السـلام عليكم ورحمة الله وبركاته

تعرضت لاصابه في الركبه قبل اسبوعين وانا العب ورحت شخصتها قبل اسبوع وللاسف طلع عندي قطع بالرباط الصليبي الامامي + قطع بالغضروف الداخلي وطبعا تتطلب تدخل جراحي وانا ابي اسويها باقرب وقت

انا كنت ناوي اسويها بمستشفى حكومي لكن شايل هم المواعيد وبعدها فقررت اني اعملها على حسابي بس عندي كم سؤال اتمنى الي يعرف يفيدني ويجزاه خير

كم سعر عملية الرباط الصليبي الامامي + الغضروف ؟

ومن هو افضل دكتور متخصص بهالاصابه ؟

أفضل طبيب لإصابات الرباط هو الدكتور خالد نعمان وعيادته في جدة
أكثر مايميزه أنه لايعتمد على فحوصات الأطباء الثانين ويقوم بفحوصات جديدة بنفسه,, ويحرص على أن يكون التدخل الجراحي هو آخر الحلول

في الرياض الدكتور حمود الغاشم هو الأفضل وهو أحسن من سالم الزهراني

تكلفة العملية مابين 8آلاف و 11 ألف ريال
ويبقى أهم من العملية التأهيل الذي ستجريه بعدها لذلك احرص عليه من بدري وتأكد من الدكتور متى تبدا في التحرك بدون عكاز ومتى تحط رجلك عالأرض بعد العملية
الله يعينك ويشفيك,,

سلامتك ما تشوف شر طهور ان شاء الله
خالي مسويها في مستشفى دله عند الدكتور سالم الزهراني
بقيمة 12000 تقريبا
والدكتور هذا مشهور سواها عنده لاعبين كثار
منهم ماجد العمري ونايف هزازي

ماتشوف شر يابعدي اجر وعافيه (الله يرجعك بسلامه)

العملية بسيطه

ولكن المشكلة الكبرى في التأهيل بعد العملية

اهم شئ مابعد العملية

أنا اعرف شخصين عملوا عملية الرباط ولكن لم يواصلوا التأهيل بعد العملية

وفشلت عملياتهم وصارت حالتهم أسوأ من أول

احذر التأهيل ثم التأهيل

ماتشوف شر بس والله والد عمي توه قايل قبل اسبوع انه تعرض

لأصابه قبل سنتي الي هي قطع فالرابط وعمل العمليه بقيمة 20000

هذا الي هو قايلي وهو معروف ماقد كذب عليّ

والله ما ادري وانا اخوك
لكن مانقول الا ماتشوف شر

في جده خالد نعمان ، و في الرياض سالم الزهراني في مستشفى دلـــه ..


اذا أنــت في الرياض فـ اتمنى تروح لنادي الشباب وتأخذ العلم من اللاعب نفسه ( ماجد العمري ) لأنه ما شاء الله تبارك الله 4 شهور ورجع للملاعب ، ولا تنسى ان نادي الشباب بسيط امنيا ً و تقدر تتخاطب مع اللاعبيـــن بشكل سلس ومباشر بدون اي معوقات ( على حد علمي لأن قبل 4 شهور رحت هناك لمباراة لشباب الهلال وكان الوضع فري جدا ً جدا ً ) ..


و سمعت انا بنفسي من الدكتور خالد نعمان إن العمليه اقل من 20 الـــف ، لكن مثل ما قالوا لك الأخوان التأهيل ثم التأهيل


انا اعرف واحد يلعب معانا في الحارة قبل سنه ، سواها و اهمل التأهيل والحين صار كل ما يلعب تطق عليه الركبه و يحدث مشاكل ولا يستطيع ان يلعب و يعود كما كـاان لأنه اهمل التأهيل اللذي هو أهم مـــن العمليـه بكثير ..

و شخص ثاني ايضا ً سواها و تأهل بشكل جيّـد وحافظ على التأهيل وها هو الأن بدأ يعود إلى اللعب معاانا بشكل تدريجي و ممتاااز ، ولا يعاني من مشاكل ولله الحمد


توكل على الله واستشر خالد نعمان و سالم الزهراني وايضا ً مثل ما قلت لك خاطب اللاعبين المصابين مافيها عيب



الله يشفيـــك إن شاء الله

ماتشوف شر ان شاء الله


ربي يقومك بالسلامة

مشكورين على المرور والافاده والله يجزاكم خير والله اني دعيت لكل الي افادوني وكل عام وانتم بخير وعيد سعيد على الجميع اعاده الله علينا وعليكم بالصحه والعافيه