عيدي مبـارك !! - نادي الهلال السعودي - شبكة الزعيم

20 الكاسر ياسر 20 · #1 20/09/2009, 12:28 PM

بسم الله الرحمن الرحيم ،، السلام عليكم ورحمة الله وبركـاته

بمناسبة عيد الفطر السعيد احب اقول كل عام وانتم بخير ، والله يعيده علينا بالفرحه
والسرور ،، آمين

طبعا اليوم اول ايام العيد ، وشي طبيعي يكون اليوم مليء بالـ " المواقف " المحرجه
او الزينه

،، الزينه نعرفها وهي اكثر من المحرجه ، لكن المحرجه اللي مو دايم
تجيك لكن اذا جتك تجيب معها الاول والتالي

كعادتي في اي عيد سواء الاضحى او الفطر ،، اروح اصلي العيد ثم اعايد اخواني
واهلي ثم اصحابي اذا لقيت احد منهم " مع العلم انهم يهجون بالاعياد لديارهم "

،
عاد مالقيت الا واحد من اخوياي ولاتربطني معه صداقه قويه مثل الباقين ، يعني
سلام ورده وكيفك وكيفي ليين يروح وبعدها مانشوف بعض الا بالعيد الجاي

،،
بس لقيت خوي اخوي ، ونشب لي اخوي لازم تسلم عليه وتعايده قلت ابشر ماطلبت
شي ،، عاد كان عندي احساس اني راح اكون ضحيه لموقف محرج بس قلت خلك
واثق وماعليك من المواقف المحرجه اللي ماتعرف وقتها ابد

.

جا خوي اخوي ولسوء الحظ اني كنت طالع اروح البقاله لأن اخوي قال يطول على
مايجي لأنه بيتأخر شوي ، عاد وانا طالع وهو بوجهي ،، سلام وعليكم السلام عيدك
مبارك ، قلت علينا وعليك ان شاء الله ،،،، ثم قال وش مسوي عساك بخير قلت
" والله بخير وشلونك والله " هههههههههههههههههههه ،، قعد يطالع شوي فيني قال
والله بخير ونعمه

.

عاد دورني في ذيك اللحظه ،، من جد تحسفت اني قابلته مع العلم انه مو اول مره
اقابله واسلم عليه ، ولاهي عادتي اني اتفلت عند الرجاجيل لكن اليوم مدري وش
جاني ،، يلعن ابو الكلجه ماجت الا بأول يوم بالعيد !!!!

************

* وش رايك بموقفي هذا ،، وهل عندك حل تتوقع لو سويته نرقع السالفه

* والله بخير وشلونك والله ؟ >> جاوب

® HuMMeR · #2 20/09/2009, 10:39 PM

وآنت بخير وصحه وسلامه .

والله المواقف تجي وتروح
بس الي تجي فـ العيد هي الي قووووووويه من جد

ومزقفك آحسه هيـن شوي فيه مواقف ياشيخ تدور وجهك
من قوة الموقف خخخخخخخخ

وآما بالنسبه لي ما صارلي موقف ولله الحمد .