وش وراك فريقك فايز باربعة وتستاهلون والحق ان الظروف متساوية لكن اللي بان
ضعف القاعده والبركة في العين الفاحصه والنظرة الخبيرة اللي عند ربعنا وانتقاء نجوم المستقبل
اللي لو جبت واحد دلخ ولايفهم بالكورة يعرف من اول خمس دقائق ان نجوم المتر والنص
والاقدام الورقية لايمكن ان يحققوا بطوله ولا كاس شاهي
والنوعيات متوفرة بالهلال كاالارانب لاالتحام زي الناس (ورفاله)في استلام الكرات واللاعب يبي لة
سنه عشان يرفع راسه وينقل الكورة (المطرف والخراشي والشلهوب والقحطاني
هذا وجهي ان حققتوا بطوله فيهم اصلا اسلوب الكرة الحديثه ومميزاتها مفقودة ضعف التحام
بطء نقل الكرة اللعب بدون كورة عشره اصفار مرونة مفقوده دهاء كروي مفقود
ارجعوا للمباراه ودققوا زين وقارنوا بينهم وبين لاعبي الاتفاق
لاتقولون المدرب وش يسوي لكم وماعنده الا هاللاعبين
ولاتقولون توهم صغار ليالي العيد تبان من عصاريها
والمطبلين اللي يطيرون بالعجه اللي طاروا بالخراشي ..... شفتوا ارفل راس حربه لو فتحوا الباب قدامه ماجابها وشوفوا التسللات اللي سواها
من مشيته بالكورة انا غسلت يدي ....والظاهر ان الواسطه هي اللي دخلته مثل مادخلت غيره
وتسببت بابعاد لاعبين اقضل منه ...شوفوا صغار الشباب والاتفاق فعلا يبردون الكبد
وسيطرتهم على بطولات الناشئين والشباب السنوات الماضية ماهي عبث ولابربسه سمعت يالمصيبيح انا ماقول انك السبب لكن المفروض يكون لك دور ...
غيروا المطرف والخراشي والشلهوب بعد كفاية نفخ اعلامي
شوفوا لاعبي الاتحاد واجسامهم الصلبه واحكموا ...........