نادي الهلال السعودي - شبكة الزعيم - الموقع الرسمي

السلام عليكم ورحمةالله وبركاته : تابطتُ ملفي العلاقي ذو اللون الاخضر الذي يرمز الى وطنيتي الخالصه .. والقيت على والدتي تحية الصباح ( مهيب العاده ) وفكت عقدة في جلالها ..واذا فيه عشرة ريالات(متعفطه )وطلبت مني ان اعود لها بلبن وبريالين خبز ..ولي الريال الباقي ... وطلبت من مديرةالمنزل ( سري لنكيه ) اعداد وجبةالافطار المعتاده وهي عباره ( سندويش جبنه بيضا وطحينيه وببسي ) ..ثم نتعت محرك سيارتي .بعدما دفعها معي سوااويق جيراننا .. ومريت محطة الوقود ..وبكل انفه وكبرياء ..والعرق يتصبب على جبيني (مقفل الدرايش والمكيف خربان عشان محد يقول ماعنده مكيف ) , اخرجت تلك الورقه من جيبي ..وكاني اخرج سيفي من غمده واذا هي ورقه من فئة الخمسه ريال .. وعندما ناولتها عامل المحطه ..قال لي انه قد ملاء الخزان بسبعة ريالات (وانا اللي ابحل بعمري) ..فنهرته ..وقلت له : لماذا عبيتها بسفن ريال ايها الاخرق.. فاجانبي .. عندما رايتك وانت مشخصاُ توقعتكا بتقول عب (فل ) ..واسقط في يدي (هذي وش معناها دايم اسمعها ) ..فقلت له : مالك الا الرخصه خلها عندك ..حتى ْءأتيك ببعض النقود لاحقا ياهذا..فنظر لي نظرة احتقار وكاني به يقول (ياشين السرج على البقر ) .وقال: مافي تاخير مخ خربان ...فاضطررت ان اسايسهو ..حتى الحق التقديم .. وفي طريقي اضطررت للذهاب مع طريق الملك فهد .. وكما تعلمون تلكم الزحمات (جمع زحمه ) ..وانا اقف في كل ثانيه اربع مرات .. وصوت الفرامل يقول (غيرن الله يرحم والديك ) ..وانا في منتصف الطريق ..اخذتني احلامي الورديه .. باني اشغل منصب مدير في دائرة حكوميه.. وءأمر هذا ..وانهى هذا ..وأدلل هذا .. وألعن خير هذا . بحكم منصبي ... وفي خضم (بعز) الاحلام ..واذا بي ..اسمع دوي الفرامل ..من السيارات التي امامي .. وانا اللي اضرب هاك االفرامل ..(وهي تقول الفرامل يعني :ههههههههه.ياحليلك انت وشخصيتك احضن شنطة الفياقرا اللي قدامك الله لايهينك ) .. وماهي الا لحظات .. وشبك سيارتي (ذو الزبرقه ) مشمعون في علامة المرسدس اللي في الشنطه .. ووجهي بين اصبح مثلثا لان الدركسون كان مثلث . .
وترجلت عن سيارتي .. وانا في حالة من الذهول وش لون اسايس راعي المرسدس . وترجل راعي المرسدس من سيارتهي .. واذا هو رجلا اربعيني بلاشنبا وبلا لحيه .. (حمر عطر ) ..فسارعته بالسلام .. وقلت له : الحمدلله على السلامه .. والله احس الصدمه كنها في قلبي ..
فقال لي : الله مير يعين كلبك على تصليحها..<== (من جماعة عكالا خضر وعكالا حمر ..
قلت : اذا سلم العود الحال تعود <-- انواع المسايس
قال: انفخ ياشريم قال مهنا من برتم .. <== وش جابها ما ادري عنه ..
انا يوم شفت سواليفه تسذا جحدته .. وجلسنا ننتظر 911 .. وفي وقت قياسي ..جت الدوريه .. ولكنها للاسف كانت محمله اربع رفقان(متخلفين ) وشطفونا ولا عبرونا .. وبعدها ببضع دقائق(من دقائق كوكب المريخ) جاءت تلكم اللومينا ...وترجل فارسها من السيارة وقال : وين صاحب هالخرده <=== يقصد سيارتي
قلت له: سم ياطويل العمر
قال: انت ماتشوف ..والا ابله .. ووالا شارب شي ..
فسكت وانلدمت ..
وتوجه الي صاحب الفياقرا .. وابتسامة تنم عن خبث .. وقال له : الحمدلله على السلامه .. والغلط على راعي هالخرده ..100%
قال خوينا: الله مير يسلمك ..مير ماحناالانبي السلامه ..ولله انه خكل كلبي خكله <== والله من حومة التسبد ..
قال له ذلك العسكري : طيب تبي منه شي ..
قال: ابيه يتعزر مني .. وانا خويك <--يقصد اوخيك

جاني العسكري وقالي : اعتذر منه ..عشان تروح ..
عرق الكرامه اللي في الجبهه بدا مفعوله .وقلت : ما اعتذر ..لو يطير ويوقع ..
قال :اقول اعتذر احسن لك ..لو بعت موترك ..ما جبت قيمة الرفرف ..والعسكري يحاول جاهدا اقناعي ..وانا ارفض .. قال لي: اقول جب الرخصه ..يو قال تسذا ..وانا اللي اطمر على رابوس جبهةابو الزنوم (جمع زنمه ) واحبها واعتذر ..وسامحني الله مير يوفكه ..وقال العسكري ..كل واحد يعطيني رخصته عشان اوراق الاصلاح .. والفه على طول : الرخصه في التجديد وتخلص بعد الصلاه . ..وطلع راعي الفياقرا ..الرخصه ..والدفتر الاخضر (اقامه للمسليمن ) .. وتقفل مع العسكري وقال له :انت صاحب السياره ..قال :ايه ياطويل العمر .. هذي مير سيارتي ..شاريها بنيراتي (ريالات بالاردني ) ..وتطلع السياره باسمه .. المهم ..اخذ كلاانا ورقة الاصلاح .. وانا افكر في التقديم لم يتبقى عليه الا ربع ساعه .. وسيارتي .. مابه شين صاحي .. ..فقلت :مالي الا ابو نجفه (ليموزين ) .. وماهي الالحظات حتى وقف امامي كاصقر .. وفتحت الباب وقبل ان اقول له شيئا ..رمق ذلك الملف العلاقي بنظرة تقول (اخس عليك يا زمن ) وقال : انتا في روه ديوان ..فقلت له: ايوه سديق .. فطار بي ..وكانما هو صاحب التقديم ..وماهي الا دقيقتين ..وانا امام باب الديوان .. واخرجت من من محفظتي الديبون (ماركه ) اخر ورقة نقديه ..وهي من فئة العشره ريال ..كنت ساشتري بها لبن وخبز برا وانا راجع عشان الغدا .. وانا اعطيه العشره قلت له وانا اشكره

ان هديت حرا تعشيت **والطير الابرق مابه الاالصياحي ..

وعندما وصلت الى شباك(طاقه ..وفي بعض المعاجم دريشه ) ..وجدت مجموعة كبيره من الخلق ..وكأنهم في المرجم .. وانا احاول الدخول ..حتى علا ذلك الصوت الجهوري من تلك الطاقه:

انتهى التقديم

زفجاءه تحولت تلك الالسن التي تترجاه وتدعو له ..بان ياخذ ملفاتها .. وهي تقول

وانا اخذت زاويه بعيده ..بعيدا عن عين الاخرين ..وجلست مبوبزا .

وافكر في ريالين المحطه , وتصليح السياره , وعشرة الخبز واللبن . وشولن ارجع البيت. وماهي الالحظات ولا واشاهد ريال يوضع في يدي .. ورفعت بصري اذا هو عامل نظافه (بنقالي )..وهو يربت على كتفي ..وعيناه تقول:

..انا حظي كسير عظام ..الي منه قعد ماقام ..ردي الحظ ما ينلام ..يعيقه عن طريقه عود..