بمناسبة العيد ... خش وشارك >> مسموح مشاركة اليوزرات ( الإنتحارية ) - نادي الهلال السعودي - شبكة الزعيم

ابو طـــــلال · #1 16/09/2009, 02:22 AM

كلن نهار العيد عايد حبيبة ... والتم شمل القلوب المواليف
إلا حبيبي غايب الله يجيبة ... ياحسرتي إن خلص العيد ماشيف >> شيف >> وسلامتكم >> صح لسانك

ماودي اطول .. سيدا زي برنامجي المفضل خواطر

=====

كم ( كسوتك للعيد )

عزيزي الشاب ... عزيزتي الشابة

في يوم العيد ... و إنت(ي ) كاشخ(ـه) عند أهلك ... كم كلفت كشختك من ملابس العيد .. والعطور و الكنادر ( اعزكم الله ) إلخ إلخ .. يعني كم كلف عليك كشخة العيد ...

هذا الموضوع يحتاج لأشخاص ( صريحيين ) لانقبل ( المهاطيه ) ولا ( المثاليين )

انا تأثرت من برنامج خواطر .. وبطلع برنامج اسمه ( هواجيس ) وابي أتفلسف شوي بس بعد ماتجاوبون !!

وكانك للحين ماأشتريت(ي ) وتقضيت(ي ) للعيد .. ترى فيه وقت يعني .. يمديك ترفق على عمرك

بخاطر كم ......

الحكمة ضالة المؤمن .. وبنو الإسلام لها أولى
حيث تجدها فعليك بها .. عنها ابداً لاتتخلى
في القلب خواطر عن أمم .. في واقعها قيم مثلى
في القلب خواطر عن مثل .. في حضارتنا كانت أصلا
من واجبنا أن نعر فها .. عن قرب وبها نتحلى
قيم أوصى المختار بها .. ولنا فيه المثل الأعلى
فتخيل لو نتمثلها .. كم تصبح دنيانا أحلى
في القـــلب خــواطر ...

اخوكم الصغير ابو طلال

سهل · #2 16/09/2009, 02:28 AM

هلا ابو طلال الان نعيش اجواء العشر العتق من النار والعيد
قد ندركه وقد لا ندركه ولكن كما تشاء جميل ان تجتمع مهايط المواضيع هنا
وتكون انت الراعي الرسمي للهياط

هلاليه محترفه · #3 16/09/2009, 02:28 AM

ولله وانا اختك ماتذكر بكم شارية البس لأن ماشريت لبس محدد للعيد
بالبس من الموجود عندي وماقد شافوه العمان

>>>تقص قصة حياتها

قيم أوصى المختار بها .. ولنا فيه المثل الأعلى
فتخيل لو نتمثلها .. كم تصبح دنيانا أحلى

برنامج خواطر .. خلاني ابكي ع الحال الي احنـا فيه

DR.KHALID · #4 16/09/2009, 02:34 AM

هلا أبو طلال

والله من ناحيتي من عادتي مؤخرا م أشتري شيء جديد للعيد , يعني الي موجود يسد وزود ان شاء الله .. بس زمان يوم كنت بزر

كنت م أتعدى الـ 300
يعني منها وجاي

لاهنت , وفقك الله

السمسار الهلالــي · #5 16/09/2009, 02:34 AM

أحلى يا بشير حمد شنان

/

لي عودة يبو طلال ..

شوق الكويت · #6 16/09/2009, 02:38 AM

اخوي ابو طلال ماودي ارد عالموضوع علشان ماينقال عني احب المهايط >> هي صح الكلمه جذي

شكرا عالموضوع

ابو طـــــلال · #7 16/09/2009, 02:40 AM

إقتباس

الرسالة الأصلية كتبت بواسطة سهل


	هلا ابو طلال الان نعيش اجواء العشر العتق من النار والعيد قد ندركه وقد لا ندركه ولكن كما تشاء جميل ان تجتمع مهايط المواضيع هنا وتكون انت الراعي الرسمي للهياط

هلا بالشيخ سهل .. الله يتقبل صيامنا وقيامنا ويجعلنا من العتقاء من النار

ليتك مارديت على هالموضوع وانت بالمسجد .. داخلن باللابتوب

هلالي معالي · #8 16/09/2009, 02:42 AM

اهلين و صهلين ابو طلآل

تبي الصرآحه انا لأغرآض العيد كلها صرفت ما يقآرب 1240 ريال

بقا لي جزمه اكرمكم الله بكره بروح اشوف لي شي ينآسب ذوقي<<لا تعليق

لكن اسمع انا بنآس شبآب يصرفوون اكثر من 4000 ريال هذولي يبوي مدري وش يحسون فيه

الشآب اغراضه معروفه شمآغ + سبحه + شرآب + جزمه"اكرمكم الله" + سآعه"احتمال" + بوك"احتمال"

انا الساعه و البوك الحمد لله جآييني هديه و بحتفظ بها

اما الباقي يعني لآزم تجيب جديد

تحيآتي لك ابو طلآل و ما تحرمنآش من هالطله يا بيه

بندر الهلالــي · #9 16/09/2009, 02:43 AM

اماا اناا يابو طلال

اشتري باليلة العيد

اماا عيد هالسنة شريت بدرري

يعني كلفني كله على بعضة 650 رياال

يعني جزمة >>الله يكرمكم

فصلت ثوب...شريت اشماغ..وساعة

وبس

>> وش رايك ماهايطت هع

مشكوور اخووي

وعســآآآآكـ على القوة ...

ابو طـــــلال · #10 16/09/2009, 02:43 AM

إقتباس

الرسالة الأصلية كتبت بواسطة هلاليه محترفه


	ولله وانا اختك ماتذكر بكم شارية البس لأن ماشريت لبس محدد للعيد بالبس من الموجود عندي وماقد شافوه العمان >>>تقص قصة حياتها قيم أوصى المختار بها .. ولنا فيه المثل الأعلى فتخيل لو نتمثلها .. كم تصبح دنيانا أحلى برنامج خواطر .. خلاني ابكي ع الحال الي احنـا فيه

معقولة !!

أنثى من كوكب آخر

فيه احد يتعيد بملابس عنده !

ماشاء الله عليك هلالية ... بطله و الله

ابو طـــــلال · #11 16/09/2009, 02:47 AM

إقتباس

الرسالة الأصلية كتبت بواسطة DR.KHALID


	هلا أبو طلال والله من ناحيتي من عادتي مؤخرا م أشتري شيء جديد للعيد , يعني الي موجود يسد وزود ان شاء الله .. بس زمان يوم كنت بزر كنت م أتعدى الـ 300 يعني منها وجاي لاهنت , وفقك الله

يمكن علشانك برى السعودية اخوي خالد !!

إنت مو خارج المملكة الحين !! إذا كان إيه .. يكون هذا السبب

بس لو عيدك بالسعودية وبين أهلك وجماعتك .. تتوقع كم توصل كلفة العيد ؟ وإترك يومك بزر .. الدنيا تغيرت والأسعار ولعت .. والبريستيج زاد

تحياتي لك خالد

شبوط · #12 16/09/2009, 03:04 AM

ياهلا ياهلا بالشيف ابو طـلال

كل عام وانت بخير يالغالي والجميع وكل ابو الحكومه

إقتباس


	كم كلف عليك كشخة العيد

تو بدري يالغالي يومين ان شاء الله يكون اخذت كلش

Mr.Scrub · #13 16/09/2009, 03:13 AM

أبو طلال عآش من شآفك

< مآت من شآفك

من زمآن عنك يا أخونآ الصغير

, من تآلي ماعآد تقولهآ شكلك أقتنعت أنك شآيب

عسسسى أمورك تمآم , وأن شآء الله أنك بصحه وسلامه

بخصوص الموضوع ماشريت أي شي

, اللي عندي يكفي , وترهآ يوم وآحد

أصلاً العيد في الوقت الحالي بالنسسبه لي يجي ويروح زي أي يوم

, ألا في بعض الأشيآء البسيطه

غير كذآ أحس أنهآ ماتسوى من يشتري ويتعب نفسسه علشآن العيد , لو أنك تبي تخطب ممكن أكشخ

< يعني موب أكيد

بخصوص خوآطر برنآمج رآئع على أني ماشفت منه الا حلقتين

, لان وقته ماينآسب لي

يعطيك العافيه يا أخونآ الكبير

naiF' · #14 16/09/2009, 03:19 AM

للحين ماشريت شي :$

ولا افكر اشتري بعد ,

لاني يوم العيد ماقوم الا الظهر وبعد الظهر يمكن خخخ

< لايصير هياط ذالكلام

شوق الكويت · #15 16/09/2009, 03:27 AM

عفوا اخوي ابو طلال عالمشاركه الثانيه

بس الاخوان اللي يقولون مااشترو او ماراح يشتروون اعتقد بالدين المفروض اي شخض مسلم يستعد للعيد من كل النواحي ويعتبره عيد بالمعنى وليس بالكلام بس ... يعني الناس تستعد للحفلات والاعراس ويخلون العيد اللي هو اهم منهم وهو عيد لكل المسلميين ماراح يصير فيك شي لو صرفت كم ريال عندك استعداد للعيد

عذرا ابو طلال