كلام العضو almn3f6 فيه شي من الصحة .. على فكرة لمتابعي الريال اللي يقولون انه متابعتهم دقيقة .. بيريز لما ترك الريال اول مرة تركه مديون و كالديرون جا و عدل و ترك النادي مديون كله لأنهم ياخذو قروض من البنوك .. وش اللي تغير هذه المرة عشان ما يرجع النادي مديون ؟؟؟؟

إقتباس اقول يالحبيب قبل مايمسك بيريز النادي كان النادي مديون تدري وش سوى الاخ كان لنادي الريال قطعة ارض لقطة وبما ان بيريز تاجر وعندة شركة مقاولات وعقارات قام اشترها . حلو بملغ وقدرة لشركة الخاصة . الفلوس اللي دخلة النادي شرى فيها نجوم شي على سنع وشي من غير سنع وعمولات ومدربين الله بالخير اول سنتين الوضع اوكي بعدين دج وضع الريال لا مناحية البطولات ولا من ناحية مادية الحين رجع للنادي وديون الريال 320 مليون يورو يعني باع قطعة ارض من نادي الريال اللي هو رئيسة وشرها شركتة حقة المقاولات والعقارات اللي يملكها والمبالغ ماتصرف فيها التصرف الصحيح ورجعة الديون على قولة كنك يبو زيد ماغزيت النقطة الثانية بالنسبة للملاهي وتحسين وتجميل ملعب الريال البرنبيو كل ما اسمع ان الفلوس بتصرف على اشياء كمالية ليس ضرورية تدور علامة استفهام وكل ما اعرف ان شركات بيريز هي اللي بتدير المشروع هناك اكثر من تسأل . اجل ياحبيبي ياخذ قروض لنادي الريال عشان يشتري لاعبين والضمانات المقدمة للبنك من مالة الخاص تحسب كل هذا الامور بلاش لا يحبيبي هو داخل للنادي يسترزق و بزنس يجر بزنس وعلى قولتهم داخل على طمع ومثل مافي جماهير دبش هك عليهم كالديرون بالتزوير وقعد سنتين وهو رئيس يلعب في النادي وعملات تدخل جيبه من الصفقات ولعب من تحت الطاولة بيسويها بيريز بس بيسكتهم بوجود لاعبين مثل كريستيانو وكاكا بس خطط و استراتجية ومدربين وبطولات وفكر في ان شاء القطاعات السنية مافية . اجل يبعثر الملايين عشان حب الشعار مافي شعار بلاش كلشي معروف وملعوم حقة . المشكلة في ناس ملعوب عليهم . خلها على ربك بس

في هالنقطه ماراح ازيد على كلام احمد شي ,,,

إقتباس وراه مايفتح مغسلة سيارات مع بنشر .. تراه يزيد دخل النادي بعدخصوصا اننا بأيام عيد وإجازه

لا هو ماراح يفتح مغسله مع بنشر هو بيحط قسم خاص في المدرجات للشواذ ,,,
يعني يوم ان لابورتا مسوويها وهي صح !!!
هو مب فاتح هذي الملاهي الا انها بتجيب للنادي ذهـــب !!!

بس في شي محيرني الحين بيريز قاهركم لييييييه

مشكووور ويعطيك العافيه اخوووي

المجد من جميع أطرافه ..

نادي نموذجي

للكبير والصغير

ونادي أرباحه

تنافس أكبر الشركات العالمية

بطولاته لا تعد ولا تحصى

الدوري الإسباني 31
أبطال أوروبا 9

أما المنافس البرشا

إللي أحد الشباب هنا

مغتر فيه الموسم الماضي

حقق الدوري الإسباني 19
وأبطال اوروبا 3
والموسم الماضي كانت البطولة
صدقة من الحكم الألماني
في مباراة تشلسي ..

وتحياتي لجميع المدريدين

والوعد السنتياغو يا ((( برثا )))..

كبير يا الشامخ..

ولا عزاء للحاقدين

هذا الاستثمار الصح..

بالتوفيق للملكي

وشفيك انت وياه هذا يقول بيرز ما جاب الا رونالدو وكاكا الا تسكيت وذا يقول خله يفتح مغسله سيارات
مجنون انت وياه ولا لا!
اول شي يبوي لو هو بيسكت مدريد كان مادفع 160 مليون يورو على لاعبين
تطنزون برجل افكاره استثماريه وانت وياه
لو انفضكم ما لقيت معكم مصروف يومكم
تدرون انك ذكي انت ويآه
وثانيا تطنزون بالرجال انه بيفتح ملاهي تكلفته 150 مليون يورو
تقولون يفتح فوال ازين
خير انشاء الله ياحبيبي الملاهي بيصير اكبر ديزني بأسبانيا
يعني الرجال افهم منك ولا تبون نرشح واحد فيكم
يصير مدير اعمآله علشان يعلمه بشغله!

فلورينتينو بيريز وبس

تحياتي للمدريدين والمحايدين

إقتباس لا هو ماراح يفتح مغسله مع بنشر هو بيحط قسم خاص في المدرجات للشواذ ,,,

ياعمي خله يحط قسم خاص للشواذ من لاعبينه .. بعدين يفكر بشواذ الجمهور

إقتباس بصراحه انا أأيد فكرتك حنا نفتح مغسله وبنشر وانتم جيبو كيتا وتوريه وابيدال وهنري يشتغلون فيه

ياخي الله لا يحوجكم لتوريه وكيتا .. عندكم طقم ديارا ما أتوقع بيقصرون
ولا تنسون درينثي تراه مبدع بهالمجال

تخطيط فلورنتينو من الديزني لاند .. هو تفكيره بان هذه التحفه
ستدر على ميزانية الريال اموال طائله وهذا هو المطلوب
يعني السالفه كلها مخطط لها كما ينبغي .. اما اللي يضحكون من هالشئ
ويستهزئون .. للاسف هذي عينه من الشعب العربي اللي يضحك على الغرب
وهو يدري اننا ما نجي شئ معهم .. على العموم الموضوع يخص بيريز والريال
عشان كذا نشوف زخم هائل من الردود واذا عرف السبب بطل العجب !!
ويالله انك لا تحرمنا من ظرافة المستظرفين مبارك حبيبي ما عليك منهم

FLORINTINO

استاذي العزيز كفيت ووفيت كنت ابرد وابعلق لكن ماخليت شي

لكن للاسف بعض الاعضاء هنا يحسبون الاندية الاوربية مثل الانديه العربية يعيشون ويشترون لاعبين على دعم اعضاء الشرف

ياحبيبي اصحى انت وياه ليش العالم هنا تطالب الخصخصه عشان يكون فيه مدخولات للنادي ومايحتاج لدعم اعضاء الشرف

في الاخير اقول اذا قريتوا خبر ان ريال مدريد يمر بأزمه ماليه تعالوا صفقوني

إقتباس الرسالة الأصلية كتبت بواسطة ahmad919 هههههههههههههههههههههههههههههههههههههههههههههههههههههه الحين بيريز تارك النادي بحاله ماديه سيئه شفت أنك ما تدري وين الله حاطك فيه يا بابا مدريد أغنى نادي بالعالم .. و هو 7 سنوات بدون الأبطال و 5 سنوات نطلع من دور الـ 16 يا حبيبي .. بيريز يوم يرأس النادي أول مره .. النادي كان عليه ديون بالهبل و بيعلن أفلاسه .. و بيريز شال الفريق .. و بـ 6 سنوات .. مدريد صار أغنى نادي بالعالم .. أنا مدري من وين جايب هالكلام زيدان لحاله .. دخل لمدريد حوالي 400 مليون يورو أول أقل بقليل .. في الـ 5 سنوات الي جلسها مع الفريق بعدين واحد بيسرق .. يسكت جمهوره بكريس و كاكا ..!! تكلم بمنطق و عقل .. ولا لا تفتي بكيفك الله لا يهينك ~ْ~

انا ماقلة ترك الفريق بحالة سئية الله يصلحك اقراء وفكر واستوعب بعدين رد

هو مسك النادي وهو مديون ورجع للنادي وهو مديون طيب وش سو باع ارض واللي استفاد فيها شركتة وبالاخير صرف الفلوس على غير سنع

يعني على قولتهم كنك يبو زيد ماغزيت .

مادري ياخي احس الريال مثل الحزم وبيريز البلطان على غفلة

واللي يقول النادي على باب الافلاس وحالة سيئة ومن الكلام الانشائي هذا شكلة يسمع بفلام الاكشن واجد .

يبو اصحى الريال بطل وغني بمداخيلة قبل بيريز والنادي كان لة شأن كبير وهو بطل اوروبا 8 مرات قبل بيريز وبطل الدوري 28 قبل بيريز وكان الريال لة مدرب كبير مثل ديلبوسكي وكابتن تحس لة تأثير مثل هيرو واجانب على اعلى مستوى مثل ماكللي وربرتو كارلوس والنادي كان لة سمعة جاء بيريز وحاس ام النادي شوت المدرب الكبير وشوت الكبتن صاحب التأثير وطير الارتكاز الخطير وصار النادي مالة هوية ولاسياسة ولا استرتيجية جاء وهدم اشياء كبيرة في النادي ولة قيمة واستفاد وطلع والحين رجع عشان يستفيد من انشاء المشاريع الريال بشركاتة ولا زال اثر دنفستة في الريال واضحة وهو السبب الاول فيها والدفنسة سوف تسري لان العقلية نفس العقلية والتخبط نفس التخبط.

- فكرة عشان تستوعب بس -

برشلونة كان داج وفجئة مسكة خوان لابورتا وصار قوي هل هذا منطق او عقل . ومثلة يطنبق على الريال .

ياحبيبي المحامي لابورتا مالة فضل على برشلونة بالعكس برشلونة لة الفضل على المحامي لابورتا ونفس الكلام ينطبق على الريال وبيريز

النوادي كانت غنية وتملتلك اصول واستثمارات مثل ارضي وملاعب بس الفكرة صار الانفتاح الرياضي على مصرعية في اوروبا واللي ساعد على ذلك الاتحاد الاوروبي . و كبار الشركات شافة ان النوادي وجبة دسمها لها فدخلة تفيد وتسفيد والفايدة للجميع اندية وشركات

يعني بيريز وخوان لابورتا ملهم فضل على انديتهم هذولي مؤسسات رياضية عملاقة وكيانات لها قيمة اقتصادية والرياضية وتقاليد عريقة .

الفرق الوحيد خوان لابورتا موظف لة ولاية رئاسية للنادي ويمسك الباب ويجي غيرة ويمشي على خطط المؤسسة وتقاليد الرياضية للنادي يبزوط يتوقف ويتحاسب ولا يفتح فمه ولا لة منة على برشلونة ولازم ينجح لان النادي موفرلة كل شي للنجاح .
اما بيريز مستغل منصبة في النادي انة يسترزق من النادي ويذر الرماد في العيون يذركني بالبلوي يصرف ويصرف على غير سنع واخر شي النادي مديون ويقدم استقالتة ويهج مثل وجة ابليس كالديرون المرتشي وصاحب التزوير والمدلس الكبير وبالاخير جماهير مدريد تدهدر روسهم كنهم دجاج وماقدرو ياحسبون المزور ولا السارق وجماهير الريال تصفق للاول وتلعن الثاني مع العلم ان الاثنين كلهم بالهوا سوا والريال هو لة الفضل عليهم وليس العكس بس بعض المشجعين الريال اللي توهم طايحين بالتشجيع يحسبون اندية اسبانيا مثل اندية السعودية ويحاولون شخصنة الكيانات وينتظرون البطل المنتظر و المنقذ بيريز اللي يذكرني بخبيلان اقصد كحيلان النصر اصحى الريال قبل يجي بيريز وهو بطل وبعد ماراح بيريز وهو بطل .


اللي لهم فضل على النادي هم اصحاب النوادي ذات الملكية الخاصة

مثل برلسكوني الميلان و ابراهميفتش تشلسي وموراتي الانتر

لانهم هم شرو الاندية من حر مالهم بمبالغ عالية وكبيرة

وهم الوحيدين اللي يدفعون من جيبوهم هم الوحيدين اللي يتحصلون على الربح وهم الوحيدين اللي ياكلون الخساير ورا الخساير وتلقاه يدفع من جيبة الخاص اذا ميزانية النادي فيها عجز وهم اللي يتحملون الديون .كل هذا عشان يحصد البطولات ويسعد الجماهير وتزيد قاعدة النادي بالجماهير.

