واقصد بذلك ( المعدومين )

فالمواطن المطنوخ لاتتعدّى نظرته للمعدومين سوى أنهم ( شلّة سملّق ) لابوووهم لابو اللي جمّعهم

وهذا طبيعي على كل حال..

فمن تعوّد على الاكل بملعقة من ذهب ( تحوم كبده ) اذا رأى شخصاً ( يلحس ) اصابعه بعد الطعام

ولكن اللافت ان فئة ( المعدومين ) في السعودية يتم التعتيم عليها اعلامياّ بشكل سافر

إعلامنا الموقّر يضلل الرأي العام العالمي عن حقيقة الطبقية في مجتمعنا

كما أنه يتكتم عن العدد المهول عن عشاق التميس والفول مقارنة بعشاق الموائد العامرة والبنت البتول

وكثيراً ما أوهم العالم ان المواطن السعودي ( يتاغر ) قريشات

واذا ماعنده لكزس ضروري بيكون عنده جنط لكزس حاطّه كـ( تحفه ) فوق الطاولة في مجلس الرجال

.

.

ولكن ماذا عن ( صندوق معالجة الفقر ) ؟؟

ولو بحثتم في اسباب ( تحنيط ) صندوق معالجة الفقر لعرفتم السبب الحقيقي الذي طار بسببه رأس الوزير المسكين ( النمله )

الوزير المغدور قام برفع تقرير شامل عن الميزانية الأوليّة التي يحتاجها الصندوق لتوزيع لقمة بسيطة تعتبر في عرف

اخواننا المصريين ( مسح زور ) لشلّة الفقراء المعدومين في مدينة الرياض فقط

فكانت الارقام شبيهة بقيمة صفقة انتقال ( كريستيانو رونالدو )

ولهذا السبب قام أولو الامر بإحالة الملف بكل حيثياته الى السيد ( فلورنتينو بيريز ) وتم طي قيد الوزير الغلبان

علماً بأن هامور جدة الملياردير السعودي ( منصور البلوي ) قد تكفل مشكوراً بالـ(تصوير) مع كل فقراء الصندوق

.

.

لحظة لحظة...

نسيت شيء مهم

طبيعة الانسان ياسادة مجبولة على حب الذات والخوف من كل تحدٍ آت

الخوف من البديل ومن رياح التغيير شعور نفسي طبيعي يقل عن الفقير ويتفاقم عند الغني

الموظف البسيط على المرتبة الرابعة ليس لديه أي مانع في الانتظار لمدة اربع سنوات لتتم ترقيته للمرتبة الرابعة

بينما المدير العام على المرتبة الرابعة عشر لن يهدأ له بال حتى يتحول الى رئيس مجلس ادارة بالمرتبة الخامسة عشر

يعني بالمحصلة النهائية.. حياة ( المعدوم ) أقسى لكنها اكثر راحة نفسية من ( المطنوخ )

ولهذا السبب نجد ان الاغلبية من المعدومين يميلون مع الوقت الى الركود والرضا بما هو موجود

.

.

ولكن ماذا عن ( البيروقراطية ) في السعودية ؟؟

تدرون وش اللي ساعد على انتشارها كالنار في الهشيم ؟؟

طيبة المواطن العادي البسيط والغلبان

اصلاً وش تكون البيروقراطية اكثر من انها مجموعة ( تخويفات وتأويلات وتهويلات )

وتصوير النظام على انه وحش من الاوراق المحشوّة بالكثير من التواقيع والاختام والارقام ؟؟

وحنا بالطبع مالنا خلق على وجع الراس وكثرة الشيل والحط

علشان كذا دايم ندربي روسنا ونقول سمعاً وطاعة يا ( صادر ووارد )

تعيش البيروقراطية... وكلنا بيروقراطيون... اذا غاب فينا بيروقراطي فكل واحد عندنا ( رقبته سدّادة )

.

.

( الاقتصاد الداخلي ).... اركب الهوا صاروخ

الدولة السعودية تعاني من عقوق ابنائها المبتعثين في هذا الجانب الحيوي

لأن الواحد يروح ( امريكا ) ويدرس كل اسرار مداخيل ومخاريج الاموال والنشاطات الاستثمارية في بلد الرأس مالية الاولى عالمياً

وكل عصريّة يتقهوى في بنك من بنوك ( مانهاتن ) ويتعشى في برج مركز التجارة العالمي

وياخذ له ثلاث سنين من حشو الدماغ بالافكار الاقتصادية النيّره

ويرجع لنا هنا ويجحد ام الاقتصاد ويحط حيله بنصرة قضايا ( حقوق المرأة )

ويصير كاتب كبير في جريدة الوطن وتبدأ سلسلة مقالاته ضد ( الهيئة والخطاب الديني )

.

.

( الاقتصاد الخارجي ).... اطلع من نافوخي الله يرحم والديك يا ( مخ )

السعودية تستورد من الصين كل شي... كل شي... وفي رواية اخرى ( كلّش )

وتدفع لهم بالآجل... والفلوس تهل زي المطَرَه والرز

وما يهم جودة البضاعة دام الدفع ( بالتقسيط المريح )

ولهذا السبب اصبحت محلات ( ابوريالين ) اكثر من السيد ابراهيم الفريان

لكن بالمقابل عندنا اشياء كثيرة ومنوّعه نصدّرها للصين وغيرها من دول العالم

خذ عندك ( تمر سكري – تمر خلاص – تمر خضري – تمر ......... الخ )

.

.

تعال لـ( التعليم )

الدول الاخرى كلها بلا استثناء تجهز الأيدي العاملة لخدمة البلد بشكل ذاتي وعلى طريقة ( منكم واليكم )

تأهيل وتدريب ثم تخريج كفاءات وقدرات تعطي ماعليها واكثر لدفع عجلة النمو

في السعودية

محاولات مستميته لاستيعاب اكبر قدر ممكن وحشو الجميع في القاعات بصرف النظر عن ماهيّة ( المخرجات ) !!!

نظام التعليم هنا يعاني من ضعف التناغم بين مخرجات التعليم وحاجات الاقتصاد

المجتمع السعودي يفتقد الى الكثيرمن المهارات والقدرات التي مازال التعليم ( متنّح ) امامها وكأنه قد احتسى جردلاً

من اللبن بعد افتراس حبة بخاري مع الرز

.

.

( العلاقات الاجتماعية العامة )

الحوار... اكبر معضلة تواجه كل من يحمل بطاقة احوال سعودية

السعوديين لايمكن ان يتحاوروا فيما بينهم

وهذا شيء طبيعي لشعب اعتاد على ( التلقين ) منذ الصغر ولم يتأسس على الحوار

حوار أي مواطن سعودي مع مواطن آخر يبدأ بمقولة ( اسمح لي ترى ماعندك سالفة ) وينتهي بـ( مضاربه ) وهياط

كم مره سمعتوا بالاخبار عن قصاص فلان لقيامه بقتل فلان ( إثر خلاف كان بينهما ) ؟؟

يعني كانوا يسولفون ويتحاورون... اختلفوا وتهاوشوا وجابوا العيد في بعض

ليش نبعد... خلونا في المنتديات

روحوا لأي موضوع فيه قضيه مطروحه للنقاش... بتلقونه ( مغلق ) مع ايقاف عضوين او ثلاثه بعد حذف الردود المسيئة

.

.

طيب اتحداكم تقولون لي ماهو اشهر ( ديربي ) سعودي ؟؟

لا احد يقول لي ( الهلال و النصر )

لأن فيه ديربيات كثيرة غطت عليه وسحبت البساط والزولية

عندك مثلا

ديربي ( stc وموبايلي ) وديربي ( طاش والمطاوعه ) وديربي ( اليوكن والتاهو ) وديربي ( الدمشقية وبيتزا هت )

وهالاخير لاتستهينون فيه... تراه مهم وراحت فيه قبايل

بس هالكلام مايعني ان السعوديين دائماً منقسمين وماعمرهم توحدوا

لا بالعكس

كل السعوديين يقفون صفاً واحداً تحت راية جوالات ( نوكيا )

وكلهم يتشققون من الفرحة اذا جتهم الوجبة في ( الطيارة )

وكلهم ايضاً لايستعملون للشرب من البرّاده غير قارورة ( المنهل )

وفيه شي أهم من كل اللي فات

ويشترك فيه السعوديين بجميع فئاتهم وميولهم وأطيافهم العرقية والمذهبية والرياضية

القصمان والجنوبيين والشماليين والشرقيين واهل الحجاز.. السنة والشيعة والصابئة والمرتجئة والخوارج... الاسلاميون والعلمانيون والوسطيون.. موظفو القطاع العام والقطاع الخاص والعاطلين والطلاب والتجار وهوامير الاسهم.. رجال الامن والخارجون عن القانون.. اصحاب السمو والمعالي والسعادة والفضيلة واصحاب السوابق.. الهلاليين والفقراويين والاتحاديين وعشاق الملكي وانصار البرشا والمانشستراويه والانتراويه والمدفعجيه وحتى مشجعي بايرن ليفركوزن..

كلهم كلهم بلا استثناء.. ماعلمنا منهم ومالم نعلم..

كل ابوهم ( سعابيلهم تقوطر ) اذا جاء طاري ( المسيار )

برب
_________________________

بآكـ ’

Mr.95 95 >

الله يوسع صدرك مثل ما وسعت صدري ..
أهنيك على اسلوبك

بس من نآحية ان الشعب السعودي متوحد تحت ظلآل [ نوكيآ ] > أنا اشهد
و بعد وجبة الطيآره والله عالم ثاني .. بس تنصدم لما تكون [ سآندويتش خضآر ]
و اذا جات المضيفه , و تقول >> تي تي = تبي شآي ..
و مآ تلآحظ شيء ؟ اذا جابوا الاكواب حق الطيآره .. لازم تحصله بـ شنآط الحريم لآ نزلوا .. لازم ياخذونه هههههههههههههه
اما اخر كم سطر .. حق السعآبيل > تعرف صآيم ما ابي اتكلم , المهم ’

إقتباس علماً بأن هامور جدة الملياردير السعودي ( منصور البلوي ) قد تكفل مشكوراً بالـ(تصوير) مع كل فقراء الصندوق

هههههههههههههههههههههههه هههههههههههههههههههه ..

ماشاء الله تبارك الله ..

بصراحه ماعندي شيء أقوله إلا .. أنت تصلح تكتب في أحد جرايدنا العتيقه ..




ـ

ودي أركز وأنا أقرأ بس مافيه أمل ..
قسم بالله مافيه أمل
/،
ياخوي اركد اركد وعطنا موضوع واحد ..
بس تصدق ،
يوم وصلت للبيروقراطية ضاق خلقي
صدقت والله .. الشعب الغلبااااان هو المسبب الأول لهذه المعضلة
كلش سمعاًَ وطاعة وأبشر وسم طال عمرك
مافيه واحد فحل يقول " لأ " .. المفروض يكون بهالشكل أفضل !!
وكلن يقول لك يابن الحلال اسكت مادام لقمتك واصلة لك وش تبي زود ..
طبعاً هالأمر ما يكون في أمور العمل ..
حتى في مَنَاحي الحياة الأخرى ..
باختصار .. البيروقراطية لا يكون أثرها في سبيل واحد ..
لكنها أيضاً تغير من أطباع المربي ، ثم تغير أطباع الجيل ..
ولك أن تتصور كم من مربي ينصاع وراء البيروقراطية وكم جيل خلفه يتيه والمجتمع يصبح بلا هوية

موضوع متميز من كاتب متميز
والله هذا الواقع وعشنا عليه
خلاص ترا تعودنا عليه

احلى شي في موضوعك اخر جمله

فالصميييييم

ومو قاهرني فيه الا انه كان سنين وسنين حرام

وبقدرة قادر صار حلاااااااااال

عشان كذا ماعاد عندي اي ثقه بشيوخنا الكرام

ههههههههههههههههههههههههههههههههه موضوعك يذكرني بمناهجنا حشو بحشو وماتعرف وش تذاكر
وموضوعك ماتعرف وش ترد عليه

اما عن كلامك عن طويلين العمر فاحمد ربك انه وافق انه يكون مسؤول عنك ولا احنا من رايق لنا شعب متخلف وماهوب عاجبه طويل العمر يبي يمشيه على مزاجه

واللي قاهرني اذكر ايام انتخابات البلدية بتكلم محليا توقعت من الوعود اللي كانوا موزعينها المرشحين على العالم انهم بيقلبون الخرج ويخلونها باريس ماتصف جنبنا
وبالاخير كل واحد منهم يقعد كم سنة يجمع قروش الحكومة ويشتري له مزرعة ماكان يحلم ابها وبيت على اربع شوارع وسيارات ولادخل البطاقة بالصراف الصرافة تعلق من اكثر الارقام اللي به وبعدين يرقع له شارع ويوافق على مخطط راقي الاراضي فيه فووق ويقول انا عملت وعملت

اما التربية والتعليم انا من يوم شفتهم وزوعوا سيديات ونص العرب ماعنده كمبيوتر وانا غاسلن يدي
نظام التعليم عندنا مثل المنتجات الصينية تقليد من ناحية ان تعليمنا كتعليم اليابان قبل 100 سنة ومصر
المشكلة ان اليابان تركوا نظامهم وتطوروا وحنا متمسكين فيه
بسبب ان العقليات المسؤولة ماتعرف للتطور شي

خلوا كل شي على حاله ولاتفتحون لنا بيبان

اوماا موضوع الفقراء فهم اعدادهم كبيرة مايقدرون ياكلون ولا على ايجار البيت

وحنا ولا كننا ندري

ولبنان تشكر السعودية على وقفتها معها
والشعب الباكستاني

حنا يالعرب ماادري متى بنصير مثل اليابان على سبيل المثال تشوف حياتهم ببرنامج خواطر وتضحك على اللي يصير عندك

إقتباس [FONT=[/IMG]انا جيت [/FONT]

من أنت يا أبو صالح حتى تقول أنا جيت ؟!

وكأنك سوف تحل مشاكل الأمه .. بل وكأن الأمه تنتظرك لتحل مشاكلها !

وكل عام وأنت بخير لأن العيد جا بلحاله محد جابه .

ياحبيلك أبو صالح .. موضوعك فيه نقد كبير .. وبصراحه متعيجز أني أتفلسف !

فخلينا الفلسفه لك ولأهلها ..

يعطيك العافيه يالغالي وتقبل مروري السريع !

دمت بأجمل حال

.

هلا و الله بالـــصــخــرة ..

كــل مادعست رابط المواضيع الجديدة .. وشفت لكـ موضوع ناقز .. عرفت إننا موعودين بالــ مــصــخـــرة ..

وهذا يؤكد أن لكـ من اسمكـ نصيب ..


مشكلة هالمطانيخ إنهم ماخلونا ياهالسملّق في حالنا .. وحاسديننا على أتفه الأشياء

ولايتمنون يشوفونا في يوم نعيش فوق حد الكفاف ..

والرقيب .. لا حس و لا خبر ..

وش نبغا في باب المسئول يكون مفتوح .. وباب مدير مكتبه و باب مدير مكتب مدير مكتبه مسكـّــــر ..

زادت الأسعار 30% .. وزادوا دخل المواطن 5%

العالم كلها تأجل الدراسة .. وهم يقولون روحوا للموت برجليكم ..

وعاقبهم الله ولاتأهلوا لكاس العالم .. و فازت الأمارات بكاس الخليج البارح ..

.

لي بااك ياصخ صخ

ــــــــــــــــــــــــــــــــــــــــــــــــ

اي والله انك صادز بكل شي قلته

الشمكله ماهي بالشعب المشكله بشلة حي الله

معاهم ذا الملايين

واخر من يعطونه وجه الشعب

واما عن الي يدرسون في الخارج يروحون يعبون ذا الراس من علومهم

ويجوون هنا ويكبونه لك

واي واحد مايلقى وظيفه تراها موجوده عند صحيفة ( الوثن )


شكرا صخ صخ


خوفي يرتفع سعر الفول والتميس

إقتباس وديربي ( اليوكن والتاهو ) وديربي ( الدمشقية وبيتزا هت ) [FONT=[/IMG]

>>> أهنيك وبعنف

قسم بلله يالصخرة انكك اطلق كاتب عدل >>

لا صدق والله لوتبيني احلف انك تكتب بجريدة حلفت

ياخي وش هالاسلوب قسما بلله اسلوب اهنيك وبعنف >>

أما سعابيلنا تقوطر فهذي ما يبله كلام



الصخرة سجلن معجب بقلمك >> اقصد كيبوردك


هيثم

كان

هنا

وخرج

الصخره .. قريت الموضوع وبدأ بعد برنامج خواطر

يعني البرنامج .. كسعوديه أتفشل منه وجا موضوعك بعد كمل الناقص

واخيبتاااااااااااااه

لي عودة

_____________

صدقت فيما ذهبت إليه أخي الصخرة عندما تناولت الحديث عن المجتمع السعودي ..

والحقيقة المؤلمة تقول أن الشخص السعودي شخص غير جدير بالإحترام وفقاً لما ذكرته أعلاه ( إلا من رحم الله ) ,

وعندما تفقد إحترامك لأحدهم يصعب جداً أن تتعامل أو تتعايش معه تحت أي ظروف..

سلم المداد وبورك الفكر.. ياطيب

و الله يا صخرتنا ما تركت شارع إلا أدخلتنا فيه

شكراً

موضوع بالصميم كاتب مميز تستحق الأشاده

بالنسبه للفقر بالمملكه العربيه السعوديه حدث ولاحرج واللي قاهرني ان الملك شايفهم وعارفهم لما زارهم بمنازلهم ابام ماكان ولي للعهد وشايف كل شي وبالأخير التبرعات بالميارات للخارج وللمواطنين الملااليم 5%
حسبي الله ونعم الوكيل
انا كنت مستبشر خير في ابو متعب بس خاب رجاي بعد الزياده الأخيره