|
هل انا على صواب دعوه لنقاش السلام عليكم ورحمة الله وبركاته بدوون مقدمات وبدون دبلوماسيات ابي اطرح قضيه للنقاش.. اشاهد مثل مايشاهد غيري بعض الناس يعني ممكن نقول عندهم ( نفاق ) تشوفه دايم بالمسجد التزام بالصلوات تشوفه بحلقات القرآن هذا ( بالظاهر ) لاكن بالخفاء الله اعلم تشوف لحيته تقول هذا والله شيخ لاكن لما تشوفه من وراء والله مايسوى اي شي يعني بعض الملتزمين الله يهديهم حاط اللحيه ديكور.. وحصل لي موقف انا شخصيا مع مؤذن لاحد جوامع الرياض.. في احد النوادي الصيفيه وكان مشرف فيوم من الايام اخذت جهازه الجوال واستأذنته لاشاهد البلوتوثات الي عنده يعني وانا جالس اطالع في المقاطع وقعت عيني على احد المقاطع ( الجنسيه ) في هذه اللحظه مادري وش اسوي اكلمه .. ولا اكلم مدير النادي قلت خلني اكلمه فذهبت ونصحته وقال: اعلم بأني مخطىء لاكن استر علي قلت له والله الي مثلك ماينستر عليه.. وحاول معي قلت له هذي المره ابي امشيها .. لا كن مره ثانيه بتوصل للهيئة فبعد اسبوعين او ثلاث اخذ جهازه الجوال فشاهدت مقاطع اشد وأ نكى من المقطع الاول فذهبت لرجل من رجال الهيئة وكلمته وتم استدعائه واتخاذ الاجرائات الازمه س/ هل انا مخطىء عندما ذهبت لرجل الهيئه واخباره بالحادثه س/ مارئيك بظاهرة النفاق س/ هل تحبذ الوسطيه ام التشدد بكل شيء مارئيك بمن يضع اللحيه ( ديكور ) خاطره.. لاتنه عن خلق وتأتي مثله عار عليك اذا فعلت عظيم |
آللهم لآ ريآء . كثير من آلآشكآل هآذي تحصلهآ ~ وعندنآ مذن مسجد آول مـ آستلم بدون دقن آللحين لحيه وشغل ! :cry: \\ آلله يسسسستر عليهم بسسس ! :yes: \\ عيآل دعآء آلريآء " اللهم إني أعوذ بك أن أشرك بك شيئا أعلمه وأستغفرك لما لا أعلمه " :rose: . |
آحـٌد مؤٍذني مسـٌآجد آلرٍيـٌآض .. شـٌآيب ..!! لآ آذن يطلـٌع مـٌن آلمسـٌجد .. وٍيرٍوٍح لبنـٌآت خلـٌق آللـٌه ..!! |
S@LEH شكرآ لمرورك.. بالنسبه للظاهره هذي والله كثير |
ذآيب شكرا لمرورك والله فيه ناس مايستحون على كبر سنهم لكن نتمنى للجميع الهدايه |
بـ صرآحة أشوف إنك غلطت لما بلغت الهـيئـة عنه ،، كآن المفروض .. إنك تنصحو مرة ومرتين و إذا ما نفعت معاه النصيحة روح كلم مدير النآدي .. لكن تُشكر لأنك حآولت تنصحو ،، :yes: و بـ النسبة لـ اللي يحطوا لحيتهم ( ديـكور ) أنا اشوف إنهم أفضل من اللي ما عندهم لحية !! لأن تربية اللـحية شي ( وآجـب ) :rose: |
هاري بوتر1 >> موضوعك في الصميم المهم والله شي يقهر .. ومروا ناس كثير انا اخبر مسجد من مساجد رياض يوجد مشرف بالحلقة المهم ه المشرف والله شكله اخلاث ولحية وملتزم المهم كان فيه حفل بكره وجابوا سماعات بالمسجد وهدايا .. بالليل ما كان فيه احد المهم ووالله العظيم انه دخل المسجد محاولة لزرف الاجهزة :(:(:( المهم الا والبنقالي البطل يطب عليه ويمسكه .. ويق ع الامام المهم الامام على طوووول دق ع الشرطة .. يوم وصل الامام المسجد اكتشف ان الحرامي :(:(:(:( مشرف من مشرفين الحلقة .. والله حرام لكن الشكوى لله .. مشكور ع الموضوع وآسف ع الاطالة :) |
حقيقةً لا أعلم سبب وضع قاعدة أن كل من ربّى لحيته وقصّر ثوبه يجب أن يكون كعمر أو أبو بكر !! من ربى لحيته وقصر ثوبه هو مثلي مثلك ، لديه من الأخطاء والمعاصي ربما أكثر من أي شخص آخر ، ومسألة أن أي خطأ منه يجب أن يعظم ويكون كارثة أمر غير صحيح ، فكل ابن آدم خطّاء !! يا أخي أحد صحابة الرسول صلى الله عليه وسلم ( زنى ) ! لم يشاهد مشهد زنى ، لكنه زنى ، لكن في نهاية إسمه يقال ( رضي الله عنه ) .. وتاب وطهره رسول الله صلى الله عليه وسلم .. |
س/ هل انا مخطىء عندما ذهبت لرجل الهيئه واخباره بالحادثه بكل صراحه المفروض ما تبلغ عنه ( من ستر على مسلم ستر الله عليه ) بعدين المقاطع في جواله و لم ينشرها لاحد س/ مارئيك بظاهرة النفاق ظاهره نتمنا ان تختفي لانها فيه ناس تنخدع بالشكل الخارجي اذا شافه مربي الحيه و مقصر للثوب لاكن ما يكون عنده امانه س/ هل تحبذ الوسطيه ام التشدد بكل شيء الوسطيه ثم الوسطيه ثم الوسطيه اخوي عمار با جابر ( تخيل واحد شكله مطوع لاكن يدخن ولا شكله مطوع لاكن اذا وظفته في شركه و كان مسؤال عن الخزينه و بعد فتره يختلس الخزينه الماليه ) ماذا سيكون موقفك منه |
وعليكم السلام ورحمة الله وبركاته في البداية , جزاك الله خير على حرصك , ونصحه قبل الابلاغ عنه ,, . . . الجميع يعرف مايترتب على النفاق من عقوبات .. " ويكفي أن المنافقين في الدرك الأسفل من النار" أعاذنا الله وأياكم منها ,, أخي .. الجميع يخطيء ويرتكب المعاصي .. ويجب عليك أن تبين لزميلك خطر هذا المقاطع , وأن كل انسان يخطئ ولكن خير الخطائون التوابين , وتحاول أن تكون سبب في تركه لهذه المعاصي , كل هذا بغض النظر على أنه ملتزم أو ملتحي ,, لاتأمن الفتنه على أحد .. كائنا ً من كان .. داشر , عاقل , ملتحي , شيخ , وزير , أمير , فيجب أن نكون عونا ً لبعضنا في محاربة الفتن ومساعدة بعضنا في النصح .. وأن نكون عونا ً لبعضنا من الشيطان ,, قبل النهاية " مجرد المحافظه على الصلوات الخمس مع الجماعه , تمنع بإذن الله من الفواحش " الله يبعد جميع المسلمين عن المعاصي صغيرها وكبيرها .. الله آمين ,, |
إقتباس:
أكيييييييد حـ انصدم منه وعلى طول حـ اقيلو ..! بس ابغى أعرف ليش السؤال موجه لي بـ الذات ؟! :s5s: :rose: |
وعليكم السلام ورحمة الله وبركاته لارد بعد كلام اخوي كان هنا جوزيت الجنه اختك.. |
المشكلة ما ادري لكن تحليلي ان الدين او التدين عندنا في السعودية فيه رزق يعني تخيل انك انسان مطفر حتى ما معك سيارة طبعا ويندرج تحتها انك ما تملك ريال في جيبك فيجيك عرض اطلق لحيتك وامسك مسجد بالفين ريال بالله وش بتسوي تترك المسجد وانت متنتف رايح فيها اكيد بتقبل وبتتعيش وبتشتري جوال جديد وسيارة وفلها طبعا هذي مصيبة لكن وش يسوي هو وبعدين اخوي هي وقفة على هذي السعودية فيها مصائب ومصائب كبيرة ومن اكبر المصائب مقولة حكومتنا الرشيدة بالله كيف رشيدة ونحن كشعب لا نرى التنظيم في اي مناحي الحياة كل شي بغير محله كل شي خطا الحياة الجيدة لدينا بقايا يعني مخلفات الحياة الجميلة ما فيه اي محاولات صادقة لاصلاح الوضع فيه ناس تحترق عشان تطور, او توجه المجال الي تعمل فيه الى الطريق الصحيح لكن المشكلة ان الرؤساء والمدراء لدينا معجبهم الوضع فاستفاد منهم المنافقين الي يبحثون عن مصالحهم الخاصة (وهذا برايي سبب الانهيار الي نعيشه) معليش شطحت عن الموضوع لكن صراحة وضعنا يقهر ما هي بس مسالة واحد يظبط الدقن عشان مصالح الخاصة الوضع يقهر ويغبن الواحد لكن الشكوى لله |
عمـــــار باجابر انت قلت و بـ النسبة لـ اللي يحطوا لحيتهم ( ديـكور ) أنا اشوف إنهم أفضل من اللي ما عندهم لحية !! لأن تربية اللـحية شي ( وآجـب ) عشان كذا وجهت السؤال لك اخوي |
الدين صار مظاهر .. لحيـة , ثوب قصيـّر , مافيه عقال , ومرات مسواك ... خلااص هذا عند الناس ادين واحد واعرف واحد واصح واحد .. واذا جيت للتصرفات عند بعضهم حدث ولا حرج الحين لو تمسك عامل وتسأله عن المطاوعه قالك : مطوع فيه مشكل ! عمره ماصار الدين يبين من الشكل الظاهر .. الدين شي بين الواحد وربه :yes: حتى بعضهم صاروا يستغلون مظهر " المطوع " لـ الحصول على شيء ما :s5s: طبعا انا اتكلم عن بتوع الديكور .. مو عن المطاوعه الصدقيين :d |
| الوقت المعتمد في المنتدى بتوقيت جرينتش +3.
الوقت الان » 11:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd