات النادي من التذاكر والنقل ورعاية الشركات للأطقم وللملعب ووو ... الخ يعني نقول ان النادي يدخل من بيكام وزيدان لحالهم .. 200 مليون سنويا والنادي قبل كم سنه يصرف كل سنه أقل من 100 مليون أو 150 مليون على الانتقالات وغيرها يعني على كذا راح يكون فيه فائض بميزانية الريال وليس مديونيه ولاحظ اننا تكلمنا عن اللي قلتو ان النادي يدخله من بيكام وزيدان فقط يعني على كلامكم زيدان وبيكام لحالهم يكفون لمصاريف النادي وزياده وشلون لو تكلمنا عن بقية اللاعبين وبقية الموارد للنادي كل هذا .. والسؤال اللي يتكرر ,, اذا كلامكم صحيح .. ليش فيه ديون على النادي ؟؟ |
إقتباس:
بيكهام وزيدان دخلوا المبالغ هذي بسبب شهرتهم في العالم يعني فريق يضم زيدان وبيكهام وكوكبة من النجوم تتوقع كم راح يكون قيمة الاعلان على قمصان اللاعبين ؟؟؟ وبرضوا اسألك فريق عادي لا يملك نجوم لكن يلعب في الدوري الاسباني كم تتوقع قيمة الاعلان ؟؟ لا تنسى ان عقود الاعلانات في البرنابيو راح تزيد برضوا وايضا عقد النقل التلفزيوني و .... الخ كل الزيادات اللي حصلت كان سببها وجود لاعبين نجوم في الفريق وهذا ينطبق على بيكهام وزيدان ان شاء الله وضحت الحين :) |
تصدقون عاد والله هالفكرة كانت ببالي.. نسوي ملاهي للزعيم علشان الاطفال.. هههههههه بيريز.. احسن اداري في العالم.. يدير احسن نادي في العالم.. |
فكره ممتازة من رئيس ممتاز ~ اعتقد انه من الفروض ان كل شخص يتكلم بشي يفهم فيه مثل مايقولون واي واحد يسوي نفسه فاهم بشي وهو مو فاهم ! ذلك بيتضح والامثله كثيره~ شكرا :rose: :rose: |
مدريد عمك وحارق دمك يا ALMn3F6 < type=/> vbmenu_register("postmenu_13149307", true); </> |
^^^ خخخخخخخخخخخخخخخ من جد وش يحسون بوه هذولا :D ................... متابع لنقاشكم يالمنعفط :) |
^ ^ إقتباس:
|
فكره حلوه مشكور ..... |
برد عليك حبة حبة عشان انفض الغبار على مخيلتك ونشوف منة اللي تفكيرة يحوم الكبد حاول تقراء الرد بتمعن وتجرد عن كل ميول لتصل الى زبدة الحديث إقتباس:
هذه النغمة او الشنشنة التي نسمعها من اخزم دون تفصيل الجاهل لست انا الجاهل هو الذي يرهف بما لا يعرف . - مدخل - ميزانية برشلونة 400 مليون يورو وميزانية الريال 422 مليون يورو لعام 2010 اين الاختلاف او الفرق الفرق في 22 مليون يورو . مع العلم ان برشلونة هو النادي الوحيد الذي لايعلن على قمصان النادي بسبب تقاليد النادي الكتلوني واما اعلان اليونسيف فهو ليس اعلان تجاري وانما علان توعوي او بالاحرى خدمي برشلون يدفع من مداخيلة نسبة معينة لليونسيف .في بداية عام 2007 طرح النادي فكرة الاعلان على قمصان نادي برشلونة للجمهور والشركات طبعاً تم التصويت بالرفض من قبل الجمهور واتت بعض العروض من الشركات وكان احد العروض شركة اتصالات عالمية واتوقع فودفون على ما اعتقد وكان العرض 100 مليون دولار او يورو لمدة 4 سنوات متتالية اي القيمة 25 مليون يورو في السنة ومع مكافئة في حال تحقيق النادي بطولة الدوري 2 مليون والابطال 3 مليون واي بطولة اخرى مليون يورو . اي لو ان النادي وافق على العرض الاعلاني لكان برشلونة يتفوق على الريال ومانشستر بالنسبة للمداخيل . وارجع واعيد واكرر ليس لخوان لابورتا المحامي الداج اقتصادياً الفضل على برشلونة انما هو موظف لدية صلاحيات اتا ليخدم النادي ويدير الدفة يجب ان ينجح لان النادي تم توفير لة كل شي ليحقق النجاح دون المساس بقيم النادي الرياضية والاجتماعية والاقتصادية وطمس الهوية وقس على ذلك صاحبكم طيب الذكر عندكم الداهية الاقتصادية :d الذي طمس اشياء كثيرة بالريال . اجل تارجت مجنون 500 مليون او فصخ التعاقدات بين ليلة وضحاها من شركات كبرى مثل اديداس او شركات المرهنات والمقامرات Biwn وشركة ميديا برو صاحب النقل التلفزيوني اضحكتني يا هذا فصخ التعاقدات كذا على طول وما كأن هناك عقود ممتدة لسنوات وماكأن ان اللي يخل بالشروط سواء من الطرفين في عقود جزائية وغرامات مالية وليس هناك محاكم رياضية تنظر في العقود وحتى بعد هذا وذاك يمكن تكون هناك عقوبات رياضية قد تصل بة بنزول النادي الى الدرجة الاخرى من الدوري او عدم المشاركة والحرمان من البطولات الاوربية . مادري احس بيريز يفاوض مطعم يا تفصخون العقد ولا بيجيب شركة ثانية تدفعلي دبل او تحسسني ان الريال احد اندية السعودية كل يوم موقع عقد مع شركة الله بالخير . وبالاخير لم توافق اي شركة على فصخ العقد وبما انة اتتة صفعة قوية ومداوية اتنى بيريز المسطول بافكار بهلاونية جديدة وهو ان تقام مباريات الدوري و الريال خاصة في وقت الظهر والعصر لكي يستمتع بمشاهدتها سكان شرق اسيا . ما نقولكم الرجال مزنوق وداخل على طمع جاي يستنفع ويسترزق من النادي ويمشي احد يلعب مباراة الظهر عشان تزيد مداخيلك طيب سوا دراسة للاعبين هل وقت الظهر مناسب للاعبين و الجمهور لحظور الملعب هل هوو مناسب للجهاز التدربيبي هل يؤثر على مردود اللاعبين في الملعب هل الجو اسبانيا ينفع في لعب في هذه الاوقات . اعان الله الجهلة في استساغة ردودي والفهم منها . في النهاية الم يشدك خبر عن النادي الكتلوني بانة تم اكتشاف جواسيس تم التجسس على المرشحين الجدد للنادي عن ميولهم وشركاتهم وهل هم اتو للنادي بسبب مصلحة شخصية او لا وهذا التجسس اتى بامر النادي . هذا يثبت ان ادارة النادي لا تريد تسلم النادي الا لشخص يكون اهلن للمسؤولية دون ان يقامر باسم ومرتكزات وقيم النادي الكتلوني العريق . لي عودة لبعض الردود s121s . |
