#1  
قديم 19/09/2009, 04:27 AM
المجلس العام
تاريخ التسجيل: 28/04/2003
المكان: المجلس العام
مشاركات: 2,104
Icon26 (( يوميات رمضانية "28" )) مع المشرف المتألق (الكلاسيكي ) نكون قد وصلنا الى مسك الختـــام ....!!





فكرة - سندريلا الهلال
اعداد ومتابعة - الهنوووف
تصميم - عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير


**][يوميات رمضانية 1430 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،
هذه السلسلة أنتم أهل بيتها ونحن ضيوفا في حضرتكم ،،،
+
+.........+
+
أهلا وسهلا بكم أحبتنا ..
ودعونا نرحب سوية بالضيف "الثامن والعشرون"
المشرف المتألق "الكلاسيكي"
لكي يحكي لنا احداث يومه مع شهر رمضان المبارك ..


السلام عليكم ورحمة الله وبركاته ..

اهلاً وسهلاً بكم .. وكل عام وانتم بخير .. وتقبل الله منا ومنكم صالح الاعمال ,
سائلاً المولى عز وجل ان يعيد رمضان علينا اعواماً عديده باعمار مديده ..
لم يتبقى الا القليل , فعلينا باستغلال اخر ايامه
. . وعلينا المواصله على الطاعات , وفعل الخير ..
طبعاً يومي عآدي جداً , ويمكن اغلب ايامي رمضان تكون على هالمنوال ,

ولكن اللي اختلف

ان هذه الايام قبل العيد , فيتغير شي بسيط من البرنامج , بحكم ان تكثر الطلبات من الاهل طبعاً هالطلبات ماتجي
الا بعد التراويح .. يصير عندي وقت الذروه
, يعني لو تدور علي يمكن تنتظر اكثر من الاتصالات السعوديه

ماعلينا .. طبعاً بدأ يومي من الساعه 12 ليلاً اي من صلاة القيام بحارتنا
يمكن يعتبر بدري بس
حتى الواحد يلحق اذا عنده اشغال قبل السحور ..

صليت انا والوالده , وبعدها رجعت وحسيت اني مصدع شوي وعلاجي هو الشآي طبعاً بكل انواعه .. اخضر احمر
اسود حق خطوط اي شي يضبط مزاجي .. لو شاي مغربي





اخذت لي كاس شاي , ومخمخت , وبدأ جوالي يرن .. كانت اختي , ومعها بنتها عمرها 6 شهور
وهي برا وتوهقت في بنتها فاضطريت اروح اخذها منها اوديها البيت,

طبعاً من اخذتها بدت المعاناة


طبعاً كنت اسوق لوحدي , وركبتها وهي من الصغار اللي تتقلب 14 قلبه في الدقيقه حطيتها بجنبي بالمرتبه الاماميه
مادريت الا هي منقلبه ع وجهها وانا اسوق جلست اعدل فيها الى ان نامت ع ظهرها , ..

شوي الا وهي منقلبه وصاير وجهها في الباب وجلست اعدل فيها وانا اعدل نسيت اني اسوق
واكلت مطبه محترمه حسيت اني براليات جد علينا مطبات مدري وش تبي , جبل مو مطب
لذلك انا والهليل متفقين ان نسمي حينا حي المطبات , يامطبات ياحفريات , احيانا احس انهم بهالحفريات بيطلعون
يا مويه يا نفط .. من كثر مايحفرون , احس اني شطحت ولا لا بس خلوني افضفض شوي ..

