مرحبببببببببببببا جميعن وكل ابوكم
وشلونكم
وش اخباركم
وش مسوييين
اخبار من يعز عليكم
وشلون الوالده والاهل
<== عجوز وماسكه التلفون خخخخخخخخخ


خلاص بدخل بلموضوع
بسم الله
تمسكو
<== انثبري
<== تيب




1- شله بنات مجتمعات بقاعه من قاعات احد الكليات
وكل وحده جايبه معها اكل من البيت يؤ البيت اية هين يمكن يكون من المطعم
لان بناتنا عجازات يصلحون

الشله فيها ثلاث نصابات محترفات الهلس
مضاوي انصب وحده بالشله بعدها
وضحى اللي تغار من مضاوي وتحاول
تنافسها بالهلس واخر وحده ماني
حالف انها بدريه نصبها
مايقارن بالثنتين باقي الشله مستمعات
لان الثلاث متسلطات واهم القائدات ناخذ لكل وحده منهم نصبه احترافيه

مضاوي: بنات شفتوا وش صار امس
يردون الشله عليها لا وش صار علمينا
امس دقوا علي برنامج من سيربح
المليون ويقولون فزتي ولازم تجين لندن
تصدقون يابنات كنت متوقعه( ماني حالف انها هلسه كبيره)
البنات: طيب وش صار عقب ماكلموك
مضاوي : صراحه انا احترت اشارك
ماشارك بس قلت اعطي الفرصه
للناس الثانيين وانا من النوع الي
ماهتم بالفلوس حتى لو فزت بالمليون
عندي اللي يكفي (ماني حالف انها لو صدق كلمت اول شي بيغمى عليها وثاني شي موقايله لهم تخاف من العين ومو مخليه المشاركه تروح عليها)
البنات: والله حرام عليكي مضاوي
تضيعين الفرصه عليك(على نياتهم )

جاء دور النصابه الثانيه وضحى
واللي
تنقهر من نصبات مضاوي
وضحى: بنات انا محتاره وين اسافر
بالاجازة لندن والا جنيف والا ماربيا كل مدينه
لنا فيها شقه مفروشه من اروع مايكون طبعا ملك لبابا
البنات:
روحي لهم كلهم يالهبله
لاتضيعين الفرصه
(وضحى مستانسه مره ومضاوي ودها
تكفخها لان نصبتها احلى من نصبه مضاوي كل الثنتين غايرات من بعض)
تهاني بنت على نياتها من بنات الشله
تهاني: وضحى تسمحون تعطونا شقه
من شقق ابوك بالمدن اللي قلتيهم
وضحى: تااااامرين امر انتي ياتهاني
شقق ابوي تحت امرك وامر كل بنات الشله كم لنا من تهاني وضحى بنفسها تقول:
(ياشين النصب لازاد عن حده)

بقا النصابه اللي مو ذاك النصب بدريه :
بدريه يسمونها الشاعره
(الشعر يمين وهي فوق مو يسار )
كل يوم جايبه شعر من مجله وقايلتهاومحرفه ببعض كلماتها
(قايلكم بدريه مو نصابه مره نصبها
مايجي ولا ثلث نصب الاخطبوط مضاوي والا الحيه الرقطا وضحى )

يؤ نسيت اقولكم عن وحده من
بنات الشله ( انصبت بس ماعرفت تنصب مثل نصبات القائدات) تقول بنات وش رايكم بالاكل اللي جبته جايبه ورق عنب وفطاير
المهم سالوها عن الطريقه
وجهها تغير وصارت تدق بالموبايل تبي تنسيهم السالفه
(ياحليلها ببدايه طريق النصب)


ولا الثانيه مي فرحانه بجوال اريكسون تي68
طلعت مرررة للملاهي وتبي تكشخ به قدام صديقاتها ومتفقه مع خواتها كل عشر دقايق تدق وحده وبعدين تقطعه ويقالها هي يامي تكلمي (يعني اعرفوا ياصديقاتي اني مهمه)
بالمكالمه الثالثه من خواتهاقالت لاختها يالله سكري بس لايصرف على بيتنا وراح عن بالها الضعيفه انه بيدق عليها اي وحده من صديقاتها وصارت كانها تكلم اختها واختها مسكره الخط لها وقت صديقات مي احم مستغربات مي حركات شخصيه من قدها ومي منبسطه العمه ملفته الانتباه وماتدري وش اللي جاي بالطريق ومع السواليف دق جوالها وهي تسولف والبنات اللي ضحكت واللي تبسمت ووجه مي صار اخضر الله المستعان

انتبهوا لا تسوونها ;)