ولا زمان الكهول ( حسين .. كريري .. نور ) وجا زمن الشباب ( عطيفين .. هزازي .. الشلهوب )
 

السلام عليكم ورحمة الله وبركاته
---------------------------------------------------------------------------------------------------------

اللهم لك الحمد حتى ترضى ولك الحمد إذا رضيت ولك الحمد على كل حال

اللهم لك الحمد كما ينبغي لجلال وجهك وعظيم سلطانك

اللهم لك الحمد على كل حال

وعسى أن تكرهوا شيئا ويجعل الله فيه خيرا كثيرا

قدر الله وماشاء فعل

---------------------------------------------------------------------------------------------------------

* مثل ماقلت من قبل ماراح ناخذ زمننا وزمن غيرنا .. بكل صراحة المنتخب البحريني أفضل من منتخبنا في هذه الفترة لاعبينه عندهم انضباط تكتيكي واحساس بالمسؤولية .. أغلب اللاعبين محترفين في دوريات خليجية قوية .. نتمنى لهم التوفيق ..:yes:

* مدري ليش احنا نحب نحافظ على اللاعبين الكهول بالرغم من وجود الشباب القادرين على العطاء ..:cry:

* كانت لياقة لاعبينا ضعيفة .. وكان اللاعبين ينقسمون في ضعف لياقتهم إلى قسمين :
القسم الأول : لياقته ضعيفة بسبب الكبر في العمر وهم حسين عبدالغني وكريري وياسر القحطاني .
القسم الثاني : بسبب الاكثار من الاكل عالفطور لدرجة ان واحد من اللاعبين واضح الفيمتو على شفاته وكانه مسوي دعاية وهذولي هم تيسير والشمراني ..

* أنا متفائل جدا في السنوات القادمة لأن كثير من اللاعبين العالات على الفريق بيروحون لأنهم كبار في العمر ( حسين عبدالغني .. سعود كريري .. محمد نور .. سلطان بن فهد ) وبيجون الشباب ( عيال عطيف .. الشلهوب .. هزازي .. الغنام .. وليد عبدالله .. وغيرهم )الي بيجيبون لنا التأهل بإذن الله ..

* نحتاج مدرب مثل جيريتس يخلي اللاعبين ينضبطون في برنامج تدريبي وبرنامج غذائي حتى يصيرون بجد لاعبين محترفين .. أما الآن اللاعب ياكل الي يبي ويدخن ويشيش ويجي يلعب المباراة .. مع انه مدفوع له ملايين والمفروض يلتزم بالنظام .. مدام لاعبينا مايلتزمون بالنظام الغذائي وبفترتين تدريب بنبقى مثل ماحنا ..

* همسة حب .. :smilie47: تأهل المنتخب لن يرفع درجاتنا في الجنة ، وخسارتهم لن تجعلنا من أهل النار فلاتغضب :smilie47:

دمتم بود :ba:

بعيدًا عن أقسامك ..

المنتخب كـ لاعبين كان جيّد ..
لكن بيسيرو كـ مُدرب كان سيء ..

لاعب بوسط واحد وتيسير كـ محور ثالث ولاعب وسط مُساند ..

سعود كريري ونور قدّموا مستوى ، وحسين سواء قدّم او ما قدّم عمره في المنتخب ( شبه ) منتهي ..

أمّا ياسر القحطاني اللي عللت ضعف لياقته بالعمر تحدّثت وكأنك تتحدث عن لاعب ( شايب ) !
ياسر القحطاني من اللاعبين متوسطي العمر في المنتخب ..
والشلهوب من اللاعبين الكبار في المنتخب ! أي شباب اللي تتكلم عنه !
الشلهوب عاصر الثنيان والجابر والتمياط من الجيل القديم ! وتقول لي شباب !!

عمومًا الشلهوب لاعب سريع في لمساته وصناعة الكرات أمام المرمى ..
وهذا كان مطلوب في مباراة أمس .. لكن بيسيرو طال عمره عنده قناعاته !!

واللي تقول ثقّلوا بالفطور ، اقول لك هذا منتخب ولاعبين محترفين وليسوا في تصفيات دوري حواري رمضاني !
اللاعب ( غصب ) عليه يمشي بالنظام الغذائي المفروض عليه ..

التشكيلة كان ناقصها أمس أحمد عطيف مكان الغنام ..
والشلهوب مكان تيسير كـ صانع لعب صريح ..

عمومًا قدّر الله وما شاء فعل ..

والهزيمة درس جديد لتقديم مزيد من الخطط المدروسة !

لا تجيب طاري جيريتس .. تراه أهل الخطط المدروسة على الريحه ..

يعطيك العافيه ..

عموما حتى الشلهوب المفروض تضمه مع حسن وكريري ونور

حياكم الله ..

أخوي هلال القرعاء .. :yes:

المنتخب كان جيد لكن لياقتهم ضعيفة وفيه لاعبين حركتهم بطيئة ..

اما بالنسبة لنور وكريري .. أنا أشوف إنه كريري كان لعبه ضعيفة وبطيء أما نور ماقصر وأنا أتمنى إنه يستمر إلى كأس العالم الجايه - إذا ماقامت القيامة - ولكن ماعتقد إنه نور يواصل ..

وياسر والشلهوب كلهم أعتقد الشلهوب ممكن يستمر للفترة الجاية .. وياسر يمكن مثل ماقلت متوسط العمر

أنا ماعتقد اللاعب السعودي عنده نظام أكل ولاقد سمعت ..

يعطيك العافية على مرورك

اه اه اه يالشلهوب والله ثم والله انت اللاعب المثالي

اخلاق .. تهديف .. سرعه في الحركه .

وش تبي اكثر من كذا يبسرو

بالفعل كنا محتاجين للشلهوب خصوصا في هالمباراة