|
(يوميات رمضانية "20" )) صاحب القلم الساخر(مـغاط) --( يالحريم تبون الرجّال يحبكم ؟!. + نصائح بـ (نكهه مغاطيه ).!! http://upload.alhilal.com/img/019/4fc93072ba.png http://upload.alhilal.com/img/019/4741639_564x359.jpg فكرة - سندريلا الهلال</B></B> اعداد ومتابعة - </B></B>الهنوووف </B></B>تصميم - عسيريه http://upload.alhilal.com/img/019/4741653_382x102.jpg لنا من كل عام شهر فضيل .. أعاده الله علينا وعليكم وجميع المسلمين بالخير واليمن والبركات وكل عام وانتم بخير **][يوميات رمضانية 1430 هـ </B>♥][</B> **</B> لقد عدنا اليكم .. تحملنا الاشواق للقياكم .. ونسعد ان نعيش معكم .</B></B> . في سلسلة تحمل بين طياتها يوميات الأعضاء الرمضانية من كل عام هذه السلسلة أنتم أهل بيتها ونحن ضيوفا في حضرتكم ،،، + +.........+ + أهلا وسهلا بكم أحبتنا ..</B></B> ودعونا نرحب سوية بالمضيف "العشــرون "</B></B> صاحب القلم الساخر "مــغــاط :rose:.- "</B></B> لك يحكي لنا احداث يومه مع شهر رمضان المبارك .. http://upload.alhilal.com/img/019/4741653_382x102.jpg الـسـّـ.....ء <<< سلام صايم !! كل عام وأنتم بخير ..</B> -السحور : كنت قايل للأهل لا أحد يقومني للسحور إلا الساعة 4 << والله لو إنك تبي تتسحر موزة بلحالها ما أمداك !! المهم قمت ثلاث ونص . . وألقى الوالدة متفلته وضابطه ذيك الكبسة اللي ما بقى شي ما حطته بها .. ليمون أسود .. هيل .. قرفة .. قطيعات لحم .. و دجاجة متربعة فوق الصحن .. أكبر دجاجة شفتها من دخل رمضان الظاهر إنهم ذابحينها وهي راجنة !! وقطع طماط على شكل شرائح و خيار مقطع << بالله وإلا أنت قد شفت أحد يحط خيارة كاملة على رزهم !! ما بقى شي ما حطته . . اعرفوا إننا يوم قضينا آكلين لقينا دبـّاسة !! يا حبي لها الوالدة عسى الله يطول عمرها !! المهم قعدت واجتمعوا الأهل وأمي تحتري ردّة فعلي !! قلت : وأنتم ما تعرفون إلا رز !! << مهوب عاقل النمساوي !! يوم زعلت الوالدة !! قلت خلااص أمزح يا بنت الحلال !! والله و أتكيّ بجنبها وأقعد أوكلها وأراضيها .. صح إنهم غاروا بعض الناس بس ما علي منهم الجنة تحت رجلين الأمهات << أشوى إنك ما أنتب شيخ !! دقيت بالسحور الين حسيّت إن آذاني صفرّت .. يالله أسمع اللي حولي !! أذن وتوضيت ورحت أصلي .. وحنا بالطريق قلت لأخوي اسمع . . إذا قال الإمام ولا الظالين طقني مع مرفقي عشان .. أقول معكم آمين !! << يا شين تنكيت رمضان !! الشاهد : - تدرون إن الأم محتاجة حنان وكلمة دافية أكثر من أي مخلوق ثاني على وجه هالأرض !! تكفون لا تحرمون أمهاتكم منها !! - ليه ما نشكر هالضعيفات اللي يطبخن لنا . . سواءا أخواتنا أو بناتنا أو حريمنا أو أمهاتنا .. ونقدم لهن كلمة حلوة .. تحسسهن بقيمتهن ؟! صح إنهم فالينها ما يصومون إلا 23 يوم ..بس ولو .. ومن هالمنبر .. نقول لهن : تسلم يدياتكم يارب !! ليه ما نتلذذ بأكلنا ؟! وآخذين الدعوة طقاق وشبعه !! http://upload.alhilal.com/img/019/4741653_382x102.jpg - الدوام : قمت الساعة تسع ونص تقريبا .. ومن قمت اليوم وأنا ماش أحس ودّي أسمع نشيد ودّي أفتح التلفزيون أشوف وش جايبين بقناة المجد .. المهم نظام الشركة عندنا برمضان الـ Check in من 9ونص إلى 11 . . والـ Check out بعد ماتداوم ست ساعات تقلب وجهك !! بالعادة منيب أقوم إلا عشر وربع آخذ لي شاور و أدق سلف و أبصـّم الساعة 11 .. وأطلع 5 العصر تافل العافية لو أحد يضرب لي بوري لحقته ونزلت عليه بالمسواك !! لكن أقول لكم قمت بدري اليوم شوي .. المهم تروشت وطلعت عاد جونا يالله من فضلك .. طبلون الموتر من فوق تقدر تضبط عليه نقانق .. وشيش طاووق .. ويغدي ولا عندك بأزين منه ولو تطوّل ما توخره احترق !! التفت يمين وأنا القى CD على المرتبة .. معطينياه مطّوع من عند منتزه !! المهم شغلته .. وأثر فيه شيخ ما شاء الله تبارك الله عليه .. عليه أسلوب يحبه قلبك .. ولا هوب من ذولاك اللي من أول ما تبدأ المحاظرة الين تقضي وهو يهدّد ويتوعد !! وإلا يصيح !! الصراحة أعجبني أسلوبه .. ومن قوّ الحماس بغيت أروح آخذ عمرة .. بس عندي اجتماع الساعة ثنتين وتعوذت من أبليس وقعدت !! وأنا على الطريق أكلت مطبّ يحبه قلبكم مدري من قوّ خشة الجو مع الشيخ .. وإلا من موتة قلب المسؤولين عندنا بالأمانة والبلديات .. أو بسبب استهتار المقاول اللي مهنا أحدن يحاسبه !! تبيهم يحفرون لك شارع والله ما ياخذ منهم يوم !! بس تبيهم يرجعونه على حلـّه لازم معاريض وملعنة جدف !! الحمد لله إني مانيب ألبس تقويم ضروس !! و إلا والله إن ينفك من قو ّ ذاك المطب !! وأنا على الطريق قبل لا أوصل للشركة بشوي .. شطفني موظف معه سيارة رسمية من سيارات الشركة !! يمشي سبع آلاف .. وشماغه طالع مع الدريشة باقي شوي ويوصل شنطة السيارة !! كل هذا عادي ونقول بيجي نظام " ساهر " ويبي يوريكم الشغل يا "شوماخر و باخشب" !! لكن مطبّ ارتفاعه سبعه متر !! ولو توقف عليه .. شوي وتشوف حوش البيت اللي بجنبه !! ولا تهدّي و لا حتى تضغط الفرامل مجاملة !! وصلت مكتبي .. شيكت لستة المهام .. وشيكت على المسد كول بالتلفون ورديّت على الإيميلات المهمة وقلبت التقويم لقيت مكتوب فيه حكمة تقول : " لا ينبغى أن نبحث !! يجب أن نجد !! << يعني نلقى ونكتشف جديد" !! رغم إن هالمقولة قاريها من زمان إلا أنها أعجبتني يوم قريتها من مرتن ثانية .. و هي للرسام الأسباني بابلو بيكاسو .. اللي يقوولون والعهدة على الراوي إنه عاش (26000 يوم) وأنجز (26000عمل) مابين لوحات وبين منحوتات .. وجدّد في الفن !! و طبعا تدرون إن لوحته " الولد والبايب أو الغليون " هي أغلى لوحة بالعالم وبيعت بـ 104 مليون دولار قبل فترة !! << طيب أنت وش دخلك بالموضوع ؟! صليت الظهر .. رجعت و مريت بسرعة البرق على جريدة "الجزيرة والرياض" .. وفتحت " مصحف إلكتروني " وقريت لي تقريبا وجهين .. اللهم لا نفاق << تكفى ياللي قاري نصه !! المهم .. أجريت كم اتصال وارسلت كم إيميل .. و طلبت تحديث لجميع التقارير .. و حضرّت للاجتماع وكان بمبنى ثاني .. طلعنا ثلاثة من الإدارة تقريبا الساعة 2 إلا ربع .. وصلنا على الوقت .. بدا الإجتماع .. وكلمة منا وكلمة مناك .. وهذي ليه ؟! و هذي لازم !! رجعت لمكتبي بعد صلاة العصر .. قلت ياولد وأنا راجع أبعدّ .. كم واحد مبتسم من المبنى الثاني إلين ادخل مبنانا ؟! وقعدت أطلطل بوجيه العالم .. وأبشركم من خمسين واحد تقريبا صادفتهم بطريقي لقيت اثنين اللي ابتسموا وواحد الظاهر إنه يبي يوخر شي ناشب بسنونه وحسبته والا مهوب قصده !! جيت لقيت أوراق وحوسة بمكتبي .. شخمطت على بعضهن .. واتصلت على مكالمات المسد كول .. ورديت على الايميلات اللي سحبت عليها الصبح .. والايميلات اللي جت جديدة !! تقريبا على الساعة 4 ونص .. جاني مهندسين اثنين .. سعودي وتونسي .. وتقريبا هم رقم ثلاثة واربعه من اللي ابتسموا وهو قاصدين !! كان فيه موضوع انهيناه بسرعة .. ومن عرض الكلام اللي يهمكم أنتم ووجيهكم <<< تعرفون آخر الدوام !! كان السعودي يرّيش بـ التونسي .. قال : حرام عليكم أنا مثل الحصالة اللي مافيها إلا " ريال حديد واحد " !! فلو تحركها تكتشف لجتها .. لكن لو الحصالة فعلا فيها " دراهم واجد " كان صارت أكثر رساوة . . ولا سمعتوا هالإزعاج !! طبعا هو يقولها من باب التواضع !! لكن ذكرني بالحكمة الصينية اللي تقول : " العربات الفارغة أكثر ضجيجا " !! كنت مضغوط إلى رقم الفنيلة .. وكان عندي موعد في السفارة و اتصلت واعتذرت وأجلته للسبت !! -الشاهد : - أنت كم عشت من يوم ووش قدمت ؟! - يعجبني بعض المطاوعة اللي يخاطبون العقل و يقدمون الفائدة من دون أي " تصادم " !! وبعيدين عن " إثارة العواطف " !! - استفدت من السي دي اللي عطانيه المطوع .. وسمعته !! واستفدت من المصحف الالكتروني اللي ارسله واحدن "دويشر" وقريته !! بالله وش كثر الأجر اللي بيحصلونه كل الاثنين ؟! - ليه بعض ضعاف النفوس إلى الحين يعملون بمبدأ " جلدن مهوب جلدك .. جرّه على الشوك " !! ولا هم بكفو تأتمنهم على عنز !! - من الأشياء اللي تعلمتها بحياتي وكل يوم أتأكد منها .. إن الأشخاص المتواضعين هم الأنجح هم الأقل ترزز !! أما الخاوين وحقين الزحمة فهم الأكثر .. و هم " الأزلب " !! - تكفون ابتسموا !! http://upload.alhilal.com/img/019/4741653_382x102.jpg - العودة من الدوام : طلعت تقريبا خمس وربع .. لازم أتأخر شوي .. لأني لابد بنهاية دوام كل يوم .. مخصص " فولدر " أحط فيه جميع العمليات " المعلقة " واللي ما بعد أغلقت واسم الشخص المسؤول .. والمهام اللي ما زالت في طور التنفيذ ولحد الآن ما خلصناها .. عشان تكون من أولوياتي بكرة ويسهل علي أتابع " الإنجاز " وهل الشغل ماشي على ما يرام وإلا خيقي بيقي تسنه إدارة أنديتنا !! بعد ما انتهيت لقيت اثنين ينتظروني .. ومشينا الين وصلنا مواترنا .. واحدن منهم صديق من ابتدائي .. بقول لكم سالفتي أنا وأياه بأول رمضان صمنا !! بآخر الموضوع بتلقون السالفة !! << يسمع بالتشويق !! المهم كان بنزيني فاضي فاتجهت لمحطة بنزين <<< أشوى حسبناك متجه لـ بندة !! المهم قال لي الهندي .. "أهمر" وإلا "أخزر" ؟! .. قلت 91 يا رجال .. << واضح إن معه ددسن !! .. رد علي أبو هنوّد .. عبيّ واحد وتسعين ريال يعني؟! وعطاني ابتسامة تميلّح بخصوص ذبته الأخيرة !! وأنا اللي أناظر وجهه وأناظر لي البنزين !! هو إني أنزل عليه وأشبكه بلهاته .. وإلا آخذ اللي من يده وأمزعه من تحت الأذن !! قلت صديق .. أنتا مسلم ؟! قال أيوه .. قلت أجل عب وكل تبن !! بس بعد الصلاة .. الحين ما يصلح عشان أنتا فيه صوم !! بلع ريقه و فهم وش ودّي أقول !!</B> المهم اتصال منا .. واتصال مناك .. إلا هذا اتصال من الأهل . . توني مابعد كملت حرف الواو من قولك ( ألو ) .. إلا هم طايرين بحلزدي !! وجب ذا واترك ذاك !! ووين ذا ؟! وبعدين ترانا ماعطينا حق الورد فلوسه !! قلت وشو ورده ؟! قالوا شكلك ناسي العزيمة ؟! – الصدز إني ما طقيت لها خبر مهوب بس ما ذكرتها - !! قلت وين مثل هالأشياء تنسّى !! وبعدين على هالأغراض والحوسة والله لو إنكم عازمين ( محمد بن نايف ؟ ) !! قالوا أها بس بدينا بالسياسة !! . . وأنا أهز راسي .. طيب طيب !! زين زين !! تسني أسكـّت بزارين !!</B> الشاهد :</B> يالحريم تبون الرجّال يحبكم ؟! فكوّه من شركم بمثل هالأوقات اللي يصير فيها تافلن العافية !! والله يا إن الحرمة اللي ترضي وتفهم الرجال بمثل هالـ(وقت) !! تكسبه ( طول العمر ) !! إذن أتركوا عنكم الصجة ووجع الراس اللي ماله سنع !! هي ناقصة ؟! - الفطور:</B> وصلت على الآذان .. ونفس الوجيه السفرة اللي على السحور هي هي اللي على الفطور .. الفرق إن كل واحد يابسة خشته ويالله يرمش !! أخذت لي كم فنيجيل قهوة على كم تمرة . . أختي الصغيرّة متعلمة وشلون تسوّي دونات .. مافيه ولا وحدة مقاس الثانية .. صايرات تسنهن ذوليك الكفرات اللي يمسكن سياكل البزارين . . قلت عمى وش ذا ؟! يوم غزّوا عليها الضعيفة .. قالوا هي هي !! والله إني فرحت .. وقمت أريّش بها .. ما قمنا من الفطور إلا أنا مقنعها نفتح فرع ( مغاط دونات ) بسوق النساء !! والربح بالنص !! </B> الشاهد : </B> - ترا جمعة العائلة مع بعض في هالشهر الكريم !! تنشرى بالملايين !! فلا تحرمون أهلكم هاللذة !! - يا زين طرح الثقة في الصغار !! يكبرون وتكبر معهم .. حتى لو إنهم حايقينها !!</B> http://upload.alhilal.com/img/019/4741653_382x102.jpg بعد التراويح :</B> بعد ما أفطرت طلعت أنام .. طبعا بعد ما صليت <<< والله الظاهر إنك مكبتها نومة !! إلى وقت صلاة التراويح << الأولى مشيناها بس ذي ماش ما تجي !! المهم يوم قمت وأثر العالم مخترشة والمجلس مليان .. دخلت وسلمـّت << بالله؟! وسالفة منـا وسالفة مناك .. يوم جت المباراة .. جبنا العشاء <<< المفطح أبدى من برابيس ربعنا !! غسلت يدي وطلعت للإستراحة ..</B> الشاهد :</B> بعض العزايم مالها سنع !! http://upload.alhilal.com/img/019/4741653_382x102.jpg </B> مباراة السعودية * البحرين :</B> - في 09-09-09 : دبي تبلور (مفهوم التخطيط ) لـ ( واقع مشاهد ) !! - ونحن نؤكد أن ( تخطيطنا المدروس ) : كذبة عايشين على رونقها وزيفها ( 16 سنة ) !! قادنا هالـ(تخطيط) لإنحدار خطـّي .. معلنا ً (انفجار تلك الفقاعة الصابونية ) !! </B> الشاهد : </B> تدرون وش يقول (إنيشتاين) : "الحماقة والجنون أن تفعل الشيء ذاته مرات ومرات !! وتتوقع نتائج مختلفة " !! - إذا (الوجيه هي الوجيه ) !! والأشخاص هم الأشخاص !! والفكر هو الفكر !! بالله تشملنا مقولة إنشتاين وإلا لا !!!؟؟؟؟</B> http://upload.alhilal.com/img/019/4741653_382x102.jpg الماضي الجميل : << وش خليت لفريد الأطرش !!</B> ذكروني أقول لكم سالفة الشكشوكة .. بأول رمضان صمت به !! وإلا تدرون وشلون خلوني أقولها لكم الحين وأنا عجل !! يومني بثاني جتني كحة مدري انشحط حلقي . . المهم أمي جت لمي قالت شف يا مغاط ترا ريحتك متغيرة .. وحتى صوتك متغيّر .. والظاهر إنك بلغت .. وعشان تسذا لازم تصوم هالرمضان !! قلت أما ريحتي متغيرة ؟! تيس ؟! قالت جاك العلم !! عاد بوقتها ماش ما خشت بمخي مسألة بلغت !! والله لو إني مولود وعمري خمس سنين !! قلت تدري رضا الله من رضا الوالدين !! بالغ بالغ الشكوى لله !! المهم يوم جت ليلة رمضان .. وصلوا التراويح .. وأثري يالله أشوف الأرض .. قلت اسمعي (يوه) <<- يوه يعني (يمه) بس بالأسباني !! المهم .. لا تنكبيني .. لازم تقوميني للسحور !! عاد منول الزاحف هو اللي يسهر إلى 11 وإذا داخ ونام وهو متوسد مركى من مراكي المقلط .. جو لمه وغطوه بجلال صلاة !! وعليها إلى بكرة !! المهم إني واثق بالوالدة إنها تبي تقومني للسحور .. ويوم غفت عيني .. إلا والله وأحس بشيء أحرش !! لمس يدي !! وأفتح عيوني .. إلا والله هذي رجل الوالد يقومني لصلاة الفجر !! قلت : خيييييييييير ؟! قال قم تجدد وصل !! قلت والسحور !! قال أقول أنهج لا يقيم وأنت ما دخلت المسجد !! أول مرة أحس إنها خنقتني العبرة ولا قدرت أصيح .. جاني شعور بزر رايحن مع أهله للملاهي .. وعيـّوا يدخلونه .. وأبوه راح وخلاهم ولا معهم جوال يدقون عليه !! يعني أبرّص عند باب الملاهي الين يخيب ثناي !! والله وأروح لمي .. قلت يعني سويتيها ؟! قالت : ميخالف م أنتب ميت من الجوع !! توضيت وصليت .. يوم جاء الصبح ورحت للمدرسة .. وأثر بزارين أولى وثاني وثالث .. فالين أبو أبوها .. سندويش وفيشارات وفلة حجاج !! المهم سعابيلي خانها التعبير !! وتلخبطت الغدد اللمفاوية عندي !! وضغطت على نفسي لأن المدرسين كلهم قالوا لنا : قصة غزوة بدر وإن الصحابة حاربوا برمضان !! وكل ما قلنا شي .. قالوا لنا قصة غزوة بدر !! الحين مبزرة بثاني وثالث وش يعرفنا بهالأمور !! المهم طلعت وماش أحس لو أحد يجزمنـّي والله لا آكل ( مسـّاحتي) حتى شكلها صار يشهـّي !! قال لي خوّيي اللي الآن زميل عمل !! وش رايك نأدبها (شكشوكة ) .. قلت مهبول أنت .. وين يعمي ؟! تبي أمّي توطى جبهتي !! قال وش دراها !! والله لو إننا نبي نشرب توت !! المهم أغراني .. رحت معه لبيتهم !! والا والله فيه قدر شكشوكة من الصبح ماكول منه ومبربسين به أخوانه الين قال بس . . أتوقع لو يكبـه لدجاج .. سحبوا عليه !! المهم جاب القدر قال يالله خلنا نهد به !! واثره يبينا ناكل بيدينا !! قلت يخوك والله لو إنه سليق !! قم جب خبز !! قال تشرّط أنت ووجهك !! قلت لا يا ابن الحلال .. أوكي جوعانين بس ما توصل الأمور لهالمستوى !! المهم جاب كيس فيه صامولية ونص !! معضضات الين قالن بس .. ومافيه إلا العجين مالي الكيسة .. لأن أخوانه مهوب ياكلونه .. والله ونسمـّي ونعثي بذيك الشكشوكة .. خخخخخخخخخخخخ يوم قضى الصامولي .. والله ونبدأ نتعامل معها على أساس إنها من المأكولات الشعبية .. وناكلها تسننا ناكل حنيني !! المهم رجعت للبيت . . قالت الوالدة .. هاه عسى ما جعت ؟! قلت صايم يا بنت الحلال !! <<< يا شين بعض الأجوبة اللي مالها دخل بالسالفة!! المهم إنها عدّت على خير .. وبقى هالموقف ما أنساه طول العمر !!</B> الشاهد : </B> - ترا التدرج في التربية والتعليم والتدريب من أهم المتطلبات !! مهيب الدعوى قل به قل به !! - أفهموا إن " الطفولة " مرحلة لازم يعيشها البزر !!</B> http://upload.alhilal.com/img/019/4741653_382x102.jpg ختاما .. ثلاث نقاط سريعة : </B> أولا : والله إني أحبكم يا حقين المجلس .. ولكم معزة خاصة .. لكن أدري أنكم عاذريني .. والجايات أكثر . ثانيا : ألف شكر للأخت الهنوووف والطاقم المساعد لها شكر خاص .. والمفروض هي والأخت شذى يستفاد من طريقة دعوتهم للأعضاء المشاركين في الفعاليات !! لأنهم يملكون من الأدب والرزانة والاهتمام الشي الكثير .. اللي يجبر الواحد إنه يثمـن هالحرص والجدية في الدعوة .. ويوافق على الاستضافة .. شكرا الهنوووف مرة أخرى . ثالثا : أعتذر على هالمصالة .. والإطالة اللي مال أمها داعي .. لكن طمرّوا وتراكم بحل !! </B> http://upload.alhilal.com/img/019/4741653_382x102.jpg كل الشكر لـ القلم الساخر **][ " مــغــاط "</B>♥][</B> ** يوميات مميزه ونصائح قيمه بنكهه مغاطيه سعيدين بمشاركتك بالمجلس العام:smilie47::rose:http://vb.alhilal.com/images/icons/icon7.gif وانتظرونا غداَ </B> مع المتميزة عاشقة الزعيم 15 :rose:.- http://vb.alhilal.com/news/1div.gif أرق التحايا وأطيبها من </B></B></B> مشرفي واستشاري </B></B></B> المجلس العام |
(في البداية اعتذر انا الهنوووف :ga:عن الخطا الفني :d فهذا يوم 19 لـ الاخ مغاط :rose:لاني لخبطته معاي مره اقول 19 مره 20:s2: بس الظاهر يحب التميز فـ اختار 19 :d:s4s:) هلا والله بك اخوي مغاط واهلا بك بالمجلس العام s13s مايمدحون الترحيب الكثير يقولون يصيب الشخص بالغرور :s2: ندخل على اليوميات ع طول :s4s: الشاهد الاول :d على طاري الشكر فيكم طبع يالرجال يقهر لاعجبكم شي تنتقدونه :s5s: كانه عيب تقولون حلوو:s2: اتذكر خالي لاجذبه ولفت نظره شي بلبسنا جلس يعذرب :s2: حتى ابوي الله يطول بعمره :smilie47: لاقلت له شرايك قال حلو بس وراه قصير والا طويل والا لونه وراه كذا والا مدري ايش :s2: الشاهد الثاني اصلا مايترزز الا الي يحس بالنقص :s5s: الشاهد الثالث :d يقولون لك ابوطبيع مايجوز عن طبعه وهالطبع بالحريم فصعب تغيره او تقنعهم لاشعوري اصلا :s2: مثل كلمه وينك في - - - > متبريه ماكنها منهم:s2: الشاهد الرابع المدح نحبه ونفرح فيه حنا الكبار كيف بالصغار:s5s: الشاهد الخامس بالعافيه الشكشوكه :ds121sيالتسذوب \ :smilie47: / عوافي اخوي مغاط على هالمشاركه المميزهs13s وانا الي اقدم شكر خاص ومختلف لك لـ تحملك ازعاجي :ga: وعلى موافقتك وحضورك وحسن تعاملك وان شاء الله ماتوقف على هاليوميات :d نبيك نصائح للعيد اليوميات تمزيت بين الاسلوب الفكاهي والنصائح القيمه يمكن تكون بسيطه بس محد ينتبه لها :s5s: واهم شي انها ظهرت بنكهه مغاطيه لايجيدها الا مغاط مشاركتك بالمجلس العام اسعدتنا كثير:rose: شكرا لك كثر ازعاجي:s2::d :rose: بانتظار الغاليه عشوقه:smilie47: الهنوووف كانت هنا ورحلت |
من دواع سرورنا ان نتشرف بحضور أخ كريم وقلم مبدع أسمه : مغاط هذه تحية يتبعها لقاء :yes: خواتم مباركة يحفظك ربي لا جديد معك يا مغاط ولا جديد يمكن ان نقدمه لك في تميزك كل التحية والأحترام للوالده يحفظها الله وأعانها على أبنها مغاط شكرا جزيلا لك والله يعطيك العافية ،،، المتميزة دوما : الهنوووف .. أحسنت صنعا وبارك الله عملك ،،، في انتظار أختنا : عاشقة الزعيم في حفظ الله ورعايته ،،، |
., هلا والله مغاط :rose: الا هذا هو نفسه يوم مبارة المنتخب ؟ أجل سوو دمج لـ مغاط وأكن مع بعض :s4s: يومك تُحفه صراحةً الله يعينكم ياللي تداومون برمضان والله ياإنكم تاكلون شسمه :razz: والأردى من كذا الدوامات اللي فيها طلعات من مكان لـ الثاني وحوسه :cry: صحيح اننا نتعب وحنّا نزيّن الفطور بس والله ماهوب قد تعبكم ..! إقتباس:
ياسلام عليك كلامك عين العقل مقصرين حنّا من هالناحيه :cry: ياعمري يايمه دايم تتعب وكل شيء وقليل تسمع كلمات شكر :cry::smilie47: بس من تالي الناس تنبهوا لهالشيء والحمد لله صارت تنسى التعب لامن سمعت الكلام الزين :ga: وبالنسبه للإبتسامه انت صادق انا وهو انا وبالبيت لاصاروا الناس صايمين مااشوفهم يضحكون :s3s: يعني أوّل كان الأكل هو اللي يضحكنا ؟ :ap: وسالفة اننا نبي رجالنا يحبونا ! طيّب الاغراض من يجيبها لنا اذا رجّال البيت ماجابها :s5s: ترانا مجبورين ننكد عليكم بمثل هالاوقات عشان على الاقل على الفطور تلقى الشيء اللي تحبه :d شكراً مغاط على هالمشاركه الجميله ومشكور على النصائح الذهبيه :ap: نفكّر نجربها .. نفكّر :razz: بإنتظار عشووقه بكره :ga::razz: |
إقتباس:
ما قصرتوا |
مغاط يوم رائع ومميز ضحكتني كثير اضحك الله سنك :s2::s2: يعطيك العافيه يارب ويخليلك الوالده :ba1::ba1: مدري وش اعلق عليه بالضبط الموضوع كله مميز تسلم يدك اخوي مغاط :rose::rose: |
:rose:مغاط موضوعك متميز جدا :yes: أهنيك وبأعنف شي :s5s: المهم تدري وش اللي شادن بقوهـ بموضوعك .. :d انه مقسم وكل قسم فيه شاهد :s5s: بس صح عليك والله .. اما الدونات شي ثاني :ap: ايه مغاط أخوي الكبير يسلم عليك كثير السلام :s2: بالأخير أهنيك على يومك .. القميل :s3s: >>> والله يوفقك :d |
مش معؤوووووووووووووووووووول :s2: مغوطي حبيب الشعب هنا :wub: يابعد خراطيش قلبي ... انت باختصار ( ابو جلمبو ) صواميل دماغي :ga: تحفه ياولد تحفه... ياخي انت حبة ماكنتوشه وصارت عليها هوشه :smilie47: سألتك بالله انت مثلنا راضع حليب ياكوتش ؟؟ الهنوووف.... عوافي :rose: المجلس العام.... في رمضان 1430 هـ حققتوا انجازين : فيصل اليامي... ومغـاط :smilie47: |
حــــ ج ــــز:s5s: -s45s--s45s--s45s--s45s--s45s--s45s- وعليكم آلسسلآم ورحمة آلله وبركآته .. آخي مغــاطs45s || يوم مملوء بالحيوية :rolleyes: وآلكرف :dizzy: ومميز بما يحيوي من دررs37s s45sبآرك آلله فيـ ك ـم كلـ ك ـمs45s |
... السلام عليكم ورحمة الله وبركاته..:rose: وكل عام وانت بخير..ادري انها بدري بس قبل الزحمه..:razz::ba: الله يعطيك العافيه أخي مغاط..:smilie47:ويعلم الله اني من اشد المعجبين بقلمك الرائع وطرحك الهادف.. وفي انتظار رأيك عن منتخب 9\9\2009 بغياب ملك الرقم 9 ..:smilie47::cry: ألف شكر لمجلسنا على ما تقدموه في هذا الشهر الكريم..:ba1::rose: اللهم اجعلنا من عتقائك من النار.. |
WooooooW مغااااااااط بكبره هنا ... قول آمين الله ياخذك ... عندنا بالمجلس :s2: هلا والله s121s هلا براعي شلالات وادي لبن :ga: :s2: هلا والله s121s s121s هلا باللي موقّـف فيصل عبدالهادي لحده هلا والله s121s s121s s121s هلا بخريج سجون الناصريه :naughty: ... منور والله بطلتك وحياك بالمجلس :ba1: دايم اليوم يارب ... مبروك العيد قبل الزحمه وكل عام وانت بخير وصحه يارب إقتباس:
ماشاءالله كفيت ووفيت اخوي :wub: :ba1: ... ابو عسل |
يا خطييييييييييييييييييييييييييييير :d:smilie47: |
وأنا ووجهي جالس أقرا أقرا ولا حجزت رد .. وسع الله صدرك بالعافية :d ، بس يومك تحمّست وبغيت تدز العمرة شي ثاني ، قلبي عورني من الضحك << مهب قايل بطني عشان ما تحسبونه دب ، خوفكم بعد انغسل مخكم من موضوع الاخ اللي يقول شلون تعرف العضو دب ولالا .. تثكرات .. |
<TABLE class=tborder border=0 cellSpacing=1 cellPadding=6 width="100%" align=center><TBODY><TR><TD class=tcat colSpan=2>عدد المتواجدون في هذا الموضوع » 47 , عدد الأعضاء » 32 , عدد الزوار » 15 </TD></TR><TR><TD class=alt1 colSpan=2>ملك الثواني9, Lionel Messi, Soŏмα, هتلــ الزعيم ــر, miss zozo, Blue Sun, .,. SoOSoO .,., القيصر رهيب, متآبعه بصمت, إحساس خالد, عسيريه+, عاشق البلوز 1, @ ـآلــجــوكــر@, *miss SoSo*, السمسار الهلالــي, I don‘t know, أوَار, الســs ــراب, A S D, rayan0099, سـمـو الـمـجـد, RO7_ALHILAL, الحطبة, دمي ازرق واحب الابيض, اسطورة العالم, Bin-Mussa, al3z, الـسـلـطـان, هلالي اليوم وكل يوم, رائع, هلالي من ارض اليمن, زعيم الشياطيين </TD></TR></TBODY></TABLE> يارباااه يامغاط ويش هالأرقام هذه ماشاء الله.. إبداع الله يحفظك إبداااع ماشاء الله تبارك الله. أتمنى لك التوفيق أينما ذهبت. فكرة - سندريلا الهلال</B></B> اعداد ومتابعة - </B></B>الهنوووف </B></B>تصميم - عسيريه الله يبارك فيكم ياغاليين دائما ماتقصرون تحيتي قبل مودتي |
يالله حي مغاط :smilie47: اهنيك ع اليوميات و الأسلوب نصيحه لا أحد يطلع في اليوميات بعد كذا :d:s4s: أجل تقولي بغيت تروح عمره هههههههههههههههههههه و لا الشكشوكه الي مبربسين بها شكراً الهنوف فيصل :rose: |
// يعجبني الكاتب أو العضو الذي يكتب بـ أسلوب سآخر لكنة دايماً يصيب الحقيقة :) .. فل نبتعد قليلاً عن التصنع والثقافات المستهلكة :d ولنتبع الفرفشة والوصول للهدف بدون فلسفة :d ويا هلا و مرحباً فيك يبوشنب , ومنور المجلس العام ياقشششطة s45s / |
يا حياالله مغااااااااط هلا والله وحي الله والله وشتقنى لمواضيعك احلى طله تحياتي ... :) |
. يالله حي مغاط القلم الذي اتابعه واحترمه منذُ مبطي جداً نورت المجلس وياعساها ماهي أخر الطلات المغاطية . |
مغاط مقدر أقول إلا كلمة فقط ....... أنا أحبك في الله ( تراني مطوع ) !! |
هلا والله وغلا مغاط .. :smilie47: اليوم هذا غير عادي مع عضو غير عادي .. :wub: صراحة يومية ممتعة كما هي عادة مواضيع العضو .. :ba1: ما شاء الله عليك تطرقت الى كل الامور اللي يعاني منها الشعب بيومك .. :yes::d ابتداء من المطبات والحفريات انتهاء بالمنتخب .. :s5s: :s2: والشواهد كلها بالصميم تشكر عليها .. وبالذات الثالثة .. :razz: وقصة الشكشوكة هذي موضوع بحاله .. :s2: ما اقول الا الله يسعدك دنيا واخره .. :rose::razz: يعطيك ربي الف عافية على اليومية الرائعة والمميزة .. :smilie47: وبانتظار المتميزة عاشقة الزعيم 15 .. :ba1: الهنوووف يعطيك ربي الف عافية على مجهودك .. :ba1: |
اهلا سيد مغااط إقتباس:
إقتباس:
:s2::s2::s2: |
ماشاء الله عليكـ حسيت يومكـ طويييييييييييييل:to:.. اكتشفت انكـ انسان مرتب بشغلكـ الله يوفقكـ:yes: اما شكشوكة بدون خبز صارت سليييييق مب شكشوكه :d يعطيكـ العافية وسير هنا داااااايم:razz: .. الهنوووف يعطيكـ الف عافية ماقصرتي:ba1:.. |
يوم رآئـع جدآ .. ووضع القصص ثم وضع الاستفـآده منهـآ شي جميل جدآ يحسب لك وآلله لآ آجد كلمـآت ثنـآء تسـآوي قدر كلمـآتك آلرآئـعه وآلمعبره .. فـ لك جزيل الشكـر وآلثنــآآآء .. |
يوم انما ايه مغاط موتني ضحك الله يصلحك كل يومك اقراه وأنا مبتسمه .. هع يعطيك العافية اختكم ،، ميمي |
حـٌي آللـٌه مغـٌآط ,,:smilie47::smilie47::d تـٌوٍ مـٌآ نوٍرٍ آلمجـٌلس وٍآللـٌه ,,:smilie47::smilie47::d آقسـٌم بآللـٌه مـٌن آمـٌس .. وٍآنـٌآ آنتظـٌرٍ يوٍميـٌآتك علـٌى آحـٌرٍ مـٌن آلجمـٌرٍ ,,:smilie47::smilie47::d لآنـٌي عـٌآرٍف آنـٌي بآضحـٌك ليـٌـــــــن آقـٌوٍل بـٌس ,,:s2: آلآ عـٌطآرٍي آلضحـٌك ,,:d إقتباس:
يقـٌوٍل آلصخـٌرٍهـ آن آنجـٌآزٍآت آلمجـٌلس هآلسنـٌة آستضـٌآفة مغـٌآط وٍفيصـٌل آليـٌآمي ,,:d لكـٌن آنـٌآ آقـٌوٍل آن آلآنجـٌآزٍ آلوٍحيـٌد آنـٌكم آستضفتـٌوٍآ مغـٌآآآآط وٍبس ,,:smilie47::smilie47::d آخـٌيرٍآ رٍآيـٌت آسـٌم مغـٌآط بآلمجـٌلس ,,:smilie47::smilie47::d يـٌآخي عـٌآرٍفين آنـٌك مشغـٌوٍل وٍلـٌنت فـٌآضي لنـٌآ<_ تكفـٌى يآلوٍليد ,,:d ^ لآحـٌظ آن عـٌقليته زٍي عقليـٌآت آلشعـٌب آلسعـٌوٍدي .. عنـٌدهم آطلـٌدزٍ وٍآحد آلوٍليـٌد بن طـٌلآل ,,:naughty: لكـٌن كـٌل مـٌآ آخـٌذت سيـٌرٍ علينـٌآ يـٌآخي ,,:smilie47::smilie47::d مـٌآ آقـٌوٍل آلآ آللـٌه يعـٌطيك آلعـٌآفية ,,:smilie47::wub: وٍآضـٌحتس آللـٌه سنـٌك ,,:smilie47::wub: وٍطـٌوٍل بعمـٌرٍك ,,:smilie47::wub: آلهنـٌوٍف .. جهـٌد جبـٌآآآآآرٍ يآلغـٌلآ .. بعـٌد مـٌآ شفـٌت مغـٌآط .. آتمنـٌى رٍؤٍيـٌة آلرٍآئـٌع نيـٌوٍتن ,,:smilie47::smilie47::d مـٌوٍدتيّ ,,:smilie47::rose: |
. . هلآ والله اخوي مغآط وحيآك الله بالمجلس العآم :ba1::rose: يآطول يومك ويآمسرع ماانتهينآ من قرآءته مشالله حلو اسلوبك ..:ga: مثل مآقلت الام دائم تحتآج للكلمه الطيبه يمكن تكون عآنت بسبب مرض او تعب او اي شي ( الله يعطي مامتك الصحه العآفيه) وهالكلمه رآح تعوضهآ عن هالشي وتحسس بإحساس انهآ ربت وتعبت وجنت ثمر تربيتهآ:yes: & لمآ تمدح أي احد بشي سوآه يفرح بهالمدح وكل يوم ينجز اكثر واكثر .. والمرأه ترى تقدر اللي يمدحهآ :razz: ماعليك من الطلبآت عادي مآراح تلقى وحده ماتطلب تقبل الوضع وخلك ايزي :s4s: & عجبني كلآمك عن منتخبنآ الامتطور بصرآحه :cry: مآخرب لعيبتنآ الا الدلع الزآيد والعقود اللي تقدر بالملآيين وخطط سلطآن المدروسه يآليت يترك المكآن لغيره , خلاص انتهت صلآحيته ...! :) عسآك ع القوة ان شالله .. وتشرفنآ بـ وجودك في مجلسنآ , وان شالله نشوف طلتك الحلوة على طول :) والله يخليلك امك وان شالله تبلغ فيك وتشوف عيالك.. والله يعطيك الف عافيه ...! وبالنتظآر عشوووووووقه :smilie47::smilie47::smilie47::wub::ba1: . . |
أهلاً مغـاط .. ماشاء الله يومك حلو .. مثل ماتوقعت : ) أسلوبك ماشاء الله مافيه كلام .. ممتع جداً .. و يوسع الصدر .. :smilie47: حلوة فكرة الشواهد .. و هذا دليل إن أيامنا فيها فوائد كثير : ) أعجبتني الحكمة حقت أينشتاين :( :D الله يخلي لك الوالدة و يمتعها بالصحة و العافية .. و يخلي لك إختك الصغيرة شريكتك في مشروع ( مغـاط دونات ) :s2: شكراً على مشاركتك في المجلس .. و أتمنى نشوفك أكثر و أكثر .. شكراً الهنوووف على إختيار مغـاط .. و شكراً على كل شي :wub::smilie47: بإنتظار عاشقة الزعيم 15 :ba1: |
إقتباس:
يوم جميل ورائع بالاحداث المغاطيه ... :ba: |
ي أخي اسمح لي أقول لك انك انسان بطل :d الله يوسع صدرك على هالصبح مثل م وسعت صدري شكراً |
يوم مميز جامع الضحك والفايده بوقت واحد الله يعطيك العافيه والف شكر على القائمين.... |
السلام عليكم ورحمة الله وبركاته تحيه طيبة لك أخي مغاط .. :ba1: أستمتعت بكل حرف .. وكل حرف يستحق أني امدحه .. لكن منب مادحه .. لأن المدح في حضرتك لا يفيد . رغم أني لست من المتابعين للجمهور الهلالي .. إلا أني قرأت مواضيع كثيره لك هناك .. من خلال ملفك الشخصي . أسلوبك فريد .. لا يتقنه إلا أنت .. << مب قلت مارح تمدح ؟ أما بالنسبة للهنوف .. فاعتبرها " ضربة معلم " منها . وهي بالحقيقه .. معلمه معلمه معلمه معلمه وستين معلمه :rose::rose::rose::rose:. مغاط .. ودنا نشوف لك موضوع واحد هنا . الهنوف .. وش أقول ؟! أستاذه .! بإنتظار لينــــا غداً .. :rose: فمـان الله |
/ وعليكم السلام ورحمة الله تعالى وبركاته ~> " وإذا حييتم بتحية فحيوا بأحسن منها " http://vb.alhilal.com/images/icons/icon6.gif أهلاً وسهلاً مغّـاط :rose: كل عام وأنت بخير , وتقبل الله منا ومنك صالح الأعمال .. ما شاء الله تبارك الله يووم جمييل وأسلووب راائع الله يوسع صدرك بالعافية ’ صعب التعليق على يومك .! ما شاء الله كتابة توسع الصدر وتنير العقل :yes: ~> حكيمة :razz: نصاائح راائعة الله يعطيك العافية ويجزاك خير :rose: وليتك تزورنا قُبَل بالمجلس :yes: , الجمهوور بعيد ومشوار نروح له s20s.. \ إقتباس:
مانبي كلمة حلوووة , بس يمدح الطبق وهذا يكفي >< مو يعجبه وينسب العمل والإنجاز للأخت الصغيرة الي ماسوّت شي >< \ / الهنوووف :ba1: ذكرتك البارح وأنا على سجادتي ودعوت لك دعوة صادقة بإذن الله :smilie47: ~> تكفيكِ ؟! :wub: .. لنوووش :ga: متوقعه ان رمضان ماراح يمر هالسنة الا وانتِ كاتبة يومياتك :wub: بالتوفيق يالغلآ , أنتظرك بشغف :smilie47: ــــــــ |
ياهلا والله مغاط :) حياك الله يالغالي و اهلا بك في المجلس العام :) قرات يومياتك لديك اسلوب مميز ماشاء الله تبارك الرحمن :) دمت بخير :) |
صنع النكتة.. و رسم الإبتسامة.. أمرٌ صعب جداً.. لكنّك أجدت فيه أيّما إجادة.. شواهدك كانت.. غايةً في البساطة و الفائدة.. و أوصلت ماتريد بلغة سهلة قريبة للنفس.. و هل البلاغة إلّا الكلام الكثير يختصره صاحبه في جملٌ معدودة..! شكراً.. |
حي الله افضل واطلق وانضج فاكهة بمنتدى الزعيم . الاستاذ مغاط صاحب الأسلوب الساحر والنقد الساخر : من شده الأعجاب بقلمك لا تكاد تمر مشاركة لك إلا واجد نفسي مجبراً بالرد والتعليق عليها ولو بالقليل ويرسل الرد حتى لو قدر له بالظهور بأخر الردود بعكس المواضيع الاخرى الرسمية والتفاعلية كل ذلك ناتج بأسباب عملية الجاذبية المغاطية .اغلب مواضيعك تستحق ان ترسل برابط للاصدقاء والمعارف . الله يونسك بكل ايامك زي ماونستنا بيومك .ويجعلك ذخر للمنتدى واعضاءه . تقبل تحياتي وتقديري |
هلا وغلا مغاط :ga: وعليكم السلام ورحمه الله وبركاته .. يا حيا الله مغاط منور يا باشا :s2::rose: كل ما افتح اليوميات ارد تطلع لي مليون شغله :s5s: واليوم حالفه الا ارد s121s إقتباس:
كلامك درر والله .. امهاتنا يتعبوا عشانا كثير واقل حاجه كلمة شكر لهم :smilie47: إقتباس:
مبتسمه دايما الحمدلله :d:d إقتباس:
صعبه افكهم من شري اصلا مايمداه يوصل البيت وهو راجع اتصل جيب لنا كدا وكدا ولاتنسى كدا s121s الله يخليهم لنا بس :smilie47::d ماشاءالله عليك اسلوبك حلووو وماحسيت الا وانا مخلصه قرايه :s2: الهنوووف يعطيكِ الف عافيه ياااارب :smilie47::ba1: :rose: تحياتيـ عاشقة الزعيم15 |
أحلى شي أنكم أستضفتوا الأستاذ مغاط للحق من أفضل الكتاب في الشبكة وزيارته هنا لها وقع مميز عندنا ونتمنى تكرار زيارته للمجلس بيوزره ويكون للمجلس نصيب من حروفه المتميزة يوم جميل مليء بالأحداث الله يجعل بقية أيامك مليئة بالسعادة والجمال بالحب والإشراق |
يومك ميزه اخ مغاط ونصائحه رائعه الله يحفظك شكرا يالهنوووف |
يا حليلكم .. ويا زين هالريحة .. والله يا أنتم حركات يا حقين المجلس .. مهوب مثل الجمهور الله يدفع البلاء .. قشام .. وقواطي سن توب .. وقطع كيك جبن !! الصراحة أنكم منتدى متكتك .. وإن كان لي من تعليق .. فهو : إنه يكون لكم " نافذة " في منتدى الجمهور الهلالي !! بحيث يكون هناك موضوع متجدد يوميا !! وروابط لأبرز المواضيع عندكم !! الصراحة أول مرة أجي هنا .. المنتدى فيه " روح وانسجام " !! ينقصه التفاعل المطلوب !! يعني " الكيف موجود " باقي الكم !! وهو " ضروري في عالم المنتديات " !! لذلك تكفون يا استشاريي المجلس .. أحرصوا إنه يكون لكم موضوع (ثابت) ويومي هناك .. بالتنسيق مع (مشرفي واستشاريي الجمهور) وتكون روابط للمواضيع المميزة !! بحيث أي عضو يدخل الجمهور .. يقدر يوصل لكم عن طريق ( دريشة المجلس ) !! ----------------------------- الهنوف : أقدر أقول إنتس فيتس (روح ونشاط) عضو .. على عز طفرة العالم بالنت مبطي !! ما شاء الله عليتس .. تكفين لا تفقدين على هاللياقة !! وحافظي على هالنشاط !! وهالروح العالية و الراقية !! خفة طينة .. وجدّية في الآداء !! تف ما شاء الله عليتس .. يقعد يجيتس رباط ونبلش بتس !! (صورة تريلة مليانة بزارين ومعهم ورد وماديـّنه لتس ) !! ----------- هلالي من أرض اليمن : مكسب لأي منتدى تتواجد به .. اللي يعجبني فيك يا هلالي إنك ما بقى إلا تفصخ وزارك وتصير " سعودي " .. منسجم بشكل غير طبيعي من كل ما هو " أخضر " !! و هالشيء اعتبره تحدّي وصعب !! لكن الإبداع خلاك تتجاوز الأقاليم !! ( صورة جنبية خضراء .. وعليها صورة علي عبدالله صالح .. وتحتها سيفين ونخلة ) !! -------------- وجدان : إقتباس:
أزلب بقالة الحين عندها .. دبـّاب توصيل طلبات !! غير إن اليوم فيه 24 ساعة وقفت على هالوقت !! يا حبكم للضيق يالحريم !! يا تدبلون تسبد الرجال بحبابتكم !! يا تغثونه وتحومون تسبده !! <<-- إلا أنتم يالرجال اللي مدري وش يرضيكم !! تحياتي لتس وجدان هانم .. اقتباساتس و تعليقاتس كيفـت مندوبي .. (صورة دباب بقالة مابقى شي ماجابه <<-- يبي يفتك منتس ) خخخخ .. -------------- شوق الكويت : إقتباس:
يكفي مرورك يا جدي .. ويا جعلها ضحكة دايمة .. بلغ الأهل والأخوان سلامي .. (صورة دشداشة عليها رسمة دباديب وورد ) .. --------------- مستر ريلاكس .. إقتباس:
عليه السلام .. يالله باي .. <<-- سحب على مندوبك !! تحياتي لك ولأخوك الغالي .. هاه متى أجي أتسحر عندكم ؟ <<-- والله الورطة لا عادت على هالرد !! تسلمون يالغاليين .. وأتشرف بمداخلتكم .. (صورة شجرتين أناناس طالع منهن ورد .. لك وحدة ولأخوك وحدة .. شموهن من فوق .. وعرموّهن من تحت ) .. ------------ الصخرة : إقتباس:
هلا بالغالي هههههه .. تحياتي لك ولمتابعتك المستمرة .. والانجاز تواجدك وحضورك .. وبالنسبة لسؤالك .. أحب أقول لك كنت متعلق بـ ( أورنجينا ) اللي تنرّج جيدا !! لدرجة يوم سجلوني بأولى .. صار جسمي من البطن وأنت طالع كله رقبه !! وخصري على خبرك خابر الين رجليني .. كله كرشه !! وعلى شوي شوي ومع التدليك والقراية .. بدن ينبتن سيقاني وفخوذي يوم وصلت سادس <<-- تحس إنها سواليف بزرين متعرفين على بعض بصحن الدوار .. (صورة موسى نضاويبي يشوت فاول وأنت صاف حيطة قدامه وتنفخ على الحكم ماتبيه يبعدك من وساعة الوجه <<- وراه قلب عليك ) .. تسلم على هالمرور يا بعد تسلوتي .. ------------------ Mr:A.W التميز .. بحضورك وتواجدك <<-- على فكرة ترى هالكلمة باللغة الفصحى تعني (الحزن والتباكي) وحنا عشان ثقافتنا منتديات في منتديات !! درجت هالكلمة على لسانا وصرنا نستخدمها بالمكان الغلط .. والمفروض نقول .. بـ(وجودك) !! <<-- وش عنده مغاطويه !! (صورتي أنا وأياك وحنا طاقين إزار ورداء ومعنا أبو جلمبو ونكسّر أصنام قريش ) .. ---------------- الزعيم Osams يشرفني هالمرور المتميز الأنيق وهالتواجد <<-- لا حول ما قلنا غلط !! ليه الغلط يصير له طعم ؟! اتشرف بحضورك .. وبخصوص طلبك أبشر بعزك .. بس نبي نشوف وش تسفر عنه الأمور بكرة وخلال هالاسبوع !! و عقبها يصير خير !! (صورة واحد جالس على كرسي ويهز برجله وعلى أعصابه إلى السبت ) !! ------------------------ إحساس خالد : يا هلااا ومرحبتين .. يطول عمرك يا بعد طحالي .. لا أخفيك أتشرف بك وبكل متابع !! لعنبو بليسك وشلون عرفت ذولي كلهن ههههه .. الف شكر على هالحضور الرائع .. (صورة ددسن منشق أديتره الظهر .. وتحتري أحد يجيك .. ومشغل : زنبك إيه زنبك بحبك !! هو بعد الحب زنب !!<<- والله اللي مهوب وقتها ) !! ----------------------- متابعة بصمت : هههههههههههههه <-- خير ؟! ------------ كان هناك .. هلا بحبيب قلبي .. يا اخي تكفي قرايتك مهوب لازم حجز ووجع راس .. وبعدين لا تبعد الشبهه أحس لك خديدات وفيك من ملامح سامي أبو خضير !! ولك ذوليك اللحيمات اللي تجي بآخر الظهر !! لا بسم الله عليك <<-- ضاق صدره .. ( صورة قلب حب مخطط بأزرق ومنشق مع النص لدرجة أقدر أشوفك مع الجهه الثانية ) .. ----------------------------- ملك الثواني الأخيرة .. يا هلا بالغااالي .. يا أخي أثمّن لك هالمتابعة وهالحرص .. والحضور المستمر .. يا أخي وش تبي مني بالضبط أنت ؟! <<-- يا شين اللي ما يعرف يعبرّ عن مشاعره .. تحياتي لك يابعد مغاط .. (صورتي وأنا ألبسّك مغاط بيدك اليمنى وكاتب عليه .. يا حبي لك ) .. --------------- ASD هلا والله ومرحبتين .. يا لبىّ هالضحكة .. ويا جعلها دوووم .. ومنورني يا جدي .. (صورة واحد معه قدر الشكشوكة اللي انت خابر ويحاول بك تاكل <<-- ما يبي يتسمم بلحاله ) .. ----------------- شكر خاص للأختين المبدعتين اللي ما دريت عنهم والله إلا في هالموضوع وإلا كان شكرتهم بالبداية .. ( سندريلا الهلال ) :rose::rose::rose::rose: ( عسيرية ) :rose::rose::rose::rose: بيّض الله وجيهكم على هالجهد الجبار .. ومن تميز لتميز .. ---------- الباقين راجع لكم إن شاء الله إن الله عطانا عمر .. ززززززززين طيب طيب هذاي نازل <<-- يرّد على الأهل !! |
أحس أنك تقول وش يبي ذآ توه يرد :s5s::smilie47:!! الله يوسع صدرك على هاليوميآت , ولك موآضيع بطله في منتدى الجمهور < جآيب جديد !! :s5s::ba1: بس من تآلي مآعآد أدخل وآجد لمنتدى الجمهور , يجيب الدوخه مدري ليه :s5s: < يآسفآبي صح !! :d:smilie47: كل الرد علشآن أقول لك , سيير في المجلس وترك تدل المحل الحين ولا لك عذر < مآسكه علوم مرآجل :s5s: c.u |
هلا والله حي الله اي والله على هالرأبهـ :d سدادهـ :ap: الله محيي اصلكـ يا عقيد :s2: هلا بمغاط .. منور المجلس بهالطلهـ :ba1: ياعلي كماخهـ بعد :( الحين قاريهـ اليوميات المغرب ولا حجزت ولا شي :to: لين اني تقلفعت الحين بالصفحهـ الثالثهـ :to: ماعلينا :d تدري عاد اني حسدتكـ على شي واحد :wub: مو حسد قصدي اغبطكـ عليهـ :s2: تنظيمكـ للوقت بالدوام :s5s: ماشاء الله قادر انكـ ترتب كل شي بوقتهـ وتسوي لكـ قائمهـ بالمهام وترتبها بالاولويهـ .. ماشاء الله تبارك الله .. الله لا يضركـ .. تصدق :d بالنسبهـ للنصيحهـ انا نفسي ماحبها :s2: ماحب اكلم ابوي باي موضوع او اطلب منهـ شي وهو جاي من برا البيت :s5s: احسن وقت يحبهـ ابوي بعد مايصحى من النوم :ga: يصير مروق مرررهـ وشبعان نوم :ga: برايفت / ياخي بما انكـ حبيتنا حنا آل مجلس :ap: وش رايكـ ماتطب علينا كل فترة وفترة بموضوع :wub: مستخسر علينا الضحك يعني :s3s: .. بانتظار عشوقهـ :smilie47: |
الف شكر للجنود المجهوله <<<<< جنودن وش حليلها فكرة - سندريلا الهلال اعداد ومتابعة - الهنوووف تصميم - عسيريه مغااااااااااااااط وبإختصار انت مغاط الابتسامه ماشاء الله عليك تشققت براطمي وعطشت من الضحك وانا توني ممسك الله يهديك يوميات رائعه من رجل منتج ورائع مغاط يبيلنا يوم معك في روم الزعيم بالبالتوك لازم تعطينا من وقتك شوي :rose: بس لاتجي عقب الفطور على طول مانقوى نتنفس وماحد ياخذ المايك اصلا <<<<<<<< ضامن مغاط يبي يجي |
| الوقت المعتمد في المنتدى بتوقيت جرينتش +3.
الوقت الان » 06:48 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd