السلام عليكم ورحمة الله وبركاته ..

أولآ .. كل عام وانتم بخير وعساكم من عواده .. قبل الزحمة

ثانيآ .. الموضوع نصه فصحة ونصه عآمـي .. يعني سلك لا هنت

ما ان تقترب ايام العيد .. الا والأهآلـي يهرعون الى البسطات والأسواق المفتوحة .. وغيرهـا ..
من اجل شراء الألعاب النارية .. المعروفة بالطراطيع ...!

طبعاً .. هذه " العادة " اصبحت عادة متكررة ايام عيد الفطر المبارك .. حتى بعض الأطفال يحسب ان العيد هو الألعاب النارية نفسها .. وان العيد وضع لذلك ..

--

من ناحيتي انا ... بصراحة انا ما احب وما يروقلي الالعاب النارية بشكل عآم .. الا بعضها الي تطلع الوان واشكال حلوة .. اما الباقي اللي بس صوت مضيعة فلوس على الفاضي ..

غير كذا أسعار الألعاب النارية .. تشوف الوحدة تطق الـ 150 ..200 .. ريـآل .!
وايام العيد تشوف كل واحد معه كيسته مليآنه
غير كذا .. الأضرار المترتبة .. الدخان ..غير ان ممكن الطفل يغفل ان اللعبة شابه وتنفجر في يده .. والله شفت صور تعور القلب

نجي للنقآش ..:

1- هل تؤيد هذه الألعاب ايام العيد ..؟

2- كنت تشتري يومنك بزر ؟ واذا عندك عيال او اخوان تشتريلهم ؟!!

3- تحب تشاهد مثل هذه الالعاب .؟ او تعتقد انها مضيعة للدراهم وللوقت ؟!

4- قد صارت لك مواقف او شي من هالقبيل .؟!

5- تعتقد ان هذه الألعاب جالبة للفرح وتتمنى استمرارهـا .؟ او انت مع مكافحة الشرطة لهذه الألعاب ولبياعها .؟!

وبس

مشعل

( الموضوع كتب على عجالة )

2- كنت تشتري يومنك بزر ؟ واذا عندك عيال او اخوان تشتريلهم ؟!!
أووووة كنت أشتري بالدرازن وطبعاً أسوي حركات توحي بأني أرهابي !
مثلاً : أحط الديناميت في قواطي " نيدو " وأستخدمها أحياناً كــ سلاح !
اما هالحين مسوي أني الأخ العطوف ع اخواني كانت معي عشرين شريت بها 4 بكتات ديناميات لشلة البزارين اللي عندنا !
3- تحب تشاهد مثل هذه الالعاب .؟ او تعتقد انها مضيعة للدراهم وللوقت ؟!
لي ثلاث سنوات أكون متواجد بـ الواجهة البحرية
وأشوف هالألعاب النارية تحت رعاية أمارة الدمام

/

شكراً ع الموضوع ماحسيت بنفسي الا عند أضافة رد !؟

1- هل تؤيد هذه الألعاب ايام العيد ..؟
ايه خلو البزارين يستآنسون
2- كنت تشتري يومنك بزر ؟ واذا عندك عيال او اخوان تشتريلهم ؟!!
ايه وبقوه .. نروح لـ سوق الحمام ما اني اعيد بالرياض .. لا عيال و لاا اخوان ما عندي
3- تحب تشاهد مثل هذه الالعاب .؟ او تعتقد انها مضيعة للدراهم وللوقت ؟!
لا عادي العيديات واجد
4- قد صارت لك مواقف او شي من هالقبيل .؟!
لا الحمدلله ’ بس انخرم ثوبي و انا اللي اغطي الفتحه عشان امي ما تهزأني
5- تعتقد ان هذه الألعاب جالبة للفرح وتتمنى استمرارهـا .؟ او انت مع مكافحة الشرطة لهذه الألعاب ولبياعها .؟!
ايه ..

1- هل تؤيد هذه الألعاب ايام العيد ..؟

اكيــد

2- كنت تشتري يومنك بزر ؟ واذا عندك عيال او اخوان تشتريلهم ؟!!


كنت اشتري اما اخواني فانا اخر ولد الباقي بنــــات


3- تحب تشاهد مثل هذه الالعاب .؟ او تعتقد انها مضيعة للدراهم وللوقت ؟!


شي طبيعي لان بعضها يعجبني


4- قد صارت لك مواقف او شي من هالقبيل .؟!


انفجر شرخ في يدي اليمنى و كان اسوا عيد في حياتي


5- تعتقد ان هذه الألعاب جالبة للفرح وتتمنى استمرارهـا .؟ او انت مع مكافحة الشرطة لهذه الألعاب ولبياعها .؟!

اتمنا استمرارها بشروط


يعني لا يبيعون للصغار عشان ما يجيهم مثل اللى جاني يوم كان عمري 9

برب


........................

باك

المفترض كتبت بالعنوان استراحه مو نقاش

- هل تؤيد هذه الألعاب ايام العيد ..؟
يس


2- كنت تشتري يومنك بزر ؟ واذا عندك عيال او اخوان تشتريلهم ؟!!
يس وللان ومستقبلاً إن شاءالله ... طبعا مايبيلها شيخ


3- تحب تشاهد مثل هذه الالعاب .؟ او تعتقد انها مضيعة للدراهم وللوقت ؟!
هي المتنفس الوحيد لشباب الرياض تحديداً ...
بناء على المنبر لاتنسون شباب الساعه 9 ونص بأول ثلاث ايام العيد بديار سلمان بن عبدالعزيز بيكون العاب ناريه


4- قد صارت لك مواقف او شي من هالقبيل .؟!
مو لي لأخوي اخبره يوم كان عمره تقريبا 13 سنه طلعنا نشوي برا وجانا
من البياعين المتجولين وشرا اخوي نافوره جا وشغلها النافور ولعت على ورا
" جت على بطنه " وانفقعت على يديه اخوي صرخ وقعدت يتولى بعدها بساعه
بياخذ السياره بيلحق البائع المتجول بيوريه العين الحمرا وبيأكله تبن ليش يبيعها له ...
الحمدلله انتهت بحب خشوم ...

’،

الثانيه اخبر بالقصيم كنا كاشتين ويا الاقارب وكانت على ذيك الايام برد
وحولنا النار ويجي ولد عمتي معه صورايخ الي ويييي طععع عرفتوه
ابد ويرمها على النار مجموعه والمشكله مو متواسيه شي فوق وشي تحت
وحنا مافيه الاقوه ركض ... وبعدها انقلب هواش لأنه في شيبان ماقدرو
يقومون بسرعه.. وبعدها بشوي كلنا ضحك ويتطنز على خويه بعضهم
تحس يبيله كتلوج عشان تعرف كيف يقوم ويركض ...
ايام حلوه كانت ايام حبك << دخل جو

بالنسبه لأخونا السمسار الديناميت جرب حطها في صحن
"كاسه او طاسه " فيها مويه وشوف الحركات

5- تعتقد ان هذه الألعاب جالبة للفرح وتتمنى استمرارهـا .؟ او انت مع مكافحة الشرطة لهذه الألعاب ولبياعها .؟!

بعد الله نعم ... لالا الله لايقوله لأنه مافي شي بديل للشباب قبل الاطفال

ههههههههه معليش حبيبي ماراح اتقيد بالاسئلـه ..

يـآخي يوم قزيت موضوعك وانا في الشارع .. حنيت لايام اول ..
والله ياهي وناسه .. احلا ابو شئ في العيد !

والمواقف كثيير .. باذكر منها اللي اذكر ..
في ثالث العيد .. دآيمن نآخذ استراحه وتصير فيها جمعه كبييييره ..
والمتواجدون من جميع الانواع .. شيـآب - شباب - بزران - فتيات !
المهم كان الشياب على قسمين .. عيال عبدالرحمن وعيال محمد ..
عيال عبدالرحمن اللي انا احد احفـآدهم .. ودايمن في هالاستراحه يصير
مباريات - هواش - تنتيف .. بين احفاد عيال عبدالرحمن واحفاد عيال محمد !

المهم مره من المرات .. قبل 3 سنوات تقريباً .. كنا نلعب كوره .. وانا كنت كابتن فريق عيالنا .. وكان تقريبن اعمار الفريقين ..
من 14 - 18 .. والباقين يتفرجون وكلن يشجع اللي يقربون له .. وحمـآآآس !
وحنا متحمسين مع المباراه .. جت خيـآنه عظمى .. أحد مشجعين الفريق العدوو جآب طراطيع ..
وسوا شغب في الملعب ! طبعن المباراه تحولت من كرة قدم .. إلى حرب الطراطيع !
كلن قاعد في جهة ويقصف عل الثاني .. العاده يصير كذا .. بس في آخر شئ اذا راحو الشياب يعني !
لكن هالمره تهورو الشباب .. وانواع القصف وانواع الهبـآل !
في نص المعركه خلص العتاد اللي معنا رحت السياره اجيب الامدادات ..
وكانت الاستراحه على شـآرع عام .. المهم وانا قاعد عند السياره اشوف اخوي الصغير ..
وكان ذاك الوقت عمره تقريباً 10 سنوات .. اشوفه يركض وواحد من العدو وراه يلحقه بقنبله ..
المهم ذا الثور ينحاش متجه للشـآرع : | .. وانا اشوف في هايلكس جاي يمشي مليوون مع الشارع ..
اصارخ له خـآآآآلد انتبه .. ذا الثور درعم الشارع وجا الهايلكس وطيره !
خرب علينا ذاك اليوم .. الحريم من الصوت انهبلو وكل وحده تقول اكييد هذا ولدي !
امي الحمدلله ماكانت حاضره .. ودينا اخوي المستشفى وتنوم وحالته حاله !
قعدت معه .. خرب علي العيد الله لايبارك في هذاك الشسمه .
الحمدلله ماطول من ثاني يوم طلعوه !


الموقف الثاني ../
في عيد من الاعياد .. قبل سنتين تقريباً .. كنت تعبـآآن ونااااايم العصر ..
شوي .. اخوي جا يقومني ومنخرش .. يقولي معاذ يتهاوش مع الجيران !
انا كنت معصصصب وفيني النوم . طلعت واشوف اخوي متهاوش مع اثنين من عيال الجيران !
وش السالفه وش القصه ؟ مدري .. المهم اننـآ جلدناهم وبس !
ماخذنا معهم وقت .. كانو صغـآر .. رجعت البيت ونمت .. قمت المغرب ورحت اصلي !
وانا راجع من الصلاه الا ذا الثنين اللي جلدناهم العصر جايين في وجهي ..
طبعن ماخفت منهم لانهم كانو اصغر مني وزلايب .. جوني وقالو اننا آسفين ومالها داعين جيران ونتهاوش ومن هالكلام !
وفجـأه .. الا ذيك السياره .. صني راكب فيها عشره .. مدري وشلون دخلوو !
ينزلون يبون يجلدوني .. بس جلدتهم كلهم !
هـآه ؟ من قال اني انجلدت !

طبعن يوم رجعت وكل شئ .. وبعد فتره . اكتشفت ليش اخوي متهاوش مع ذاك اللي جلدناه !
صار اخوي الخبلل كان جالس عند الباب .. وشافهم يدفنون طراطيعهم في التراب !
الظاهر كانو خايفين من ابوهم .. يوم دخلو بيتهم راح اخوي البجيح واخذها !
طبعن طلعو واكتشفو وصـآر اللي صار !
هـآه ؟ يـآخي ليش مصرين اني انجلدت ؟


/





عوافي ع الموضوع اللي رجع الذاكره لورا ،
ماننحرمش ~

/

والله أذكر وأنا صغير شريت صواريخ من سوق العويس وحنا راجعين للبيت قال لي اخوي تحداك تولع الشرخ بالسيارة fficeffice" />
المهم هو تحداني على 10 ريال طبعا 10 ريال اول تعيش >>>هههههههههههههه
ذيك الايام كنت بالابتدائي المهم وحنا بالطريق وابوي وامي راكبين قدام وانا واخوي ورى
طبعا الشررخ هو العصفور اللي لونه اخضر ..
المهم وأولعه يوم جيت بارميه وينفجر بيدي ..
والله يدي صفرت وزرقت وخضرت .. بس الحمد لله الـ 10 تعشيت فيها .. هع هع هع

قبل كم يوم انا كنت مجمع عيال خواتي واخواني الصغار .. >> بأولع لهم شروخ وقنابل JJJ
المهم وجيت بأولع الطعمية وانا أولعه وانحاش جوا البيت J
المهم يوم انفجرت اعوذ بلله صوتها عالي عالي مره مره

بنت اختي عمره سنتي الا شويات والله يا صاحت صياح ما سككت وتنندمت والله >> LLLL


وبس

آلطـٌرٍآآآآآآآآآآآآآآطيـٌع ,,
<_ شـٌآرٍي منهـٌآ آللـٌي يكفيـٌه ثـٌلآث آعيـٌآد ,,


آخـٌوٍي لحـٌوٍن ,,
آلحمـٌد لله ع سـٌلآمة آخـٌوٍك ,,

وٍآللـٌه مـٌآ آعجبنـٌي بآلمـٌوٍضوٍع آلآ رٍدك ,,






مـٌوٍدتيّ ,,

- هل تؤيد هذه الألعاب ايام العيد ..؟
قبل ايه اما الحين لا

2- كنت تشتري يومنك بزر ؟ واذا عندك عيال او اخوان تشتريلهم ؟!!
اوووه اكيد وما اطلع من البيت الا معي درااااااااازن

3- تحب تشاهد مثل هذه الالعاب .؟ او تعتقد انها مضيعة للدراهم وللوقت ؟!
مضيعة للدراهم وللوقت

4- قد صارت لك مواقف او شي من هالقبيل .؟!
تعرفون النافوره ذيتس الي تطلع الوان
المهم كانت معي وحده وشبيته ويجي ولد خالتي ويحالول يا خذه من وتنكسر وكل الي به طلع على ايدي :@ وهو ما جاو شئ

5- تعتقد ان هذه الألعاب جالبة للفرح وتتمنى استمرارهـا .؟ او انت مع مكافحة الشرطة لهذه الألعاب ولبياعها .؟!

مكااااااافحتها

1- هل تؤيد هذه الألعاب ايام العيد ..؟
لاوالله احس انها قلق وتخرب الثياب وازعاج

2- كنت تشتري يومنك بزر ؟ واذا عندك عيال او اخوان تشتريلهم ؟!!
اكيد كنت اشتريها بس صعبه تمنع البزران الا اذا قدرت تقنعه اما المنع من دون ماتبين السبب بيشتريها من وراك من البقاله والا البزران في الحاره

3- تحب تشاهد مثل هذه الالعاب .؟ او تعتقد انها مضيعة للدراهم وللوقت ؟!
اللي لها الون واشكال حلوه لامانع اما القنابل والشروخ ما ادانيها

4- قد صارت لك مواقف او شي من هالقبيل .؟!
عندي موقفين
الاول
اذكر موقف كنت في رابع ابتدائي كنا نلعب حرب وتعرض واحد من الجيران لصاروخ وللاسف فقد احد عينيه الله يعوضه خير وهذي مشكلتها

الثاني
كان معنا الشروخ القديمه الصغيرات اللي يمديك تمسكه بيدك وشافنا باكستاني واستغرب قال عطوني بمسك واحد ونعطيه قمبله وتنفجر يديه وانواع الدم يوم شفنا الدعوه فيها دم انحشنا والرجال مدري وش صار عليه
5- تعتقد ان هذه الألعاب جالبة للفرح وتتمنى استمرارهـا .؟ او انت مع مكافحة الشرطة لهذه الألعاب ولبياعها .؟!
لا والله لا تجيب الفرح ولاش الا ما وراها الا الصجه والمشاكل

اهلاً وسهلاً بك .. يسعد صباحك ..

ارى انه لا بأس ان كانت في متناول العقلاء .. بمعنى ان تواجدها بأيدي الاطفال خطر كبير
ليس على الطفل فحسب , بل على كل من عنده . . لذلك ان كانت بي ايدي من نامنهم على ذلك
وكذلك ان كانت في مناسبات معينه .. انا لا احبذ ان تكون طول الايام بتناولهم ..

شكراَ لك ولطرحك .. وتقبل احترامي .
دمت بخير

برب


لي عوده لاقمت ان شاء الله

...................................

باااااك


1- هل تؤيد هذه الألعاب ايام العيد ..؟

اوئيد وبقوه,خلو الروعان يستانسون

2- كنت تشتري يومنك بزر ؟ واذا عندك عيال او اخوان تشتريلهم ؟!!

ايه , عماني كانوا يجبون لنا بالدرزن

3- تحب تشاهد مثل هذه الالعاب .؟ او تعتقد انها مضيعة للدراهم وللوقت ؟!

نعم,فيه بعضها ماتسوا مثل اللي تطلع صوت بس!


4- قد صارت لك مواقف او شي من هالقبيل .؟!


مواقف بس بذكر موقف صار لعمي
....
يقول: كان فين نوعيه من الصواريخ لها قاعده


يقول كنت قاعد اشبها مع اخوياي
يقول شبيتها وطاحت على الارض


وكأن فيه رجال قاع عند عتبت بيتهم
ولابس (وزار) ويشب الصاروخ و يروح بين فخوذه وينفجر فيه

...............


الرجال سمعت انهم سوله عملية ترقيع مدري وش سوو له



,,,,,,

اما انا ياكثر ماتفجرت في يدي بالذات العصفور والصاروخ



5- تعتقد ان هذه الألعاب جالبة للفرح وتتمنى استمرارهـا .؟ او انت مع مكافحة الشرطة لهذه الألعاب ولبياعها .؟!




أكيد. اجل ليه يبيعونها؟,

لو انها تنباع بشروط كان افضل.