المهم .. نرجع لبنت اختي بعد المطبه شلتها ومسكتها وانا اسوق والف واقول عسى ماتطير ان لفيت من خفها المهم اننا وصلنا بالسلامه ..
بعدها جاني اتصال من احد الاحبه من اقاربي من اللي مغربّين بالغربيه بجده لظروف العمل من سنوات , ,

وبشرني انه بالرياض وحاب اشوفه ونلتقي , المهم اكددت عليه ان الوعد باذن الله بالبيت حتى نتسحر سوا بس رفض واصر علي
انه مايبغى رسميات , ووده لو يكون باسترحه او شي ..
فقلت مافيه مشاكل .. تواعدت انا وياه بالاسترحه .. واول ماوصل ورحبت فيه اول شي قاله وش هالجو عليكم

قلت الله واكبر جاي من النمسا وانا مادري المهم الولد باين انه صار جداوي وصار يكره نجد ماعلينا
الاهم اننا جلسنا وبدينا نسال عن الحال والاحوال ..

واجتمعوا الشباب طبعاً بدأ يقنعني بالعمل معه بجده وبدأ يغريني بجمال الجو وطيبة اهلها
وسهولة العمل وراحة البال فيها , واغراني بقربها مكه والحقيقه اني بديت اقتنع ..
شو ودخل معانا بالخط واحد من الموظفين بالشرقيه

قال اذا تبي راحة البال والنفس تعال الشرقيه
وعيش بجوها واتحداك اذا فكرت ترجع الرياض ..
اللي طلعت به من هالكلام ان اي شخص يطلع من الرياض
مايبي يرجع لها ..

المهم بدا الكل يميز المدينه اللي هو فيها , ويحاول يقعنعوني .. وانا للحين ساكت ..
وفجأه .. << متعوب عليها
قلت لو بتلاقون لي وظيفة بـ مدغشقر مارديتها هي تجي الوظيفه بس
’ والكل وعدني .. والظاهر الكلام ببلاش
من تخرجت وانا احس اني عاله ع المجتمع
فلذلك لازم الحق عمري قبل اعنس <<
المهم , اننا تسامرنا وقضينا باقي وقتنا بالسوالف الى صلاة الفجر ..


بعدها رحت البيت وجلست ع النت الى ان بدأ النوم يتغليل في دمجتي ..

فانطلقت للسرير .. ونمت .
. وصحيت اليوم الثاني وجلست اقرأ الختمه الى ان اذن المغرب , وافطرت , وجلست مثل العاده مع الاهل ,
ومعى الشآي وبدأت بكتابة اليوم وش راح اسوي ..

وكان كالتالي / اودي اخوي الصغير للحلاق ,
ثم اروح احول لعضو مبلغ المسابقه اللي تاخر مارسل لي حسابه , وفيه واحد للحين مارسله لي

وبرضو راح نطلع انا واحد الاصدقاء يقول بتقضى وودي اشاورك بذوقك .
. << ذوقي رفيع ترى <<يبي له رفسه

طبعاً صليت التراويح ..
وجلست ادور من حلاق لحلاق ادور حلاق فاضي , لو اي كلام لان مو انا اللي بحلق
المهم بعد البحث والمرور على اكثر من 7 حلاقات حصلت
واحد مافيه الا اثنين , واول مادخلت قال لي الحلاق هلا عادل طبعاً الحلاق اول مره ادخل استغربت ..

وسلمت وجلست انتظر .. انتظر بس يقول اسمي ثانيه قلت يمكن غلطان او مشبه .. ولما جاء دور اخوي قال لي وينك عادل زمان مانشوفك , قلت من انت وذكرني بنفسه , صار حلاق قديم كنت احلق عنده بس سافر ورجع بمحل ثاني بس ماعرفته .. الظاهر انه بنعمه وصار مايدخل مع الباب


المهم حلق , وبعدها رحت انا وخويي نتقضى , تصدقون اخذ كل مقاضيه بخلال ساعه ونص بالكثير ..
ولكن تخيلوا ياشباب وضع البنات , يبي لها اقل شي اسبوعين عشان تخلص اغراضها لا ولو تعطيها
وجه ماعندها مشكله تجلس اكثر ,
الغريب انه احيانا يكون الشهر كامل ,

والمفروض من 29 يكونوا مخلصين , حتى لو ماكمل الشهر تكون جاهزه ..
ولكن الغريب انه الشهر يكمل ويجي يوم 30 تلاقي الاسواق مليانه والظاهر

لو اضفنا يوم ماعندهم مشكله يجون يتسوقون بعد
" نصيحه لكل فتاة , ان تقوم بشراء حوائجها قبل شهر رمضان ,حتى تتفرغ للطاعه بهذا الشهر الفضيل"
" هذه النصيحه برعاية ليبتون , علامة الجوده ؟
ماعلينا .. بعد مارجعنا من الاسواق اتجهت للمسجد للصلاه ثم للبيت لكتابة يومياتي .. وهذا انا الآن راح ارسله ...


اتمنى ان اكون ماطولت عليكم بالهذره , واعذروني ع القصور

وان اخطينا بحق احد يسامحنا بهذا الشهر الفضيل ..
واسال الله ان يتقبل منا ومنكم صالح الاعمال .. وان يعيد رمضان علينا اعواما عديده ..
وشكراً للاخت الهنوف على دعوتي لكابتة يومي ..
وتقبلوا فائق احترامي .. دمتم بخير


كل الشكر
للمشرف المتألق *][ " الكلاسيكي"♥][ **


وهـا نحن وصلنا الى مسك الختام في سلسله (يوميات رمضانية 1430 هـ)
اسال الله ان تكن حازت على اعجابكم
فـ ماكان من صواب فمن الله وحده وماكان من خطأ من نفسي والشيطان
كل الشكر لـ كل من شاركنا في هذه اليوميات
وكل الشكر لكم انتم على تفاعلكم

و اللهم أجبر كسرَ قلوبنا على فراق شهرنا يارب العالمين..
اللهم اجعل هذا الشهر شاهداً لنا ، وحجة لنا لا حجة علينا..
اللهم إن كان في سابق علمك أن تجمعنا في مثله فأحسن عملنا فيه..
وإن قضيت بقطع آجالنا فأحسن الخلافة على باقينا..
وأوسع الرحمة على ماضينا..

(صوتين مدموجه اسمعوه كله )








أرق التحايا وأطيبها من
مشرفي واستشاري
المجلس العام
  #2  
قديم 19/09/2009, 04:29 AM
الصورة الرمزية الخاصة بـ فَيْلَـسُــ زَمَانَهُ ـــوفْ
مشرف منتدى المجلس العام
وعضو تحرير مجلة الزعيم
تاريخ التسجيل: 06/04/2008
المكان: رمآد خلفته نآر الشوق .!!
مشاركات: 6,707
لي بااااااااااااااااك



ــــــــــــــــــــــــــــــــــــــــــــــــــــــــــ

اخر تعديل كان بواسطة » فَيْلَـسُــ زَمَانَهُ ـــوفْ في يوم » 19/09/2009 عند الساعة » 04:47 AM
  #3  
قديم 19/09/2009, 04:31 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,544
الي مافتح له الصوت هنا
اضغط هنا


هلا والله بـك اخوي الكلاسيكي
يالعطالي - - -> ياحبها تحارش
اما انت وبنت اختك هع هع
تبي تضحك على رجال عطه طفل صغير شكلكم يضحك
الله يخلي الامهات لـ عيالهم

الله يرزقك وظيفه يارب وتكون بالرياض مو بمدغشقر
الشرقيه حلووه واحسها مريحه بس الغربه شينه

ع طاري الشاي
صرت احبه من تالي الظاهر عاديتني بالادمان

\

/
عوافي كلاسيكو ع هاليوميات
وختامها كان مسك
والله يرزقك وظيفه عاجلا غير اجل
ربي يحفظك

( ياحلوين الاخ مغاط يشكركم جميعا على ردودكم ومنحرج منكم
وكان وده يرد ولكن ماامداه )

( واحب اعتذر لـ الاعضاء الي شاركونا اذا اختياري لعناوين يومياتهم ماناسبهم ولكن الوقت ضيق وهذا الي يطلع معاي )

الهنوووف

كانت

هنا
ورحلت

اخر تعديل كان بواسطة » الهنوووف في يوم » 19/09/2009 عند الساعة » 05:13 AM
  #4  
قديم 19/09/2009, 04:44 AM
الصورة الرمزية الخاصة بـ AHMAD.10
زعيــم مميــز
تاريخ التسجيل: 19/08/2006
المكان: الخَبَرْ نَفْــٍسِ الخَبَــٌـٍـرٍ (L)
مشاركات: 2,986
برب
____________________-

بآكـ ’ هلا كلاسيكي ’
بصرآحه من الشآي و " برعاية لبتون " حسيت انك هندي من حبك للشآي
وذكرتني بـ مدرس كان يدرسنآ E ما يدخل الا و الشاي معه هو يشرح و عيوننا علىا الكوب
و صح يالمشهور انت و حلاقكم

* يعني خلآص خلّص رمضآن
اللهم اعدهـ علينا اعومآ عديدهـ ..
و يارب نجتمع باليوميات رمضان الجاي و 1000000 سنه قدام

* الشكر موصول لكل من اجتهد لـ رقيّ هذآ القسم .. و الله يسعدهم دنيآ و آخره
انا صح ما اندمجت مع المجلس الا بـ رمضآن و هذا ان دل .. فـ دل علىا الجهود الجبآرهـ

و شكرآ


ايه صح , كل عام و انتم بخير

اخر تعديل كان بواسطة » AHMAD.10 في يوم » 19/09/2009 عند الساعة » 05:01 AM
  #5  
قديم 19/09/2009, 05:26 AM
الصورة الرمزية الخاصة بـ мя.ħάίţħάм
زعيــم مميــز
تاريخ التسجيل: 31/07/2007
المكان: يآربٌ .. منْ لي غيركٌ
مشاركات: 8,721
الكلاسيكي

الشاي انا اشهد انه يعدل الراس
يازين الاصفر بس

وتعال
وش هالمطبة والله يا اني احس فيها من قلب >>> تون مآكل مطب لا ومطب عل هيئة جبل >> اظاهر الجنط انكسر


المهم الله يخلي بنت اخت لكم

والله معانآه هالصغار >> عيال خواتي واخواني كثار >> ما شاء الله


مشكور وما قصرت والله يتقبل منا ومنكم صالح الاعمال


برآيفت >> مشكورين وما قصرتوا مره ثانية يا احلى مشرفين بالعالم >>


هيثمـ
كان
هنا

ولن يعود <<
  #6  
قديم 19/09/2009, 05:27 AM
زعيــم نشيــط
تاريخ التسجيل: 17/08/2007
المكان: الله يرحمك يا فيصل :(
مشاركات: 574
هلا والله الاخ ( كلاسيكي )
ختامها مسك
يوميات رائعه
ما فيه شي جديد عن الرياض مطبات وقلت حيا
وكل عام وانتم بخير

-( تركي العتيبي)-
  #7  
قديم 19/09/2009, 05:34 AM
زعيــم مميــز
تاريخ التسجيل: 31/03/2005
المكان: جـدة
مشاركات: 3,632
اهلين كلاسيكووو .. كل عام وانت بخير
الله يحفظ لك بنت اختك يا قلبي ع الصغار بهالعمر من خفهم اخاف امسكهم
اهم شي وصلت بالسلامه وتعيش وتوقع بمطبات وع يالرياض ومطباتها >> تتحرش




تحياتيـ
عاشقة الزعيم15
  #8  
قديم 19/09/2009, 05:46 AM
الصورة الرمزية الخاصة بـ بركان أزرق
زعيــم نشيــط
تاريخ التسجيل: 25/02/2008
المكان: نايم :)
مشاركات: 996
والله يالعطالة تغري ...


اما الصوت يالهنوووف كلام ثاني ...
  #9  
قديم 19/09/2009, 07:06 AM
زعيــم نشيــط
تاريخ التسجيل: 18/12/2008
المكان: هنــــآك بعيـــــد
مشاركات: 747
يوميات رائعه جدآ من المشرف المتألق دايمآ
,, { الكلاسيكي

يومك مميز ببنت اختك الله يخليها لأمهآ يارب

بس اصدع اذاا شفت السآئق حاط بحظنه طفل او طفله
قويه بقوه ,, ما احب هالشغله ابد

ومن جد ختامها مسك بمشرفنا المميز

والشكر موصول لكل من كان خلف الكوآليس

شكرا لكم جميعآ
  #10  
قديم 19/09/2009, 07:09 AM
قلم تربوي بالمجلس العام
تاريخ التسجيل: 30/11/2008
مشاركات: 1,912
الحمدلله ختامه عندك الله يحفظك ويتقبل طاعتك

ويرزقك بالوظيفة التي تريح بالك وتحقق أمالك ويحفظ الله لك أهلك ..أحسست بك وكأنك أحد


أولادي القريب من قلبي لأنه يلبي طلباتنا بدون مضايقة وأسئلة !!ليش ماقلتوا لي قبل بيوم؟؟

كم يكفي الوقت؟؟ حتى يضطرني ألغي المشوار واريح رأسي ..الله يحفظ جميع المسلمين

وبأذن الله بعد العيد تبشرنا بالوظيفة وبعدها العروسه ..

كثر الدعاء في صلاة العيد لك ولجميع المسلمين ..

أعجبني يومك الله يحفظك ومن تحب وجميع المسلمين آمين ..
  #11  
قديم 19/09/2009, 08:45 AM
الصورة الرمزية الخاصة بـ سع ـود
زعيــم متألــق
تاريخ التسجيل: 20/05/2008
مشاركات: 1,443
Talking

هلا وغلا بولد حينا
اثرك واسطتي بالمنتدى وأنا مدري
شفت مطباتنا وش كثرها
ختامها مسك مشرفنا العزيز
والف شكر للهنوووف ولجميع المشرفين والاستشاريين
على جهد المبذول في هذا الشهر
الله لا يحرمهم الجنة
  #12  
قديم 19/09/2009, 08:48 AM
زعيــم مميــز
تاريخ التسجيل: 11/07/2005
المكان: حيثُ يعيشُ الأملْ
مشاركات: 3,080
.
.

مع كلاسيكو اكيد ختآمهآ مسك ..

هلا والله كلاسيكو

الشاهي ماخذ عقولنآ كلنآ الظآهر هو اللي يخلينآ ننسى دآيم
أنآ يوميآ لازم مايقل عن كوبين شآهي اشرب وخآصه برمضآن
يحلى الشآهي الاحمر اكثر


الله يحفظ بنت اختك ان شالله بس ماقلت لنآ وش اسمها

عقبآل مآتجي تقولنآ أنكـ توهقت مع بنتك ان شالله

ماعليك من اللي يتغربون تلقآهم متعذبين مايآكلون زين < - اهم شي الاكل

يعطيك العآفيه اخوي عادل على يومك الحلو

.
.
  #13  
قديم 19/09/2009, 09:58 AM
شمعة المجلس العام
تاريخ التسجيل: 07/02/2005
المكان: ريــ العز ــاض
مشاركات: 2,687
وعليكم السلام ورحمة الله وبركاته

هلا والله اخوي الكلاسيكي
وكل عام وانت بخير ..
احلى مافي اليوميات بيالة الشاهي الله لايخلينا منها
لا امزح ماشاء الله يوميات حلوه
وبنت اختك الله يحفظها والله حرام تخليها بالمرتبه لحالها
الحمدلله ربي ستر ..
اه يامقاضينا يالبنات والله مهوب كيفنا انا اخبر نفسي ابتقضى من رجب
واخرتها امس يالله كملت وباقي اليوم كم شغله ..
بس مهوب كيفنا السوق يجيب الهم ..
يعطيك العافيه اخوي الكلاسيكي على اليوميات الممتعه ..
والله يرزقك بالوظيفه ..
وشكرا على المقطع المؤثر في وداع شهرنا المبارك ..
الله يعيده علينا اعواما عديده وازمنه مديده ..
والشكر موصول لكل من شارك بالموضوع المميز
اللي اصبح بصمه في المجلس في رمضان
الله يتقبل منا ومنكم صالح الاعمال ..

دمتم بخير ..‘‘
  #14  
قديم 19/09/2009, 10:04 AM
الصورة الرمزية الخاصة بـ R D H
زعيــم مميــز
تاريخ التسجيل: 10/11/2005
المكان: ماوراء الكلاويس :D
مشاركات: 1,791


السلام عليكم ورحمة الله وبركاته



صبحكم الله بالخير جميعاً


أكتب هالرد لشئيئن ..

الشيء الأول هو أن أبدي اعجابي بك ياعادل .. شخصية رزينه وهادئه وعاقله الله يحفظك ويحميك يارب .


أما الشيء الثاني .. والمهم جداً ..

هو ( الهنوف )

أعرف أن المديح بالفصحى يكون أقوى من العامي .

لكني مضطر هنا أني أتكلم بالعاميه .. لا لشيء سوى أني أبقول هالجمله : ( والله مدري شقول ) !

فعلا مدري شقول ..

مبدعه ؟!

مميزه ؟!

نشيطه ؟!


فعلاً مدري شقول .. جهود خيالية .. نشاط غير شكل .. تعب وسهر ..

ماشاء الله عليك .. كنتي يوميا تنتظري يوميات كل عضو .. وفوق هذا تنسيقها هالتنسيق الحلو وتنزليها ..

بصراحه جهد جبار .. وأسمك فارق !

الله يعطيك العافيه يالهنوف .. المفروض ان كلامي بمثل هذا الموقف ( نهاية شهر رمضان ) يكون أكبر وأضخم شكراً لحضرتك .

لكن ما بيدي إلا أن أدعي لك بالتوفيق بحياتك الدينيه والدنيويه والعلميه والعمليه .. والجامعيه :$ !

الله يعطيك على قد نيتك .. ويحميك ويخليك لأهلك .



والشكر موصول لجميع الإستشاريين والمشرفين .


دمتم بأجمل حال
  #15  
قديم 19/09/2009, 10:37 AM
زعيــم متألــق
تاريخ التسجيل: 30/08/2008
المكان: بين الحاقد والحاسد ((للأسف))
مشاركات: 1,045
برب بأصيح وارجع <<<<عشان رمضان خلص
:
:
باك ..
هلا خيو الكلاسيكي وعليكم السلام ..

يومك كله اكشنماشاالله..


بالنسبه للشاهي مايحبني وانا كمان ما احبه اعشق النسكافه

وبنوتة اختك ربي يحميها .. اكيد انت طفشتها <<<عادي خذلك دروس

السوووق

اول سنه تمر علي انزل فيها سوق برمضان .. وانشاءالله تكون اخر مره
وترا كل الناس تاخذ جبال اوه اقصد مطبات <<<مطب اليوم يجنن.. لدرجة ان الوالد انبسط
كل المدن السعوديه فيها مطبات
،،،،،،،
كل عام وانت بخير ..

إقتباس
فكرة - سندريلا الهلال
اعداد ومتابعة - الهنوووف
تصميم - عسيريه



الله يعطيكم العافيه.. كثر رمل الصحاري من المطر أكثر وأكثر...
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:40 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube