نادي الهلال السعودي - شبكة الزعيم - الموقع الرسمي - طاش واستهزاء بالداعيات حسبي الله عليهم

- منتدى المجلس العام (http://vb.alhilal.com/f1/)

انا ابي اعرف

هل يوجد داعيه تقول تجسسو على ازواجكم ؟؟

طــــــــــاش ( نــــــاصر __ عبدالله ) الى الامـــــــــام يا من ناقش القضايا المحجوبهـ

اممم

شخص قالي ان بعض المشايخ حرم طاش قبل كم سنه ...حلو :)

اللي يهمني طاش حرام ليش تشوفها ؟!! :s5s:

//

بسراحه انا ماسمعت ولا درست بالمدرسه او الجامعه عن الشجاع الاقرع ..

وشي ايجابي بسبب الله ثم طاش عرفت عن الشجاع الاقرع واستزدت معلومات عنه بقوقل

ابو عسل

يا عيال استحوا شوي .. طالبكم استحوا شوي .. أقصدكم أنتم ياللي تدافعون ..!

قلتوا يقصدون أشباهـ الداعيات , نقول أوكيه نمشي معاكم للآخر ..
قلتوا يتكلمون عن مواضيع واقعية , نعطيكم على قد عقولكم ونقول أوكيه :s2::smilie47:
لكن تقولون حلقة اليوم ما فيها استهزاء؟ يا كبرها عند الله ..! :to:

بنخلي الداعية على جنب .. مثل ما تركنا استخفافهم بالملتزمين في حلقات أخرى بدون أي داعي .. وأوضحها في حلقة التدخين اللي ما كان له لزمة أصلاً أنهم
يحطون في الحلقة دور واحد ملتزم وإمام مسجد .. إلا أن خبثهم جعلهم يحطون هالدور
عشان تتوضح نواياهم الخبيثة في آخر الحلقة بعد أن استلم إمام المسجد ثلاث أضعاف الرشاوي اللي استلمها غيره ..!!

نرجع لحلقة اليوم .. ونتكلم عن الشجاع الأقرع .. المصارع في نظر القصبي وطقته .!
الحين لو تجي تقول اسم عايلتك أو قبيلتك .. نقول على سبيل المثال عشان محد يزعل : الطبهشاوي ..
ويجي أحد ويقول : هذا اسم طبخة ؟
هل هذا بتعتبرهـ استهزاء واستخفاف والا ايش؟

إذا طاش عاجبكم خلاص تابعوهـ وأنتوا عاضين شحمة .. أشرف لكم مما تدافعون على الباطل ..!

<< متعمد أرد بهالقوة أبجرب قدراتي العضلية بس :s2: لحد يزعل ترى أمزح :smilie47:

الرد برعاية WWE :s5s:

يا الحبيب

في حريم يخربون بيوت الناس وهم يسون في قمة الأخلاق

ولكن هم .......

الدين حافظه الله عزوجل واولياء الله ياويله من عاداهم وبعيد اًعن استهزائهم هاالسملق زودوها باالمررررة وخذو راحتهم في قلة الادب وما حصل في نهاية الحلقة غيض من فيض بس انا ودي اعرف وش تقصد بنت الي مانيب قايل لاني صايم بجملتها الاخيرة.

**انا مو مستغرب من هااالطراطير افعالهم فهم سكان المستنقع العفني وهذا نتاجهم لكن مايحيرني هو تهوين البعض لوقاحة الطائشون فماذا بعد التعرض لكتاب الله وحديث رسول الله واولياء الله الا قاتل الله الهوى !!!!

إقتباس:

الرسالة الأصلية كتبت بواسطة الـمـشـاغـب (مشاركة 13101331)

ما راح اتابع و انا عاظ شحمه على قولتك

( يا ليت نترك الفاظ جلسات الاستراحات و المقاهي هناء في المنتدى )

شف اخوي لو تتكلم من الـيوم لما بكرآ ترآ مارآح تغيـر شي

المطآوعـه حرموا طآش مآطش خلاص ياخي وش تبي فيـه تناظره

يعني كل حلقه ماتعجبـك بتجي تسوي قروشـه هنا ؟ :s5s:

بعدين موب دآعيه معصومه عن الخطآ ( ترآ الشيـطآن شآطر ) :yes:

مشكور :rose:

ربنا لاتؤاخذنا بمافعل السفهاء منا .....اللهم عليك بمن استهزأ بكتابك وسنة نبيك وعبادك الصالحين

المشآغب

بيني و بينك انا ما شفت الحلقة الا نصها

لكن يعني بالعقل هل يوجد دآعيه تقول للحريم تجسسوا على رجآلكم:s5s:

انا ما ادافع انا بس اقول ولا طآش من جنب العآرضه على ما قالو :d

WWE يآ قدمك يا شيخ :d

ايآم اندرتيكر و كين :s2:

ذاك يطقه و الثاني مآكلن تبن قال ايش قال احترآم الاخوه:s2:

ولا ذا روك هو ويآ حجآنه لو يشوفه وآحد فهم درس المتمآيلات في الرياضيات:s2:

تحيآتي , :rose:

-

طاش مشكلتهم يركزون على السلبيات بشكل كبير ومبالغ فيه !
ويتناسون الإيجابيات .. زي حلقه اليوم مثلاً ..
جابوا مثال عن الداعيه " اللعّابه " اللي ماتمثل ولا 1% من الداعيات الملتزمات اللي يخافون الله :smilie47: .. واستخسروا على أنفسهم إنه يجيبون مثال للداعيه اللي تحث على الخير وهم الغالبية ..
وليتها وقفت على حلقه اليوم بس .. قبلها حلقات كثير جابت لنا الحموضه ..
دائمًا صاروا يتكلمون عن رجال الدين وإنهم أسوء السيئين ..
يعني خلاص !! خلصت المشاكل إنت وياه ؟

سبحان الله صرت أحس كأننا خالين من العيوب وبس هذي عيوبنا وهذي مشاكلنا وهذي قضايانا اللي تستحق النقاش .. !!

صح كنت أشوف طاش وأوسع صدري .. بس ( الدين ) خط أحمر لا احد يتجاوزه .. !

:rose:

الوابلي تعرفونه
هذا كل حلقاته فيها تشويه

يعني ليش كل هذا عشان ننكر شي اسمه شجاع أقرع
فإذا سمعنا ( بهذا الاسم ) نقول ايه ضاك اللي يقولونه في طاش وتراه نصب

الشجاع الأقرع ( وارد في سنة الرسول -صلى الله عليه وسلم- ليش كل هالإستهزاء )
أرجعوا وشوفوا وش معنى الشجاع الأقرع
ليس كما عرضوه في طاش بشكل مغالط تخلي الواحد يكذب هذا النبأ عن الرسول -صلى الله عليه وسلم-

المرستك دائما

اسأل الله ان يشل أركان من استهزأ بالدين وبأحاديث المصطفى صلى الله عليه وسلم وبخيرة الناس وهم من نذروا أنفسهم للدعوة

بصراحه ماشفت حلقة اليوم ولا ادري ايش السالفه بالضبط

لكن بعد ماسويت سيرش عن الشجاع الأقرع لقيت هالكلام لأبن عثيمين رحمه الله (L)

إقتباس:

هذا الحديث الذي ينشر: أن من يتهاون في الصلاة له /15/ عقوبة، ست منها في الدنيا وثلاث عند الموت وثلاث في القبر وثلاث عند الآخرة. أول عقوبات الدنيا هو نزع البركة من عمره، ومحي سيماء الصالحين من وجهه، وكل عمل يؤديه لا يؤجره الله عليه ولا يرفع له دعاء في دعاء الصالحين وليس له حظ في دعاء الصالحين وتخرج روحه بغير ايمان. وعند موته سيقضي ذليلا، جائعا، وعطشان، ولو سقي من بحار الدنيا ما روي.

أما في القبر فيضيق الله عليه حتى تختنق أضلاعه، ويوقد عليه ليتقلب على الجمر ليلا نهارا , ويسلط عليه في قبره ثعبان اسمه (الشجاع الأقرع) يضربه على تضييع الصلوات ويستغرق في تعذيبه بمقدار أوقات الصلاة. وحين تحين القيامة، وإذا انشقت السماء، يأتيه ملك وبيده سلسلة ذراعها 70 سبعون ذراعا فيعلقها في عنقه ثم يدخلها فيه ويخرجها من (...) وهو ينادي هذا جزاء من يضيع فرائض الله. وأخيرا لا ينظر الله إليه، ولا يزكيه، وله عذاب أليم.

فهذا حديث كذب .

قال الإمام ابن عثيمين: " آخر ما بلغنا قصة ثعبان ثعبان يعني حية ملتوية على شخص ميت قيل إنهم ارادوا أن يدفنوه في البقيع فرأوا عليه ثعبان عظيمة رأوا عليه ثعبان عظيمة قد التوت عليه بسبب أنه تارك للصلاة وقالوا إن هذا هو الشجاع الاقرع هذه القصة كذب لا شك فيها ولا يجوز تداولها ولا نشرها الا من أراد أن يبين للناس أنها مكذوبة ولم نعلم صدورها عن مصدر موثوق إذن فهي باطلة لا يجوز نشرها . ثانيا عقوبة تارك الصلاة يقول من تهاون في الصلاة عاقبه الله تعالى بخمسة عشر عقوبة خمسة عشر عقوبة هذه لحنفي اللغة العربية ستة منها في الدنيا وثلاثة عند الموت وثلاثة في القبر وثلاثة عند خروجه من القبر وهذا ايضا حديث كذب لم يقله النبي صلى الله عليه وعلى آله وسلم" .
http://www.ibnothaimeen.com/all/khot...icle_271.shtml

والله أعلم .

تحياتي لصاحب الموضوع :)

اخوي انا بالبدابة ماادافع عن طاش ولا عن احد

بس نقول الكلام العدل والمفهوم

انت وش الأستفاده من الحلقه يمكن ماتستفيد انت بس الحريم يستفيدون

بالله عليك اجل داعية تقول تجسسو

وبعدين احب اقول فكونا من طاش ومدري ايش من تشوفون حلقة قلتو استهزاء وعبيتو المنتدى مواضيع على الحلقة

طيب انت بنظرك استهزاء ليه ماتروح لـ وزارة الإعلام مو هي مرخصه المسلسل ولا هو على طول صوروه وطلع بالتلفزيون

ماتجلس تحط مواضيع على الفاضي انا اقولك من وجهت نظري ماشوف استهزاء غير يوم يقول هذا مصارع

وهذا الي عندي واتمنى تقبله ولاتكبر الموضوع اكبر من حجمه

طـٌآش .. آلـٌى آلآمـٌآم وٍنحـٌن وٍرٍآئك ,,
وٍلآ عـٌزٍآء للحـٌآقدين ,,