^ الردود الي تحوم الكبد واجد بس انحذفت :s2: .. ولو ردك واحد منهم كان طنشته !! نترك هذي وندخل في الموضوع ، مسألة الديون .. بداية قبل فترة بسيطة اعلن بيريز عن ميزانية النادي بالكامل بالأضافة الى الديون المترتبة من القروض الي اخذها النادي هذا الصيف 422 مليون يورو ميزانية لـ النادي ، 327 مليون يورو ديون على النادي .. يعني الأمر بسيط جداً ولا كان شفت تهليل من الصحافة وتقارير على الطالعة و النازله من الجرايد الكاتلونية و مثيلاتها .. الريال مالياً مع بيريز بألف خير :smilie47: .. وما يهمني حقيقةً ان كان دين النادي 40% او حتى 50% من رأس المال ما دام ان الرجل الي على كرسي الرئاسة فلورنتينو بيريز .. اذا ما تعرف فلورنتينو بيريز و وش سوا لـ النادي في عز الفترة الي كان يحتاج فيها لـ تسديد ديونه المتراكمة بعد فترة ولاية لورنزوا سانز وكيف اثقلت كاهل هـ الرجل الين اتم سداد أكثرها لا وبعد وصل معه الريال الى المرتبة الاولى عالمياً في من ناحية المدخولات .. رغم ان الريال كان وقتها بطل أوروبا لـ الأندية ومع ذلك ما نفعته البطولة ماديه .. فلورنتينو بيريز يا عزيزي اول ما استلم مهمته كـ رئيس عرف ان الكارثه بتحل على الفريق اذا استمر بنفس النهج العقيم في أدارة الأموال .. أول خطوة اتخذها بيع قسم من أراضي النادي لـ بلدية مدريد .. وبخطة اقتصادية محكمة نجح بيريز وانهى الأزمة الأقتصادية الي كانت بتعصف بـ ريال مدريد .. فلورنتينو بيريز الي تشوفه مزور ومستفيد كان تفكيره ان النادي ما يقع أبداً في مثل هـ الأزمة مستقبلاً .. لذلك شفنا مصادر دخل كثيرة منها متاجر النادي الموجودة في العاصمة مدريد .. ومنها خطته الفعالة في جلب النجوم ’ الجلاكتيكوس ‘ الى ريال مدريد .. وايضاً تنظيم رحلات لـ الفريق بنجومه الكبار الى الصين و اليابان و كوريا و أمريكا رفعت بلا شك من مدخولات النادي ولو تلاحظ انها من غير المتجر الألكتروني لـ النادي على الأنترنت و غير المدخول من بيع التذاكر في كل مبارة لـ الفريق على ارضه .. الرجل طلع مصادر دخل آخـرى غير الي كل الأندية تستفيد منها ،، قلتها قبل .. فلورنتينو رئيس وما فيه اي خوف لأن رجل أقتصـادي ومن أغنياء اسبانيا .. والكلام انه يوكل عمليـات بناء مثلاً الفالديبيباس ’ مدينة ريال مدريد الرياضية ‘ لـ الشركة الي يترأسها شركة ACS غير صحيح ابداً .. بأرجعها بعد شوي عشان أوضح جزئية عن الأرض الضخمة والي يعتزم انشـاء مدريد لاند عليهـا .. قصة ان الرئيس الفلاني لو مات ولا لو انكسر وما عاد قدر يدير النادي وكيف بيكون تأثيره !! .. اتوقـع تاثيرها كبييير جداً .. كل رئيس له أعتقادات وطريقة عمل ومشروع يهدف لـ بنائه .. لو مات لابورتا بيكون خلا فريق عظيم كل برشلونة تذكره بالخير .. لأنه رجع برشلونة لـ أمجاد وحقق انجازات مو ممكن تتحقق مع اي نادي .. اللاعبين صحيح بذلوا مجهود .. المدرب بذل مجهود .. برضوا الرئيس له مجهود ويكفي توليفة اللاعبين الحالية و الي تعتبر خيالية .. يعني مسألة ان الرئيس هذا راح النادي ما عنده مشكله شي خـآطئ .. عندك مثال على سياسة رئاسية مختلفه بين بيريز و بين سـانز .. الأول مشى على درب سانتياغو بيرنابيو في جلب النجوم الأفضل في العالم لـ مدريد و الثاني على سياسة جلب لاعبين مؤثرين و الأعتمـاد بشكل أكبر على الكانتيرا .. ما فيها اختلاف هذي ؟؟ قطعـة الأرض الي تتكلم عنها .. قلت لك ابي مصدر ما قلت لك تحلف .. قلت ان الكلام هذا عار عن الصحة .. معلومة خاطئه .. لكن انت أرجع وشف وش قلت ؟! انت تقول ان بيريز بآع الأرض لـ شركته :d .. والله لو ان ذا الأسبان بنغـاله ما بيكفوشنه :s2: .. يعني شي تفكر فيه بالعقل قبل .. هل الشي هذا يعقل !؟ .. هل يعقل انه يبيع قسم من أراضي ريال مدريد لـ نفسه او لـ شركته وبفلوسها يسدد ديون النادي .. طيب هو وش استفـاد ؟!! طيب اوكي .. حتى لو سواها .. بتكون عملية بيع وشراء .. والمستفيد منها النادي لـ أن فلوسها حلت له أزمه اقتصادية صعبة .. مع العلم ان الكلام الي فوق عن بيع بيريز قطعة الأرض لـ شركته ’ كذب ‘ وانمـا باعها لـ بلدية مدريد .. وبعدها بفترة تم أعادة بناء او بـ أصح انشـاء سيوداد دي مدريد ’ مدينة ريال مدريد ‘ .. الي تشمل العديد من الأشياء اهمها الفالديبيبـاس المدينة الرياضية لـ ريال مدريد والي تقع في نفس الأرض الكبيرة الي يعتزم بيريز بناء مدريد لاند عليها .. هذي صورة توضح لك مسـاحة الأرض الكبيرة والجزء الي يخص الفالديبيبـاس http://img87.imageshack.us/img87/1958/111ncf.jpg الموجود بـ الأيطار الأحمر هذي هي الأرض .. شوف المسـاحة الكبيرة الي بني عليها الفالديبيبـاس والي تبلغ 1.200.000 متر مربع .. الشركة الي قامت بتصميم هـ المدينة الرياضية شركة أمريكية فازت بمسابقة الأفكار المطروحة لـ بناء المدينة .. الشركة الي نفذت شركة UTE</SPAN> .. === النقطة الثانية .. والي اتهامك فيها واضح أيضاً من خلال تحسين واجهة السانتياغو بيرنابيو وان بيريز طلع بهـ الفكرة لـ تنفيع شركته منها .. رغم ان الفكرة الموضوعه جديدة واسمها ’ غوغنهـايم ‘ والي بتخلي البرنابيو تحـفه معمارية ومن أجمل الملاعب في أوروبا ما ظهرت أي تقارير او اخبار عن أيكـال العمل لـ شركة ACS وما أدري صراحة من وين جبت هـ الكلام لأن الأغلبية ما يدرون عن تفاصيل العمل على هـ الفكرة .. الشيء الوحيد الي نعرفه المهندسين الي بيمسكون المشروع وهم ثلاثه من أفضل المهندسين في العالم 2 اسبـان ولا لهم اي علاقة بـ الشركة المذكورة .. والثالث أمريكي من أصل صيني ويعيش في كنـدا .. يعني لم أقولك عطني مصدر ما انلام لأنه كلام غير صحيح ولا قد سمعته أبداً وانا متابع لكل صغيرة وكبيرة تحدث في فريقي بعكسك انت البرشلوني طبعاً .. الكلام دايماً يكون سهل اذا بأقعد اتخيل أشيـاء وافكر فيها واجي أكتبها هنـا .. والمشكلة قلتها لك في ردي الأول .. ابي مصدر عشان أتأكد لأن الكلام كذب × كذب .. وما اتمنى ان احد يقرا ردك ويمسك المعلومة ’ الخاطئه ‘ أساساً وتصير انت مصدره رغم انك ما تملك المصدر الموثوق !! === مسألة ضمـان بيريز لـ القروض .. انا كتبتها في ردي الأول .. وش الفايدة الي بترجع لـ بيريز لو ضمن القروض الي اقترضها هـ الصيف لـ الدخول في الميركاتو القوي ؟! .. ابي شي منطقي موب بزنس يجر بزنس وتدخلني في أمور انا ما تكلمت عنها .. طيب وش يعني هـ الكلام ؟! .. اذا جا موعد السداد وما ساعدته خزينة النادي في دفع القرض بيكعهـا هو من حسابه ولا لك كلام ثاني ؟! .. يعني ما فيه مجـال أبداً لـ الأستقاله الي تقول عنها لو لاسمح الله كان فيه عجز عن دفع المبلغ من النـادي .. لأن الألزام الاول و الأخير بيكون على شخص موب على نادي .. على فلورنتينو بيريز موب على ريال مدريد .. وش دخل البزنس الي يجر بزنس في هذي ؟؟ === المقارنة في المزانية بين مدريد و برشلونة ما راح أدخل فيها .. راح اتكلم عن عقود الراعية .. في الجمعية العمومية الي عقدت مؤخراً طلع فيه بيريز واعلن عن ميزانية النادي وديونه اوضح ان هدفه الآن تسديد ديون النادي الـ 327 مليون يورو و الوصول بها الى 200 مليون خلال صيف 2010 .. طبعا الفضل الأول يعود لـ تحسن مدخولات النادي 14% عن الموسم الماضي وهي نسبة ميب هينه .. يعني الرجل جالس يشتغل وينوع من مصادر الدخل .. والمفاوضات جاريه مع الشركات الراعية لـ النادي من اجل تحسين العوائد الماليه الداخلة على النادي .. شركة أديداس الكبيرة تدفع لـ مدريد الآن 30 مليون يورو .. وفيه خبر من أكبر صحيفة في أسبانيا وأكثرها مصداقية صحيفة ’ آلبـايس ‘ ذكرت ان فيه مفاوضات بين النادي و الشركة لـ رفع المدخول المادي الى 60 مليون يورو سنوياً .. النادي الآن يملك نجوم كبـار .. قميص أديداس العام كان يلبسه فوبيرت و خافي جارسيا الى جانب طقم العاهات المتواجدة في فريق العام الماضي .. السنة هذي من عندك ؟! .. رونالدو كاكا بيلبسون طقم أديداس .. يعني ظلم ان النادي بطقم العاهات يستلم 30 مليون .. وبطقم النجوم الفايـف ستارز يستلم 30 مليون يورو .. هنا نقطة الخلاف والي بتنحل قريباً برفع المبلغ المالي .. او التهديد بورقة شركة نايكي الي مستعدة تدفع المبلغ هذا ويمكن أزود بعد .. هذا كله من الخبر طبعاً .. وفسخ التعـاقد مع شركة موضوع أكيد فيه شرط جزائي .. واذا تم فسخ العقد من طرف واحد يكون الطرف ملزم بدفع المبلغ المالي الي موجود في العقد .. وش محاكم رياضية و هـ الكلام ؟! اول مرة صراحة اسمع بها :d .. ياخي انا منب مرتاح معك ! وبيني وبينك عقد .. وفيه شرط جزائي .. ادفع الشرط واتحرر من العقد ؟ ولا كيف ؟! :s2: .. طيب ليه يحطون شرط جزائي في العقود دام فيه محكمة رياضية بتنظر في العقود وممكن تعاقب الفريق بالهبوط ؟! خخخخخخخخخخخخخخخخخخخخخخخخخخخ :d عموماً .. كلمة ’ جاهل ‘ الي قلتها في أول رد لي هنا الحين تأكدت منهـا لأنك بالفعل جاهل بـ أمور ريال مدريد .. ما فيها شي يزعل !! انا اجهل عن امور بعض الفرق و أولهم برشلونة ! .. يعني ما فيها شي يزعل او يحكم انك تكتب لي معلقات عشاني قلت لك جاهل بـ ريال مدريد ! اذا بتكتب رد ثاني وبتعيد نفس السوالف وانهوووو بيريز الذي زرف النـادي واعطى كل شي لـ شركته واستقال وفقع بـ الفلوس خخخخ لاترد لأني ما برد عليك الا اذا عطيتني كلام موثوق وبمصـادر موثوقه .. موب تجيب لي سبورت ولا ألموندو وتقول هـآه هذا مصدر ! خخخخ :d </SPAN></SPAN></SPAN></SPAN> |
ALMn3F6 :smilie47: ،، :smilie47: FLORINTINO آول شيء وش رايكم في الرحكة اللي فوق :razz: ؟! المهم :smilie47: آنا ما آهتميت صراحة بـ الموضوع لكن لفت نظري نقاشك و اللي قريته كلمة كلمة و على قولتهم تمعنت فيه :wub: ! نقاش قوي صراحة و بدون حشو و كلام فاضي :yes: ! كله كلام يدل على عقليتكم الكبيرة صراحة :smilie47: ! ما شاء الله عليكم عقول فاهمة صح :smilie47: ! آستمرو تكفون منكم ترى نستفيد :yes::rose: ! بس ما تحسون آنكم شطحتو كثير :s5s::d ؟! لآ هنتم :rose: |
بيريـز آحيـآنـآ آشكـ آنهـ بشـر عليهـ مـخ تجـآري ولآبـآحلامـ يـعرف كـيف يدر على النـآدي آموآل |
إقتباس:
وانما النقاش لأيصال رسالة تيفيد القراء وتشبع رغبة المتابعين هذا هو المطلوب حتى نصل الى مرحلة الى وعي وعدم تقديس الاشخاص على هرم اندية رياضية وضعوا ليكونو اهلاً للمسؤولية . بس الفكرة التي اريدها ان تصل بشكل سريع ومضمون ان اندية مثل الريال وبرشلونة ومانشستريونايتد وغيرها لم تتربع على المركز 3 الاولى بين الاعلى مداخيل في العالم لعدة سنوات ليس هناك فرق كبير يذكر في مداخيلهم وهذا ليس بسبب بيريز الداهية الاقتصادية او بسبب خوان لابورتا المحامي او بسبب ملاك المانشستر يونايتد عائلة جلايزر الامريكية وصلو الى ماوصولو الية بسبب ان تلك الاندية ذات شعبية كبيرة ولهم سطوتهم على البطولات سواء المحلية اوالعالمية وايضاً الشركات الكبرى لو لم تجد ان تلك الاندية مناخ خصب للاستثمار لماجازفت بالملايين بسبب او بدون سبب هي اتت لتفيد وتستفيد . اما فكرة تصوير بيريز وغيرهم بأفلام اكشن وابطال ومنقذين وتقديس الاشخاص ووضعهم بمصاف الخارقين للعادة واستتقاص ممجوج للكيانات الرياضية على حساب الاشخاص فهذه العقلية هي نفسها العقلية المريضة التي تنخر في الاتحادات العربية وعلى رئسها الاتحاد السعودي والمشرف علية صاحب الخطط المهروسة مع العلم انة تم رفع توصيات للأتحاد السعودي عام 2005م ولكن توصيتنا ضلة حبيسة الادارج في مكاتب اللجان تلو اللجان وبأمكانك الذهاب الى مكتب الاتحاد السعودي وتطلب التوصيات المقدمة من المتطوعين لتطوير الرياضة السعودية ولكن نأمل من الله ان يصبح ابن همام هو اداة الضغط على هذا الاتحاد البائس الذي لولا الله ثم ابن همام لما تقدمنا خطوة واحدة . الحديث عن الخصخصة في السعودية ذو شجون . لو كانت مداخيل الريال مليار يورو ومداخيل منشستر وبرشلونة 300 مليون يورو او 400 مليون اي ان الريال دبلهم بالمداخيل وهناك فرق شاسع وواسع لقلة وانا برشلوني وبكامل قوي العقلية ان بيريز رجل داهية وبحق وحقيقة ولكن اجد الداهية بمصاف المحامي الذي لا يفقة شي في الامور الاقتصادية خوان لابورتا . لي عودة لرد على FLORINTINO بالتفصيل الممل . |
| الوقت المعتمد في المنتدى بتوقيت جرينتش +3.
الوقت الان » 05:00 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd