.. [ اقلب وجهك واسبوع ماتطلع من البيت !! ] ..
بسم الله الرحمن الرحيم
في البدايه اعتذر عن العنوان الغير لائق اللهجه ولكن هذه هي لهجة بعض الآباء تجاه
ابنائهم والذين يعتقدون انه سيصنع رجل للمستقبل بهذه الكلمات السيئة والجارحه
والتي لاتجلب سوا الضرر على الابـن وعلى مستقبله بل حتى على تفكيره وشخصيته
بين اصدقائه !!
أي تربيه هي وأي أسلوب تعتقد فيه بأنك ستصنع رجل خارق وأنك ستجعله خير من
في المجتمع ،، كلمات لاتقال حتى للـ " حيوان " ونظـرات لاتنظر فيها حتى على
" اليهودي " فما بالك بإبنك الذي يحتاج العطف ويحتاج من يصغي اليه ليحل مشاكله
التي يقع فيها واخطائه التي تحتاج لمن " يجبرها " له .
أبوي ماهو بالاسلوب هذا ، وشخصيا ماكتبت هالموضوع الا لأني اقرأ يومياً بالجرايد
اما ولد قتل ابوه ، او ولد راح ضحية اصحاب سوء والسبب يرجع للأبو نفسه اللي
كان يبي يطلع رجال للمجتمع ولكن اي رجال اللي تبيه يطلع ويفيد مجتمعه وهو
يوميا مايسمع منك الا " اقذر الكلمات " ؟؟!!
اكيد مو كل الآباء كذا ، ولكن البعض هذه وجهة نظره وهو مقتنع فيها ولكن عمر
القوه مافادت صاحبها وطالما انت تعامل ولدك بالقوه وبالـ " الكلام الجارح " ماراح
يصير ولدك مثل الصوره اللي تبيه يطلع فيها .
كل واحد فينا الآن وقع في مشكله ، وبغظ النظر المشكله كبيره ولا صغيره لأنك
بالنهايه راح ترجع لأهلك واقصد " امك وابوك " او بالاحرى الأب فقط اذا كنت ذكَر
بس المشكله اذا كان ابوك مايعرف يتكلم الا " انقلع - لاعاد اشوف وجهك - وش تبي - مناك بس "
كيف راح تحل مشكلتك ؟؟؟
مشكلتك راح تتفاقم والسبب هو انك تحتاج لتوعيه وتحتاج لدعم عقلي تجاه مشاكلك
وطريقة حلها وطبعا الممول الحقيقي لعقليتك هو ابوك صاحب الخبره في هذه الحياه
المليئه بالمشاكل اللي مالها اول ولا لها تالي ،،، اذا قابلك ابوك بمثل هالكلمات راح
" ترضخ " للأمر الواقع وراح تحاول تبحث عن الحل لكن الحل يمكن يوديك بـ 60
داهيه وهذا طبيعي لأن خبرتك بالحياه ( مازالت محدوده ) .
تبـدا تدور عن حل والحل " على قد الحال " يعني على قد خبرتك والله يعين من
الحلول اللي راح تعتمد فيها على نفسك خصوصا اذا كنت توك صغير وتحتاج
من يوجهك للطريق الصحيح ويقف وراك ويشوف خطواتك خطوه خطوه ويصحح
لك اخطائك ،،، لكن الحل هو بداية المشكله !!
راح تقع في مشاكل اخرى ومشاكل مالها حل وابوك اللي يبي يطلع رجال " بالمشمش " ومايدري ولده وين راح ووين صار !!
ويتفاجئ ان ولده مسجون او ماشابه وهو بالاول كان يبي يطلع رجال يعتمد عليه لكن للأسف اصبح طريقه للسجون 
خلاصة القول هو ان الوقوف ورا ولدك امر مهم وتصحيح اخطاءه راح يخلي من ولدك رجل صالح للمجتمع المحيط فيه 
(( الموضوع بالعاميه وبالفصحى يعني لا احد ينقز لنا 
)) 
![.. [ اقلب وجهك واسبوع ماتطلع من البيت !! ] ..](iconimages/t813973_rtl.gif)
ما في طريقة يتحمي ولدك فيها من الشباب الضايع على قولتك الا الحوار اللي اشاروا له الاخوان الافاضل اللي تكلموا قبلي..
,
,,,
ماترضاها لنفسك لاترضاها لأحد تعزه ..
................................................... صنكيو..
]
, أو الضرب - ماتخرب الولد
الوضع العادي