اما اللي ضحكني اكثر سالفة من جد ردك

إقتباس أنا مدري من وين جايب هالكلام زيدان لحاله .. دخل لمدريد حوالي 400 مليون يورو أول أقل بقليل .. في الـ 5 سنوات الي جلسها مع الفريق

واحد يقولي زيدان دخل النادي 400 مليون والثاني يقول بكهام دخل 500 مليون

ياحبيبي متاحس بردك مافي منطق ولاعقل وضحك على الدقون

اذا زيدان دخل 400 مليون وراة صار الريال نادي مديون 320 مليون يورو وياخذ قروض من البنوك ويتحملها الرجل الشجاع بيريز من مالة الخاص .

وليش 400 مليون اللي جابها زيدان مايسون فيها مشروع ديزني لاند مدريد اللي بيكلف 150 مليون يورو .

وليش 400 مليون ماتصير تحسين واجة ملعب البرنبيو اللي بيسويها بيريز في الملعب والناد مايحتاج تحسين

مشكلتكم انكم تصدقون هرج المنتديات وسواليف المجالس مثل العجز الله يصلحكم بزران ماشجعو الريال الا يوم جاء زيدان .


لي عودة لبعض الردود .

والله انه دآآهية هالرجآل..
عندهـ فكر مو صآآآحي,,

كم انت كبير يابيريز الخطط المستقبلية
ستنفع الريال في القادم القريب
والريال دائما هو السباق في الاستثمار
ومشكوووووووووووووووور اخوي على النقل
تسلم

إقتباس واحد يقولي زيدان دخل النادي 400 مليون والثاني يقول بكهام دخل 500 مليون ياحبيبي متاحس بردك مافي منطق ولاعقل وضحك على الدقون اذا زيدان دخل 400 مليون وراة صار الريال نادي مديون 320 مليون يورو وياخذ قروض من البنوك ويتحملها الرجل الشجاع بيريز من مالة الخاص .

اخوي ALMn3F6 اشكرك على النقاش الجميل واقتبست الكلام اللي فوق عشان ارد عليه

شي طبيعي انك ماتصدق الامور هذي والسبب ان الرياضه عندنا في السعوديه ماوصلت للمرحله هذي فأنت ماتقدر تتخيلها

مثال بسيط عبد الله بن مساعد يوم تكلم وقال ان دخل الانديه السعوديه سنويا ممكن يتعدى 50 مليون والكلام هذا كان قاله من زمان من اللي صدق كلامه وخذه بعين الاعتبار للاسف ولا احد لكن الحين الهلال الدخل حقه اكثر من 60 مليون

اذا كان الهلال يدخل 60 مليون سنويا كم تتوقع دخل الانديه العالميه الكبيرة ؟؟

بيكهام دخل لمدريد اقل من 500 مليون موب هو اللي راح وجمعها من الناس ولا تسلف وراح لبيريز يقول خذ هم ينظرون لها بأشكال ثانيه

لنفرض ان الهلال حصل على توقيع ميسي كم تتوقع نسبة الاشخاص اللي راح يشوفون مباراة الهلال اكيد انها راح تزيد وبشكل كبير والسبب وجود ميسي , ايضا لو كانت الاطقم تباع عن طريق النادي فأكيد راح تشوف زياده كبيره في نسبة الشراء والسبب هو ميسي , وهذا مايعلل ان اللاعبين في الخارج ممكن يعوضون قيمتهم في الملعب وفي خارج الملعب اذا استغلوا بشكل سليم

الان بيريز يطالب جميع الرعاة لريال مدريد برفع قيمة العقود والسبب تواجد لاعبين لهم جمهورهم الخاص وهذا الامر ينطبق على زيدان وبيكهام


اما بخصوص الديون اللي على النادي فهذا شي طبيعي ومااشوف فيه اي مشكله والسبب اذا كنت تملك سنويا دخل ثابت يقدر مثل بـ100 مليون وانت مديون بـ360 مليون ولكن الدفعات اللي لزم تدفعها كل سنه ماتتعدى 100 مليون فلا وجود لمشكله لكن المشكله اذا كان دخلك يقدر بـ100 مليون والالتزامات الماليه السنويه لفريقك تقدر بأكثر من 100 مليون هنا المشكله

للمعلومية أكثر الشركات الكبرى في العالم تقوم بأخذ قروض بنكية نقدر نقول مثلا انها مديونه اكيد لا والسبب ان لها دخل ثابت تستطيع تسديد القروض لكن اذا ماقدرت تسدد القروض كذا نقدر نقول انها مديونه والشركه يمكن تنهار

واسف على الاطاله